កំពុងស្វែងរកទិន្នន័យ
រកឃើញ: 12.457
-
អង្គការសង្គមស៊ីវិលនៅតែរក្សាជំហរប្រឆាំងនឹងសេចក្ដីព្រាងច្បាប់អង្គការសមាគម
នៅព្រឹកថ្ងៃទី៨ កក្កដា រដ្ឋសភានឹងរៀបចំសិក្ខាសាលាពិគ្រោះយោបល់ជុំវិញសេចក្ដីព្រាងច្បាប់ស្ដីពីសមាគម និងអង្គការមិនមែនរដ្ឋាភិបាល តាមការគ្រោងទុក។ ក៏ប៉ុន្តែ ក្រុមអង្គការសង្គមស៊ីវិលទាំងជាតិ ទាំងអន្តរជាតិ នៅតែរក្សាជំហរទាមទារឲ្យបញ្ឈប់សេចក្ដីព្រាងច្បាប់ដ៏ចម្រូងចម្រាសនេះ ដោយលើកឡើងថា រដ្ឋសភាមិនបើកទូលាយឲ្យមានការពិភាក្សាដេញដោលពីសំណាក់សង្គមស៊ីវិលនោះទេ។ មួយថ្ងៃមុនរដ្ឋសភានឹងធ្វើសិក្ខាសាលាបើកឲ្យមានការពិគ្រោះយោបល់ជុំវិញសេចក្ដីព្រាងច្បាប់ស្ដីពីសមាគម និងអង្គការមិនមែនរដ្ឋាភិបាល ក្រុមអង្គការសង្គមស៊ីវិលក្នុងស្រុក នៅព្រឹកថ្ងៃទី៧ កក្កដា នេះ រៀបចំសិក្ខាសាលាដាច់ដោយឡែកមួយជាមួយភាគីពាក់ព័ន្ធ ដើម្បីពិគ្រោះ និងវិភាគផ្នែកច្បាប់លើទម្រង់នៃសេចក្ដីព្រាងច្បាប់ដ៏ចម្រូងចម្រាសនេះ មុននឹងបញ្ជូនទៅរដ្ឋសភាសម្រាប់ការពិភាក្សាដេញដោល។
-
ពលរដ្ឋនៅសៀមរាបតវ៉ាទាមទារឲ្យអាជ្ញាធរខេត្ដដោះលែងតំណាងពួកគេពីរនាក់
ប្រជាពលរដ្ឋប្រមាណ២០០នាក់ ប្រមូលផ្ដុំគ្នានៅក្បែរសាលាខេត្ដសៀមរាបនៅព្រឹកថ្ងៃអង្គារនេះ ដើម្បីតវ៉ាទាមទារឲ្យអាជ្ញាធរដោះលែងតំណាងពួកគេពីរនាក់ ដែលត្រូវបានអាជ្ញាធរចាប់ខ្លួនកាលពីម្សិលមិញឲ្យមានសេរីភាពវិញ ដោយក្រុមពលរដ្ឋអះអាងថា អ្នកទាំងពីររូបនោះមិនមានកំហុសដូចការចោទប្រកាន់ឡើយ។ កាលពីព្រឹកម្សិលមិញ សមត្ថកិច្ចខេត្ដសៀមរាបប្រមាណជាង២០នាក់បានចាប់ខ្លួនពលរដ្ឋពីរនាក់ ដោយចោទថា ពួកគាត់បានញុះញង់ឲ្យពលរដ្ឋពីរក្រុមមានជម្លោះនឹងគ្នា រឿងបង្កើតសហគមន៍នៅតំបន់ទេសចរណ៍ធម្មជាតិនៅឃុំកំពង់ភ្លុក ក្នុងស្រុកប្រាសាទបាគង។
-
ក្រុមការងារអឺរ៉ានឹងដាក់អនុសាសន៍មួយចំនួនទៅ គ.ជ.ប
ក្រុមការងារអឺរ៉ា (ERA) តំណាងគណបក្សនយោបាយ និងមន្ត្រីស្ថានទូតមួយចំនួន ប្រជុំពិគ្រោះយោបល់គ្នា ដើម្បីដាក់អនុសាសន៍ទៅ គ.ជ.ប ឲ្យកែសម្រួលចំណុចខ្លះនៃការចុះបញ្ជីបោះឆ្នោត និងកាត់បន្ថយតួនាទីរបស់ស្មៀនឃុំ ក្នុងការចុះបញ្ជីឈ្មោះបោះឆ្នោត។ ទាក់ទងសំណើនេះ អ្នកនាំពាក្យ គ.ជ.ប ស្វាគមន៍រាល់គំនិតនានារបស់សង្គមស៊ីវិល ដើម្បីធ្វើឲ្យដំណើរការនៃការចុះបញ្ជីឈ្មោះអ្នកបោះឆ្នោត កាន់តែមានភាពល្អប្រសើរ។ ក្រោយពីពិភាក្សារកឃើញចំណុចមួយចំនួនត្រូវកែលំអ ទាក់ទងការចុះបញ្ជីឈ្មោះអ្នកបោះឆ្នោត ការស្នើមិនឲ្យកែឈ្មោះអ្នកបោះឆ្នោតក្រោយចុះបញ្ជីពីថ្នាក់ក្រោម និងការកាត់បន្ថយតួនាទីស្មៀនឃុំ ក្នុងការងារបោះឆ្នោត ក្រុមការងារអឺរ៉ា នឹងដាក់អនុសាសន៍ទាំងនោះទៅស្ថាប័ន គ.ជ.ប។
-
ច្បាប់NGOs អាចជាឧបសគ្គដល់ការងារអង្គការក្រៅរដ្ឋាភិបាល
ក្រុមមន្រ្តីអង្គការសង្គមស៊ីវិលជាតិ និងអន្តរជាតិ សិស្ស និស្សិត ប្រមាណ ៣០០ នាក់ បានចូលរួមជជែកគ្នាស្តីពីសេចក្តីព្រាងច្បាប់សមាគម និងអង្គការក្រៅរដ្ឋាភិបាល នៅព្រឹកថ្ងៃអង្គារនេះ នៅសណ្ឋាគារ កាំបូឌីយ៉ាណា។ ក្រុមអង្គការសង្គមស៊ីវិល បានបង្ហាញក្តីព្រួយបារម្ភព្រួយបារម្ភចំពោះសេចក្តីព្រាងច្បាប់នេះ ខណៈដែលសេចក្តីព្រាងច្បាប់NGOs បានទៅដល់ដៃគណៈកម្មការជំនាញរបស់រដ្ឋសភាហើយនោះ។
-
ពលរដ្ឋបឹងកក់ ១៣ គ្រួសារសុំរស់នៅក្នុងដីចាស់វិញ
ភ្នំពេញៈ ពលរដ្ឋ ១៣ គ្រួសារនៃសហគមន៍បឹងកក់រួមទាំងអ្នកគាំទ្រប្រមាណជាង ២០ នាក់ផ្សេងទៀតដែលសុទ្ធសឹងជាសកម្មជនដីធ្លីមកពីសហគមន៍នានាក្នុងរាជធានីភ្នំពេញកាលពីព្រឹកម្សិលមិញបាននាំគ្នាដាក់លិខិតជូនដំណឹងមួយស្ដីពីការ «ចូលទៅកាន់កាប់ជាថ្មីនៅលើដីចាស់របស់ពួកគាត់ក្នុងតំបន់បឹង» ជូនលោកប្រធានរដ្ឋសភាជាតិ ហេង សំរិន ដើម្បីជួយអន្តរាគមន៍ហាមឃាត់អាជ្ញាធរដែនដីកុំឲ្យធ្វើការរារាំង ឬ ប្រើអំពើហិង្សាលើពួកគាត់ជាម្ចាស់ដី ខណៈអាជ្ញាធររាជធានីភ្នំពេញម្ដងហើយម្ដងទៀត បានព្យាយាមពន្យារពេលការដោះស្រាយបញ្ហាវិវាទដីធ្លីជូនពួកគាត់។
-
គ.ជ.បកំពុងពិភាក្សាជាមួយប្រតិភូជប៉ុនពីបច្ចេកទេសចុះឈ្មោះតាមកុំព្យូទ័រ
ដូចការគ្រោងទុក នៅថ្ងៃទី០៧ កក្កដានេះ មន្ត្រីគណៈកម្មាធិការជាតិ រៀបចំការបោះឆ្នោត (គ.ជ.ប) បានជួបជាមួយ គណៈប្រតិភូជប៉ុន ដើម្បីពិភាក្សា អំពីបច្ចេកទេសកុំព្យូទ័រ សម្រាប់ការចុះឈ្មោះបោះឆ្នោត ជ្រើសរើសក្រុមប្រឹក្សា ឃុំ-សង្កាត់ និងការកែទម្រង់ការបោះឆ្នោត។កិច្ចពិភាក្សានេះ នឹងត្រូវធ្វើជាបន្តបន្ទាប់ ចាប់ពីថ្ងៃទី៧កក្កដានេះ រហូតដល់ថ្ងៃទី១០ ខែកក្កដា ឆ្នាំ២០១៥។ សម្រាប់លទ្ធផលនៃការជួបប្រជុំពិភាក្សានេះ នៅមិនទាន់បញ្ជាក់នៅឡើយទេ ព្រោះកិច្ចពិភាក្សាមិនទាន់បញ្ចប់។
-
អាជ្ញាធររារាំង ក្បួនដង្ហែរបស់អង្គការសង្គមស៊ីវិល នៅរង្វង់មូលសម្តេចជួន ណាត
រាជធានីភ្នំពេញ៖ ក្រុមអង្គការសង្គមស៊ីវិល និងប្រជាសហគមន៍ ជាច្រើននាក់នៅព្រឹកថ្ងៃទី០៧កក្កដានេះ បានជួបជុំគ្នាសារជាថ្មី ហែក្បួន លើកបដា ស្រែមេក្រូ តវ៉ាជំទាស់នឺងច្បាប់ស្តីពីអង្គការ សមាគម និងសហជីព ដែលរដ្ឋសភានឹងអនុម័តនៅថ្ងៃទី១១ កក្កដាខាងមុខ។ក្បួនដង្ហែរបស់អង្គការសង្គមស៊ីវិលនេះត្រូវអាជ្ញាធរសមត្ថកិច្ចរារាំងនៅរង្វង់មូលសម្តេចសង្ឃ ជួន ណាត ក្បែររដ្ឋសភាជាតិ។
-
គណបក្សសង្រ្គោះជាតិបញ្ចេញសេចក្តីព្រាងច្បាប់អង្គការដែលមានការកែប្រែស្ទើរទាំងស្រុង
តំណាងរាស្រ្តគណបក្សសង្រ្គោះជាតិបានសិក្សាសេចក្តីព្រាងច្បាប់សមាគម និងអង្គការក្រៅរដ្ឋាភិបាល ដែលរៀបចំឡើងដោយក្រសួងមហាផ្ទៃ ដោយបានកែប្រែស្ទើរតែទាំងស្រុងនៃសេចក្តីព្រាងច្បាប់នោះ។ តំណាងរាស្រ្តគណបក្សសង្រ្គោះជាតិ លោក សុន ឆ័យ មានប្រសាសន៍ថាសេចក្តីព្រាងដែលមានការកែប្រែនេះគ្រាន់តែជាការសិក្សាមួយ ប៉ុន្តែមិនទាន់ជាជំហររួមគ្នារបស់គណបក្សសង្រ្គោះជាតិជាផ្លូវការនោះទេ។ លោកថាគណបក្សសង្រ្គោះជាតិនឹងពិភាក្សាគ្នានៅថ្ងៃស្អែកនេះថាតើនឹងធ្វើអ្វីទៀតទាក់ទងនឹងសេចក្តីព្រាងច្បាប់នេះ។
-
សមត្ថកិច្ចរារាំងជាថ្មីទៀតមិនឲ្យសកម្មជនតវ៉ាប្រឆាំងនឹងការអនុម័តច្បាប់ NGO
សមត្ថកិច្ចនិងកងសន្តិសុខខណ្ឌប្រដាប់ដោយដំបងឆក់ និងខែល នៅថ្ងៃអង្គារនេះបានរារាំងជាថ្មីទៀតមិនឲ្យមន្ត្រីសង្គមស៊ីវិល និងប្រជាពលរដ្ឋតវ៉ាប្រឆាំងនឹងការអនុម័តសេចក្ដីព្រាងច្បាប់ស្ដីពីសមាគម និងអង្គការមិនមែនរដ្ឋាភិបាលនោះឡើយ។ សមត្ថកិច្ចបានបិទផ្លូវក្បែររង្វល់មូលសម្តេច ជួន ណាត រារាំងសកម្មជនរួមទាំងព្រះសង្ឃ ប្រមាណជាង៦០០អង្គ/នាក់ ដែលប្រមូលផ្តុំនៅក្បែរស្ថានទូតរុស្ស៊ី ប្រុងធ្វើដំណើរថ្មើជើងឆ្ពោះទៅកាន់រង្វង់មូលសម្តេចសង្ឃរាជ ជួន ណាត ព្រះបរមរាជវាំង និងក្បែរផ្សារចាស់ រួចត្រឡប់មករដ្ឋសភាទាមទារឲ្យស្ថាប័ននេះទម្លាក់ចោលសេចក្ដីព្រាងច្បាប់ NGO។
-
ឣ្នកមានជម្លោះដីធ្លី៖ច្បាប់គ្រប់គ្រងឣង្គការនឹងរំលោយសហគមន៍
អ្នកមានជម្លោះដីធ្លីបានប្រតិកម្មថ្មីទៀតថា ការធ្វើច្បាប់គ្រប់គ្រងអង្គការដែលពួកគេយល់ថា ច្បាប់ដ៏ចម្រូងចម្រាស់នោះ នឹងលើកទឹកចិត្តឲ្យអាជ្ញាធរបណ្តេញពួកគេចេញពីលំនៅដ្ឋានកាន់តែច្រើនថែមទៀត ដោយគ្មានអ្នកឃ្លាំមើលសិទ្ធិមនុស្សអាចជួយបាន។ ការបញ្ចេញប្រតិកម្មនេះធ្វើនៅមុខមន្ទីររដ្ឋសភានៅថ្ងៃចន្ទនេះ ដោយតំណាងសហគមន៍យ៉ាងតិចចំនួន៤ មកពីសហគមន៍បឹងកក់ បុរីកីឡា សហគមន៍ព្រលានយន្តហោះអន្តរជាតិភ្នំពេញ និងអតីតបឹងកក់ដែលបានបណ្តេញចេញ។
-
អង្គការអន្តរជាតិមួយជំរុញឲ្យអាជ្ញាធរកម្ពុជាទម្លាក់រាល់បទចោទប្រឆាំងមន្ត្រីសិទ្ធិមនុស្ស
អង្គការអន្តរជាតិ Front Line Defenders ដែលមានមូលដ្ឋាននៅក្នុងទីក្រុងDublin ប្រទេសអៀរឡង់ (Ireland) ជំរុញឲ្យអាជ្ញាធរកម្ពុជាទម្លាក់ចោលរាល់បទចោទប្រកាន់លើប្រធានផ្នែកស៊ើបអង្កេតនៃសមាគមការពារសិទ្ធិមនុស្សអាដហុក លោក នី ចរិយា ។ កាលពីចុងខែមិថុនា សាលាដំបូងរាជធានីភ្នំពេញបានចេញដីកាបង្គាប់ឲ្យលោក នី ចរិយា ចូលទៅបំភ្លឺនៅថ្ងៃទី១៣ ខែកក្កដា ឆ្នាំ២០១៥ ក្រោមបណ្តឹងរបស់ចៅក្រមស៊ើបសួរ និងព្រះរាជអាជ្ញារងខេត្តសៀមរាប ដែលប្តឹងលោកពីបទបរិហារបង្កាច់កេរិ៍្ត បរិហាកេរ្តិ៍ជាសាធារណៈ និងបទផ្សព្វផ្សាយនូវការអត្ថាធិប្បាយដើម្បីដាក់សម្ពាធលើយុត្តាធិការ ។
-
ពលរដ្ឋមានជម្លោះដីធ្លីនៅខេត្តក្រចេះចោទអាជ្ញាធរថាបន្តឈូសឆាយដំណាំពួកគាត់
ពលរដ្ឋមានជម្លោះដីធ្លីនៅខេត្តក្រចេះ ចោទអាជ្ញាធរខេត្តនេះថា បន្តឈូសឆាយបំផ្លាញដំណាំពួកគាត់ នៅពេលដែលពុំមានដំណោះស្រាយជាក់លាក់នៅឡើយ។ ក្រុមពលរដ្ឋជាង ៥០នាក់ ដែលមានបញ្ហាដីធ្លីទាំងនេះ បានរកកិច្ចអន្តរាគមន៍នៅរាជធានីភ្នំពេញ និងដាក់ញត្តិទៅស្ថាប័នថ្នាក់ជាតិ ព្រមទាំងស្ថានទូតប្រទេសមហាអំណាចជាង ១ខែមកហើយ ទាក់ទិនទំនាស់ដីធ្លីនៅឃុំកំពង់ដំរី។ ក្រុមពលរដ្ឋរស់នៅភូមិប្រមា ឃុំកំពង់ដំរី ស្រុកឆ្លូង ទទូចស្នើសុំដំណោះស្រាយទំនាស់ដីធ្លីរបស់ពួកគាត់ ដែលអាជ្ញាធរខេត្តក្រចេះ គ្រោងបណ្ដេញចេញដើម្បីយកដីផ្តល់ជាដីសម្បទានសង្គមកិច្ចដល់ពលរដ្ឋផ្សេងទៀត។ ការត្អូញត្អែរនេះ ធ្វើឡើងជាថ្មីទៀត ស្របពេលដែលស្ថាប័នកំពូលថ្នាក់ជាតិ និងរដ្ឋសភា នៅមិនទាន់មានសេចក្តីជូនដំណឹងជាក់លាក់ពីចំណាត់ការ ដើម្បីឲ្យពួកគាត់កក់ក្តៅឡើយ។
-
រដ្ឋសភាឲ្យសាធារណជនចុះឈ្មោះពិគ្រោះយោបល់សេចក្តីព្រាងច្បាប់ NGOs
ភ្នំពេញៈ អគ្គលេខាធិការដ្ឋានរដ្ឋសភាប្រកាសដល់សាធារណជនដែលចង់ចូលរួមក្នុងសិក្ខាសាលាពិគ្រោះយោបល់លើសេចក្ដីព្រាងច្បាប់ស្ដីពីសមាគម និងអង្គការមិនមែនរដ្ឋាភិបាលត្រូវចុះឈ្មោះរហូតដល់ថ្ងៃទី ៧ ខែកក្កដាដើម្បីទទួលយកស្លាកសញ្ញាសម្គាល់សម្រាប់ចូលរួមនៅក្នុងសិក្ខាសាលាមួយនេះ។ សេចក្ដីជូនដំណឹងចុះថ្ងៃទី ៣ ខែកក្កដា ឆ្នាំ ២០១៥ ដែលចុះហត្ថលេខាដោយលោក ឡេង ប៉េងឡុង អគ្គលេខាធិការនៃអគ្គលេខាធិការដ្ឋានរដ្ឋសភាបានឲ្យដឹងថានៅថ្ងៃទី ៨ ខែកក្កដាខាងមុខគណៈកម្មការកិច្ចការបទេសសហប្រតិបត្តិការអន្តរជាតិឃោសនាការ និងព័ត៌មានដោយសហការជាមួយគណៈកម្មការមហាផ្ទៃ ការពារជាតិ និងមុខងារសាធារណៈ និង គណៈកម្មការនីតិកម្ម និងយុត្តិធម៌នៃរដ្ឋសភានឹងរៀបចំសិក្ខាសាលាពិគ្រោះយោបល់លើសេចក្ដីព្រាងច្បាប់ស្ដីពីសមាគម និងអង្គការមិនមែនរដ្ឋាភិបាលចំពោះសាធារណជនណាដែលចង់ចូលរួមត្រូវចុះឈ្មោះដើម្បីទទួលយកស្លាកសញ្ញាសម្គាល់សម្រាប់ចូលរួមនៅក្នុងសិក្ខាសាលា។
-
ពលរដ្ឋមានជម្លោះដីធ្លី៥១គ្រួសារនៅបន្ទាយមានជ័យស្វែងរកអន្តរាគមន៍ជួយដោះលែងតំណាង
ប្រជាពលរដ្ឋដែលមានទំនាស់ដីធ្លីជាមួយក្រុមហ៊ុន ឆាយឆាយ ប្រមាណ ៥នាក់ តំណាងឲ្យប្រជាពលរដ្ឋ ៥១គ្រួសារ នៅស្រុកអូរជ្រៅ ខេត្តបន្ទាយមានជ័យ នាំគ្នាទៅស្វែងរកកិច្ចអន្តរាគមន៍ពីអង្គការការពារសិទ្ធិមនុស្សអាដហុក (Adhoc) និងអង្គការលីកាដូ (Licadho) ខេត្តបន្ទាយមានជ័យ ដើម្បីឲ្យជួយទាក់ទងទៅស្ថាប័នរដ្ឋពាក់ព័ន្ធ អន្តរាគមន៍ដោះលែងតំណាងរបស់ខ្លួនម្នាក់ដែលសមត្ថកិច្ចប៉ូលិសខេត្ត ឃាត់ខ្លួនកាលពីថ្ងៃទី៤ កក្កដា កន្លងទៅ។ ប្រជាពលរដ្ឋដែលមានទំនាស់ដីធ្លីនៅស្រុកអូរជ្រៅ អំពាវនាវសុំឲ្យអាជ្ញាធរខេត្តបន្ទាយមានជ័យ និងមន្ត្រីពាក់ព័ន្ធ ដោះលែងតំណាងរបស់ខ្លួនឲ្យបានឆាប់ ពីព្រោះរូបគាត់ពុំមានកំហុសអ្វីនោះទេ។ ការអំពាវនាវនេះ កើតមានបន្ទាប់ពីអ្នកភូមិតវ៉ាសុំឲ្យប៉ូលិសខេត្តបន្ទាយមានជ័យ ដោះលែងតំណាងប្រជាពលរដ្ឋដែលមានទំនាស់ដីធ្លីម្នាក់ឈ្មោះ សឿន វី អាយុ ៥១ឆ្នាំ កាលពីថ្ងៃទី៥ កក្កដា កន្លងទៅ ប៉ុន្តែពុំទទួលបានលទ្ធផល។
-
ឃាត់ខ្លួនបុរសម្នាក់ ពីបទរំលោភសេពសន្ថវៈ លើអនីតិជន
កណ្តាល៖ នគរបាលស្រុកអង្គស្នួល បានធ្វើការឃាត់ខ្លួនបុរសម្នាក់ ពីបទរំលោភសេពសន្ថវៈ លើអនីតិជន តាមពាក្យបណ្តឹងរបស់ម្តាយក្មេងស្រីរងគ្រោះ បញ្ជូនទៅកាន់អធិការដ្ឋាននគរបាលស្រុក ដើម្បីធ្វើការសាកសួរ និងកសាងសំណុំរឿងចាត់ការតាមច្បាប់។ការឃាត់ខ្លួនតាមបណ្តឺងនេះកាលពីវេលាម៉ោង១១និង៤០នាទី ថ្ងៃទី០៣កក្កដា នៅភូមិបូរីកម្មករ ឃុំបែកចាន ស្រុកអង្គស្នួល។
-
គណៈកម្មការទី១រដ្ឋសភាត្រៀមបញ្ជូនឯកសារទាក់ទងដីនៅខេត្តព្រះសីហនុទៅក្រសួងមហាផ្ទៃ
មន្ត្រីគណៈកម្មការទី១នៃរដ្ឋសភា ត្រៀមលើកយកសកម្មភាពល្មើសទន្ទ្រានពុះច្រៀកដីអនុក្រឹត្យលេខ៧៦ សម្រាប់ទុករក្សាប្រភពទឹកស្អាតនៅតំបន់ក្បាលឆាយ លក់ដូរជាឡូៗផ្ដើមដោយសមាជិកក្រុមប្រឹក្សាខេត្តព្រះសីហនុ និងសាច់ញាតិ។ សកម្មភាពទន្ទ្រានលក់ដូរដែល លោក ហ៊ុន សែន បានហាមឃាត់នេះ បានបន្តកើតមាន និងបានកាប់បំផ្លាញដើមឈើនៅក្នុងតំបន់ហាមឃាត់នោះ ប៉ុន្តែអាជ្ញាធរស្ថាប័នពាក់ព័ន្ធខេត្តព្រះសីហនុ គ្មានវិធានការទប់ស្កាត់ទេ។
-
យុវជនមួយក្រុមរៀបចំព្រឹត្តិការណ៍ផ្សព្វផ្សាយសុច្ចរិតភាព និងអំពើពុករលួយក្នុងសង្គម
យុវជនមួយក្រុម នៅព្រឹកថ្ងៃអាទិត្យ បានរៀបចំព្រឹត្តិការណ៍Pigo Challenge ដែលមានពាក្យពេញថា Promote Integrity Go! ក្នុងគោលបំណងផ្សព្វផ្សាយ និងលើកកម្ពស់សុច្ចរិតភាពក្នុងចំណោមយុវជនក៏ដូចជាប្រជាជនក្នុងសង្គមកម្ពុជា។ សេចក្តីប្រកាសព័ត៌មានរបស់ក្រុមយុវជន ឲ្យដឹងថាយុវជនដែលរៀបចំកម្មវិធីបានទទួលបានការបណ្តុះបណ្តាលពីអង្គការតម្លាភាពកម្ពុជា និងបានទទួលការគាំទ្រពីសំណាក់អង្គការនេះ ដើម្បីរៀបចំព្រឹត្តិការណ៍ Pigo Challenge។ បើតាមសេចក្តីប្រកាសព័ត៌មាន កម្មវិធីត្រូវបានរៀបចំឡើង ដើម្បីអប់រំយុវជនឲ្យយល់ដឹងជាងមុនពីអំពើពុករលួយ ច្បាប់ប្រឆាំងអំពើពុករលួយ ព្រមទាំងចូលរូមប្រយុទ្ធប្រឆាំងអំពើនេះផងដែរ ដោយសារតែអំពើពុករលួយប្រៀបបានជារនាំងមួយដែលទប់ស្កាត់ការអភិវឌ្ឍប្រទេសជាតិ។
-
ពលរដ្ឋមានជម្លោះដីនឹងក្រុមហ៊ុនឧកញ៉ា ទ្រី ភាព នៅពោធិ៍សាត់សុំពន្លឿនដំណោះស្រាយ
ប្រជាពលរដ្ឋចំនួន ២៦គ្រួសារ ដែលមានបញ្ហាដីធ្លីជាមួយក្រុមហ៊ុន អឹម.ឌី.អេស (MDS) របស់លោកឧកញ៉ា ទ្រី ភាព ស្នើឲ្យអាជ្ញាធរពន្លឿននីតិវិធីដោះស្រាយ ខណៈអ្នកភូមិស្វះស្វែងរកអន្តរាគមន៍ពីស្ថាប័នជាតិមួយចំនួននៅរាជធានីភ្នំពេញ។ មន្ត្រីសិទ្ធិមនុស្សឲ្យដឹងថា នីតិវិធីដោះស្រាយយឺតយ៉ាវក្នុងរឿងនេះខ្លះ អាចមកពីពលរដ្ឋមិនសូវសហការល្អជាមួយអាជ្ញាធរ។ រយៈពេលជិត ៦ឆ្នាំ ដែលទំនាស់ដីធ្លីរវាងពលរដ្ឋឃុំថ្មដា ស្រុកវាលវែង ខេត្តពោធិ៍សាត់ និងក្រុមហ៊ុនអភិវឌ្ឍន៍តំបន់សេដ្ឋកិច្ចពិសេស និងដំណាំកសិឧស្សាហកម្មរបស់លោកឧកញ៉ា ទ្រី ភាព បានបង្ខំឲ្យពលរដ្ឋរកជំនួយពីស្ថាប័នជាតិ និងខុទ្ទកាល័យរបស់លោកនាយករដ្ឋមន្ត្រី ហ៊ុន សែន ដែលកន្លងទៅពួកគាត់រិះគន់ថា លម្អៀងទៅរកក្រុមហ៊ុនអ្នកមានលុយ ហើយទុកពលរដ្ឋក្រីក្រដូចជាសត្វធាតុ។
-
សមាជិករដ្ឋសភានឹងពិនិត្យមើលជនអនាថានៅមជ្ឍមណ្ឌលព្រៃស្ពឺដោយសង្ស័យថា មានការរំលោភសិទ្ធិមនុស្ស
គណៈកម្មការទី៨ នៃរដ្ឋសភា នឹងចុះពិនិត្យមើល ការគ្រប់គ្រងជនអនាថា នៅមជ្ឍមណ្ឌលបណ្ដុះបណ្ដាលវិជ្ជាជីវៈព្រៃស្ពឺ នៅថ្ងៃទី០៧ខែកក្កដាខាងមុខនេះ ដោយសារមានការសង្ស័យថា មានការរំលោភសិទ្ធិមនុស្ស ពីសំណាក់អ្នកគ្រប់គ្រង ។ ប្រធានគណៈកម្មការទី៨នៃរដ្ឋសភា ទទួលបន្ទុកសុខាភិបាល និងជាតំណាងរាស្ដ្រខេត្ដសៀមរាប មកពីគណបក្សសង្គ្រោះជាតិ លោកស្រី កែ សុវណ្ណរតន៍ ឲ្យVODដឹងថា ការចុះស្វែងយល់នៅក្នុងមជ្ឍមណ្ឌលបណ្ដុះបណ្ដាលវិជ្ជាជីវៈព្រៃស្ពឺនេះ ក្នុងគោលបំណងពិនិត្យមើលពីស្ថានភាពរស់នៅរបស់ជនអនាថា ដែលស្ថាប័នជំនាញបានប្រមូលពួកគេយកទៅគ្រប់គ្រងនៅមជ្ឍមណ្ឌលនោះ ថាតើពួកគាត់រស់នៅដោយរបៀបណា និងបានបណ្ដុះបណ្ដាលវិជ្ជាជីវៈអ្វីខ្លះដល់ពួកគេ ។ លោកស្រីបន្ដថា តាមបណ្ដញសារព័ត៌មាន និងអង្គការក្រៅរដ្ឋាភិបាល បានមើលឃើញថា នៅក្នុងមជ្ឍមណ្ឌលនេះ ហាក់ដូចជាមានការរំលោភសិទ្ធិមនុស្ស ។
-
បទវិភាគ៖ តើសេចក្តីព្រាងច្បាប់ស្ដីពីសមាគមនិងអង្គការក្រៅរដ្ឋាភិបាលប៉ះពាល់អ្វីខ្លះ?
សេចក្តីព្រាងច្បាប់ស្ដីពីសមាគម និងអង្គការមិនមែនរដ្ឋាភិបាល ដែលកំពុងស្ថិតក្នុងដៃរដ្ឋសភា ត្រូវបានអ្នកច្បាប់ អង្គការជាតិ និងអន្តរជាតិ សិក្សាឃើញថា មានចេតនារឹតបន្តឹង និងលុបបំបាត់អង្គការសង្គមស៊ីវិលទាំងឡាយណា ដែលរិះគន់ ឬមានគោលការណ៍មិនស្របនឹងរដ្ឋាភិបាល។ សេចក្តីព្រាងច្បាប់ដ៏ចម្រូងចម្រាសនេះ មិនត្រឹមតែធ្វើឲ្យអង្គការសិទ្ធិមនុស្សជាតិ និងអន្តរជាតិ ព្រួយបារម្ភអំពីផលប៉ះពាល់ធ្ងន់ធ្ងរដល់របបប្រជាធិបតេយ្យ និងសុខុមាលភាពសង្គមជាតិកម្ពុជា ប៉ុណ្ណោះទេ ប៉ុន្តែក៏បានធ្វើឲ្យតំណាងអង្គការសហប្រជាជាតិ ស្ថានទូតសហរដ្ឋអាមេរិក និងសហភាពអឺរ៉ុប ផង ដែលសុទ្ធសឹងតែជាម្ចាស់ជំនួយធំៗ និងមានឥទ្ធិពលនៅក្នុងសហគមន៍អន្តរជាតិ សម្តែងការព្រួយបារម្ភរបស់ខ្លួនដោយចំហទៀតផង។ សូមស្ដាប់ លោក ជី វិតា វិភាគផ្ដោតលើការសិក្សាអំពីសេចក្តីព្រាងច្បាប់នេះរបស់អ្នកច្បាប់ និងអង្គការសង្គមស៊ីវិល តាមការសាកសួររបស់ លោក តាំង សារ៉ាដា ដូចតទៅ (វគ្គ១)៖
គាំទ្រដោយ
