កំពុងស្វែងរកទិន្នន័យ
រកឃើញ: 12.457
-
ជំហររបស់សង្គមស៊ីវិលក្រោយសភាអនុម័តច្បាប់NGO
សង្គមស៊ីវិលនៅតែប្រកាន់ជំហរបំពេញបេសកកម្មរបស់ខ្លួនដូចពេលនេះ ក្រោយពីរដ្ឋសភាអនុម័តច្បាប់ NGO គឺមិនអាចចាប់បង្ខំឲ្យពួកគេអនុវត្តតាមនោះទេ ដោយអះអាងថា ច្បាប់នោះបង្កើតឡើងផ្ទុយពីច្បាប់ជាតិ និងអន្តរជាតិបិទសិទ្ធិសេរីភាពប្រជាពលរដ្ឋ និងសង្គមស៊ីវិល។ ការលើកឡើងនេះ ធ្វើឡើងបន្ទាប់ពីសង្គមស៊ីវិលទទួលព័ត៌មានថា រដ្ឋសភានឹងអនុម័តច្បាប់អង្គការ និងសមាគមនៅថ្ងៃ១៣ ខែកក្កដា ឆ្នាំ២០១៥ខាងមុខនេះ។ ប្រធានផ្នែកស៊ើបអង្កេតនៃសមាគមការពារសិទ្ធិមនុស្សអាដហុកលោក នី ចរិយា ប្រាប់ VOD នៅថ្ងៃសុក្រនេះថា បើទោះជាសភាអនុម័តច្បាប់ NGO ក៏ដោយ ក៏សង្គមស៊ីវិលនៅតែបន្តធ្វើការងាររបស់ខ្លួនឲ្យស្របតាមគោលការណ៍លទ្ធិប្រជាធិបតេយ្យដដែល។ លោកថា៖«យើងនៅតែធ្វើសកម្មភាពរបស់យើងដដែល បើទោះបីជាយើងដឹងថាមានការប្រថុយប្រថានធ្ងន់ធ្ងរយ៉ាងណាក៏ដោយ ក៏ប៉ុន្តែយើងនៅតែធ្វើ ដោយឈរលើមូលដ្ឋានច្បាប់អន្តរជាតិ ស្តីពីសិទ្ធិមនុស្សដែលប្រទេសកម្ពុជាបានផ្តល់សច្ចាប័ន និងរដ្ឋធម្មនុញ្ញនៃប្រទេសកម្ពុជា»។
-
គណៈរដ្ឋមន្ត្រីអនុម័តសេចក្ដីព្រាងច្បាប់ស្ដីពី "គណនេយ្យនិងសវនកម្ម"
ទីស្ដីការគណៈរដ្ឋមន្ត្រី នៅព្រឹកថ្ងៃសុក្រនេះ បានអនុម័តសេចក្ដីព្រាងច្បាប់ស្ដីពី "គណនេយ្យ និងសវនកម្ម" ដែលច្បាប់នេះនឹងកំណត់ឲ្យមានការបង្កើតក្រុមប្រឹក្សាជាតិគណនេយ្យ (ក.ជ.គ) មានតួនាទីទទួលខុសត្រូវលើវិស័យគណនេយ្យនិងសវនកម្ម។ អ្នកនាំពាក្យទីស្ដីការគណៈរដ្ឋមន្ត្រីលោក ផៃ ស៊ីផាន សរសេរនៅលើទំព័រហ្វេសប៊ុកលោកថា គណៈរដ្ឋមន្ត្រីបានបើកកិច្ចប្រជុំពេញអង្គដឹកនាំដោយលោកនាយករដ្ឋមន្ត្រី ហ៊ុន សែន ដែលកិច្ចប្រជុំនេះបានពិភាក្សានិងអនុម័តសេចក្ដីព្រាងច្បាប់ស្ដីពី "គណនេយ្យ និងសវនកម្ម"។ បើតាមលោក ផៃ ស៊ីផាន សេចក្ដីព្រាងច្បាប់ស្ដីពី "គណនេយ្យ និងសវនកម្ម" នេះជំនួសឲ្យច្បាប់ស្ដីពី “គណនេយ្យសហគ្រាស សវនកម្មគណនេយ្យសហគ្រាស និងវិជ្ជាជីវៈគណនេយ្យ” ដែលមានជាធរមាន។
-
លោក ឈាង វុន ចាត់ទុកអត្ថបទទស្សនៈរបស់ភ្នំពេញប៉ុស្តិ៍ប៉ះពាល់កិត្តិយសរូបលោកនិងរដ្ឋសភា
តំណាងរាស្រ្តគណបក្សប្រជាជនកម្ពុជា និងជាអ្នកនាំពាក្យរដ្ឋសភាលោក ឈាង វុន បានចាត់ទុកការចុះផ្សាយអត្ថបទបែបទស្សនៈរបស់កាសែតភ្នំពេញប៉ុស្តិ៍ ក្រោមចំណងជើងថា«នៅរដ្ឋសភាឥឡូវក៏មានបងតូចបងធំដែរ!» ថាប៉ះពាល់យ៉ាងធ្ងន់ធ្ងរដល់កិត្តិយសរបស់លោក និងរដ្ឋសភាជាតិ។
-
លទ្ឋផលនៃជួបពិភាក្សារវាងគ.ជ.ប និងក្រុមបេសកកម្មមកពីជប៉ុន អំពីសេចក្តីព្រាងបទបញ្ជា និងនីតិវិធី សម្រាប់ការចុះឈ្មោះបោះឆ្នោត
រាជធានីភ្នំពេញ៖ គណៈកម្មាធិការជាតិរៀបចំការបាេះឆ្នាេត (គ.ជ.ប) ដែលដឹកនាំដោយលោក គួយ ប៊ុនរឿន អនុប្រធានគជប និងជាប្រធានគណៈកម្មការ បានជួបពិភាក្សាជាមួយក្រុមបេសកកម្មមកពីជប៉ុន ដែលដឹកនាំដោយលោក រីយូអីឈី តូមីសាវ៉ា ( Ryuichi Tomizawa ) កាលពីព្រឹកថ្ងៃទី៩ ខែកក្កដា ឆ្នាំ២០១៥ នៅទីស្តីការគ.ជ.ប។ កិច្ចពិភាក្សានោះ ផ្តោតសំខាន់លើអនុសាសន៍របស់ជប៉ុន អំពីសេចក្តីព្រាងបទបញ្ជា និងនីតិវិធីសម្រាប់ការចុះឈ្មោះបោះឆ្នោត ឆ្នាំ២០១៦ ដោយសម្រេចបានលទ្ឋផល ដែលមានខ្លឺមសារទាំងស្រុងដូចខាងក្រោម៖
-
លោកហូរ វ៉ាន់៖មានតែការតវ៉ារបស់សង្គមស៊ីវិលទើបអាចបញ្ឈប់ច្បាប់NGOបាន
លោកហូរ វ៉ាន់ តំណាងរាស្ត្រគណបក្សសង្គ្រោះជាតិមណ្ឌលភ្នំពេញ បានអះអាងប្រាប់អ្នកសារព័ត៌មានកាលពីព្រឹកមិញថា ទោះបីជាគណបក្សសង្គ្រោះជាតិធ្វើវិសោធនកម្មច្បាប់NGO ឡើងវិញ ក៏មិនឈ្នះគណបក្សកាន់អំណាចឡើង។ ដូច្នេះគឺមានតែយន្តការរបស់អង្គការសង្គមស៊ីវិល និងការតវ៉ារបស់ប្រជាពលរដ្ឋ ដើម្បីកុំទាន់ឱ្យច្បាប់នេះអនុម័ត។
-
ជនជាតិដើមភាគតិចកួយនៅព្រះវិហារថាអាជ្ញាធរគំរាមពួកគេមិនឲ្យបោះជំរំការពារដីសហគមន៍
ប្រជាសហគមន៍ជនជាតិដើមភាគតិចនៅស្រុកត្បែងមានជ័យ ខេត្ដព្រះវិហារ អះអាងថា អាជ្ញាធរបានគំរាមកំហែងពួកគេមិនឲ្យទៅបោះជំរំ ដើម្បីទប់ស្កាត់គ្រឿងចក្រក្រុមហ៊ុនចិនឡានហ្វេង ដែលពួកគាត់ចោទថា បានឈូសឆាយរំលោភយកដីសហគមន៍ ។ សមាជិកសហគមន៍ជនជាតិដើមភាគតិចកួយនៅឃុំប្រមេរ ស្រុកត្បែងមានជ័យ អ្នកស្រី សឹង សាំ បានប្រាប់VOD ថា កាលពីថ្ងៃទី៤ ខែកក្កដា ប្រជាសហគមន៍កួយប្រមាណ៥០នាក់បាននាំគ្នាទៅបោះជំរំជាថ្មី ដើម្បីទប់ស្កាត់ គ្រឿង ចក្រក្រុមហ៊ុនចិនឡានហ្វេងមិនឲ្យឈូសឆាយដីសហគមន៍។ អ្នកស្រីអះអាងថា បន្ទាប់ពីមានពលរដ្ឋទៅបោះជំរំដេកយាមដីរួចមក អាជ្ញាធរស្រុកបានបញ្ជូនកម្លាំងសមត្ថកិច្ចនគរបាលប្រហែល១០នាក់ប្រដាប់ដោយអាវុធទៅគំរាមកំហែងពួកគាត់ឲ្យត្រឡប់មកគេហដ្ឋានវិញ ដោយលើកឡើងថា ទីតាំងដីនៅចំណុចអូប៉េសដែលក្រុមហ៊ុនឈូសឆាយនោះជាដីរបស់រដ្ឋ។
-
អ្នកប្រឆាំងច្បាប់NGOស្រែកមិនបោះឆ្នោតអោយគណបក្សណាដែលអនុម័តច្បាប់នេះ
តំណាងសហជីព សហគម យុវជន និងតំណាងអង្គការសង្គមស៊ីវិលមួយចំនួន បានសម្តែងនូវការមិនគាំទ្រជាខ្លាំង លើច្បាប់ស្តីពីសមាគម និងអង្គការមិនមែនរដ្ឋាភិបាល។ នៅក្នុងវេទិកាសាធារណៈ ស្តីពីកិច្ចសន្ទនាសង្គមរវាងអ្នកនយោបាយ និងសង្គមស៊ីវិលលើសេចក្តីព្រាងច្បាប់អង្គការក្រៅរដ្ឋាភិបាលនៅព្រឹកថ្ងៃទី០៩កក្កដា នៅទីលានប្រជាធិបតេយ្យ អ្នកដែលចូលរួមមិនគាំទ្រច្បាប់នេះ បានបានស្រែករួមគ្នាថាពួកគេនឹងមិនបោះឆ្នោតឱ្យគណបក្សណាដែលគាំទ្រ និងអនុម័តច្បាប់អង្គការ សមាគមនេះឡើយ។ តំណាងសហជីព អ្នកនាងអូ ទេពផល្លីន បានថ្លែងនៅក្នុងវេទិកានាឱកាសនោះថា សូមអោយគណបក្សទាំងពីរពិចារណាទៅលើច្បាប់អង្គការ សមាគមនេះឡើងវិញ ហើយបើនៅតែបន្តអនុម័ត នោះពួកគាត់នឹងមិនបោះឆ្នោតឱ្យនៅអាណត្តិក្រោយឡើយ។
-
សង្គមស៊ីវិលជួបជុំគ្នាសម្តែងការមិនពេញចិត្តច្បាប់NGOនៅទីលានប្រជាធិបតេយ្យ
ដូចការគ្រោងទុកក្រុមសមាគម និងសង្គមស៊ីវិលមួយចំនួន បានមកជួបជុំគ្នានៅទីលានប្រជាធិបតេយ្យ នាព្រឹកថ្ងៃទី០៩ កក្កដានេះ ដើម្បីរៀបចំវេទិកា សាធារណៈ ក្រោមប្រធានបទ «កិច្ចសន្ទនាសង្គមរវាងអ្នកនយោបាយ និងសង្គមស៊ីវិល ដើម្បីបង្ហាញពីការការមិនពេញចិត្ត ទៅនឹងការបង្កើតច្បាប់ស្តីពីសមាគម និងអង្គការមិនមែនរដ្ឋាភិបាល លើសេចក្តីព្រាងច្បាប់សមាគម និងអង្គការមិនមែនរដ្ឋាភិបាល»។ ក្នុងកម្មវិធី មានការរាំ និងឡើងថ្លែងពីការមិនពេញចិត្តនឹងច្បាប់NGOនេះ៕
-
រដ្ឋាភិបាលអះអាងថាច្បាប់អង្គការធូរជាងប្រទេសផ្សេងៗ
ភ្នំពេញ—មន្ត្រីរដ្ឋាភិបាលកម្ពុជានៅថ្ងៃពុធនេះ បានបន្តថ្លែងការពារសេចក្តីព្រាងច្បាប់ស្តីពីសមាគមនិងអង្គការមិនមែនរដ្ឋាភិបាល ដែលមេដឹកនាំអង្គការមិនមែនរដ្ឋាភិបាលបដិសេធមិនទទួលយកប្រសិនបើចំណុចរសើបមួយចំនួននៅក្នុងសេចក្ដីព្រាងច្បាប់នេះមិនត្រូវបានកែសម្រួល។ ការថ្លែងការពាររបស់មន្ត្រីរដ្ឋាភិបាលចំពោះសេចក្ដីព្រាងច្បាប់ដ៏ចម្រូងចម្រាសនេះ ធ្វើឡើងនៅក្នុងកិច្ចប្រជុំពិគ្រោះយោបល់លើសេចក្ដីព្រាងច្បាប់នេះដែលរៀបចំឡើងនៅឯរដ្ឋសភាជាតិដោយមានការចូលរួមពីមេដឹកនាំអង្គការក្រៅរដ្ឋាភិបាលជាតិ និងអន្តរជាតិ តំណាងរាស្ត្រគណបក្សកាន់អំណាច មន្រ្តីអង្គទូត ព្រមទាំងតំណាងសមាគម និងអង្គការក្រៅរដ្ឋាភិបាល។
-
សង្គមស៊ីវិល បន្តទាមទារឲ្យទម្លាក់ចោលច្បាប់NGOs ខណៈសភាគ្រោងអនុម័តនៅដើមសប្តាហ៍ក្រោយ
នៅព្រឹកថ្ងៃព្រហស្បតិ៍នេះ ក្រុមសង្គមស៊ីវិលបានធ្វើវេទិកាសាធារណៈមួយស្តី ពីកិច្ចសន្ទនាសង្គមរវាងអ្នកនយោបាយ និងសង្គមស៊ីវិលលើសេចក្តីព្រាងច្បាប់សមាគម និងអង្គការក្រៅរដ្ឋាភិបាលនៅលើទីលានប្រជាធិបតេយ្យ។ សង្គមស៊ីវិល នៅតែបន្តទាមទារឲ្យរដ្ឋសភាទម្លាក់ចោលនូវសេចក្តីព្រាងច្បាប់ដ៏ចម្រូងចម្រាសនេះ ប៉ុន្តែរដ្ឋសភាមិនបានខ្វាយខ្វល់នឹងការទាមទារឡើយហើយថែមទាំងគ្រោងអនុម័តនៅដើមសប្តាហ៍ក្រោយនេះទៀត។
-
ក្រុមសង្គមស៊ីវិល ជំទាស់ជុំវិញសេចក្ដីព្រាងច្បាប់អង្គការ នៅទីលានប្រជាធិបតេយ្យ
រាជធានីភ្នំពេញ៖ នៅព្រឹកថ្ងៃទី០៩កក្កដានេះ ក្រុមអង្គការសង្គមស៊ីវិល និងតំណាងសហជីពមួយចំនួនមានគ្នាប្រមាណជាង ៣០០នាក់ បានប្រមូលផ្តុំគ្នានៅទីលានប្រជាធិបេតយ្យ ដើម្បីបង្ហាញពីក្តីកង្វល់ជាសាធារណៈ ជុំវិញសេចក្ដីព្រាងច្បាប់ស្តីពីសមាគម និងអង្គការមិនមែនរដ្ឋាភិបាល។ ទោះជាយ៉ាងណា សេចក្តីព្រាងច្បាប់ស្តីពីសមាគម និងអង្គការមិនមែនរដ្ឋាភិបាលនឹងដាក់ជូនសភាពេញអង្គពិភាក្សា និងអនុម័តនៅទីថ្ងៃ១៣ ខែកក្កដា ឆ្នាំ២០១៥ គឺបន្ទាប់ពីគណៈកម្មាធិការអចិន្ត្រៃយ៍រដ្ឋសភា បើកកិច្ចប្រជុំកាលពីពេលថ្មីៗនេះ៕
-
ជនពិការស្នើសុំបណ្ដាញផ្សព្វផ្សាយបើកទូលាយសិទ្ធិទទួលបានព័ត៌មាន
ជនពិការ និងអង្គការដែលធ្វើការពាក់ព័ន្ធនឹងជនពិការនៅកម្ពុជា លើកឡើងថា រហូតមកដល់ពេលនេះ ច្បាប់ស្ដីពីកិច្ចការពារ និងលើកកម្ពស់សិទ្ធិជនពិការ បានបង្កើតឡើងរយៈពេល ៦ឆ្នាំហើយ ប៉ុន្តែការអនុវត្តនៅមិនទាន់បានទូលាយនៅឡើយ។ ជាក់ស្តែង ជនពិការគ្រប់ប្រភេទនៅតែមិនអាចទទួលបានព័ត៌មានពីបណ្ដាញផ្សព្វផ្សាយនានា ដែលជាហេតុធ្វើឲ្យពួកគេមិនអាចទទួលបានឱកាសការងារ និងមិនអាចចូលរួមសកម្មភាពការងារសង្គមពេញលេញ និងស្មើភាពគ្នាដូចប្រជាពលរដ្ឋទូទៅនៅក្នុងសង្គម។
-
សង្គមស៊ីវិលនៅតែទាមទារឲ្យរដ្ឋាភិបាលទម្លាក់ចោលសេចក្ដីព្រាងច្បាប់អង្គការ
អង្គការសង្គមស៊ីវិលជាតិ និងអន្តរជាតិ សហជីព និងសហគមន៍ដីធ្លី នៅតែទាមទារដល់រដ្ឋាភិបាល ឲ្យទម្លាក់ចោលសេចក្ដីព្រាងច្បាប់អង្គការ សង្គមស៊ីវិល ដែលរដ្ឋាភិបាលកំពុងពិភាក្សា និងអនុម័តនៅថ្ងៃខាងមុខ។ ការទាមទារនេះ ធ្វើឡើងក្នុងវេទិកាសាធារណៈនាទីលានប្រជាធិបតេយ្យ នៅថ្ងៃទី៩ កក្កដា រវាងអ្នកនយោបាយ និងសង្គមស៊ីវិលជាតិ និងអន្តរជាតិ សហជីព និងសហគមន៍ដីធ្លី ជាង៣០០នាក់ ដោយពួកគេបានសម្ដែងការមិនពេញចិត្តចំពោះច្បាប់នេះ។
-
សង្គមស៊ីវិលថាច្បាប់ឣង្គការជាគ្រោះថ្នាក់ដល់ដំណើរការលទ្ធិប្រជាធិបតេយ្យនៅកម្ពុជា
អង្គការឃ្លាំមើលការរំលោភសិទ្ធិមនុសុ្សមួយចំនួន ព្រមានថា ដំណើការលទ្ធិប្រជាធិបតេយ្យនៅកម្ពុជានឹងជួបគ្រោះថ្នាក់ធ្ងន់ធ្ងរ នៅពេលខាងមុខដ៏ខ្លីនេះ បើរដ្ឋសភាអនុម័តច្បាប់គ្រប់គ្រងអង្គការដោយមិនលុបចោលនូវមាត្រាខ្លះ តាមសំណើរបស់អង្គការសង្គមស៊ីវិល។ ការព្រមានរបស់អង្គការសង្គមស៊ីវិលនេះ ធ្វើឡើងក្នុងសន្និសីទសារព័ត៌មានបន្ទាន់មួយ បន្ទាប់ពីរដ្ឋសភាបិទបញ្ចប់សិក្ខាសាលាពិគ្រោះយោបល់លើសេចក្តីព្រាងច្បាប់ស្តីពីច្បាប់សមាគម និងអង្គការមិនមែនរដ្ឋាភិបាល នាថ្ងៃពុធនេះ។
-
តំណាងរាស្ត្របក្សប្រឆាំងស្នើឲ្យពន្យារពេលអនុម័តច្បាប់អង្គការ
តំណាងរាស្ត្របក្សប្រឆាំង និងប្រជាពលរដ្ឋប្រមាណ៣០០នាក់ នៅព្រឹកថ្ងៃព្រហស្បតិ៍នេះ ប្រមូលផ្តុំគ្នានៅទីលានប្រជាធិបតេយ្យ ដើម្បីទាមទារឲ្យពន្យារពេលអនុម័ត ឬទម្លាក់ចោលច្បាប់សមាគម និងអង្គការក្រៅរដ្ឋាភិបាល ដោយចាត់ទុកថាច្បាប់នោះជាឧបករណ៍មួយឈានទៅរឹតត្បិតសេរីភាព។ តំណាងរាស្ត្រគណបក្សសង្គ្រោះជាតិ លោក ហូរ វ៉ាន់ ដែលចូលវេទិកានៅទីលានប្រជាធិបតេយយ្យ ថ្លែងប្រាប់អ្នកសារព័ត៌មានថា ក្នុងនាមជាតំណាងរាស្ត្រតែងតែចង់បានច្បាប់មួយសម្រាប់គ្រប់គ្រងប្រទេស ដើម្បីឲ្យមានសណ្តាប់ធ្នាប់។ តែលោកថា ច្បាប់ទាំងនោះត្រូវមានការសិក្សាពីផលប៉ះពាល់ឲ្យបានច្រើន និងធ្វើយ៉ាងណាធានាថាច្បាប់នោះ មិនមានការជំទាស់ពីប្រជាពលរដ្ឋ។ លោកថា៖ «បើសិនជាយើងនឹងធ្វើច្បាប់ វាមិនអាចគ្មានអ្នកជំទាស់ទេ ប៉ុន្តែឲ្យអ្នកជំទាស់នោះនៅចំនួនតិច ឲ្យបញ្ហាទាំងឡាយនៅក្នុងសង្គមជាតិយើងកុំឲ្យធំ ដូចបច្ចុប្បន្ន គឺឲ្យវារួមតូចទៅ ហើយយើងល្អិតល្អន់ យើងប្រើពេលគ្រប់គ្រាន់ ចុះច្បាប់នេះដប់ឆ្នាំទៀតក៏វាមិនហួសពេលដែរ»។
-
សាលារាជធានីភ្នំពេញ ឲ្យក្រុមអង្គការសង្គមស៊ីវិល ជួបជុំគ្នាធ្វើវេទិកាសាធារណៈ នៅទីលានប្រជាធិបតេយ្យ
ភ្នំពេញ: សាលារាជធានីភ្នំពេញ បានអនុញ្ញាតអោយ ក្រុមអង្គការសង្គមស៊ីវិល និង សមាគម ជួបជុំគ្នាធ្វើវេទិកាសាធារណៈ នៅទីលានប្រជាធិបតេយ្យ នៅព្រឹកថ្ងៃទី៩ ខែកក្កដា ឆ្នាំ២០១៥ ។ យោងតាមលិខិត ចុះថ្ងៃទី៨ ខែកក្កដា ឆ្នាំ២០១៥ របស់លោក ឃួង ស្រេង អភិបាលរងរាជធានីភ្នំពេញ ជម្រាបជូនលោក ទឹម ម៉ាឡៃ លោក វន់ ពៅ លោក ស ម៉ូរ៉ា និងលោក ស៊ឹម ច័ន្ទមុនី តំណាងសមាគម និងអង្គការមិនមែនរដ្ឋាភិបាល បានអោយដឹងថា ចំពោះការជូនដំណឹង ស្តីពីការជួបជុំធ្វើ វេទិកាសាធារណៈ នៅថ្ងៃទី៩ ខែកក្កដា ឆ្នាំ២០១៥ ចាប់ពីម៉ោង ៧ព្រឹក ដល់ម៉ោង ១២ ថ្ងៃត្រង់ក្រោមប្រធានបទ កិច្ចសន្ទនាសង្គម រវាងអ្នកនយោបាយ និងសង្គមស៊ីវិល ដើម្បីបង្ហាញពីការមិនពេញចិត្ត ទៅនឹងការបង្កើតច្បាប់ ស្តីពីសមាគម និងអង្គការមិនមែនរដ្ឋាភិបាល នៅទីលានប្រជាធិបតេយ្យនោះ សាលារាជធានីភ្នំពេញ មិនយល់ទាស់ទេ។
-
សាច់ញាតិពលករខ្មែរដែលថៅកែបាញ់សម្លាប់នៅប្រទេសថៃអំពាវនាវរកយុត្តិធម៌
សាច់ញាតិពលករខ្មែរដែលថៅកែជនជាតិថៃ បាញ់សម្លាប់នៅខេត្តឆាក់ឈាងសៅ ប្រទេសថៃ អំពាវនាវឲ្យក្រសួងការបរទេស និងមន្ត្រីពាក់ព័ន្ធ ទាក់ទងទៅសមត្ថកិច្ចប្រទេសថៃ រកយុត្តិធម៌ចាប់ជនសង្ស័យផ្ដន្ទាទោសតាមច្បាប់ឲ្យបានឆាប់។ ពលរដ្ឋបញ្ជាក់ថា មន្ត្រីស្ថានទូតខ្មែរប្រចាំទីក្រុងបាងកក ប្រទេសថៃ ហាក់ពុំបានជួយជំរុញទៅខាងសមត្ថកិច្ចថៃ ជុំវិញករណីនេះនៅឡើយទេ។ សាច់ញាតិពលករដែលស្លាប់នៅប្រទេសថៃ កំពុងព្រួយបារម្ភខ្លាចជនសង្ស័យដែលបាញ់សម្លាប់សាច់ញាតិរបស់ខ្លួន រួចផុតពីទោសពៃរ៍ ពីព្រោះថា ជាង ២ខែមកហើយ ខាងសមត្ថកិច្ចថៃ មិនទាន់ចាត់វិធានការផ្លូវច្បាប់ណាមួយលើជនសង្ស័យនៅឡើយ។
-
សកម្មជនជាង៣០០នាក់ប្រមូលផ្តុំនៅទីលានប្រជាធិបតេយ្យប្រឆាំងច្បាប់ NGOs
សកម្មជនជាង៣០០នាក់ ប្រមូលផ្តុំនៅទីលានប្រជាធិបតេយ្យនៅព្រឹកថ្ងៃព្រហស្បតិ៍នេះ ដើម្បីបង្ហាញជំហរទាមទារឲ្យទម្លាក់ចោលសេចក្តីព្រាងច្បាប់ស្តីពីសមាគម និងអង្គការមិនមែនរដ្ឋាភិបាល។ សកម្មជនដែលប្រមូលផ្តុំនៅទីលានប្រជាធិបតេយ្យនៅព្រឹកនេះ មានមកពីតំណាងអង្គការ សមាគម តំណាងសកម្មជនដីធ្លី សិស្ស និស្សិត ព្រះសង្ឃ និងប្រជាពលរដ្ឋជាដើម។ អ្នកប្រមូលផ្តុំទាំងនោះស្រែកទាមទារឲ្យសភាទម្លាក់ចោលសេចក្តីព្រាងច្បាប់សមាគម និងអង្គការមិនមែនរដ្ឋាភិបាល ព្រោះពួកគេថា ខ្លឹមសារច្បាប់នោះផ្តល់ឱកាសច្រើនឲ្យមានការរំលោភសិទ្ធិមនុស្ស។ នៅកន្លែងប្រមូលផ្តុំនៅទីលានប្រជាធិបតេយ្យនៅព្រឹកនេះ ក៏មានកម្លាំងសមត្ថកិច្ចប្រមាណ៣០០នាក់នៅឃ្លាំមើលដែរ តែមិនមានការប៉ះទង្គិចកើតឡើងទេ។
-
បន្តប្រឆាំងនឹងសេចក្ដីព្រៀងច្បាប់ NGOs ស្របពេលគណៈកម្មការជំនាញគ្រោងអនុម័ត
អង្គការក្រៅរដ្ឋាភិបាល ដែលបាន និងកំពុងជំនាស់នឹងសេចក្តីព្រាងច្បាប់ស្តីពី សមាគម និងអង្គការមិនមែនរដ្ឋាភិបាល (LANGO) បន្តប្រមូលផ្តុំគ្នាធ្វើវេទិកាពិភាក្សាសាធារណៈ នៅថ្ងៃទី៩ កក្កដានេះ នៅទីលានប្រជាធិបតេយ្យ ដើម្បីទាមទារឲ្យរដ្ឋសភាពន្យាអនុម័ត និងពិគ្រោះ យោបល់បន្ថែម។ ប៉ុន្តែគណៈកម្មការជំនាញ នឹងអនុម័តសេចក្តី្តព្រាងច្បាប់នេះ នៅថ្ងៃទី១០ កក្កដា។
-
លោកអំ សំអាត៖ច្បាប់NGOបើមើលមិនស៊ីជម្រៅ មិនឃើញពីផលប៉ះពាល់ទេ
លោកអំ សំអាត មន្ត្រីអង្គការសិទ្ធិលីកាដូ បានថ្លែងនៅលើវេទិកា នៃការជួបជុំសម្តែងការមិនពេញចិត្តនឹងសេចក្តីព្រាងច្បាប់NGO នាព្រឹកនេះថា ច្បាប់ស្តីពីសមាគម និងអង្គការមិនមែនរដ្ឋាភិបាល បើមើលមិនស៊ីជម្រៅ គឺមិនឃើញពីផលប៉ះពាល់នោះទេ។ ជាមួយគ្នានេះ លោកអំ សំអាត ក៏បានលើកឡើងពីមាត្រាមួយចំនួន ក្នុងសេចក្តីព្រាងច្បាប់ ដែលបង្ហាញពីភាពមិនច្បាស់ និងអាចផ្ទុយពីរដ្ឋធម្មនុញ្ញ៕ ដោយៈសៅ វិសាល