កំពុងស្វែងរកទិន្នន័យ
រកឃើញ: 13.209
-
លោក អូបាម៉ា ថ្លែងសរសើរសកម្មជនអង្គការសង្គមស៊ីវិលកម្ពុជាពីររូប
ប្រធានាធិបតីសហរដ្ឋអាមេរិកលោក បារ៉ាក់ អូបាម៉ា (Barack Obama) កាលពីថ្ងៃទី២៣ ខែកញ្ញា បានថ្លែងសរសើរសកម្មជនការពារបរិស្ថាន និងសិទ្ធិមនុស្សនៅកម្ពុជាពីររូបគឺ អតីតប្រធានអង្គការអភិរក្សធនធានធម្មជាតិលោក ឈុត វុទ្ធី និងនាយិកាប្រតិបត្តិនៃមជ្ឈមណ្ឌលសិទ្ធិមនុស្សកម្ពុជាលោកស្រី ចក់ សុភាព។ ថ្លែងនៅក្នុងពិធីគំនិតផ្តួចផ្តើមជាសាកលរបស់ គ្លីនតុន (Clinton Global Initiative ឬ CGI) នៅទីក្រុងញូយ៉ក លោក អូបាម៉ា មានប្រសាសន៍ថា នៅជុំវិញពិភពលោក បុរស និងស្ត្រីក្លាហានដែលហ៊ានឡើងនិយាយត្រូវរងការយារយី និងការវាយប្រហារ ដែលមានរហូតដល់ការសម្លាប់ថែមទៀត។
-
អ្នករងគ្រោះដីធ្លី ប្រឆាំងនឹងរដ្ឋាភិបាលកម្ពុជា ទទួលយកជនភៀសខ្លួនអូស្រា្តលី
អ្នករងគ្រោះដីធ្លី និស្សិតបញ្ញវន្ត និងបណ្តាញព្រះសង្ឃឯករាជ្យ នៅថ្ងៃនេះប្រកាសថា ពួកគេនឹងតវ៉ាប្រឆាំងរដ្ឋាភិបាលកម្ពុជា និងអូស្ត្រាលី ឲ្យបញ្ឈប់ជាបន្ទាន់នូវកិច្ចព្រមព្រៀង បញ្ជូនជនភៀសខ្លួនអូស្រា្តលីមកកម្ពុជា ដោយសំអាងថា កម្ពុជាត្រូវដោះស្រាយជម្លោះដីធ្លីក្នុងប្រទេសជាមុនសិន។ ការប្ដេជ្ញានេះធ្វើឡើងនៅរសៀលថ្ងៃព្រហស្បតិ៍ ទី២៥ ខែកញ្ញានេះ នៅវត្តនាគវ័ន ខណៈអ្នកមានជម្លោះដីធី្លមកពីសហគមន៍បុរីកីឡា អ្នកបឹកកក់ អ្នកឡពាង អ្នកភូមិគាស់ក្រឡ បានជួបជុំគ្នារកវិធីសាស្ត្រដើម្បីឲ្យភាគីទាំងពីរលុបចោលកិច្ចព្រមព្រៀងនេះ។ តាមគម្រោងពួកគេនឹងហែញត្តិទៅស្ថានទូតអូស្ត្រាលីនៅថ្ងៃសុក្រស្អែកនេះ នៅវេលាម៉ោង៧ព្រឹក បន្ទាប់មកទៅរដ្ឋសភា និងក្រសួងមហាផ្ទៃ។
-
កម្ពុជាថ្កោលទោសការសម្លាប់អ្នកកាសែតជាចំណាត់ខ្មាំង
ប្រមុខរដ្ឋាភិបាលកម្ពុជាប្រកាសថ្កោលទោសក្រុមអ៊ីស្លាមីកស្តេត និងអាល់កៃដា ដែលបានសម្លាប់អ្នកកាសែតអាមេរិក និងអង់គ្លេសជាចំណាត់ខ្មាំងនាពេលកន្លងមក។ លោកនាយករដ្ឋមន្ដ្រី ហ៊ុន សែន ប្រកាសថ្កោលទោសបែបនេះ ក្នុងពីធីផ្សព្វផ្សាយដាក់ឲ្យប្រើប្រាស់ជាផ្លូវការ នូវផែនការយុទ្ធសាស្ត្រអភិវឌ្ឍន៍ជាតិឆ្នាំ២០១៤-២០១៨ នាព្រឹកថ្ងៃទី១៨ខែកញ្ញាឆ្នាំ២០១៤។
-
ការជំនុំជម្រះក្ដីអតីតមេដឹកនាំខ្មែរក្រហមសំណុំរឿង០០២/០២ នឹងធ្វើនៅពាក់កណ្ដាលខែតុលា
ការជំនុំជម្រះក្ដីអតីតមេដឹកនាំក្នុងរបបខ្មែរក្រហមពីររូប លើសំណុំរឿង០០២/០២ នឹងប្រព្រឹត្តទៅនៅពាក់កណ្ដាលខែតុលាខាងមុខ។ យោងលើដីកាកំណត់កាលបរិច្ឆេទសវនាការ របស់ប្រធានអង្គជំនុំជម្រះសាលាដំបូងនៃសាលាក្ដីខ្មែរក្រហម ឲ្យដឹងថា សាលាក្ដីខ្មែរនេះ កំណត់កាលបរិច្ឆេទនៃសវនាការលើភស្ដុតាង ក្នុងសំណុំ រឿងក្ដីលេខ ០០២/០២ នឹងចាប់ផ្ដើមដំណើរការបន្តទៀតនៅថ្ងៃទី១៧ ខែតុលា ឆ្នាំ២០១៤ខាងមុខនេះ ។
-
ពលរដ្ឋខណ្ឌពោធិ៍សែនជ័យផ្ទុះការតវ៉ារឿងបោះបង្គោលភ្លើងលើដីដោយគ្មានសំណង
ប្រជាពលរដ្ឋប្រមាណ២០គ្រួសារ នៅសង្កាត់សំរោងក្រោម ខណ្ឌពោធិ៍សែនជ័យ នៅថ្ងៃសុក្រនេះ ផ្ទុះការតវ៉ា ហាមឃាត់មិនឲ្យខាងក្រុមហ៊ុនអគ្គិសនីរាយខ្សែលើបង្គោលភ្លើងនៅទីតាំងដីដែលក្រុមហ៊ុនបានបោះនៅលើដីរបស់ពួកគាត់ ព្រោះមិនទាន់ទូទាត់សំណង។ ពលរដ្ឋម្ចាស់ដីម្នាក់ លោក ឌឹម វណ្ណា ប្រាប់VODនៅថ្ងៃសុក្រនេះថា ការតវ៉ារបស់ពលរដ្ឋនាពេលនេះ គឺដើម្បីទាមទារឲ្យភាគីក្រុមហ៊ុនអគ្គីសនីទូទាត់សំណងជូនពួកគាត់សម្រាប់ទំហំដីដែលប៉ះពាល់ តាមតម្លៃដែលខាងក្រុមហ៊ុនបានទូទាត់នាពេលកន្លងមកគឺ២០ដុល្លារ ក្នុងមួយម៉ែត្រការេ។
-
កម្មកររោងចក្រចៀនឡឹ ជាង១ពាន់នាក់បន្តកូដកម្មទាមទារប្រាក់អតីតភាពនិងឲ្យយកតំណាងចូលធ្វើការវិញ
កម្មកររោងចក្រ ចៀន ឡឹ ក្នុងសង្កាត់ក្បាលកោះ ខណ្ឌមានជ័យ ជាង១ពាន់នាក់ នៅព្រឹកថ្ងៃសៅរ៍នេះ នៅតែបន្តកូដកម្មនៅខាងមុខរោងចក្រ ខណៈថៅកែមិនព្រមចេញមកដោះស្រាយ ហើយថែមទាំងប្រកាសដីកាការពារពីតុលាការឲ្យកម្មករចូលធ្វើការត្រឹម៤៨ម៉ោងទៀត។ ប្រធានសម្ព័ន្ធសហជីពជាតិ លោក ហ្វា សាលី ឲ្យVOD ដឹងនៅព្រឹកថ្ងៃសៅរ៍ ទី២០ កញ្ញា នេះថា កម្មកររោងចក្រចៀនឡឹ នៅតែបន្តកូដកម្មដូចថ្ងៃដំបូងដដែល ព្រោះភាគីរោងចក្រមិនបានចេញមកដោះស្រាយ ផ្ទុយទៅវិញ កាលពីរសៀលថ្ងៃសុក្រម្សិលមិញ ភាគីរោងចក្របានបិទផ្សាយដីកាការពារចុះថ្ងៃទី១៩ ខែកញ្ញា ឲ្យកម្មករចូលធ្វើការវិញក្នុងរយៈពេល៤៨ម៉ោង។ លោកបន្តថា ករណីនេះក្រុមកម្មករមិនព្រមទេ ព្រោះពួកគេមិនទាន់ទទួលបានអត្ថប្រយោជន៍អ្វីសោះ បែរជាភាគីរោងចក្រធ្វើបែបនេះ។ លោក ហ្វា សាលីបញ្ជាក់ថាកម្មករនឹងបន្តធ្វើកូដកម្មមិនចូលធ្វើការបន្ទាប់ពីភ្ជុំបិណ្ឌហើយ។
-
កម្មកររោងចក្រមួយនៅចោមចៅកូដកម្មដោយសារថៅកែឲ្យខ្ចីលុយសម្រាប់ភ្ជុំបិណ្ឌតែ២០ដុល្លារ
កម្មករប្រមាណ៤០០នាក់ នៅរោងចក្រកាត់ដេរ Cocovol apparel ស្ថិតក្នុងភូមិអង្គ សង្កាត់ចោមចៅ ខណ្ឌពោធិ៍សែនជ័យ ផ្ទុះកូដកម្ម ដោយសារតែក្រុមហ៊ុនឲ្យពួកគេខ្ចីប្រាក់ត្រឹមត្រូវតែម្នាក់ ២០ដុល្លារក្នុងឱកាសឈប់សម្រាកបុណ្យភ្ជុំបិណ្ឌខាងមុខនេះ។ ប្រធានសហព័ន្ធសហជីពចលនាកម្មករ លោក ប៉ាវ ស៊ីណា ឲ្យVODដឹងនៅព្រឹកថ្ងៃសុក្រ ទី១៩ ខែកញ្ញានេះថា នៅព្រឹកនេះកម្មករបានចេញមកវ៉ានៅមុខរោងចក្រ ដោយសារតែថៅកែរោងចក្រ ផ្តល់ប្រាក់កម្ចីដល់ពួកគេតិចពេកក្នុងឱកាសបុណ្យភ្ជុំ និងទាមទារលក្ខខណ្ឌការងារ១១ចំនុច។ លោកថាក្រៅពីកម្មករកូដកម្មនៅមុខរោងចក្រហើយ មានកម្មករជាង១០០នាក់ ដែលភាគីរោងចក្របិទទ្វាចាក់សោរមិនឲ្យចេញមកតវ៉ា។
-
សហជីព៧ទាមទារឲ្យអ្នកបញ្ជាទិញអន្តរជាតិ បញ្ឈប់ការកេងប្រវ័ញ្ចលើកម្មករកាត់ដេរកម្ពុជា
សហជីពចំនួន៧ដែលតំណាងឲ្យសមាជិកជាង១សែននាក់ រួមគ្នាទាមទារឲ្យក្រុមហ៊ុន C&A ក្រុមហ៊ុន H&M រួមនឹងក្រុមហ៊ុនបញ្ជាទិញ៦ផ្សេងទៀត បញ្ឈប់ការធ្វើឲ្យរងគ្រោះដោយការកេងប្រវ័ញ្ចលើកម្មករកាត់ដេរកម្ពុជា។ ប្រធានសហភាពសហជីពកម្ពុជា លោក រ៉ុង ឈុន ដែលចូលរួមក្នុងការទាមទារនៅព្រឹកថ្ងៃសុក្រនេះ មានប្រសាសន៍ថា តំណាងសហជីពប្រមាណជា២០នាក់ មកពីសហជីពចំនួន៧ផ្សេងគ្នា ធ្វើយុទ្ធនាការនៅមុខអគារភ្នំពេញថៅវ័រ ដែលជាទីតាំងរបស់ការិយាល័យរបស់អ្នកបញ្ជាទិញស្ថិតនៅ ដើម្បីធ្វើការសម្តែងមតិដល់អ្នកបញ្ជាទិញជួយអន្តរាគមន៍ដំឡើងប្រាក់ឈ្នួលដល់កម្មករឲ្យដល់១៧៧ដុល្លារ។ លោកថា សហជីពទាំងអស់នឹងធ្វើការប្រមូលផ្តុំទាមទារនៅមុខក្រុមហ៊ុនរបស់អ្នកបញ្ជាទិញផ្សេងៗទៀត ក៏ដូចជានៅមុខក្រសួងការងារបន្តទៀត។
-
សិទ្ធិទទួលបានព័ត៌មានរបស់ជនពិការនៅមិនទាន់បើកទូលាយ
ដ្ឋាភិបាល និងអង្គការធ្វើការជាមួយជនពិការ លើកឡើងថាសិទ្ធិទទួលបានព័ត៌មានរបស់ជនពិការ តាមទូរទស្សន៍នៅកម្ពុជាហាក់មិនទាន់បើកទូលាយ ដោយប៉ុស្តិ៍ទូរទស្សន៍ភាគច្រើនមិនទាន់បានបញ្ចូលភាសាកាយវិការ និងអក្សរខ្មែរដែលពន្យល់ពីក្រោមរូបភាពឬឯកសារផ្សេងៗ។ រដ្ឋាភិបាល និងអង្គការធ្វើការជាមួយជនពិការ បានលើកឡើងបែបនេះក្នុងសិក្ខាសាលាស្តីពីការស្វែងរកអនុសាសន៍ ដើម្បីបង្កើនការទទួលបានព័ត៌មានរបស់ជនពិការ នៅថ្ងៃទី១៩ ខែកញ្ញា ឆ្នាំ២០១៤ នៅសណ្ឋាគារហីម៉ាវ៉ារី។
-
កម្មកររោងចក្រហ្វឺសហ្វីតនៅចាក់អង្រែក្រោម តវ៉ាមុខរោចក្រទាមទារប្រាក់ខែ
កម្មកររោងចក្រកាត់ដេរសម្លៀកបំពាក់ ហ្វឺសហ្វីត ស្ថិតនៅសង្កាត់ចាក់អង្រែក្រោម ប្រមាណ៧០នាក់នៅព្រឹកថ្ងៃសុក្រនេះប្រមូលផ្ដុំគ្នាតវ៉ានៅខាងមុខរោងចក្រ ករណីថៅកែរោចក្រមិនព្រមបើកប្រាក់ខែឲ្យកម្មករ។ មន្ត្រីប្រតិបត្តិការរបស់សហជីពសម្លេងយុវជនខ្មែរដែលកំពុងចូលរួមការតវ៉ា លោក សែស សុភី ប្រាប់ VOD ថាការដឹកនាំការតវ៉ានៅថ្ងៃនេះ គឺដើម្បីទាមទារឲ្យម្ចាស់រោងចក្រគោរពច្បាប់ការងារ និងត្រូវបើកប្រាក់ខែសម្រាប់ខែសីហាជូនកម្មករ ខណៈដែលថៅកែរោងចក្រចេះតែបន្តអូសបន្លាយមិនព្រមបើកជូនកម្មករ។
-
តំណាងកម្មករសហជីពស៊ីខាវឌូ២នាក់នៅព្រៃវែងត្រូវបានអាជ្ញាធរស្រុកកំចាយមារចាប់ខ្លួន
យ៉ាងហោចណាស់តំណាងកម្មករមកពីសហជីពស៊ីខាវឌូ២នាក់ ដែលដឹកនាំការតវ៉ានៅរោងចក្រមួយនៅស្រុកកំចាយមារ ខេត្តព្រៃវែង ត្រូវបានចាប់ខ្លួនខណៈពួកគាត់បន្តដឹកនាំការតវ៉ាជាថ្មីម្ដងទៀតនៅថ្ងៃនេះ។ មន្ត្រីសហជីពស៊ីខាវឌូទាំងពីរនាក់នោះ គឺម្នាក់ឈ្មោះ សុត សៀង និងម្នាក់ទៀតឈ្មោះ ឃុន សុខុម ជាមន្ត្រីជំនួយផ្នែកច្បាប់នៃសហជីពស៊ីខោវឌូ។
-
ពលរដ្ឋមានជម្លោះដីធ្លីនៅខេត្តកោះកុងដាក់ញត្តិសុំអន្តរាគមន៍ទៅស្ថាប័នរដ្ឋធំៗពីរ
ពលរដ្ឋមានជម្លោះដីធ្លីរ៉ាំរៃ នៅស្រុកស្រែអំបិល ខេត្តកោះកុង ប្រមាណ៣០នាក់ នៅរសៀលថ្ងៃព្រហស្បតិ៍នេះ ហែញត្តិទៅដាក់នៅក្រសួងយុត្តិធម៌ និងឧត្ដមក្រុមប្រឹក្សានៃអង្គចៅក្រម ដើម្បីសុំអន្តរាគមន៍ស្វែងរកដំណោះស្រាយឲ្យបានឆាប់។ តំណាងពលរដ្ឋម្នាក់ លោក ឈើយ ហួន ប្រាប់VODថា ការដង្ហែញត្តិមកពេលនេះ ដើម្បីជំរុញឲ្យស្ថាប័នទាំងពីរ ចាត់វិធានការ និងស្វែងរកដំណោះស្រាយ ជូនពលរដ្ឋមានជម្លោះឲ្យបានឆាប់រហ័ស ស្របពេលរដ្ឋមានជម្លោះកំពុងជួបបញ្ហាខ្វះខាតដីធ្លីប្រើប្រាស់ និងរស់នៅ ហើយក្មេងៗបានបាត់បង់ការសិក្សា ដោយសារបញ្ហាជម្លោះបន្តអូសបន្លាយ។
-
អ្នកមានជម្លោះដីធ្លីទាមទារធនាគារពិភពលោកផ្អាកផ្ដល់កម្ចីដល់រដ្ឋាភិបាលកម្ពុជា
ប្រជាពលរដ្ឋមានជម្លោះដីធ្លីមកពីតំបន់បឹងកក់ បុរីកីឡា និងឡពាងមានគ្នាប្រហែល៦០នាក់ នៅព្រឹកថ្ងៃព្រហស្បតិ៍នេះនាំគ្នាតវ៉ានៅមុខធនាគារពិភពលោក (World Bank) ទាមទារឲ្យធនាគារនេះមិនត្រូវផ្ដល់ប្រាក់ឲ្យប្រទេសកម្ពុជាដាច់ខាត មុនពេលពួកគាត់ទទួលបានយុត្តិធម៌។ សកម្មជនដីធ្លីមកពីតំបន់បឹងកក់អ្នកស្រី ទេព វន្នី បានស្រែកទាមទារតាមគ្រឿងបំពងសំឡេងថា កាលពីឆ្នាំ២០១០ ធនាគារពិភពលោកបានសន្យាជាមួយប្រជាពលរដ្ឋថា នឹងមិនផ្ដល់ប្រាក់កម្ចីឲ្យប្រទេសកម្ពុជាទេ ប្រសិនបើមិនទាន់អាចរកដំណោះស្រាយឲ្យពួកគាត់។ អ្នកស្រីបន្តថា តែពេលថ្មីៗនេះអ្នកស្រីបានឮថាធនាគារនេះគ្រោងនឹងផ្ដល់ប្រាក់ឲ្យរាជរដ្ឋាភិបាលកម្ពុជា។
-
អ្នកមានជម្លោះដីធ្លីនៅខេត្តបន្ទាយមានជ័យនឹងឡើងសុំអន្តរាគមន៍ពីរដ្ឋាភិបាល និងរដ្ឋសភានៅដើមខែតុលា
អ្នកមានជម្លោះដីធ្លី ប្រមាណជិត២០០គ្រួសារស្ថិតនៅស្រុកអូរជ្រៅ ខេត្តបន្ទាយមានជ័យ ប្រកាសធ្វើដំណើរទៅរាជធានីភ្នំពេញនៅដើមខែតុលា ដើម្បីស្វែងរកកិច្ចអន្តរាគមន៍ជាថ្មីពីរដ្ឋាភិបាល និងរដ្ឋសភាឲ្យពន្លឿនដោះស្រាយបញ្ហាដីធ្លីជូនពួក ដែលអូសបន្លាយជាង១០ឆ្នាំមកហើយ។ ការប្រកាសនេះ ធ្វើឡើងបន្ទាប់ពី អភិបាលរងខណ្ឌមានជ័យ លោក ហៀក ចាន់លាង ដែលជាអ្នកទទួលយកញត្តិពីអ្នកមានជម្លោះដីធ្លីនោះ កាលពីថ្ងៃទី២៥ ខែសីហាកន្លងទៅ នៅមុខវត្តសាមគ្គីរង្សី រាជធានីភ្នំពេញ បានសន្យាថា លោកនឹងបញ្ជូនញត្តិទៅសាលារាជធានីភ្នំពេញ ដើម្បីឲ្យស្ថាប័ននេះបញ្ជូនទៅខុទ្ទកាល័យ លោក ហ៊ុន សែន និងស្ថាប័នរដ្ឋផ្សេងទៀត តែរហូតមកដល់ពេលនេះមិនទាន់មានដំណោះស្រាយ ឬដំណឹងអ្វីឡើយ។
-
អ្នកមានជម្លោះដីធ្លីនៅព្រំដែននាំគ្នាចំណាកស្រុកខុសច្បាប់ទៅថៃ
អ្នកមានជម្លោះដីធ្លី នៅស្រុកអូរជ្រៅ ខេត្តបន្ទាយមានជ័យ នាំគ្នាធ្វើចំណាកស្រុកខុសច្បាប់ជាបន្តបន្ទាប់ទៅប្រទេសថៃ ដោយសារបាត់បង់ដីធ្វើស្រែចម្ការ ដែលពួកគេទម្លាក់បញ្ហានេះទៅលើអាជ្ញាធរខេត្តដែលការពារឈ្មួញមានអំណាច។ លោក សេះ ប៊ុនរិទ្ធិ ប្រាប់អ្នកយកព័ត៌មាន VOD នៅថ្ងៃពុធថា ពួកគាត់មានជម្លោះដីធ្លីជិត៦ឆ្នាំមកហើយ ដោយសារអាជ្ញាធរខេត្តឃុបឃិតជាមួយម្ចាស់ស្ថានីយផ្សព្វផ្សាយ និងស្តាព្រៃឈើស្នួលទ្រេត ទន្ទ្រានយកដីប្រជាពលរដ្ឋជាង១៤០ហិកតា នៅភូមិស្នួលទ្រេត ឃុំអូរបីជាន់។ ករណីនេះធ្វើឲ្យពួកគេ សម្រេចចិត្តចំណាកស្រុកខុសច្បាប់ទៅធ្វើការនៅប្រទេសថៃ ដើម្បីរកប្រាក់ទ្រទ្រង់ជីវភាពគ្រួសារ។ លោកបន្តថា «ចុះបើយើងខ្វះថវិកា ខ្វះអីមានអីទៅធ្វើបាន មានតែទៅតាមច្រករបៀងណាដែលតូចៗទេ ចេះតែទៅៗ ដើម្បីក្រពះ ដើម្បីជីវិតឲ្យរស់មួយពេលៗ ព្រោះវាអត់មានសង្ឃឹមអីតទៅទៀត បើយើងមិនចេញបានអីចញ្ចឹមកូនប្រពន្ធ»។
-
កម្មកររោងចក្រ ដែលទើបប្តូរឈ្មោះថ្មីដង្ហែក្បួនតវ៉ាមកក្រសួងការងារ
កម្មករប្រមាណ៣០០នាក់ នៅរោងចក្រដែលទើបប្តូរឈ្មោះថ្មីពី "ហ៊ុយ ចៀន" ទៅជា "ចៀន ឡឹ" នោះដង្ហែក្បួនតវ៉ាមកមុខក្រសួងការងារនៅព្រឹកថ្ងៃព្រហស្បតិ៍នេះ ដើម្បីសុំអន្តរាគមន៍ពីក្រសួង ឲ្យចាត់វិធានការករណីរោងចក្រមិនទូទាត់សំណងជូនកម្មករក្រោយពីផ្លាស់ប្ដូរឈ្មោះ។ ប្រធានសម្ព័ន្ធសហជីពជាតិ លោក ហ្វា សាលី ប្រាប់ VOD ថា មូលហេតុនាំឲ្យមានការដង្ហែក្បួន និងប្រមូលផ្ដុំតវ៉ាមុខក្រសួងការងារនាថ្ងៃនេះ ដោយសារតែការតវ៉ានៅខាងមុខរោងចក្ររយៈពេល៣ថ្ងៃមកហើយ មិនទទួលបានលទ្ធផលដោយសារតែខាងរោងចក្រគេចវេសមិនទទួលខុសត្រូវ ហើយខាងក្រសួងការងារមិនទាន់មានចំណាត់ការអ្វីមួយច្បាស់លាស់ ដើម្បីជួយដោះស្រាយជូនកម្មករ។ លោកមានប្រសាសន៍ថា «មកក្រសួងការងារនេះ គឺយើងជំរុញឲ្យរដ្ឋមន្ត្រីក្រសួងការងារយកចិត្តទុកដាក់ឲ្យបានហ្មត់ចត់ចំពោះកម្មករ-កម្មការិនី ជាពិសេសយើងអត់ចង់ឃើញរោងចក្ររត់ចោលកម្មករ ដែលកម្មករស្រែកយំ មិនដែនបានទទួលនូវយុត្តិធម៌សម្រាប់ពួកគាត់»។
-
CITAសុំការសហការពីសាលារាជធានីក្នុងការប្រារព្ធទិវាគ្រូបង្រៀននៅទីលានប្រជាធិបតេយ្យ
សមាគមគ្រូបង្រៀនកម្ពុជាឯករាជ្យស្នើសុំឲ្យមានការសហការពីសាលារាជធានីភ្នំពេញក្នុងការរៀបចំប្រារព្ធពិធីទិវាគ្រូបង្រៀនអន្តរជាតិនៅទីលានប្រជាធិបតេយ្យ។ លិខិតរបស់សមាគមគ្រូបង្រៀនកម្ពុជាឯករាជ្យ ចុះថ្ងៃទី១៨ ខែកញ្ញា ឆ្នាំ២០១៤ ផ្ញើជូនអភិបាលរាជធានីភ្នំពេញលោក ប៉ា សុជាតិវង្ស ឲ្យដឹងថា នៅថ្ងៃទី០៥ ខែតុលា ឆ្នាំ២០១៤ វេលាម៉ោង៨ព្រឹក សមាគមនឹងរៀបចំប្រារព្ធទិវាគ្រូបង្រៀនអន្តរជាតិនៅទីលានប្រជាធិបតេយ្យ។
-
អ្នកមានជម្លោះដីធ្លីជំរុញឲ្យម្ចាស់ជំនួយបង្កកលុយមករដ្ឋាភិបាលដោយសារជម្លោះដីធ្លី
អ្នកមានជម្លោះដីធ្លីនៅរាជធានីភ្នំពេញនិងបណ្តាខេត្តមួយចំនួន នៅថ្ងៃព្រហស្បតិ៍នេះដាក់ញត្តិជាថ្មីទៀតទៅស្ថាប័នជាតិ និងអន្តរជាតិមួយចំនួន ដែលពួកគេជំរុញឲ្យម្ចាស់ជំនួយបង្កកលុយមករដ្ឋាភិបាលលោក ហ៊ុន សែន ដោយសារបរាជ័យលើដំណោះស្រាយជម្លោះដីធ្លី។ សកម្មជនដីធ្លីប្រមាណជា៦០នាក់នោះ មកពីបឹងកក់ អតីតបឹងកក់ បុរីកីឡា និងអ្នកឡពាងជាដើម នាំគ្នាតវ៉ាមុខនៅធនាគាពិភពលោក សហភាពអឺរ៉ុប និងមន្ទីររដ្ឋសភា។
-
លោក សម រង្ស៊ី ប្រកាសគាំទ្រយុទ្ធនាការទាមទារប្រាក់ខែគោល១៧៧ដុល្លារ
ប្រធានគណបក្សសង្គ្រោះជាតិ នៅថ្ងៃព្រហស្បតិ៍នេះ ប្រកាសគាំទ្រយុទ្ធនារបស់ក្រុមសហជីព យ៉ាងតិច ចំនួន៨ ក្នុងការទាមទារប្រាក់ខែគោលរបស់កម្មករ ១៧៧ដុល្លារ ដើម្បីទទួលបានទទួលបានជីវភាពរស់នៅសមរម្យ។ ថ្លែងនៅទីស្នាក់ការកណ្ដាលគណបក្សសង្គ្រោះជាតិ បន្ទាប់ពីលោកវិលត្រឡប់ពីក្រៅប្រទេសនៅព្រឹកថ្ងៃទី១៨ខែកញ្ញានេះ លោក សម រង្ស៊ី មានប្រសាសន៍ថា ការរួមគ្នារបស់ក្រុមសហជីព ក្នុងការទាមទារប្រាក់ខែគោល១៧៧ដុល្លារ គឺជារឿងត្រឹមត្រូវ ពីព្រោះទំនិញលើទីផ្សារចេះតែបន្តឡើងថ្លៃ ផ្ទុយទៅវិញកំរិតប្រាក់ខែរបស់កម្មករនាពេលបច្ចុប្បន្ននៅទាប ដូចនេះមិនអាចផ្គត់ផ្គង់ជីវិភាពរបស់កម្មករបានសមរម្យនោះទេ។
-
ពលរដ្ឋខេត្តកំពង់ធំប្រមាណ៥០០នាក់ហែក្បួនប្រឆាំងនិទណ្ឌភាព និងអំពើពុករលួយ
ប្រជាពលរដ្ឋ និងមន្ត្រីអង្គការសង្គមស៊ីវិលប្រមាណជាង៥០០នាក់ក្នុងខេត្តកំពង់ធំ នៅព្រឹកថ្ងៃពុធនេះធ្វើការហែក្បួន និងបើកវេទិការប្រឆាំងនិទណ្ឌភាព និងអំពើពុករលួយ ដឹកនាំដោយគណៈកម្មការកម្ពុជាឯករាជ្យប្រឆាំងអំពើពុករលួយ (CIACC)។ បុគ្គលិកអង្កេតការណ៍របស់អង្គការលីកាដូនៅខេត្តកំពង់ធំលោក ឈួម រុណ ប្រាប់VODនៅថ្ងៃពុធនេះថា ការហែក្បួននេះចាប់ផ្តើមនៅវេលាម៉ោង៧និង៣០នាទីព្រឹក ដោយមានអ្នកចូលរួមប្រមាណជាង២០០នាក់ និងមានការលើកបដា។
គាំទ្រដោយ
