កំពុងស្វែងរកទិន្នន័យ
រកឃើញ: 12.457
-
សមត្ថកិច្ចចាប់ខ្លួនតំណាងសហគមន៍ដីធ្លីនៅខេត្តបន្ទាយមានជ័យ
សមត្ថកិច្ចបានចាប់ខ្លួនតំណាងសហគមន៍ដីធ្លី១រូបនៅ ស្រុកអូរជ្រៅ ខេត្តបន្ទាយមានជ័យ ដោយមិនបង្ហាញដីកាកាលពីរសៀលថ្ងៃសៅរ៍ម្សិលមិញ ហើយរហូតដល់រសៀលថ្ងៃអាទិត្យនេះ មិនទាន់ដោះលែងទេ ។ ប្រជាពលរដ្ឋរស់នៅភូមិសិលា ឃុំអូរបីជាន់ លោក សំ ជឿន ប្រាប់VODថា តំណាងរបស់ពួកគាត់ឈ្មោះ សៀង វី ត្រូវសមត្ថកិច្ចខេត្តបន្ទាយមានជ័យចាប់ខ្លួនកាលពីម្សិលមិញ ។
-
ពលរដ្ឋមានទំនាស់ដីធ្លីនៅខេត្តបន្ទាយមានជ័យតវ៉ាឲ្យដោះលែងសកម្មជនដីធ្លីម្នាក់
ប្រជាពលរដ្ឋដែលមានទំនាស់ដីធ្លីជាមួយក្រុមហ៊ុន ឆាយ ឆាយ នៅស្រុកអូរជ្រៅ ខេត្តបន្ទាយមានជ័យ ប្រមាណ ៣០នាក់ នៅព្រឹកថ្ងៃទី៥ កក្កដា លើកគ្នាទៅស្នងការដ្ឋាននគរបាលខេត្ត ដើម្បីតវ៉ាទាមទារឲ្យដោះលែងសកម្មជនដីធ្លីម្នាក់ ដែលប៉ូលិសចាប់ខ្លួនកាលពីរសៀលទី៤ កក្កដា កន្លងទៅ។ អ្នកភូមិហៅការចាប់ខ្លួននេះ ថាជារឿងអយុត្តិធម៌មកលើប្រជាពលរដ្ឋ ដើម្បីរារាំងមិនឲ្យពួកគាត់តវ៉ារឿងទំនាស់ដីធ្លីបន្តទៀត។ តំណាងប្រជាពលរដ្ឋម្នាក់ឈ្មោះ សំ ជឿន រស់នៅភូមិសិលាខ្មែរ ឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ អះអាងថា ពលរដ្ឋដែលប៉ូលិសចាប់ខ្លួននោះឈ្មោះ សៀន វី អាយុ ៥១ឆ្នាំ រស់នៅភូមិជាមួយគ្នា ត្រូវប៉ូលិសខេត្តបន្ទាយមានជ័យ ចាប់ខ្លួននៅពេលដែលគាត់ទៅធ្វើខ្ទមលើដីទំនាស់ដែលពួកគាត់បានតវ៉ាតាំងពីឆ្នាំ២០០៣ រហូតមក។លោកអះអាងទៀតថា ផ្ទៃដីដែលមានទំនាស់ទំហំប្រមាណជាង ១០០ហិកតារ នៅចំណុចសូរិយា សង្កាត់និមិត្ត ក្រុងប៉ោយប៉ែត ខេត្តបន្ទាយមានជ័យ ដីនោះប្រជាពលរដ្ឋចំនួន ៥១គ្រួសារមានទំនាស់ជាមួយក្រុមហ៊ុន ឆាយ ឆាយ ហើយអ្នកភូមិបានតវ៉ាជាបន្តបន្ទាប់រហូតមកទល់បច្ចុប្បន្ន៖ «ប៉ូលិសទៅចាប់មនុស្សទាំងស្រស់ៗ ដោយពុំមានដីកាចាប់ខ្លួនទេ ដើម្បីគំរាមពួកយើងខ្ញុំឲ្យទៅចរចាបញ្ចប់ជម្លោះជាមួយក្រុមហ៊ុន បន្ទាប់ពីចរចាជាមួយពួកយើងខ្ញុំមិនត្រូវរ៉ូវគ្នានាពេលកន្លងទៅ»។
-
កម្មកររោងចក្រអេដអេសស៊ីតវ៉ាទាមទារឲ្យថៅកែដូរតំណាងពួកគេ១០នាក់
កម្មករររោងចក្រប្រមាណជា ៥៥០នាក់ធ្វើការនៅរោងចក្រដេរសំលៀកពាក់អេដអេសស៊ី នៅភូមិត្រពាំងឈូក ឃុំពងអង្រង ស្រុកគងពិសី ខេត្តកំពុងស្ពឺ នៅព្រឹកថ្ងៃអាទិត្យនេះ តវ៉ាទាមទារនៅមុខរោងចក្រឲ្យថៅកែដូរតំណាងពួកគេ១០នាក់ដែលថៅកែបានតែងតាំង ។ កម្មការិនីផ្នែកដេរម្នាក់ គឺអ្នកស្រី សោ ស៊ីម ប្រាប់ VODនៅថ្ងៃអាទិត្យនេះថា កម្មករនានាក្នុងរោងចក្រ បានប្រមូលផ្តុំគ្នាតវ៉ាសុំឲ្យថៅកែរោងចក្រដូរតំណាងកម្មករ១០នាក់ ដែលត្រូវបានភាគីរោងចក្រតែងតាំងពួកគេឲ្យធ្វើជាតំណាងកម្មករក្នុងរោងចក្រនោះ ។ គឺអ្នកស្រី បន្តថា កម្មករទាំងអស់ក្នុងរោងចក្រ មិនជឿទុកចិត្តលើតំណាងរបស់ពួកគេថា នឹងអាចធ្វើការដោយឯការាជនោះទេ ព្រោះតំណាងទាំង១០នាក់នោះ គឺជាបុគ្គលិកក្នុងរោចចក្រនោះ និងត្រូវចាត់តាំងឲ្យថៅកែ ។
-
ទូតអាមរិកជំរុញឲ្យមានការពិគ្រោះយោបល់លើច្បាប់អង្គការ-សមាគម
អគ្គរដ្ឋទូតសហរដ្ឋអាមេរិកប្រចាំនៅកម្ពុជា ជំរុញអោយមានការពិគ្រោះយោបល់ពីគ្រប់ភាគីពាក់ព័ន្ធទៅលើសេចក្ដីព្រាងច្បាប់ស្ដីពីសមាគម និងអង្គការមិនមែនរដ្ឋាភិបាល ដើម្បីធានាថា ច្បាប់នេះនឹងពង្រឹងសមត្ថភាពរបស់អង្គការសមាគម។ ការលើកឡើងនេះ ស្របពេលដែលរដ្ឋសភាប្រកាសថា នឹងបើកអោយមានកិច្ចពិគ្រោះយោបល់លើសេចក្ដីព្រាងច្បាប់ថ្មីនេះ។ ឆ្លើយតបនឹងការលើកឡើងនេះដែរ មន្ត្រីជាន់ខ្ពស់រដ្ឋាភិបាលកម្ពុជា បញ្ជាក់ថា សេចក្ដីព្រាងច្បាប់នេះបានឆ្លងកាត់ការពិគ្រោះយោបល់ច្រើនលើកមកហើយ។ យ៉ាងណារដ្ឋាភិបាលនឹងបន្តស្ដាប់យោបល់លើករណីនេះទៀត។
-
សង្គមស៊ីវិលនឹងធ្វើសិក្ខាសាលាពីច្បាប់NGOsនៅថ្ងៃទី៧ខែកក្កដា
អង្គការសង្គមស៊ីវិល នឹងរៀបចំសិក្ខាសាលាពិគ្រោះយោបល់ស្តីពីច្បាប់សមាគម និង អង្គការ មិនមែនរដ្ឋាភិបាល នៅថ្ងៃទី៧ ខែកក្កដា ដើម្បីពិគ្រោះយោបល់ និងវិភាគផ្នែកច្បាប់ រកមតិមួយរួមបញ្ជូនទៅរដ្ឋសភា ។ សេចក្តីជួនដំណឹងរូមរបស់គណៈកម្មាធិកាសហប្រតិបត្តិការដើម្បីកម្ពុជា វេទិកានៃ អង្គការមិនមែនរដ្ឋាភិបាលស្តីពីកម្ពុជា មជ្ឈមណ្ឌលសិទ្ធិមនុស្សកម្ពុជា និងគណៈកម្មាកា ប្រព្រឹត្តកម្មនៃអង្គការ សមាគមការពារសិទ្ធិមនុស្សកម្ពុជា បានឲ្យដឹងថា សិក្ខាសាលាពិគ្រោះ យោបល់នោះធ្វើឡើងនៅថ្ងៃទី៧ខែកក្កដា នៅសណ្ឋាគារកាំបូឌីយ៉ាណា ។
-
សហគមន៍ការពារព្រៃឈើនៅឧត្តរមានជ័យរងការគំរាមកំហែងពីអ្នកកាប់ឈើ
ឧក្រិដ្ឋកម្មព្រៃឈើនៅខេត្តឧត្តរមានជ័យ មិនត្រឹមតែគំរាមកំហែងទៅលើបរិស្ថានធម្មជាតិ និងសត្វព្រៃ ឱ្យបាត់បង់ទីជម្រក និងទីកន្លែងរស់នៅប៉ុណ្ណោះទេ គឺថែមទាំងកំពុងគំរាមកំហែងទៅលើក្រុមសកម្មជនអ្នកការពារព្រៃឈើទៀតផង។ ចាប់តាំងពីពាក់កណ្ដាលខែមិថុនា កន្លងទៅ ក្រុមអ្នកលួចចូលទៅកាប់ឈើខុសច្បាប់នៅក្នុងតំបន់ព្រៃការពាររបស់សហគមន៍ សង្ឃរុក្ខវ័ន្ត បានគំរាមកំហែងផ្ទួនៗ ទៅលើក្រុមអ្នកការពារ រួមមានការលួចដុតបំផ្លាញផ្ទះរបស់សមាជិកគណៈកម្មការ និងដុតបំផ្លាញទីស្នាក់ការរបស់សហគមន៍ការពារព្រៃឈើសង្ឃរុក្ខវ័ន្ត នៅក្នុងភូមិបាក់នឹម ជាដើម។
-
ILO បង្ហាញរបៀបគិតប្រាក់ឈ្នួលអប្បបរមារបស់កម្មករសម្រាប់ឆ្នាំ២០១៦
អង្គការអន្តរជាតិខាងការងារ (ILO) បង្ហាញពីរបៀបគិតប្រាក់ឈ្នួលកម្មករអប្បបរមាសម្រាប់ឆ្នាំ២០១៦ ដល់សមាជិកគណៈកម្មការប្រឹក្សាការងារ (LAC) តំណាងកម្មករ និយោជិត នៅថ្ងៃទី២ ខែកក្កដា ដើម្បីធ្វើការសិក្សាស្រាវជ្រាវរកតួលេខជាក់លាក់មួយក្នុងការកំណត់ប្រាក់ឈ្នួលជូនកម្មករក្នុងវិស័យឧស្សាហកម្មកាត់ដេរ។ ទាក់ទិនបញ្ហានេះ មេដឹកនាំសហជីពមួយចំនួនមិនចង់ឃើញការកំណត់ប្រាក់ឈ្នួលតាមបន្ទាត់នៃភាពក្រីក្រនោះទេ ព្រោះមិនអាចធានាឲ្យកម្មកររស់នៅដោយសមរម្យ។
-
សហគមន៍ចំនួន១៣មានបញ្ហាដីធ្លីនៅខេត្តព្រះសីហនុផ្ទះការតវ៉ាជាថ្មីទៀត
តំណាងសហគមន៍មានទំនាស់ដីធ្លីចំនួន១៣ នៅខេត្តព្រះសីហនុ នៅព្រឹកថ្ងៃសុក្រ ទី៣ កក្កដា បានមកប្រមូលផ្ដុំគ្នាលើកបដាតវ៉ាជាថ្មីទៀត នៅមុខសាលាខេត្ត ដើម្បីស្នើដល់ថ្នាក់ដឹកនាំខេត្តនេះជួយបំភ្លឺលើទំនាស់ដីធ្លី ដែលពួកគេបានដាក់ញត្តិអោយជួយអន្តរាគមន៍កន្លងមក ប៉ុន្តែមិនទាន់មានការឆ្លើយតប។ ក្រៅពីនេះ តំណាងសហគមន៍និមួយៗ ក៏បានជួយទាមទារអោយថ្នាក់ដឹកនាំខេត្តព្រះសីហនុ ផ្អាកការរុះរើតូបលក់ដូរ របស់ក្រុមអាជីវករ នៅឆ្នេរអូរឈើទាល អតីតក្រុមហ៊ុនអារីស្តុន ដើម្បីរង់ចាំដំណោះស្រាយពីរដ្ឋសភា និងលោកនាយករដ្ឋមន្ត្រី ហ៊ុន សែន ជួយដោះស្រាយ។
-
ជនពិការកម្ពុជានៅមានការប្រឈមដដែល ខណៈច្បាប់ការពារត្រូវគេគោរពមិនពេញលេញ
អង្គការជនពិការកម្ពុជាទើបតែបានរកឃើញថាជនពិការនៅទូទាំងប្រទេស បាននឹងកំពុងប្រឈមបញ្ហាជាច្រើន ដូចជាបញ្ហាការងារ បញ្ហាទទួលបានសិទ្ធបោះឆ្នោត កង្វះខាតព័ត៌មានជាដើម។ ការកត់សម្គាល់នេះបានធ្វើឡើងខណៈដែលច្បាប់ស្តីពីការការពារនិងលើកកំពស់សិទ្ធិជនពិការត្រូវបានដាក់ឲ្យប្រើប្រាស់អស់រយៈពេល៦ឆ្នាំមកហើយមកទល់នឹងថ្ងៃសុក្រនេះ។ ជាយោបល់ អង្គការជនពិការកម្ពុជាបានទទូចឲ្យរដ្ឋាភិបាលធ្វើជាគំរូគេនៅក្នុងការអនុវត្តច្បាប់នេះ។
-
លោក ឈាង វុន ថា ក្រុមអ្នកកាសែតដែលលោកបណ្តេញចេញពីរដ្ឋសភា ធ្វើខុសវិជ្ជាជីវៈ
ក្លិបអ្នកកាសែតកម្ពុជា បានចេញសេចក្តីថ្លែងការណ៍ភ្លាមៗរិះគន់ លោក ឈាង វុន អ្នកតំណាងរាស្ត្រគណបក្សប្រជាជនកម្ពុជា ដែលប្រើសម្តីមិនសមរម្យទៅលើអ្នកសារព័ត៌មាននៅវិមានរដ្ឋសភាកាលថ្ងៃពុធ ទី ០១ ខែមិថុនា កន្លងទៅ។ ជាមួយគ្នានេះ ក្រុមអង្គការសង្គមស៊ីវិលមួយចំនួន ក៏បង្ហាញក្តីព្រួយបារម្ភពីសេរីភាពនៃការបញ្ចេញមតិ ដោយសារតែទង្វើលោក ឈាង វុន បណ្តេញអ្នកតំណាងរាស្ត្របក្សប្រឆាំងមិនឲ្យផ្តល់បទសម្ភាសន៍ដល់អ្នកកាសែតផងដែរ។ តែយ៉ាងណាក៏ដោយ លោក ឈាង វុន មិនបានទទួលស្គាល់ថា ខ្លួនជាអ្នកខុសនោះទេ ថែមទាំងចាត់ទុកសកម្មភាពរបស់អ្នកសារព័ត៌មាននៅពេលនោះថា ធ្វើផ្ទុយពីវិជ្ជាជីវៈរបស់ខ្លួន ហើយលោកស្នើឲ្យប្រធានក្លិបអ្នកកាសែត ត្រូវពិនិត្យមើលឲ្យបានច្បាស់លាស់មុននឹងចេញសេចក្តីថ្លែងការណ៍។ រីឯតំណាងរាស្ត្របក្សឆាំងលោក អ៊ុំ សំអាន វិញ បានធ្វើសកម្មភាពខុសពីបទបញ្ជាផ្ទៃក្នុងរដ្ឋសភា ហើយវាជាទង្វើព្រហើននៅក្នុងរដ្ឋសភា។ នេះជាអ្វីដែលលោក ឈាង វុន តំណាងរាស្ត្រគណបក្សប្រជាជនកម្ពុជា បានអះអាងនៅក្នុងបទសម្ភាសន៍ជាមួយ ការីនិពន្ធព័ត៌មានជាតិនៃសារព័ត៌មានថ្មីៗ លោក ជា ធីរិទ្ធ ។
-
សហជីពថាច្បាប់ស្តីពីផ្ទះជួលនឹងជួយច្រើនដល់កម្មកររោងចក្រកាត់ដេរ
សហជីព និងកម្មករមួយចំនួនបានស្វាគមន៍ចំពោះសេចក្តីព្រាងច្បាប់ភតិសន្យាពិសេស ឬច្បាប់ជួលផ្ទះ ដោយចាត់ទុកថាច្បាប់នេះនឹងជួយដល់កម្មកររោងចក្រកាត់ដេរ។ ច្បាប់ភតិសន្យាពិសេសនឹងមិនអនុញ្ញាតឲ្យម្ចាស់ផ្ទះជួលដំឡើងថ្លៃផ្ទះសម្រាប់កម្មករ និស្សិត និងសិស្ស ដែលជួលផ្ទះ ក្នុងអំឡុងពេលពីរឆ្នាំនៃការជួលផ្ទះ និងផ្តល់សិទ្ធិឲ្យអ្នកជួលផ្ទះអាចឈប់ជួលពេលណាក៏បាន។ ប្រធានសហជីពសេរីកម្មករនៃព្រះរាជាណាចក្រកម្ពុជា លោក ជា មុនី មានប្រសាសន៍ថាលោកគាំទ្រទៅនឹងច្បាប់ទាំងឡាយណាដែលបម្រើផលប្រយោជន៍របស់កម្មករ។ លោកថាច្បាប់ភតិសន្យានេះនឹងផ្តល់ប្រយោជន៍សម្រាប់កម្មករ ប៉ុន្តែលោកថាច្បាប់នេះក៏ត្រូវតែផ្តល់ឱកាសទទួលបានផលចំណេញទាំងភាគីម្ចាស់ផ្ទះជួល និងកម្មករ។
-
ការខ្វះជំនាញនឹងក្លាយជារឿងតប់ប្រមល់របស់កម្មកររោងចក្រពេលសមាហរណកម្មសេដ្ឋកិច្ចអាស៊ាន
វ៉ាស៊ីនតោន—បើជំនាញមិនគ្រប់គ្រាន់ កម្មកររោងចក្រកាត់ដេរកម្ពុជាជិត៧០ម៉ឺននាក់នឹងក្លាយជាឧបសគ្គនៃការប្រកួតប្រជែងពេលកម្ពុជាធ្វើសមាហរណកម្មទៅក្នុងសហគមន៍ សេដ្ឋកិច្ចអាស៊ាន។ នេះជាការអះអាងរបស់ លោក ជា មុនី ប្រធានសហជីព សេរីកម្មករកម្ពុជា និងកញ្ញា ង៉ាក សាវឿន តំណាងកម្មកររោងចក្រកាត់ដេរ F.Y ដែលបានថ្លែងក្នុងកម្មវិធី Hello VOA កាលពីយប់ថ្ងៃព្រហស្បតិ៍។ លោក មុនី បានបន្ថែមថា កម្ពុជាមានពលកម្មជំនាញតិច ដោយសារចំណាកស្រុកនិងការរក ឱកាសការងារក្រៅប្រទេស កម្មករជំនាញមិនត្រូវគេហ្វឹកហ្វឺនប៉ុន្មានទសវត្សរ៍ មកនេះ ពលករបរទេសដែលមានជំនាញខ្ពស់ជាងនឹងដណ្តើមការងារកម្ពុជាសំខាន់ៗ ការវិនិយោគទុនឧស្សាហកម្មធំៗថ្មីៗនឹងមិនអាចរកបានកម្មករជំនាញក្នុងប្រទេសកម្ពុជា។
-
ក្រុមសង្គមស៊ីវិលប្រតិកម្មខ្លាំងប្រឆាំងលោក ឈាង វុន
ប្រតិកម្មប្រឆាំងលោក ឈាង វុន តំណាងរាស្ត្ររាស្ត្រគណបក្សប្រជាជនកម្ពុជា នៅបន្តមាន។ ក្រុមសង្គមស៊ីវិលបានធ្វើសេចក្តីថ្លែងការណ៍រិះគន់ការបណ្តេញអ្នកតំណាងរាស្ត្រគណបក្សសង្គ្រោះជាតិមិនឲ្យផ្តល់បទសម្ភាសន៍ដល់អ្នកកាសែត ថាជាការរំលោភសិទ្ធិសេរីភាពក្នុងការសម្តែងមតិ សេរីភាពក្នុងការមានមតិ និងសិទ្ធិក្នុងការប្រឆាំងតវ៉ា។ «គណៈកម្មាធិការប្រព្រឹត្តិកម្មសូមធ្វើការរំឮកសមាជិករដ្ឋសភាកុំឲ្យធ្វើការជ្រៀតជ្រែកតាមទំនើងចិត្តទៅលើសិទ្ធិ និងឯកសិទ្ធិរបស់សមាជិកសភាដទៃទៀតក្នុងការថ្លែងទៅកាន់សារព័ត៌មានដោយសេរី និងបម្រើផលប្រយោជន៍ប្រជាពលរដ្ឋ ដែលពួកគេជាតំណាង»។ នេះជាការអត្ថាធិប្បាយរបស់ក្រុមតំណាងសង្គមស៊ីវិលទាំង២១ស្ថាប័នដែលធ្វើការងារលើវិស័យច្បាប់ វិស័យសិទ្ធិមនុស្សនៅកម្ពុជា។
-
តំណាងរាស្រ្តបក្សប្រឆាំងទាមទារលោក ឈាង វុន សុំទោសជាសាធារណៈ ករណីបណ្តេញចេញពីសភា
តំណាងរាស្រ្តគណបក្សសង្រ្គោះជាតិ លោក អ៊ុំ សំអាន ឲ្យដឹងថាលោកនឹងដាក់លិខិតទៅគណៈកម្មាធិការអចិន្រ្តៃយ៍នៃរដ្ឋសភា ដោយទាមទារឲ្យលោក ឈាង វុន អ្នកនាំពាក្យរដ្ឋសភា សុំទោសជាសាធារណៈចំពោះរូបលោក ពាក់ព័ន្ធនឹងករណីមិនអនុញ្ញាតឲ្យលោកផ្តល់បទសម្ភាសន៍ទៅកាន់អ្នកសារព័ត៌មាននៅវិមានរដ្ឋសភា។ យោងតាមវីដេអូដែលVODថតបាន កាលពីថ្ងៃពុធ លោក ឈាង វុន បានបណ្តេញតំណាងរាស្ត្រគណបក្សសង្គ្រោះជាតិ លោក អ៊ុំ សំអាន ចេញពីសភាមិនឲ្យផ្តល់សម្ភាសន៍ដល់អ្នកកាសែតពាក់ព័ន្ធនឹងសេចក្តីព្រាងច្បាប់អង្គការ។ ក្នុងពេលនោះ លោក ឈាង វុន ក៏បានឲ្យអ្នកសារព័ត៌មានវិទ្យុអាស៊ីសេរីដែលចង់សម្ភាសន៍លោក អ៊ុំ សំអាន ចេញពីរដ្ឋសភា និងព្រមានថាលើកក្រោយនឹងលែងឲ្យចូលសភា។ លោក ឈាង វុន ថា«កុំឲ្យខ្ញុំឲ្យសន្តិសុខមកអញ្ជើញចេញទៅ យល់នៅ? ព្រោះច្បាប់ នៅក្នុងរដ្ឋសភាគេមានច្បាប់របស់គេ ។ ហៅសន្តិសុខឲ្យខ្ញុំបន្តិចមើល អញ្ជើញពួកគាត់ចេញទៅ» ។
-
សម្តេច ហ៊ុនសែន ប្រាប់ជប៉ុនថា ការបង្កើតច្បាប់គ្រប់គ្រងសមាគម និងអង្គការមិនមែន ដើម្បីសម្លាប់នោះទេ
ភ្នំពេញ: សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានធ្វើការបញ្ជាក់ជូនសមាគមន៍មិត្តភាពសភាកម្ពុជា-ជប៉ុន នៅទីក្រុងតូក្យូ ប្រទេសជប៉ុនថា ការបង្កើតច្បាប់គ្រប់គ្រងសមាគម និងអង្គការនោះ គឺមិនមែនសម្លាប់សមាគម និងអង្គការក្រៅរដ្ឋាភិបាលនោះទេ។ ផ្ទុយទៅវិញ គឺដើម្បីធានានូវប្រសិទ្ធភាពនិង និរន្តរភាពរបស់សមាគម និងអង្គការក្រៅរដ្ឋាភិបាលនានា ដែលបំពេញការងារក្នុងប្រទេសកម្ពុជា។
-
ការរំលោភសិទ្ធិ ធ្វើឲ្យពលរដ្ឋកម្ពុជាកើតជំងឺផ្លូវចិត្ត
ភ្នំពេញ៖ អ្នកឯកទេសផ្នែកជំងឺផ្លូវចិត្តបានលើកឡើងថា នៅកម្ពុជាមានអ្នកកើតជំងឺផ្លូវចិត្តរាប់លានអ្នក ដែលក្នុងនោះមានទាំងកម្រិតស្រាល និងកម្រិតធ្ងន់ផងដែរ។ មានកត្តាបួន ដែលនាំឲ្យពលរដ្ឋកម្ពុជាកើតជំងឺផ្លូវចិត្ត គឺទី១ កត្តាផ្លូវចិត្ត ទី២ កត្តាសង្គម ទី៣ កត្តាជីវសាស្ត្រា និងទី៤ កត្តាជំនឿ។ ភាគច្រើននៃអ្នកកើតជំងឺនេះ គឺបណ្តាលមកពី ការរំលោភសិទ្ធិ ការទទួលរងនូវភាពឈឺចាប់ ឬការបាត់បងនូវសេចក្តីសង្ឃឹមជាដើម។ អ្នកកើតជំងឺផ្លូវចិត្តនៅកម្ពុជាភាគច្រើនមិនសូវទទួលបានការយកចិត្តទុកដាក់នោះទេ ផ្ទុយទៅវិញពួកគេត្រូវប្រឈមនឹកការរើសអើង។ អ្នកឯកទេសបន្ថែមថា ការគោរពសិទ្ធិអ្នកកើតជំងឺផ្លូវចិត្ត គឺជាកាយវិការនៃការព្យាបាលជំហ៊ានដំបូង ដោយមិនចាំបាច់ប្រើឱសថ។
-
មេដឹកនាំខ្មែរក្រហមចាប់ផ្តើមប្តឹងឧទ្ធរណ៍ប្រឆាំងសាលក្រមទោសកំហុស
សវនាការបណ្ដឹងឧទ្ធរណ៍បានចាប់ផ្ដើមកាលពីម្សិលមិញនៅក្នុងសំណុំរឿងទី១របស់សាលាក្ដីខ្មែរក្រហមប្រឆាំងមេដឹកនាំរបបជាន់ខ្ពស់ គឺ នួន ជា និង ខៀវ សំផន ដែលបានព្យាយាមច្រានចោលការផ្តន្ទាទោសពួកគាត់ទាំងពីរឲ្យជាប់ពន្ធនាគារអស់មួយពីបទឧក្រិដ្ឋប្រឆាំងមនុស្សជាតិ។ “បងធំទី២” នួន ជា និងលោក ខៀវ សំផន ប្រមុខរដ្ឋរបបខ្មែរក្រហមត្រូវបានផ្ដន្ទាទោសឲ្យជាប់ពន្ធនាគារអស់មួយជីវិតនៅសាលាក្ដីកាលពីខែសីហា ចំពោះការទទួលខុសត្រូវរបស់ខ្លួនក្នុងការជម្លៀសប្រជាជនចេញពីក្រុងភ្នំពេញ និងការសម្លាប់ទាហាន លន់ នល់ និងមន្ត្រីនៅទួលពោធិ៍ជ្រៃ ក្នុងខេត្តពោធិ៍សាត់។
-
លោកឈាង វុនថាអង្គការក្រៅរដ្ឋាភិបាលបំផុសបំផុលឲ្យប្រជាពលរដ្ឋបះបោរ
ភ្នំពេញ—លោកឈាង វុន អ្នកនាំពាក្យរដ្ឋសភាជាតិ នៅថ្ងៃពុធនេះ បានចោទធ្ងន់ៗថា ក្រុមអង្គការក្រៅរដ្ឋាភិបាលមានបំណងបំផុសឲ្យប្រជាពលរដ្ឋខ្មែរងើបបះបោរប្រឆាំងនឹងរដ្ឋាភិបាល។ លោកថ្លែងដូច្នេះបន្ទាប់ពីគណៈកម្មការបីគឺគណៈកម្មការមហាផ្ទៃ គណៈកម្មការកិច្ចការបរទេស និងគណៈកម្មការនីតិកម្មនៃរដ្ឋសភាបានប្រជុំទាក់ទងទៅនឹងសេចក្ដីព្រាងច្បាប់ដ៏ចម្រូងចម្រាស់ស្តីពីសមាគម និងអង្គការមិនមែនរដ្ឋាភិបាល។ ការចោទប្រកាន់នេះធ្វើឡើង ពេលក្រុមអង្គការក្រៅរដ្ឋាភិបាលបានបើកយុទ្ធនាការប្រឆាំងសេចក្ដីព្រាងច្បាប់នេះ។
-
ILO បង្រៀនសហជីពពីរបៀបគណនា និង កំណត់ប្រាក់ឈ្នួលដល់កម្មករ
នៅព្រឹកថ្ងៃព្រហស្បតិ៍នេះ អង្គការអន្តរជាតិខាងការងារ(ILO)បានបើកសិក្ខាសាលាសហជីពមួយស្តីពីកម្មវិធីបណ្តុៈបណ្តាលអំពីរបៀបគណនាប្រាក់ឈ្នួលអប្បរមាឆ្នាំ២០១៦ខាងមុខនេះ។ សិក្ខាសាលានេះធ្វើឡើងពេញមួយថ្ងៃនៅក្នុងភោជនីយដ្ឋានទន្លេបាសាក់២ ដោយមានការចូលរួមពីមេសហជីពជាច្រើនរូប។ នេះ គឺជាលើកទីមួយហើយ ដែលក្រុមសហជីពតំណាងឲ្យកម្មករបានជួបប្រជុំគ្នា ដើម្បីទទួលការបណ្តុះបណ្តាលពីរបៀបគណនាប្រាក់ឈ្នួលអប្បរមាដល់កម្មករ ។ ការបណ្តុះបណ្តាលនេះ បានធ្វើឡើង ដើម្បីឲ្យសហជីព បានយល់ដឹងកាន់ច្បាស់បន្ថែមទៀតពីរបៀបនៃការគណនាប្រាក់ឈ្នួលស្របតាមលក្ខណវិនិច្ឆ័យបែបសង្គម និងសេដ្ឋកិច្ច មុនភាគីសហជីពទាំងអស់សម្រេចកំណត់យកប្រាក់ឈ្នួលគោលមួយ ដើម្បីចរចាជាមួយនិយោជក និង រដ្ឋាភិបាល។
-
រដ្ឋមន្រ្តីក្រសួងមហាផ្ទៃ៖ ពលករខ្មែរចំណាកស្រុក៧០ភាគរយស្ថិតក្នុងការកេងប្រវ័ញ្ច និងការជួញដូរមនុស្ស
រដ្ឋមន្ត្រីក្រសួងមហាផ្ទៃ លោក ស ខេង កាលពីថ្ងៃពុធ បានលើកឡើងថាក្នុងចំណោមប្រជាពលរដ្ឋខ្មែរ ប្រមាណ១លាននាក់ដែលទៅធ្វើការនៅក្រៅប្រទេស ៧០ភាគរយកំពុងបានទទួលរងការប្រថុយប្រថានធ្វើការងារគ្មានច្បាប់អនុញ្ញាត ការកេងប្រវ័ញ្ច និងអំពើជួញដូរមនុស្ស។ លោក ស ខេង បានលើកឡើងបែបនេះនៅក្នុងពិធីបិទអង្គសិក្ខាសាលាស្តីពីការពង្រឹងសកម្មភាពដឹកនាំនៅថ្នាក់ក្រោមជាតិ និងការរៀបចំយុទ្ធសាស្ត្រ បង្ការទប់ស្កាត់អំពើជួញដូរមនុស្ស កាលពីល្ងាចថ្ងៃទី០១ ខែកក្កដា ឆ្នាំ២០១៥។
គាំទ្រដោយ
