កំពុងស្វែងរកទិន្នន័យ
រកឃើញ: 12.457
-
អនុម័តច្បាប់អង្គការ៖ បក្សកាន់អំណាចអនុម័តតែម្នាក់ឯង បក្សប្រឆាំងពហិកា សង្គមស៊ិវិលធ្វើបាតុកម្ម
តាមការគ្រោងទុករដ្ឋសភាជាតិកម្ពុជានៅថ្ងៃចន្ទ ទី១៣ កក្កដា បានបើកកិច្ចប្រជុំអនុម័តច្បាប់អង្គការសង្គមស៊ីវិលដ៏ចម្រូងចម្រាស។ សមាជិកសភាគណបក្សសង្គ្រោះជាតិ មិនចូលរួមអនុម័តច្បាប់នេះទេ។ ដោយឡែកសង្គមស៊ីវិល វិញបានធ្វើបាតុកម្មប្រឆាំងនឹងច្បាប់ថ្មីនេះ។ យ៉ាងណាក៏ដោយនៅច្បាប់នេះត្រូវបានអនុម័តបញ្ចប់។ រដ្ឋសភាដែលមានតែគណបក្សប្រជាជនកម្ពុជា បានអនុម័តសេចក្តីព្រាងច្បាប់ស្តីពីអង្គកាតែម្នាក់ឯងដោយសំឡេង៦៨ លើ៦៨។ ជាការអនុម័តដ៏ចម្រូងចម្រាស់ព្រោះតែសមាជិកសភាគណបក្សសង្គ្រោះជាតិទាំង៥៥ រូប មិនបានចូលរួមប្រជុំ។ ដោយឡែកសង្គមស៊ីវិល និងសកម្មជនដីធ្លីលើកបដាតវ៉ាប្រឆាំងនឹងច្បាប់ថ្មីនៅក្រៅរដ្ឋសភា។ លោក ស ខេង តំណាងឱ្យរដ្ឋាភិបាល បានឡើងការពារសេចក្តីព្រាងច្បាប់ថ្មីនេះ។ លោកបានលើកឡើងថា ច្បាប់ដែលមាន៩ជំពូក ៣៩ មាត្រា នឹងជួយឱ្យសង្គមស៊ីវិលនៅកម្ពុជា អាចដំណើរការបានស្របច្បាប់។ បន្ថែមពីលើនេះ ច្បាប់ដែលរដ្ឋាភិបាលកម្ពុជាបានផ្អឹបទុកប្រមាណជា២០ឆ្នាំ គឺមានលក្ខណៈល្អប្រសើរជាងបណ្តាប្រទេសមួយចំនួនថែមទៀតផង។ ក្រៅពីការឡើងថ្លែងពីលោក ស ខេង រដ្ឋមន្ត្រីក្រសួងមហាផ្ទៃនោះ សមាជិកសភារបស់គណបក្សប្រជាជនកម្ពុជា ដូចជាលោក ជាម យៀប លោក ឈាង វ៉ុន និងលោក ហ៊ូ ស្រ៊ី រួមទាំងលោក ហ៊ុន ម៉ានីជាដើម បានឡើងបញ្ចេញមតិរៀងៗខ្លួន។
-
មុននេះបន្តិច រដ្ឋសភាអនុម័តជំពូក១នៃច្បាប់ NGO
រាជធានីភ្នំពេញ ៖ សមាជិកសមាជិការដ្ឋសភា៦៨រូប មកពីគណបក្សប្រជាជនកម្ពុជានៅប៉ុន្មាននាទីមុននេះ បានលើកដៃគំាទ្រអនុម័តជំពូកទី១ នៃសេចក្តីព្រាងច្បាប់ស្តីពីការគ្រប់គ្រងសមាគម និងអង្គការក្រៅរដ្ឋាភិបាល ទោះបីជាក្រុមតំណាងរាស្រ្តបក្សប្រឆាំងមិនចូលរួមនោះក្តី ។
-
លោក ស ខេង៖ មតិប្រឆាំងច្បាប់អង្គការជាការប្រឆាំងនឹងដំណើរលទ្ធិប្រជាធិបតេយ្យ
រាល់មតិប្រឆាំងនឹងច្បាប់អង្គការសមាគម ដែលរដ្ឋាភិបាលបានតាក់តែងនិងអនុម័តនៅពេលនេះ គឺជាការប្រឆាំងនឹងដំណើរលទ្ធិប្រជាធិបតេយ្យនៅកម្ពុជា នេះជាការអះអាងរបស់ប្រធានក្រុមតំណាងរាស្ត្របក្សប្រជាជន លោក ស ខេង។ ការថ្លែងរបស់លោក ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ នៅក្នុងរដ្ឋសភានៅថ្ងៃទី១៣ កក្កដានេះ បានអះអាងបន្តថា ច្បាប់នេះមានលក្ខណៈពិសេស ដែលអនុញ្ញាតឲ្យអង្គការសង្គមស៊ីវិល អាចទទួលហិរញ្ញប្បទានពីបរទេសបាន។ លោកបញ្ជាក់បន្តថា ច្បាប់នេះក៏នឹងមិនរឹតបន្តឹងសិទ្ធិសេរីភាពដល់អង្គការសង្គមស៊ីវិលនោះទេ។ លើសពីទៅទៀតលោក ស ខេង បានអះអាងថា ច្បាប់ធ្វើឡើងស្របតាមមាត្រា៤២ នៃរដ្ឋធម្មនុញ្ញដែលមានស្រាប់ និងច្បាប់ដទៃទៀត។ មាត្រា៤២ នៃរដ្ឋធម្មនុញ្ញ ចែងថា ប្រជាពលរដ្ឋខ្មែរមានសិទ្ធិបង្កើតសមាគម និងគណបក្សនយោបាយ។ សិទ្ធិនេះត្រូវកំណត់ក្នុងច្បាប់។ ប្រជាពលរដ្ឋខ្មែរទាំងឡាយ អាចចូលរួមក្នុងអង្គការមហាជន ជួយគ្នាទៅវិញទៅមក ការពារសមិទ្ធផលជាតិ និងសណ្ដាប់ធ្នាប់សង្គម។ យ៉ាងណាក៏ដោយអង្គការសង្គមស៊ីវិលជាតិ និងអន្តរជាតិមួយចំនួន បានហៅច្បាប់នេះកំពុងរឹតត្បិតសិទ្ធិសេរីភាពរបស់ពួកគេ និងទាមទារឲ្យរដ្ឋាភិបាលទម្លាក់ចោលការអនុម័តនេះដាច់ខាត ចំណែកបក្សប្រឆាំងក៏មិនគាំទ្រច្បាប់នេះដែរ ដោយចាត់ទុកថាច្បាប់នេះ មិនទាន់ដល់ពេលសម្រាប់កម្ពុជាលើយកមកពិភាក្សា និងអនុម័តនៅឡើយ។
-
កម្មកររោងចក្រ អេឃីងតិច ប្រមាណ១.២៥០នាក់ ធ្វើកូដកម្ម ទាមទារលក្ខខណ្ឌ ៩ចំណុច
រាជធានីភ្នំពេញ៖ កាលពីព្រឺកថ្ងៃទី១១ ខែកក្កដា ឆ្នាំ២០១៥ កម្មករ-កម្មការិនី បំរើការងារនៅរោងចក្រ អេឃីងទិច ប្រមាណ១.២៥០នាក់ ស្ថិតនៅផ្លូវវេងស្រេង ភូមិដំណាក់ធំ សង្កាត់ស្ទឹងមានជ័យ ខណ្ឌមានជ័យ បានធ្វើបាតុកម្មតវ៉ាទាម ទារលក្ខណ្ឌការងារ៩ចំណុច។ ការធ្វើកូដកម្មទាមទារលក្ខខណ្ឌនោះ ក្រោមការដឹកនាំរបស់ប្រធានសហជីពចលនាកម្មករ លោក ប៉ាវ ស៊ីណា ដែលមកដល់ពេលនេះ មិនទាន់រកដំណោះ ស្រាយរវាងភាគីរោងចក្រនិងកម្មករ កម្មការិនីនៅឡើយទេ។ លក្ខខណ្ឌចំនួន ៩ចំណុច ដែលកម្មកររោងចក្រ អេឃីងទិច បានទាមទារនោះ រួមមាន៖ ១. នៅពេលកម្មករ កម្មការិនី សម្រាលកូន សុំក្រុមហ៊ុនបើកប្រាក់ខែមុន៣ខែ ២. សុំឲ្យក្រុមហ៊ុនពេលផ្តាច់កិច្ចសន្យាត្រូវតែទូទាត់សំណងទៅតាមផ្លូវច្បាប់៥ភាគរយ ៣. សូមឲ្យក្រុមហ៊ុនមិនត្រូវកាត់លុយក្នុងអំឡុងពេលធ្វើកូដកម្មកន្លងមក ៤. សូមឲ្យក្រុមហ៊ុនដំឡើងប្រាក់ធ្វើដំណើរបន្ថែមទៀតចំនួន៧ដុល្លារ បន្ថែមលើប្រាក់ធ្វើដំណើរចាស់ ៥. សូមឲ្យក្រុមហ៊ុនបន្ថែប្រាក់ថ្លៃបាយក្នុង១ថ្ងៃ ២០០០រៀល ៦. សូមឲ្យក្រុមហ៊ុនបង្កលក្ខណៈ ងាយស្រួលនៅពេលកម្មករដាក់ពាក្យសុំច្បាប់ ហើយពេលកម្មករឈឺមានសំបុត្រពេទ្យត្រឹមត្រូវ ក្រុមហ៊ុនមិនត្រូវកាត់ប្រាក់កម្មករជាដាច់ខាត ៧. សុំឲ្យក្រុមហ៊ុនមិនត្រូវរៀបចំសហជីពជំនួសកម្មករ ដែលមិនបានចូលជាសមាជិក ហើយក្រុមហ៊ុនត្រូវធានាសិទ្ធិជូនកម្មករក្នុងការជ្រើសរើសសហជីព ដែលខ្លួនពេញចិត្ត ៨. ក្រុមហ៊ុនមិនត្រូវបង្ខំកម្មករ ឲ្យថែមម៉ោងដោយមិនមែនជាគោលការណ៍ស្ម័គ្រចិត្តនោះទេ ៩. ក្រុមហ៊ុនមិនត្រូវរើសអើងកម្មករ នៅពេលចូលជាសមាជិកសហជីពជាដាច់ខាត៕
-
ពលរដ្ឋមានជម្លោះដីនៅក្រចេះគ្រោងដាក់ញត្តិទី៥ទាក់ទិនដីការក្សាការពាររបស់តុលាការ
ពលរដ្ឋរស់នៅភូមិត្រពាំងស្រែ ឃុំ២ធ្នូ ស្រុកស្នួល ខេត្តក្រចេះ គ្រោងដាក់ញត្តិជាលើកទី៥ ទៅរដ្ឋសភា ខុទ្ទកាល័យនាយករដ្ឋមន្ត្រី និងស្ថានទូតប្រទេសមហាអំណាច នៅថ្ងៃច័ន្ទ ទី១៣ កក្កដា សប្ដាហ៍ក្រោយ ទាក់ទិនដីការក្សាការពាររបស់តុលាការខេត្តក្រចេះ។ តំណាងពលរដ្ឋ លោក សយ ជូន រៀបរាប់ថា អាជ្ញាធរមូលដ្ឋានយកដីកាសម្រេចរក្សាការពាររបស់សាលាដំបូងខេត្តក្រចេះ ជូនពលរដ្ឋជាង ៧០គ្រួសារ មានទំនាស់ជាមួយក្រុមហ៊ុន យូប៊ីអ៊ី (UBE) ទាក់ទិនតុលាការសម្រេចរក្សាការពារដីចំនួន ៣៧៧ហិកតារ មិនឲ្យពលរដ្ឋរស់នៅ និងពលរដ្ឋជាង ២០គ្រួសារ ត្រូវរុះរើផ្ទះចេញយ៉ាងយូររហូតដល់ថ្ងៃទី៣០ ខែកក្កដា ឆ្នាំ២០១៥។
-
ពលរដ្ឋជាង៦០គ្រួសារនៅខេត្តក្រចេះមិនទទួលយកការបែងចែកដីពីសំណាក់អាជ្ញាធរ
ពលរដ្ឋជាង ៦០គ្រួសាររស់នៅស្រុកស្នួល ខេត្តក្រចេះ មិនព្រមទទួលយកការសម្របសម្រួលបែងចែកដីរបស់អាជ្ញាធរស្រុក ដោយសំអាងថា អាជ្ញាធរហាក់មិនយុត្តិធម៌ និងមិនមានតម្លាភាព ស្របពេលដែលអ្នកដែលមិនមែនជាម្ចាស់ដី ក៏អាចមានឈ្មោះក្នុងបញ្ជីបែងចែកដីធ្លី។ ចំណែកមន្ត្រីសង្គមស៊ីវិល អំពាវនាវឲ្យអាជ្ញាធរ អនុវត្តនីតិវិធីស៊ើបអង្កេតដោយឯករាជ្យ និងសិក្សាឲ្យលម្អិត មុននឹងសម្រេចលើបញ្ហានេះ។ តំណាងពលរដ្ឋមានបញ្ហាដីធ្លីនៅភូមិស្រែថ្មី ឃុំឃ្សឹម ស្រុកស្នួល បារម្ភពីសុវត្ថិភាព ដោយសារតែភាពចម្រូងចម្រាសទាក់ទិននឹងការបែងចែកដីធ្លីជូនពលរដ្ឋចំនួន ១០៤គ្រួសារ ក្នុងទំហំដីចំនួនជាង ២០០ហិកតារ មិនទាន់ឯកភាពនៅឡើយ។ ការបារម្ភនេះ ធ្វើឡើងក្នុងកិច្ចប្រជុំកាលពីថ្ងៃទី៨ កក្កដា ស្ដីពីការបែងចែកដីធ្លីជាឡូជូនពលរដ្ឋ ចូលរួមដោយអភិបាលរងស្រុកស្នួល។
-
គណបក្សសង្រ្គោះជាតិសោកស្តាយចំពោះរដ្ឋាភិបាលក្នុងការប្រញាប់អនុម័តច្បាប់NGO
មួយថ្ងៃមុននឹងរដ្ឋសភា បោះឆ្នោតអនុម័តច្បាប់សមាគម និងអង្គការក្រៅរដ្ឋាភិបាល គណបក្សសង្គ្រោះជាតិ បានចេញសេចក្តីថ្លែងការណ៍បង្ហាញពីការសោកស្តាយ ចំពោះដំណើរការប្រញាប់ប្រញាល់របស់រដ្ឋសភា ក្នុងការអនុម័តសេចក្តីព្រាងច្បាប់សមាគម និងអង្គការក្រៅរដ្ឋាភិបាល។ គណបក្សសង្គ្រោះជាតិថា សេចក្តីព្រាងច្បាប់នេះ មិនបានផ្តល់ឪការសពិគ្រោះយោបល់ពេញលេញ និងប្រកបដោយអត្ថន័យពីគ្រប់ភាគីពាក់ព័ន្ធ ។ព័ត៌មានបន្ថែម សូមអានសេចក្តីថ្លែងការណ៍ទាំងស្រុង(ដោយ៖ឆេង សូរិយា)
-
CCHR អំពាវនាវឲ្យច្រានចោលច្បាប់អង្គការដោយគ្មានលក្ខខណ្ឌ ខណៈសភាគ្រោងពិភាក្សាអនុម័តច្បាប់នេះនៅថ្ងៃស្អែក
ខណៈដែលរដ្ឋសភានឹងបើកកិច្ចប្រជុំពិភាក្សាអនុម័តច្បាប់អង្គការនៅថ្ងៃស្អែក មជ្ឈមណ្ឌលសិទ្ធិមនុស្សកម្ពុជាបានអំពាវនាវជាថ្មី ឲ្យច្រានចោលច្បាប់អង្គគារសមាគម ដោយគ្មានលក្ខខណ្ឌ។ បើតាមមជ្ឈមណ្ឌលសិទ្ធិមនុស្សកម្ពុជា សេចក្ដីព្រាងច្បាប់អង្គការសមាគមនេះ មិនអាចទទួលយកបានទេ។ នៅក្នុងសេចក្ដីថ្លែងការណ៍ចុះថ្ងៃទី១២កក្កដានេះ មជ្ឈមណ្ឌលសិទ្ធិមនុស្សកម្ពុជា CCHR បានបន្តបរិហាររិះគន់សេចក្ដីព្រាងច្បាប់ស្ដីពីសមាគមនិងអង្គការក្រៅរដ្ឋាភិបាល។ បើតាម CCHR ច្បាប់អង្គការសមាគមនេះ បានប្រគល់អំណាចដ៏ទូលំទូលាយដល់រដ្ឋាភិបាល ដែលនឹងប៉ះពាល់យ៉ាងធ្ងន់ធ្ងរដល់សកម្មភាពអង្គការសង្គមស៊ីវិលជាតិ និងអន្ដរជាតិ។
-
ការពហិការរបស់គណបក្សសង្គ្រោះជាតិមិនប៉ះពាល់ដល់ការអនុម័តច្បាប់NGO
សេចក្តីព្រាងច្បាប់សមាគម និងអង្គការក្រៅរដ្ឋាភិបាល នឹងត្រូវរដ្ឋសភាបោះឆ្នោតអនុម័តនៅថ្ងៃច័ន្ទទី១៣កក្កដា។សេចក្តីព្រាងច្បាប់ដ៏ចម្រូងចម្រាសមួយនេះ បានក្លាយជាប្រធានបទដ៏ក្តៅគគុក ក្រោយពីមានការជំទាស់ពីសំណាក់សមាគម និងអង្គការក្រៅរដ្ឋាភិបាលមួយចំនួន និងពីសំណាក់គណបក្សសង្គ្រោះជាតិ។គណបក្សសង្គ្រោះជាតិ បានប្រកាសថា តំណាងរាស្ត្រទាំងអស់មកពីគណបក្សសង្គ្រោះជាតិ ធ្វើពហិការ ដោយមិនចូលរួមអនុម័តលើសេចក្តីព្រាងច្បាប់ ស្តីពី សមាគម និងអង្គការមិនមែនរដ្ឋាភិបាល ក្នុងកិច្ចប្រជុំពេញអង្គរដ្ឋសភា នាព្រឹកថ្ងៃចន្ទ ទី១៣ ខែកក្កដាឡើយ។
-
សហជីពកម្មករគំរាមតវ៉ាទ្រង់ទ្រាយធំប្រឆាំងនឹងការអនុម័តច្បាប់ស្ដីពីសហជីព
មន្ត្រីសហជីពជាច្រើន ព្រមានតវ៉ាជាទ្រង់ទ្រាយធំនៅមុខរដ្ឋសភា ប្រសិនបើរដ្ឋសភាអនុម័តលើសេចក្ដីព្រាងច្បាប់ស្ដីពីសហជីពនៅចុងខែកក្កដា។ មន្ត្រីសហជីពទាំងនេះ មិនពេញចិត្តនឹងសេចក្ដីព្រាងច្បាប់ស្ដីពីសហជីព ដែលរដ្ឋសភានឹងអនុម័តនោះទេ។ ការព្រមានតវ៉ានៅមុខរដ្ឋសភា ដែលមានមនុស្ស ១ពាន់នាក់ ត្រូវបានប្រកាសឡើងដោយប្រធានសហភាពការងារកម្ពុជា លោក អាត់ ធន់ ក្នុងសិក្ខាសាលាពិគ្រោះយោបល់មួយនៅព្រឹកថ្ងៃទី១២ កក្កដា៖ «យើងអត់ឲ្យមានច្បាប់ហ្នឹងទេ ហើយសុំបញ្ជាក់ថា ក្នុងករណីដែលយើងគិតថាពិនិត្យមើលហើយ យើងឃើញចំណុចខ្វះខាត ថ្ងៃទី២៦ (កក្កដា) ថ្ងៃអាទិត្យ ពីរសប្ដាហ៍ទៀត យើងចង់ជួបជុំគ្នានៅមុខសភា ប្រហែលជា ៥០០នាក់ បង្ហាញអាហ្នឹង គឺបង្ហាញដែលរៀនសូត្រហ្នឹងទាំងអស់គ្នាទៅសភា ក៏ដូចជារដ្ឋាភិបាល។ អ៊ីចឹងបើសិនជាចូលរួមថ្ងៃ២៦ ដើម្បីបង្ហាញដល់រដ្ឋាភិបាល និងសភាកុំឲ្យអនុម័តច្បាប់នេះ សូមលើកដៃ ហើយទះដៃអបអរសាទរនៃការសាមគ្គីគ្នា។ ប៉ុន្តែបើច្បាប់នេះត្រូវបានអនុម័ត ប្រហែលជាថ្ងៃអនុម័តច្បាប់ហ្នឹង គឺយើងអាចរកមនុស្សបួនប្រាំពាន់អីបានទេ? អ៊ីចឹងអានេះ គឺជាវិធីមួយ។ ប្រសិនបើច្បាប់ហ្នឹងមិនទាន់ចេញ យើងអាចតស៊ូបាន ប៉ុន្តែច្បាប់ហ្នឹងចេញហើយ យើងប្រឆាំងច្បាប់រដ្ឋអាចរករឿងយើង»។
-
CCHR អំពាវនាវឲ្យរដ្ឋាភិបាលច្រានចោលច្បាប់អង្គការ សមាគម ដោយគ្មានលក្ខខណ្ឌ
បន្ទាប់ពីបញ្ចប់កិច្ចប្រជុំគណៈកម្មាធិការអចិន្ត្រៃនៃរដ្ឋសភា កាលពីព្រឹកថ្ងៃសុក្រ ទី១០ ខែកក្កដា កន្លងទៅ ជាលទ្ធផលអង្គប្រជុំបានសម្រេច អនុម័តយល់ព្រមបញ្ចូល សេចក្ដីព្រាងច្បាប់ស្ដីពីសមាគម និងអង្គការមិនមែនរដ្ឋាភិបាល ក្នុងរបៀបវារៈ សម័យប្រជុំរដ្ឋសភាលើកទី៤ នីតិកាលទី៥ ដោយកំណត់យកកាលបរិច្ឆេទបន្តសម័យប្រជុំទៅថ្ងៃចន្ទ ទី១៣ ខែកក្កដា ឆ្នាំ២០១៥បើទោះបីជាមានការស្នើសុំយ៉ាងទូលំទូលាយដើម្បីបញ្ឈប់ដំណើរការអនុម័តច្បាប់ និងសុំឲ្យមានការពិគ្រោះយោបល់ជាមួយតួអង្គពាក់ព័ន្ធយ៉ាងណាក៏ដោយ។ ដោយឡែក នៅមុនកិច្ចប្រជុំមួយថ្ងៃ របស់រដ្ឋសភា មជ្ឈមណ្ឌលសិទ្ធិមនុស្សកម្ពុជាបានចេញសេចក្ដីថ្លែងការណ៍មួយជំរុញឲ្យរដ្ឋសភាបដិសេធដាច់ខាតចំពោះសេចក្ដីព្រាងច្បាប់ដ៏ចំរូងចម្រាស់នេះ។ សង្គមស៊ីវិលបាននិយាយថា បន្ទាប់ពីសិក្ខាសាលាបង្គ្រប់កិច្ចមួយត្រូវបានរៀបចំរួចមក មានការកែប្រែតិចតួចបំផុតទៅលើសេចក្ដីព្រាងច្បាប់នេះ ហើយការកែប្រែទាំងនោះមិនទាន់បានដោះស្រាយបញ្ហាសំខាន់ៗជាច្រើនដែលពាក់ព័ន្ធនឹងសេចក្ដីព្រាងច្បាប់នៅឡើយទេ។ សង្គមស៊ីវិលចាត់ទុកថា សិក្ខាសាលាថ្នាក់ជាតិកាលពីថ្ងៃទី០៨ ខែកក្កដា កន្លងទៅ ពុំបានផ្ដល់ពេលវេលាគ្រប់គ្រាន់ដើម្បីលើកពីក្ដីព្រួយបារម្ភ និងពុំមានពេលវេលាសម្រាប់កិច្ចសន្ទនាមួយដ៏ពិតប្រាកដនោះទេ។
-
គណបក្សប្រឆាំងប្រកាសធ្វើពហិការមិនចូលរួមប្រជុំសភាអនុម័តសេចក្ដីព្រាងច្បាប់អង្គការ
រដ្ឋសភា គ្រោងនឹងបើកកិច្ចប្រជុំអនុម័តលើសេចក្តីព្រាងច្បាប់ស្ដីពីសមាគម និងអង្គការមិនមែនរដ្ឋាភិបាលនៅព្រឹកថ្ងៃទី១៣ កក្កដា។ គណបក្សប្រឆាំងដែលជាគណបក្សដៃគូសន្ទនានោះ បែរជាចេញសេចក្ដីប្រកាសថា ខ្លួននឹងមិនចូលរួមក្នុងកិច្ចប្រជុំនេះទៅវិញ ខណៈដែលអង្គការសង្គមស៊ីវិលជាច្រើន នឹងប្រមូលផ្តុំគ្នាតវ៉ាទាមទារឲ្យរដ្ឋសភា ទម្លាក់ចោលសេចក្តីព្រាងច្បាប់ដ៏ចម្រូងចម្រាសនេះ។ តើមូលហេតុអ្វីបានជាគណបក្សសង្គ្រោះជាតិ សម្រេចចិត្តមិនចូលរួមប្រជុំសភាអនុម័តសេចក្ដីព្រាងច្បាប់ដ៏ចម្រូងចម្រាសនេះ? គណបក្សសង្គ្រោះជាតិ បានចេញសេចក្តីថ្លែងការណ៍ជាផ្លូវការមួយ ប្រកាសធ្វើពហិការមិនចូលរួមប្រជុំពិភាក្សា ដើម្បីអនុម័តលើសេចក្តីព្រាងច្បាប់ស្ដីពីសមាគម និងអង្គការមិនមែនរដ្ឋាភិបាល ដែលនឹងប្រព្រឹត្តទៅក្នុងកិច្ចប្រជុំសភាពេញអង្គ ដែលសភាគ្រោងនឹងប្រជុំនៅថ្ងៃទី១៣ កក្កដា។ សេចក្តីថ្លែងការណ៍ចេញផ្សាយនៅព្រឹកថ្ងៃទី១២ កក្កដា បញ្ជាក់ថា គណបក្សសង្គ្រោះជាតិ បង្ហាញជំហរមិនគាំទ្រឲ្យមានច្បាប់ស្ដីពីសមាគម និងអង្គការមិនមែនរដ្ឋាភិបាលក្នុងដំណាក់កាលបច្ចុប្បន្ន និងស្នើឲ្យរដ្ឋាភិបាលពិចារណាឡើងវិញក្នុងការកែសម្រួលសេចក្តីព្រាងច្បាប់នេះ។ គណបក្សសង្គ្រោះជាតិ បង្ហាញការសោកស្ដាយ និងខកចិត្តចំពោះរដ្ឋសភា ដែលមិនទទួលយកគំនិតយោបល់ស្ទើរតែទាំងស្រុងរបស់គណបក្ស និងអង្គការសង្គមស៊ីវិលជាតិ និងអន្តរជាតិ និងបានប្រញាប់ប្រញាល់ក្នុងការប្រជុំអនុម័តលើសេចក្តីព្រាងច្បាប់ដ៏ចម្រូងចម្រាសនេះ។
-
បក្សប្រឆាំង ធ្វើពហិការមិនចូលសភាអនុម័តច្បាប់សមាគម និងអង្គការ
នៅក្នុងសេចក្តីថ្លែងការណ៍ ថ្ងៃទី១២ ខែកក្កដានេះ គណបក្សសង្រ្គោះជាតិបានបញ្ជាក់ថា ក្រុមតំណាងរាស្ត្ររបស់គណបក្សប្រឆាំងនឹងធ្វើពហិការ ដោយមិនចូលរួមអនុម័ត សេចក្តីព្រាងច្បាប់ស្តីពី សមាគម និងអង្គការមិនមែនរដ្ឋាភិបាល។ ខណៈក្រុមអង្គការ សមាគម មួយចំនួននឹងរៀបចំធ្វើសន្និសីទកាសែត នៅថ្ងៃស្អែក ខាងមុខរដ្ឋសភា ដើម្បីបញ្ជាក់ជំហរឲ្យសភាទម្លាក់ចោលការអនុម័តច្បាប់នេះ។
-
សង្គមស៊ីវិលប្រកាសធ្វើយុទ្ធនាការម្តងទៀតនៅថ្ងៃចន្ទស្អែកជំរុញឲ្យរដ្ឋសភាទម្លាក់ចោលច្បាប់NGO
អង្គការសង្គមស៊ីវិលមួយចំនួនបង្ហាញជំហរដូចគ្នាថា នឹងធ្វើយុទ្ធនាការម្តងទៀតនៅថ្ងៃចន្ទស្អែកនេះ ដើម្បីជំរុញឲ្យរដ្ឋសភាទម្លាក់ចោល ច្បាប់គ្រប់គ្រង់អង្គការ ដោយពួកគេរកឃើញថា ច្បាប់នោះ បានតាក់តែងឡើង រំលោភច្បាប់ជាតិ និងអន្តរជាតិ ធ្វើឲ្យលទ្ធិប្រជាធិបតេយ្យនៅកម្ពុជាដើរថយក្រោយ ។ ការប្រកាសជំពីការប្រមូលផ្តុំតវ៉ាជាថ្មីម្តងទៀត របស់បណ្តុំ អង្គការសង្កមស៊ីវិលនេះ ធ្វើឡើងចំពេលដែលរដ្ឋសភា នឹងប្រជុំពិភាក្សាអនុម័តច្បាប់នេះ នៅថ្ងៃចន្ទស្អែកនេះ ទាំងគ្មានវត្តមានតំណាងរាស្ត្របក្សប្រឆាំង៥៥រូបចូលរួម ។ អគ្គលេខាធិការនៃគណៈកម្មាធិការប្រព្រឹត្តិកម្មលោក សួន ប៊ុនស័ក្តិ ឲ្យVODដឹង នៅថ្ងៃអាទិត្យនេះថា សង្គមស៊ីវិលជាតិ និងអន្តរជាតិនៅថ្ងៃស្អែកនេះ នឹងប្រមូលផ្តុំនៅមុខរដ្ឋសភា ដើម្បីថ្លែងសារ ទៅអ្នកនយោបាយដែលមានអាសនៈក្នុងសភាថា ឲ្យទម្លាក់ចោលសេចក្តីព្រាងច្បាប់នេះ ដោយលោកអះអាងថា ក្លឹមសារនៃច្បាប់នោះ បានរិតត្បិតសរីភាពរបស់សង្គមស៊ីវិល និងប្រជាជន ធ្វើឲ្យប៉ះពាល់ដល់ដំណើរការលទ្ធិប្រជាធិបតេយ្យនៅកម្ពុជា ។
-
រដ្ឋសភាពិភាក្សានិងអនុម័តសេចក្តីព្រាងច្បាប់ស្តីពី NGO នៅថ្ងៃទី១៣កក្កដា
រាជធានីភ្នំពេញ ៖ បើគ្មានអ្វីប្រែប្រួលនោះទេ រដ្ឋសភាជាតិនឹងបន្តសម័យប្រជុំលើកទី៤ នីតិកាលទី៥ នៅព្រឹកថ្ងៃទី១៣ កក្កដា ២០១៥ ក្រោមអធិបតីភាពសម្តេចអគ្គមហាពញាចក្រី ហេង សំរិន ប្រធានរដ្ឋសភា ។ បើតាមសេចក្តីប្រកាសព័ត៌មានរបស់អគ្គលេខាធិការរដ្ឋសភាស្តីពីលទ្ឋផលនៃកិច្ចប្រជុំគណៈកម្មាធិការអចិន្ត្រៃយ៍រដ្ឋសភានាព្រឹកថ្ងៃសុក្រនេះ បានឲ្យដឹងទៀតថា របៀបវារៈចំនួនពីរដែលរដ្ឋសភានឹងលើកយកមកពិភាក្សានិងអនុម័តនៅក្នុងសម័យប្រជុំរដ្ឋសភានាថ្ងៃចន្ទដើមសប្តាហ៍ក្រោយក្នុងនោះរួមមាន៖ ការបោះឆ្នោតជ្រើសតំាងលោក កែវ ពិសិដ្ឋ ជាសមាជិកគណៈកម្មការនីតិកម្មនិងយុត្តិធ៌មនៃរដ្ឋសភា និង សេចក្តីព្រាងច្បាប់ស្តីពីការគ្រប់គ្រងសមាគមនិងអង្គការក្រៅរដ្ឋាភិបាល ( NGO ) ៕
-
ច្បាប់គ្រប់គ្រងសហជីពនឹងបន្តដាក់ជូនរដ្ឋសភាអនុម័តក្នុងពេលឆាប់ៗ
មន្ត្រីក្រសួងការងារ និងបណ្តុះបណ្តាលវិជ្ជាជីវៈ អះអាងថា ច្បាប់គ្រប់គ្រងសហជីពដែលក្រសួងការងារដាក់ជូនអន្តរក្រសួងពិនិត្យ នឹងបន្តដាក់ជូនរដ្ឋសភាអនុម័តក្នុងពេលដ៏ខ្លីខាងមុខនេះ។ អ្នកនាំពាក្យក្រសួងការងារ និងបណ្តុះបណ្តាលវិជ្ជាជីវៈ លោក ហេង សួរ ប្រាប់ VOD នៅថ្ងៃនេះថា ច្បាប់គ្រប់គ្រងសហជីពដែលក្រសួងធ្វើដាក់ជូនទៅអន្តរក្រសួងឲ្យពិនិត្យ រហូតមកដល់ពេលនេះ អន្តរក្រសួងសម្រេចបានជាង៩០ភាគរយហើយ។ លោក ហេង សួរ អះអាងថា ច្បាប់នេះនឹងដាក់ជូនសភាអនុម័តក្នុងពេលដ៏ខ្លីខាងមុខ។
-
ពលរដ្ឋនៅខេត្តក្រចេះតវ៉ាឲ្យក្រុមហ៊ុនកូរ៉េដកបង្គោលចេញពីដីរបស់ពួកគេ
ពលរដ្ឋជាង២០០នាក់ ស្រុកសំបូរ ខេត្តក្រចេះ នៅថ្ងៃសុក្រនេះស្នើឲ្យអង្គការសង្គមស៊ីវិល និងស្ថាប័នជាតិធំៗ ជួយអន្តរាគមន៍ករណីក្រុមហ៊ុនកូរ៉េមួយបោះបង្គោលព្រំលើដីស្រែចម្ការរបស់ពួកគាត់។ ពលរដ្ឋជាង២០០នាក់ តំណាងឲ្យពលរដ្ឋ៥៥០គ្រូសារស្ថិតក្នុងពីរភូមិ គឺភូមិអាជេន និងភូមិទន្សោងធ្លាក់ ក្នុងឃុំកំពង់ចាម ស្រុកសំបូរ ប្រមូលផ្តុំគ្នានៅវត្តអាជេត ដើម្បីសុំឲ្យក្រុមវិនិយោគកូរ៉េមួយ ដែលពួកគេចោទថា បានបង្គោលកំណត់ដីលើដីររបស់ពួកគេ។ អ្នកតវ៉ាម្នាក់ គឺលោក សំ ណូ ប្រាប់ VOD តាមទូរស័ព្ទថា ពលរដ្ឋទាំង៥៥០គ្រួសារ រស់នៅនិងបង្កបង្កើនផលលើដី ដែលក្រុមហ៊ុនកូរ៉េបោះបង្គោលលើនោះតាំងពីដូនតា ពោលគឺបង្កបង្កើនផលតាំងក្រោយឆ្នាំ១៩៧៩មកម្ល៉េះ។ លោកថា បើក្រុមហ៊ុនមិនដកបង្គោលចេញពីដីពួកគេទេ លោកនឹងបន្តតវ៉ាស្ថាប័នកំពូលៗតទៅទៀត។
-
សភាអឺរ៉ុបថ្កោលទោសរដ្ឋាភិបាលកម្ពុជាករណីព្យាយាមអនុម័តច្បាប់អង្គការ
សភាអឺរ៉ុបថ្កោលទោសរដ្ឋាភិបាលកម្ពុជាថា ព្យាយាមអនុម័តច្បាប់ស្តីពីសមាគម និងអង្គការមិនមែនរដ្ឋាភិបាល ច្បាប់សហជីព ព្រមទាំងស្នើឲ្យរដ្ឋសភា បដិសេធអនុម័តច្បាប់ទាំងនោះ។ ញត្តិរួមរបស់សភាអឺរ៉ុបចេញផ្សាយកាលពីថ្ងៃទី៨ ខែកក្កដា សង្កត់ធ្ងន់ថា ប្រទេសកម្ពុជានឹងបាត់បង់ការផ្តល់មូលនិធិគម្រោងអភិវឌ្ឍន៍ប្រចាំឆ្នាំប្រមាណ៦00 ទៅ៧00លានដុល្លារ ប្រសិនបើច្បាប់ស្តីពីសមាគម និងអង្គការមិនមែនរដ្ឋាភិបាលត្រូវបានសភាអនុម័ត។ សភាអឺរ៉ុបចាត់ទុកថា ការដែលរដ្ឋាភិបាលព្យាយាមអនុម័តច្បាប់ស្តីពីសមាគម និងអង្គការមិនមែនរដ្ឋាភិបាល និងច្បាប់សហជីព ជាការគំរាមកំហែងដល់ប្រតិបត្តិការរបស់អង្គការមិនមែនរដ្ឋាភិបាល ដែលផ្តល់សេវាដោយអន្តរជាតិ និងជាការបំបិទសិទ្ធិសេរីភាព។
-
សង្គមស៊ីវិលថាច្បាប់គ្រប់គ្រងសមាគមអង្គការគឺដូចសម្លមានថ្នាំពុល
ក្រុមអង្គការសង្គមស៊ីវិល និងសហគមន៍មានជម្លោះដីធ្លី ថាច្បាប់ស្ដីពីសមាគម និងអង្គការមិនមែនរដ្ឋាភិបាលដែលរដ្ឋសភា គ្រោងអនុម័តជាផ្លូវការនៅសប្ដាហ៍ក្រោយនេះ ប្រៀបដូចជាសម្លមានថ្នាំពុល។ ក្រុមអង្គការសង្គមស៊ីវិល និងសហគមន៍មានជម្លោះដីធ្លីពន្យល់ថា ការលើកឡើងបែបនេះ ដោយសារច្បាប់ដ៏ចម្រូងចម្រាសនេះ តាក់តែងឡើងយ៉ាងអាថ៌កំបាំងបំផុត ក្រោយបរិបទនយោបាយត្រូវបានប្រែប្រួលកាលពីឆ្នាំ២០១៣។
-
រដ្ឋសភាបើកសម័យប្រជុំពិភាក្សា និងអនុម័តលើសេចក្តីព្រាងច្បាប់អង្គការ នៅព្រឺកថ្ងៃទី១៣កក្កដា
រាជធានីភ្នំពេញ៖ រដ្ឋសភា នឹងបន្តបើកសម័យប្រជុំពេញអង្គរដ្ឋសភា នៅព្រឹកថ្ងៃចន្ទ ទី១៣ ខែកក្កដា ឆ្នាំ២០១៥ ដើម្បីពិភាក្សា និងអនុម័តលើសេចក្តីព្រាងច្បាប់ សមាគម និងអង្គការមិនមែនរដ្ឋាភិបាល។ សេចក្តីប្រកាសជូនដំណឺងរបស់អគ្គលេខាធិការដ្ឋានរដ្ឋសភា ចេញផ្សពផ្សាយនៅថ្ងៃទី១០ ខែកក្កដា ឆ្នាំ២០១៥ បានលើកឡើងថានៅថ្ងៃចន្ទ ទី១៣ ខែកក្កដា ឆ្នាំ២០១៥ វេលាម៉ោង ៨ៈ០០នាទីព្រឹក រដ្ឋសភានៃ ព្រះរាជណាចក្រកម្ពុជា នឹងបន្តសម័យប្រជុំពេញអង្គរដ្ឋសភា លើកទី៤ នីតិកាលទី៥ ក្រោមអធិភាពរបស់លោក ហេង សំរិន ប្រធានរដ្ឋសភា តាមរបៀបវីារៈដូចខាងក្រោម៖