កំពុងស្វែងរកទិន្នន័យ
រកឃើញ: 13.209
-
ក្រសួងការងារ GMAC និងសហជីពបើកកិច្ចពិភាក្សាលើបញ្ហាប្រាក់ឈ្នួលកម្មករ
ក្រសួងការងារ សមាគមរោងចក្រកាត់ដេរនៅកម្ពុជា (GMAC) និងសហជីព នៅថ្ងៃពុធនេះ បើកកិច្ចប្រជុំពិភាក្សាលើបញ្ហាប្រាក់ឈ្នួលអប្បបរមា ស្របពេលដែលបណ្ដាសហជីពនឹងចាប់ផ្ដើមយុទ្ធនាការទាមទារប្រាក់ឈ្នួលនៅថ្ងៃត្រង់នេះ។ ប្រធានសហព័ន្ធសហជីពមិត្តភាពកម្មករ លោក សៀង សម្បត្តិ មានប្រសាសន៍បន្ទាប់ចេញពីកិច្ចប្រជុំនៅព្រឹកនេះថា ការប្រជុំនៅព្រឹកនេះគឺគ្រាន់តែជាការពិភក្សាគ្នាធម្មតា ដោយគ្រប់ភាគីអាចលើកពីបញ្ហា និងយោបល់របស់ខ្លួន តែមិនមែនជាការចរចានោះទេ។
-
សហជីពបើកធ្វើយុទ្ធនាការទាមទារប្រាក់ឈ្នួលកម្មករនៅថ្ងៃត្រង់ថ្ងៃនេះ
តាមការគ្រោងទុក នៅពេលកម្មករសម្រាកបាយថ្ងៃត្រង់ពីម៉ោង១២ដល់ម៉ោង១រសៀល បណ្ដាសហជីពនានាក្នុងព្រះរាជាណាចក្រកម្ពុជានឹងបើកយុទ្ធនាការទាមទារប្រាក់ឈ្នួលកម្មករដល់១៧៧ដុល្លារ។ ប្រធានសហជីពចលនាកម្មករ លោក ប៉ាវ ស៊ីណា ប្រាប់VODកាលពីសប្ដាហ៍មុនថា ការធ្វើយុទ្ធនាការនៅថ្ងៃនេះ នឹងខុសពីលើកមុនដោយយុទ្ធនាការនោះផ្ដោតលើអ្នកបញ្ជាទិញ ព្រោះអ្នកទាំងនោះគឺជាអ្នកទទួលបានផលចំណេញច្រើនបំផុតនៅក្នុងវិស័យកាត់ដេរ។ លោកសង្ឃឹមថាអ្នកបញ្ជាទិញនឹងពិចារណាលើសំណើនេះ។ លោក ប៉ាវ ស៊ីណា បន្ថែមថា ក្នុងថ្ងៃយុទ្ធនាការនោះបេក្ខភាពថ្នាក់ដឹកនាំ និងសកម្មជនរបស់សហជីពពី១០ទៅ១៥នាក់នឹងនាំគ្នាឈរនៅមុខរោងចក្រលើកបដា ដោយមានពាក់អាវបង្ហាញពីការទាមទារប្រាក់ឈ្នួល១៧៧ដុល្លារ និងបង្កប់ផ្លាកសញ្ញាក្រុមហ៊ុនដែលបញ្ជាទិញពីប្រទេសកម្ពុជាដូចជាក្រុមហ៊ុន H&M GAP និង ADIDAS ជាដើម។
-
ពលរដ្ឋទំនាស់ដីធ្លីមកពីខេត្តកោះកុងស្វែងរកអន្តរាគមន៍ពីរដ្ឋសភា
ប្រជាពលរដ្ឋមានជម្លោះដីធ្លីចំនួន២៤គ្រួសារមកពី២ឃុំក្នុងខេត្តកោះកុង នៅព្រឹកថ្ងៃពុធនេះ ប្រមូលផ្ដុំតវ៉ាមុខរដ្ឋសភាដើម្បីស្វែងរកអន្តរាគមន៍លើបញ្ហារបស់ពួកគេ។ ប្រជាពលរដ្ឋម្នាក់អ្នកស្រី កើត ពៅ មកពីភូមិជីខក្រោម ស្រុកស្រែអំបិល មានប្រសាសន៍ថា ក្រុមប្រជាពលរដ្ឋទាំង២៤គ្រួសារមកពីឃុំជីខក្រោម ស្រុកស្រែអំបិល និងឃុំកណ្ដោល ស្រុកបទុមសាគរ ខេត្តកោះកុង មានទំនាស់ដីធ្លីជាមួយក្រុមហ៊ុនមួយ។
-
សហជីពធ្វើយុទ្ធនាការទាមទារប្រាក់ឈ្នួលដូចការគ្រោងទុក
ដូចការគ្រោងទុក នៅម៉ោងប្រមាណជិត១២ថ្ងៃពុធនេះ បណ្ដាសហជីព និងកម្មកររោងចក្រនៅតាមរោងចក្រនានាផ្ដើមធ្វើយុទ្ធនាការទាមទារដំឡើងប្រាក់ឈ្នួលអប្បបរមាឲ្យដល់១៧៧ដុល្លារ។ នៅឯផ្លូវវែងស្រេងមុខសួនឧស្សាហកម្មកាណាឌី គេសង្កេតឃើញមានថ្នាក់ដឹកនាំសហជីព និងកម្មករ កម្មការនីជាច្រើនរយនាក់បានចូលរួមយុទ្ធនាការនេះដោយធ្វើការប្រមូលផ្ដុំ និងពាក់អាវមានផ្លាកសញ្ញាទាមទារប្រាក់ឈ្នួល១៧៧ដុល្លារ និងរូបសញ្ញាក្រុមហ៊ុនអ្នកបញ្ជាទិញធំៗដូចជាH&M និងPUMAជាដើម។
-
ពលរដ្ឋខេត្តកោះកុងរកអន្តរាគមន៍នៅរដ្ឋសភាករណីទំនាស់ដីធ្លីជាមួយក្រុមហ៊ុនហេងហ៊ុយ
អ្នកមានជម្លោះដីធ្លីមកពីខេត្តកោះកុង នៅព្រឹកថ្ងៃពុធនេះធ្វើការតវ៉ានៅមុខរដ្ឋសភាដើម្បីរកអន្តរាគមន៍ ករណីជម្លោះជាមួយក្រុមហ៊ុនហេង ហ៊ុយ ដែលរំលោភយកដីអ្នកភូមិលើសពីសម្បទានដែលរដ្ឋាភិបាលប្រគល់ឲ្យ។ ប្រជាពលរដ្ឋដែលមានជម្លោះជាមួយក្រុមហ៊ុនហេង ហ៊ុយ នេះមានចំនួន២៤គ្រួសារមកពីឃុំជីខក្រោម ស្រុកស្រែអំបិល និងឃុំកណ្ដោល ស្រុកបទុមសាគរ ខេត្តកោះកុង។
-
ការចរចាកំណត់ប្រាក់ឈ្នួលអប្បបរមាកម្មករជិតឈានដល់ការព្រមព្រៀង
កិច្ចប្រជុំពិភាក្សាត្រីភាគី នៅថ្ងៃពុធនេះ ស្ដីពីការកំណត់ប្រាក់ឈ្នួលអប្បបរមារបស់កម្មករឯកទទួលបានការឯកភាពគ្នាលើចំណុចមួយចំនួនដែលអាចជួយជំរុញឲ្យការចរចានៅថ្ងៃទី២៦ ខែកញ្ញា ខាងមុខទទួលបានជោគជ័យ។ ថ្លែងបន្ទាប់ពីកិច្ចប្រជុំពិភាក្សាត្រីភាគីជាមួយសហជីព និងក្រុមនិយោជកនៅរសៀលថ្ងៃពុធនេះ រដ្ឋមន្ត្រីក្រសួងការងារ លោក អ៊ិត សំហេង មានប្រសាសន៍ប្រាប់ក្រុមអ្នកសារព័ត៌មានថា ទឹកប្រាក់អប្បបរមាដែលភាគីទាំងពីរបានដាក់ស្នើក្នុងកិច្ចប្រជុំថ្ងៃនេះ គឺខុសគ្នាបន្តិចបន្តួចប៉ុណ្ណោះ។ ដូច្នេះ លោកជឿជាក់ថា នៅក្នុងការចរចានៅថ្ងៃទី២៦ ខាងមុខ ភាគីទាំងពីរពិតជាអាចសម្របសម្រួលរកចំណុចរូមមួយដើម្បីសម្រេចជាប្រាក់ឈ្នួលអប្បបរមាសម្រាប់កម្មករ។
-
ក្រសួងការងារ GMAC និងសហជីពបើកកិច្ចពិភាក្សាលើបញ្ហាប្រាក់ឈ្នួលកម្មករ
បណ្តាប្រជាពលរដ្ឋដែលជាជនជាតិដើមភាគតិចមកពី៧ភូមិ ក្នុងខេត្តមណ្ឌលគិរី ដាក់ញត្តិទៅក្រសួងពាក់ព័ន្ធដើម្បីជំរុញឲ្យរដ្ឋាភិបាលដោះស្រាយជម្លោះដីធ្លី តាមរយៈការពង្រឹងការអនុវត្តច្បាប់ និងគោរពសិទ្ធិជនជាតិដើមភាគតិច។ យោងតាមសេចក្តីថ្លែងការណ៍របស់ជនជាតិដើមភាគតិចទាំង៧ភូមិ ដែលចេញនៅថ្ងៃទី១៥ ខែកញ្ញា ឆ្នាំ២០១៤ បង្ហាញថា ជនជាតិដើមភាគតិចមានជម្លោះដីធ្លីមកពី៧ភូមិ ក្នុងស្រុកពេជ្រដា ខេត្តមណ្ឌលគិរី ជំរុញឲ្យរដ្ឋាភិបាលជួយអន្តរាគមន៍ដោះស្រាយជម្លោះដីធ្លីជូនពួកគាត់។ អ្នកមានជម្លោះទាំង៧ភូមិនោះមកពី ភូមិពូលុ ភូមិពូទឺត ភូមិឡាំម៉េះ ភូមិប៊ូស្រា ភូមិពូចារ ភូមិពូរាំង និងភូមិទិល។
-
ប្រធានអង្គការ មាតាធម្មជាតិ និងសកម្មជន ១០នាក់ ផ្សេងទៀត ត្រូវបានប៉ូលិសដោះលែង បន្ទាប់ពីធើ្វលិខិតសុំទោស និងកិច្ចសន្យា
សមត្ថកិច្ចបានដោះលែង លោកអាឡិច ដែលជាប្រធានអង្គការមាតាធម្មជាតិ វិញហើយ កាលពីម៉ោង ៧:៣០ នាទី យប់ថ្ងៃទី១៥ ខែកញ្ញា ឆ្នាំ២០១៤ បន្ទាប់ពីគាត់ បានធើ្វលិខិតសុំទោស ទៅដល់ក្រុមមន្រី្តអាជ្ញាធរ ពីកំហុសឆ្គងរបស់គាត់រួចមក។ លោក នាង បូរ៉ាទីណូ មន្រី្តអង្គការអាដហុក ដែលឃ្លាំមើលរឿងនេះ បានឲ្យដឹងថា ក្រោយពីដោះលែងលោក អាឡិច ឲ្យមានសេរីភាពវិញ នៅម៉ោងប្រហែល ១ រំលងអធ្រាត្រ ឈានចូលថ្ងៃទី១៦ កញ្ញា បន្ទាប់ពីធើ្វការសាកសួរចប់ ប៉ូលិសក៏បានដោះលែងសកម្ម ជនរបស់គាត់ចំនួន ១០ នាក់ ផ្សេងទៀត ដែលត្រូវឃាត់ខ្លួន និងនាំមកសួរ នៅអធិការក្រុងខេមភូមិន្ទ ឲ្យមានសេរីភាពវិញផងដែរ។
-
កម្មកររោងចក្រ ចៀន ឡឹ ក្នុងខណ្ឌមានជ័យជាង១ពាន់នាក់បាតុកម្មទាមទារលក្ខខណ្ឌពីរចំណុច
កម្មកររោងចក្រ ចៀន ឡឹ ក្នុងសង្កាត់ក្បាលកោះ ខណ្ឌមានជ័យ ជាង១ពាន់នាក់ នៅព្រឹកថ្ងៃអង្គារនេះ បាតុកម្មតវ៉ាដើម្បីទាមទារលក្ខខណ្ឌពីរចំណុចពីររោងចក្រ។ ក្នុងការប្រមូលផ្ដុំនៅមុខរោងចក្រនៅព្រឹកនេះ ក្រុមអ្នកតវ៉ាបានស្រែកទាមទារដល់រោងចក្រឲ្យទទួលយកតំណាងកម្មករមួយរូបគឺលោក ហេង ទីហឿន ដែលត្រូវបានរោងចក្របញ្ឈប់នាពេលកន្លងមក ឲ្យចូលធ្វើការវិញ។ ក្រុមកម្មក៏ស្រែកទាមទារឲ្យរោងចក្របើកប្រាក់ឈ្នួលអតីតភាពការងារដល់កម្មករផងដែរ ដោយសាររោងចក្របានប្ដូរឈ្មោះពីរោងចក្រ ហ៊ុយ ចៀន ទៅជារោងចក្រ ចៀន ឡឹ។
-
កម្មកររោងចក្រហ្វឺសស្វឹតហ្គាមិន សង្កាត់ចាក់អង្រែក្រោម កូដកម្មទាមទារឲ្យថៅកែបើកប្រាក់មុនភ្ជុំបិណ្ឌ
កម្មកររោងចក្រហ្វឺសស្វឹតហ្គាមិន ក្នុងសង្កាត់ចាក់អង្រែក្រោម ខណ្ឌមានជ័យ ប្រមាណ៥០នាក់នៅព្រឹកថ្ងៃអង្គារនេះ ធ្វើកូដកម្មទាមទារឲ្យថៅកែរោងចក្របើកប្រាក់ឈ្នួលដល់កម្មករឲ្យបានមុនថ្ងៃភ្ជុំបិណ្ឌ ដើម្បីឲ្យពួកគេមានថវិកាត្រឡប់ទៅស្រុក។ កម្មកររោងចក្រលោក ងួន សំបូរ ប្រាប់VODនៅថ្ងៃទី១៦ ខែកញ្ញានេះថា កម្មកររោងចក្រនៅម៉ោង៦ និង៣០នាទីព្រឹកនេះ បានធ្វើកូដកម្មទាមទារឲ្យថៅកែបើកប្រាក់ខែជូនកម្មករឲ្យបានឆាប់រហ័សមុនថ្ងៃភ្ជុំបិណ្ឌ។ លោកបន្តថាកម្មករធ្លាប់បានស្នើដល់ថៅកែឲ្យបើកប្រាក់ខែត្រឹមថ្ងៃទី១៥ដែរ ប៉ុន្តែថៅកែសម្រេចសន្យាថានឹងបើកឲ្យថ្ងៃទី១៨ ខែកញ្ញានេះ។ ទោះជាយ៉ាងណាពួកគេមិនមានទំនុកចិត្តចំពោះការសន្យានេះឡើយ ពីព្រោះដល់ថ្ងៃកំណត់ថៅកែតែងតែមិនគោរពតាមកិច្ចសន្យា ដោយយកលេសថាបង្វិលលុយមិនទាន់។ លោកបន្ថែមថា មួយវិញទៀតថៅកែបើកប្រាក់ខែឲ្យកម្មករត្រឹមតែ៨០ភាគរយប៉ុណ្ណោះ ចំណែកលុយបាយក៏មិនដែលបើកឲ្យតាមការសន្យាឡើយ។
-
អាជ្ញាធរដោះលែងសកម្មជនការពារតំបន់អារ៉ែង ខណៈសង្គមស៊ីវិលថ្កោលទោស
សកម្មជនចលនាមាតាធម្មជាតិ និងយុវជន សរុបចំនួន ១0នាក់ ដែលត្រូវបានអាជ្ញាធរខេត្តកោះកុងឃាត់ខ្លួន ត្រូវបានដោះលែងហើយ នៅព្រលប់ថ្ងៃចន្ទម្សិលមិញ។ អាជ្ញាធរបានអះអាងថា ការឃាត់ខ្លួននេះ ធ្វើឡើងដើម្បីសាកសួរពីហេតុផលនៃការបិទផ្លូវចូលទៅតំបន់អារ៉ែងតែប៉ុណ្ណោះ។ ប៉ុន្តែសង្គមស៊ីវិលបានថ្កោលទោសចំពោះការឃាត់ខ្លួននេះ ព្រោះអាជ្ញាធរមិនបានប្រាប់ពីមូលហេតុ និងមិនបានបង្ហាញដីកាមុនពេលចាប់ខ្លួន។
-
កម្មកររោងចក្រជៀន ឡឹជាង១ពាន់នាក់គំរាមបន្ដកូដកម្មទ្រង់ទ្រាយធំ
នៅព្រឹកថ្ងៃទី១៦កញ្ញានេះ ក្រុមកម្មកររោងចក្រជៀន ឡឹក្នុងសង្កាត់ក្បាលកោះ ខណ្ឌមានជ័យ ប្រមាណជាង១ពាន់នាក់ បាននាំគ្នាធ្វើកូដកម្មឈរស្រែកតវ៉ាមុខរោងចក្រ ដើម្បីទាមទារលក្ខខណ្ឌចំនួន២ចំណុចពីភាគីរោងចក្រ។លក្ខខណ្ឌ២ចំណុចដែលពួកគេទាមទារនោះ ទី១គឺ ទាមទារឲ្យភាគីថៅកែរោងចក្របើកប្រាក់ឈ្នួលអតីតភាពការងារដល់ពួកគេ ឲ្យបានត្រឹមត្រូវតាមគោលការណ៍ច្បាប់ការងារ ខណៈដែលរោងចក្រនេះ បានប្ដូរឈ្មោះពីរោងចក្រ ហ៊ុយ ជៀន ទៅជារោងចក្រ ជៀន ឡឹ និងទី២ពួកគេទាមទារឲ្យភាគីរោងចក្រទទួលយកតំណាងកម្មករ គឺលោក ហេង ស៊ីហឿន ឲ្យចូលធ្វើការវិញបន្ទាប់ពីភាគីរោងចក្របានបញ្ឈប់។
-
សហជីពទាមទារតំលើងប្រាក់ខែកម្មករ ខណៈ GMACបង្ហាញពីការធ្លាក់ចុះនៃក្រុមហ៊ុនបញ្ជាទិញ
មេដឹកនាំសហជីពនឹងដឹកនាំការទាមទារដំឡើងប្រាក់ខែកម្មករឲ្យបាន ១៧៧ ដុល្លារ។ ការទាមទារនេះ នឹងធ្វើនៅថ្ងៃពុធទី១៧កញ្ញានេះ នៅតាមបណ្តារោងចក្រនានាទូទាំងប្រទេស។ ការប្រកាសគម្រោងទាមទារដំឡើងប្រាក់ខែនេះធ្វើឡើង ខណៈដែលសមាគមរោងចក្រកាត់ដេរកម្ពុជា (GMAC) បានឲ្យដឹងថា ការបញ្ជាទិញកំពុងធ្លាក់ចុះយ៉ាងខ្លាំង។
-
កម្មកររោងចក្រត្រេឌីងកំចាយមារ ខេត្តព្រៃវែង បន្តធ្វើកូដកម្មបន្ទាប់ពីការចរចាមិនបានសម្រេច
កម្មករប្រមាណ២០០០នាក់ នៅរោងចក្រត្រេឌីងកំចាយមារ ក្នុងខេត្តព្រៃវែង បដិសេធចូលធ្វើការវិញបន្ទាប់ពីលទ្ធផលចរចាព្រឹកថ្ងៃអង្គារនេះ មានចំណុចមួយចំនួនមិនទាន់ឯកភាពគ្នា។ កម្មរោងចក្រត្រេឌីងកំចាយមារ នៅថ្ងៃទី១៦ ខែកញ្ញានេះ បានប្រមូលផ្តុំគ្នាធ្វើកូដកម្មទាមទារលក្ខណការងារ ២៥ចំណុច។ ប្រធានស្តីទីសហព័ន្ធសហជីពជាតិឧស្សាហកម្មវាយនភណ្ឌកាត់ដេរកម្ពុជា អ្នកស្រី ឆេង ឡាង ប្រាប់ VOD បន្ទាប់ពីកិច្ចចរចាថា លទ្ធផលកិច្ចពិភាក្សាថ្ងៃនេះមានចំណុចឯកភាពចំនួន១៩ ចំណែក៦ចំណុចទៀតមិនទាន់ឯកភាព។ ទោះជាយ៉ាងណា អ្នកស្រីបន្តថា ចំណុចមិនឯកភាពនោះ ភាគីរោងចក្របានបញ្ជូនទៅក្រុមប្រឹក្សាអាជ្ញាកណ្តាលហើយ ដូចនេះរង់ចាំលទ្ធផលសិន។
-
កម្មករជាង១ពាន់នាក់ទាមទារប្រាក់អតីតភាពនិងឲ្យយកតំណាងចូលធ្វើការវិញ
កម្មករជាង១ពាន់នាក់ នៅរោងចក្រ ជៀន ឡឹ ក្នុងសង្កាត់ក្បាលកោះ ខណ្ឌមានជ័យ ធ្វើកូដកម្មនៅព្រឹកថ្ងៃអង្គារនេះ ដើម្បីទាមទារលក្ខខណ្ឌពីរចំណុចពីរភាគីរោងចក្រ។ ក្រុមអ្នកតវ៉ាបានស្រែកទាមទារឲ្យភាគីរោងចក្រទទួលយកតំណាងកម្មករ គឺលោក ហេង ស៊ីហឿន ឲ្យចូលធ្វើការវិញបន្ទាប់ពីភាគីរោងចក្របានបញ្ឈប់។ ក្រុមកម្មករក៏ទាមទារបើកប្រាក់ឈ្នួលអតីតភាពការងារដល់ពួកគេដែរ ដោយសាររោងចក្របានប្ដូរឈ្មោះពីរោងចក្រ ហ៊ុយ ជៀន ទៅជារោងចក្រ ជៀន ឡឹ។
-
សហជីពនឹងធ្វើកូដកម្មទាមទារប្រាក់ខែគោល១៧៧ដុល្លារ
ក្រុមសហជីពចំនួនប្រាំបីបានដាក់ផែនការធ្វើយុទ្ធនាការទាមទារដំឡើងប្រាក់ខែកម្មកររោងចក្រឲ្យបានរហូតដល់១៧៧ដុល្លារអាមេរិកក្នុងមួយខែនៅថ្ងៃពុធទី១៧ខែកញ្ញា ស្របពេលដែលកិច្ចប្រជុំបន្តអំពីដំណោះស្រាយប្រាក់ខែនឹងប្រព្រឹត្តទៅនៅថ្ងៃដដែលនោះដែរ។
-
សម្ព័ន្ធភាពសហព័ន្ធសហជីពព្រមានធ្វើមហាកូដកម្មជាថ្មី
ថ្នាក់ដឹកនាំសហជីព នៃសម្ព័ន្ធភាពសហព័ន្ធសហជីពចំនួន៨ កាលពីថ្ងៃចន្ទ ព្រមានធ្វើមហាកូដកម្មជាថ្មី បើសិនជាការចរចាទាមទារដំឡើងប្រាក់ឈ្នួលអប្បបរមា១៧៧ដុល្លារ នៅថ្ងៃទី២៦ខាងមុខនេះមិនទទួលបានលទ្ធផលទេនោះ។ ថ្លែងក្នុងសន្និសីទសារព័ត៌មាន នៅថ្ងៃរសៀលថ្ងៃចន្ទ ទី១៥ ខែកញ្ញា ឆ្នាំ២០១៤ បណ្ដាថ្នាក់ដឹកនាំសហជីព នៃសម្ព័ន្ធភាពសហព័ន្ធសហជីព សុទ្ធតែសន្យាប្រកាន់ជំហរមិនរាថយ ក្នុងការធ្វើយុទ្ធនាការទាមទារប្រាក់ឈ្នួលអប្បរបរមា១៧៧ដុល្លារជូនកម្មករឲ្យខានតែបាន បើទោះមានការកៀបសង្កត់ពីភាគីនិយោជកដោយរូបភាពណាក៏ដោយ។
-
ខ្មែរនៅក្រៅប្រទេសគ្រោងធ្វើបាតុកម្មទាមទារប្រាក់ខែកម្មករ១៧៧ដុល្លារ
ពលរដ្ឋខ្មែររស់នៅក្រៅប្រទេស រួមមានកាណាដា និងសហរដ្ឋអាមេរិក ជាដើម គ្រោងធ្វើបាតុកម្មនៅថ្ងៃទីពុធ ទី១៧ ខែកញ្ញា ខាងមុខ នៅតាមតំបន់ដែលពួកគេរស់នៅ ដើម្បីទាមទារសុំដំឡើងប្រាក់ឈ្នួលកម្មករឲ្យបាន ១៧៧ដុល្លារអាមេរិក។ អ្នករៀបចំបាតុកម្មនៅក្រុងម៉ុងរ៉េអាល់ នៃប្រទេសកាណាដា លោក ជួប សំណាង មានប្រសាសន៍ប្រាប់វិទ្យុអាស៊ីសេរី តាមទូរស័ព្ទថា គោលបំណងសំខាន់នៃការធ្វើបាតុកម្មនេះ គឺជំរុញឲ្យក្រុមហ៊ុនធំៗដែលបញ្ជាទិញផលិតផលសំលៀកបំពាក់កាត់ដេរ គាបសង្កត់ដល់ម្ចាស់រោងចក្រនៅកម្ពុជា គិតគូរពីស្ថានភាពរស់នៅដ៏លំបាករបស់កម្មករដែលមានប្រាក់ខែទាប។
-
សង្គមស៊ីវិលថាកម្ពុជាពុំទាន់មានលទ្ធិប្រជាធិបតេយ្យពិតប្រាកដ
បណ្តាអង្គការសង្គមស៊ីវិលលើកឡើងថា កម្ពុជាជាប្រទេសដែលពុំទាន់មានលទ្ធិប្រជាធិបតេយ្យពេញនៅឡើយ ដោយសារតែមានបញ្ហាជាច្រើនកំពុងកើតឡើង និងទាមទារឲ្យមានការដោះស្រាយ។ សេចក្តីថ្លែងការណ៍រួមរបស់បណ្ដាអង្គការសង្គមស៊ីវិល ចេញនៅថ្ងៃចន្ទ ទី១៥ ខែកញ្ញា ឆ្នាំ២០១៤ នេះបង្ហាញថា កម្ពុជានៅមានបញ្ហាជាច្រើនដែលកំពុងកើតមាន និងទាមទារឲ្យមានការដោះស្រាយជាចាំបាច់ ដែលក្នុងនោះមាន ការផ្សះផ្សារជាតិដើម្បីលទ្ធិប្រជាធិបតេយ្យ សមភាពរវាងស្ត្រី និងបុរសក្នុងការចូលរួមក្នុងវិស័យនយោបាយ និងថ្នាក់សម្រេចចិត្ត និងសេរីភាពក្នុងការបញ្ចេញមតិជាដើម។
-
សកម្មជនការពារធម្មជាតិតំបន់អារ៉ែងប្រឺមមុខគ្នាជាថ្មីជាមួយអាជ្ញាធរខេត្តកោះកុង
សកម្មជនការពារធនធានធម្មជាតិ និងប្រជាសហគមន៍នៅតំបន់អារ៉ែងបានបិទផ្លូវមិនឲ្យតំណាងអាជ្ញាធរខេត្តកោះកុងនិងតំណាងក្រុមហ៊ុនចិនចូលទៅក្នុងតំបន់នោះ កាលពីព្រឹកថ្ងៃចន្ទនេះ។ ការរារាំងនេះគឺប្រជាសហគមន៍ និងសកម្មជនបារម្ភខ្លាចមានការដកហូតតំបន់ធម្មជាតិនោះធ្វើជាកន្លែងអភិវឌ្ឍន៍វារីអគ្គីសនី ដែលពួកគេយល់ថា ធ្វើឲ្យមានការខាតបង់។
គាំទ្រដោយ
