កំពុងស្វែងរកទិន្នន័យ
រកឃើញ: 13.209
-
ប្រធានអង្គការមាតាធម្មជាតិ និងបក្ខពួក ៥ នាក់ ត្រូវបានប៉ូលិសខេត្តកោះកុង ឃាត់ខ្លួន យកមកសួរនាំ
ប្រភពព័ត៌មានពីឃុំអារ៉ែង ស្រុកថ្មបាំង បាននិយាយឲ្យដឹងថា ប្រធានអង្គការមាតាធម្មជាតិឈ្មោះ អាឡិច ជនជាតិអេស្ប៉ាញ និយាយភាសាខ្មែររត់មាត់ និងបក្ខពួកចំនួន ៥ នាក់ផ្សេងទៀត ត្រូវបានសមត្ថកិច្ចប៉ូលិសនៅខេត្តកោះកុង ធើ្វការឃាត់ខ្លួន នាំមកកាន់ស្នងការដ្ឋានប៉ូលិសខេត្ត កាលពីវេលាម៉ោងប្រមាណជិត ៣ រសៀល ថ្ងៃទី១៥ ខែកញ្ញា ឆ្នាំ២០១៤។ ការចាប់ខ្លួនក្រុមអ្នកការពារបរិស្ថាននោះ បានធ្វើឡើង បន្ទាប់ពីពួកគេដឹកនាំធើ្វការតវ៉ាបិទផ្លូវ មិនឲ្យក្រុមមន្រី្តអាជ្ញាធរខេត្ត ចុះទៅជួបប្រជាពលរដ្ឋ នៅតំបន់ស្ទឹងអារ៉ែង។ ក្រុមអ្នកតវ៉ានោះ បានជំទាស់នឹងគម្រោងសាងសង់ទំនប់វារីអគ្គិសនី ស្ទឹងអារ៉ែង។
-
តុលាការខេត្តបាត់ដំបងកោះហៅសកម្មជនដីធ្លីសាកសួររឿងប្រើហិង្សា
នៅព្រឹកថ្ងៃទី១៥ ខែកញ្ញា ចៅក្រមស៊ើបសួរនៃសាលាដំបូងខេត្តបាត់ដំបង បានកោះហៅឲ្យសកម្មជនដីធ្លីម្នាក់ក្នុងចំណោម ៩នាក់ ពាក់ព័ន្ធសំណុំរឿងនៅឃុំបឹងប្រាំ ឲ្យចូលខ្លួនឆ្លើយបំភ្លឺ។ បន្ទាប់ពីចំណាយពេលសាកសួរអស់ជាច្រើនម៉ោងរួចមក សកម្មជនដីធ្លីត្រូវបានតុលាការសម្រេចដាក់ឲ្យស្ថិតនៅក្រោមការត្រួតពិនិត្យរបស់តុលាការ។ ប្រជាពលរដ្ឋដែលរងការចោទប្រកាន់ពីបទប្រើហិង្សាដោយចេតនា និងប្រព្រឹត្តហិង្សាទៅលើអ្នកកាន់កាប់អចលនវត្ថុដោយសុចរិត ចាត់ទុកការប្រើប្រាស់ប្រព័ន្ធតុលាការនៅពេលនេះ ថា គឺជាប្រឆាំងទៅនឹងភាពត្រឹមត្រូវរបស់ពួកគេ និងជាការគំរាមសិទ្ធិសេរីភាពក្នុងការតវ៉ាដែលទាមទារឲ្យមានដំណោះស្រាយមួយដ៏ពិតប្រាកដក្នុងរឿងដីធ្លី។
-
សកម្មជន និងយុវជន១១នាក់ត្រូវអាជ្ញាធរខេត្តកោះកុងចាប់ខ្លួននៅតំបន់អារ៉ែង
សកម្មជន និងក្រុមយុវជន១១នាក់ត្រូវបានអាជ្ញាធរខេត្តកោះកុង ចាប់ខ្លួននៅតំបន់អារ៉ែង ខណៈដែលពួកគេបិទផ្លូវរារាំងមិនឲ្យអាជ្ញាធរ និងក្រុមហ៊ុនចិនស៊ីណូហាយដ្រូ (Shynohydro) មិនឲ្យចូលទៅតំបន់ស្ទឹងឆាយអារ៉ែង។ ប្រធានកម្មវិធីមជ្ឈមណ្ឌលអប់រំច្បាប់សម្រាប់សហគមន៍ (CLEC) លោក ហួន ជុនឌី ប្រាប់VODនៅរសៀលថ្ងៃចន្ទនេះថា អ្នកដែលត្រូវបានចាប់ខ្លួនទាំង១១នាក់គឺជាសកម្មជន និងសមាជិករបស់អង្គការមាតាធម្មជាតិ (Mother of Nature) និងក្រុមយុវជនមហានគរ ដែលក្នុងនោះក៏មានប្រធានសមាគមចលនាមាតាធម្មជាតិលោក អាឡិច ចាន់ដ្រូ ផងដែរ។
-
ពលរដ្ឋស្រុកថ្មបាំងខេត្តកោះកុងរារាំងអាជ្ញាធរមិនឲ្យចូលតំបន់អារ៉ែង
ពលរដ្ឋពីរឃុំគឺឃុំប្រឡាយ និងឃុំជំនាប់នៅក្នុងស្រុកថ្មបាំង រារាំងអាជ្ញាធរខេត្តមិនឲ្យចូលតំបន់អារ៉ែង នៅព្រឹកថ្ងៃទី ១៥ កញ្ញា។ ប្រធានសមាគម ឃុំជំនាប់ ក្នុងស្រុកថ្មបាំង ខេត្តកោះកុង លោក វ៉ែន វ៉ន ឲ្យដឹងថាពលរដ្ឋប្រមាណ ៣០ នាក់ បានរាំងផ្លូវនៅចំណុច ច្រាំងត្រឡាច ផ្លូវចូលទៅតំបន់អារ៉ែង ដើម្បីរារាំងមន្ត្រី កសិកម្ម សមត្ថកិច្ច និងប៉េអិមប្រមាណ ៣០នាក់ មិនឲ្យចូលតំបន់នោះ ដើម្បីធ្វើការសិក្សាទាក់ទងការងារកសិកម្មទេ។
-
តំណាងពលរដ្ឋជម្លោះដីធ្លីខេត្តបន្ទាយមានជ័យចូលជួបគណៈកម្មការទី១រដ្ឋសភា
អ្នកមានជម្លោះដីធ្លីមកពីខេត្តបន្ទាយមានជ័យជាង៥០នាក់ ប្រមូលផ្ដុំមុខរដ្ឋសភាដើម្បីរង់ចាំលទ្ធផលតំណាងរបស់ខ្លួន៥អង្គ-នាក់ ចូលជួបចរចាតាមការអញ្ចើញរបស់គណកម្មការទី១របស់រដ្ឋសភា ក្នុងការដោះស្រាយជម្លោះដីធ្លីរបស់ពួកគេ។ លោក សុខ ផាត អតីតយោធិនពិការជើងទាំងពីរ និងជាអ្នកមានជម្លោះដីធ្លីប្រាប់VODនៅថ្ងៃព្រឹកថ្ងៃចន្ទនេះថា តំណាងប្រជាពលរដ្ឋដែលមានព្រះសង្ឃវត្តស្ទឹងមានជ័យពីរអង្គ និងពលរដ្ឋ៣នាក់នៅម៉ោង៩ព្រឹកនេះ ចូលជួបជាមួយជាមួយគណកម្មការទី១នៃរដ្ឋសភា។ តំណាងប្រជាពលរដ្ឋទាំង៥អង្គរូបរួមមាន ព្រះតេជគុណ យិន រតនាសុធារី ព្រះតេជគុន សឿន ហាយ អ្នកស្រី អ៊ិត សារឿត លោក អ៊ុច ឡេ និងលោក ហិម យឿន។
-
ជនជាតិដើមភាគតិច ធ្វើបាតុកម្មទាមទារឲ្យបញ្ឈប់ក្រុមហ៊ុនសម្បទានដីសេដ្ឋកិច្ច នៅប៊ូស្រា ខេត្តមណ្ឌលគិរី
ក្រុមជនជាតិដើមភាគតិច ព្នង ជាង ២០០ នាក់ បានជួបជុំ ធ្វើបាតុកម្ម លើកបដា ទាមទារឲ្យបញ្ឈប់ក្រុមហ៊ុនសម្បទានដីសេដ្ឋកិច្ច នៅឃុំប៊ូស្រា ស្រុកពេជ្រាដា ខេត្តមណ្ឌលគិរី។ បាតុកម្មអហិង្សា នៅសាលាឃុំប៊ូស្រា នាព្រឹកថ្ងៃចន្ទ ទី១៥កញ្ញានេះ អ្នកភូមិក៏បានតវ៉ានឹងនយោបាយផ្តល់ដីសម្បទានសង្គមកិច្ចផងដែរ។ បាតុកម្មរបស់ជនជាតិដើមភាគតិច នៅខេត្តមណ្ឌលគិរី បានធ្វើឡើង ដោយមិនមានការរារាំងអ្វីទេ។ អភិបាលស្រុកពេជ្រាដា លោក នួន សារ៉ន បានជួបអ្នកភូមិ និងបើកវេទិកាឆ្លងឆ្លើយតាមមេក្រូ ជាមួយក្រុមអ្នកភូមិជនជាតិដើមភាគតិចទាំងនោះ។
-
លោក ជា មុនី នឹងបន្តចូលរួមការតវ៉ាទាមទារទោះមានការដាក់កំហិតពីតុលាការ
ប្រធានសហជីពសេរីកម្មករ អះអាងពីគោលជំហររបស់ខ្លួនថា នៅតែបន្តការដឹកនាំកម្មករតវ៉ាពេលមានការស្នើឲ្យជួយទាមទារ ទោះជាតុលាការបានដាក់កំហិតមិនឲ្យលោកធ្វើសកម្មភាពក៏ដោយ។ ប្រធានសហជីពសេរីកម្មករ លោក ជា មុនី មានប្រសាសន៍ក្រោយពីចេញពីការសាកសួរជាង២ម៉ោងរបស់ចៅក្រមស៊ើប នារសៀលថ្ងៃចន្ទនេះថា លោកនៅតែបន្តដឹកនាំកម្មករធ្វើការវ៉ាទាមទាររាល់ពេលដែលកម្មករពឹងពាក់ខ្លួនឲ្យជួយ ទោះជាតុលាការបានដាក់កំហិតមិនឲ្យលោកចូលរួមដឹកនាំសកម្មភាពអ្វីផ្សេងៗក៏ដោយ។ លោកថា តុលាការបានកោះហៅលោកមកសាកសួរពីព្រឹត្តិការណ៍ហិង្សាកាលពីថ្ងៃទី២៥ ខែធ្នូ ឆ្នាំ២០១៣ រហូតដល់ថ្ងៃ៣ ខែមករា ឆ្នាំ២០១៤ ដោយបានចោទលោកពីបទដឹកនាំបាតុកម្មបង្កឲ្យមានហិង្សា និងខូចខាតទ្រព្យសម្បត្តិ។
-
សង្គមស៊ីវិលជំរុញឲ្យរដ្ឋាភិបាលបំបាត់និទណ្ឌភាពនៅកម្ពុជា
មជ្ឈមណ្ឌលសិទ្ធិមនុស្សកម្ពុជា (ម.ស.ម.ក) នៅថ្ងៃទី១៥ កញ្ញា នេះ អំពាវនាវឲ្យរដ្ឋាភិបាលកម្ពុជា ចាត់វិធានការជាក់លាក់ដើម្បីប្រឆាំងនឹងនិទណ្ឌភាពដែលកំពុងការរីករាលដាលនៅសង្គមខ្មែរ និងធ្វើឲ្យរារាំងនៃដំណើរការលទ្ធិប្រជាធិបតេយ្យនៅកម្ពុជាបច្ចុប្បន្ន។ ការអំពាវនាវនេះ ធ្វើឡើងចំថ្ងៃខួបទិវាអន្តរជាតិប្រជាធិបតេយ្យថ្ងៃ១៥ កញ្ញា។ សេចក្ដីថ្លែងការណ៍របស់ ម.ស.ម.ក ចុះថ្ងៃទី១៥ កញ្ញា បានរំលេចថា ថ្ងៃទី១៥ កញ្ញា ជាថ្ងៃគម្រប់ខួបមួយឆ្នាំនៃមរណភាពរបស់លោក ម៉ៅ សុខចាន់ ដែលត្រូវកងកម្លាំងសន្តិសុខបាញ់សម្លាប់នៅស្ពានអាកាសក្បាលថ្នល់ រាជធានីភ្នំពេញ ដែលនៅទីនោះកងនគរបាលបានបិទផ្លូវ ខណៈមានបាតុកម្មទាមទារឲ្យមានការបោះឆ្នោតឡើងវិញ។
-
ទិវាអន្តរជាតិប្រជាធិបតេយ្យ៖ មជ្ឈមណ្ឌលសិទ្ធិមនុស្សកម្ពុជា ថ្លែងការណ៍អំពាវនាវឲ្យបញ្ចប់វប្បធម៌និទណ្ឌភាព
នៅថ្ងៃទី១៥ ខែកញ្ញា ឆ្នាំ២០១៤នេះ ជាទិវាអន្តរជាតិ ប្រជាធិបតេយ្យ មជ្ឈមណ្ឌលសិទ្ធិមនុស្សកម្ពុជា បានចេញសេចក្តីថ្លែងការណ៍អំពាវនាវដល់រាជរដ្ឋាភិបាលកម្ពុជា បញ្ចប់និទណ្ឌភាព ហើយប្តេជ្ញាចាត់វិធានការជាក់លាក់ទៅនឹងការរីករាលដាលនិទណ្ឌភាព ដែលបន្តញាំញីដល់ប្រទេសកម្ពុជា។ មជ្ឈមណ្ឌលសិទ្ធិមនុស្សកម្ពុជា បានបញ្ជាក់ថា "នៅថ្ងៃទី១៥ ខែកញ្ញា ឆ្នាំ២១០៤ នេះ (១៥កញ្ញា២០១៣ ដល់១៥កញ្ញា២០១៤) គឺជាគម្រប់ខួប ១ ឆ្នាំ នៃមរណភាពរបស់លោក ម៉ៅ សុខចាន់ ដែលត្រូវបានសម្លាប់ក្នុងអំឡុងពេលបាតុកម្មតវ៉ានៅក្រោយការបោះឆ្នោត កាលពីឆ្នាំមុន នៅរាជធានីភ្នំពេញ។ កង្វះការស៊ើបអង្កេត ចំពោះមរណភាពរប់លោក ម៉ៅ សុខចាន់ គឺជាឧទាហរណ៍មួយយ៉ាងច្បាស់ ដែលថា និទណ្ឌភាព នៅតែបន្តរារាំងដល់ការអភិវឌ្ឍន៍លទ្ធិប្រជាធិបតេយ្យនៅកម្ពុជា"។
-
សង្គមស៊ីវិលថាការចូលរួមរបស់យុវជនក្នុងការអភិវឌ្ឍប្រទេសជួបបញ្ហាប្រឈមច្រើន
សង្គមស៊ីវិលជាតិ និងអន្តរជាតិនៅថ្ងៃចន្ទនេះលើកឡើងថា យុវជនកម្ពុជាប្រឈមនឹងបញ្ហាមួយចំនួន ដែលរារាំងយុវជនក្នុងការចូលរួមអភិវឌ្ឍប្រទេសតាមបែបប្រជាធិបតេយ្យ។ ការរកឃើញនេះធ្វើឡើងក្នុងសន្និសីទសារព័ត៌មាន ស្តីពីឱកាសរបស់យុវជនក្នុងសង្គមប្រជាធិបតេយ្យបច្ចុប្បន្ន ដែលរៀបចំដោយក្រុមប្រឹក្សាយុវជនកម្ពុជា (YCC) នាព្រឹកថ្ងៃទី ១៥ ខែកញ្ញា ឆ្នាំ២០១៤ ស្របពេលរំឭកទិវាអន្តរជាតិប្រជាធិបតេយ្យ។
-
អង្គការសិទ្ធិមនុស្សអំពាវនាវឲ្យរដ្ឋាភិបាលបញ្ចប់និទណ្ឌភាព
អង្គការសិទ្ធិមនុស្សនៅថ្ងៃចន្ទនេះអំពាវនាវឲ្យរាជរដ្ឋាភិបាលបញ្ចប់អំពើនិទណ្ឌភាព ដែលអង្គការនេះចាត់ទុកថាកំពុងតែរីករាលដាល ហើយបន្តញាំញីលើប្រទេសកម្ពុជា។ សេចក្តីថ្លែងការណ៍របស់មជ្ឈមណ្ឌលសិទ្ធិមនុស្សកម្ពុជា បានកត់សំគាល់ថា ថ្ងៃនេះជាខួបមួយឆ្នាំរបស់លោក ម៉ៅ សុខចាន់ ដែលត្រូវបានបាញ់សម្លាប់អំឡុងពេលមានបាតុកម្មទាមទារឲ្យបោះឆ្នោតឡើងវិញ កាលពីចុងឆ្នាំ២០១៣។ ប៉ុន្តែកង្វះការស៊ើបអង្កេតក្នុងករណីនេះជាឧទាហរណ៍ដែលបង្ហាញថា និណ្ឌភាពកំពុងរារាំងដំណើរការអភិវឌ្ឍន៍លទ្ធិប្រជាធិបតេយ្យនៅកម្ពុជា។
-
គណកម្មការទី១នៃរដ្ឋសភាសន្យាអន្តរាគមន៍ករណីជម្លោះដីធ្លីនៅបន្ទាយមានជ័យ
គណកម្មការទី១នៃរដ្ឋសភា សន្យាចេញលិខិតអន្តគមន៍ទៅអាជ្ញាធរខេត្តបន្ទាយមានជ័យ ឲ្យដោះស្រាយករណីជម្លោះដីធ្លី និងរក្សាសុវត្ថិភាពតំណាងពលរដ្ឋក្នុងការចរចាជាមួយអាជ្ញាធរខេត្ត។ នៅព្រឹកថ្ងៃចន្ទនេះ ព្រះសង្ឃពីរអង្គ និងពលរដ្ឋបីនាក់ តំណាងឲ្យអ្នកមានជម្លោះដីធ្លីមកពីខេត្តបន្ទាយមានជ័យ បានចូលជួបពិភាក្សាជាមួយគណៈកម្មការទី១នៃរដ្ឋសភាគឺគណៈកម្មការសិទ្ធិមនុស្ស ទទួលពាក្យបណ្ដឹង អង្កេត និងទំនាក់ទំនងរដ្ឋសភា ព្រឺទ្ធសភា។ ស្របពេលជាមួយគ្នានោះផងដែរ ពលរដ្ឋជាង៥០នាក់ប្រមូលផ្ដុំមុខរដ្ឋសភាដើម្បីរង់ចាំលទ្ធផលនៃកិច្ចពិភាក្សានេះ។
-
មជ្ឈមណ្ឌលសិទ្ធិមនុស្សកម្ពុជាអំពាវនាវឲ្យរដ្ឋាភិបាលលុបបំបាត់និទណ្ឌភាព
នៅចំថ្ងៃប្រារព្ធទិវាអន្តរជាតិប្រជាធិបតេយ្យ១៥កញ្ញានេះ មជ្ឈមណ្ឌលសិទ្ធិមនុស្សកម្ពុជាបានអំពាវនាវឲ្យរដ្ឋាភិបាលចាត់វិធានការជាក់លាក់ប្រឆាំងនឹងនិទណ្ឌភាពនៅកម្ពុជា។ មជ្ឈមណ្ឌលសិទ្ធិមនុស្សកម្ពុជាបានលើកយកករណីបាញ់ប្រហារនានាក្នុងអំឡុងពេលនៃការជាប់គាំងនយោបាយក្រោយការបោះឆ្នោតដែលអ្នកស្លាប់មិនទាន់ទទួលបានយុត្តិធម៌នៅឡើយនោះមកធ្វើជាសម្អាង។ ប៉ុន្តែ រដ្ឋាភិបាលថា ការស៊ើបអង្កេតមិនទាន់បិទបញ្ចប់នៅឡើយទេ។
-
ជនជាតិព្នងខេត្តមណ្ឌលគីរីគ្រោងធ្វើបាតុកម្មអហិង្សាប្រឆាំងក្រុមហ៊ុនសម្បទានដី
ប្រជាពលរដ្ឋពូនង (ព្នង) មកពីភូមិចំនួន៧ នៅឃុំប៊ូស្រា ស្រុកពេជ្រាដា ខេត្តមណ្ឌលគិរី មានគម្រោងធ្វើបាតុកម្មអហិង្សា ចាប់ពីថ្ងៃទី១៥ រហូតដល់ថ្ងៃទី ៣០ ខែកញ្ញា តវ៉ាក្រុមហ៊ុនសម្បទានសេដ្ឋកិច្ចចំនួន៥ ដែលធ្វើសកម្មភាពបំផ្លាញសេចក្ដីសុខ នៅក្នុងឃុំគាត់រស់នៅ។ ក្រុមហ៊ុនសម្បទានសេដ្ឋកិច្ច ដែលប្រជាពលរដ្ឋឃុំ ប៊ូស្រា មានគម្រោងធ្វើបាតុកម្មតវ៉ា មានទី១ក្រុមហ៊ុនអិល.ខេ.អិល (LKL) ទី២ក្រុមហ៊ុនខេហ្វីស (K-First) ទី៣ក្រុមហ៊ុនមេហ្គាហ្វីស (Mega-First) ទី៤ ក្រុមហ៊ុនសុខហ្វីន និង ទី៥ក្រុមហ៊ុនដាក់ឡាក់។
-
អ្នកភូមិតាគង់១ធ្វើពិធីអុំទូកដាស់អារម្មណ៍អាជ្ញាធរភ្នំពេញឲ្យជួយអភិវឌ្ឍន៍ភូមិ
អ្នកភូមិតាគង់១ ស្ថិតសង្កាត់ចាក់អង្រែលើ ខណ្ឌមានជ័យ រាជធានីភ្នំពេញ បានប្រមូលផ្ដុំគ្នាលើទូកក្នុងបឹងទំពុន ក្នុងបរិវេណក្នុងភូមិ នៅរសៀលថ្ងៃទី១៤ កញ្ញា ធ្វើសន្និសីទកាសែត និងរៀបចំពិធីប្រណាំងទូក នៅក្នុងគោលបំណងបង្ហាញអំពីជីវភាពរស់នៅក្រលំបាកគ្មានផ្លូវគមនាគមន៍របស់ពួកគាត់។ តំណាងអ្នកភូមិតាគង់១ អ្នកស្រី ឃុន ស្រីណូ បញ្ជាក់អំពីការលំបាករបស់អ្នកភូមិដែលមិនមានផ្លូវធ្វើដំណើរ ដោយតំបន់នេះហាក់ដូចជាកាត់ផ្ដាច់ពីទីប្រជុំជនព្រោះ បើទោះបីជាភូមិនេះស្ថិតនៅក្នុងភូមិសាស្ដ្រ រាជធានីភ្នំពេញក៏ដោយ ព្រោះជាតំបន់លិចទឹក។
-
អាជ្ញាធរខេត្តបន្ទាយមានជ័យសន្យាដោះស្រាយបញ្ហាដីធ្លីជូនយោធិនពិការជាង២០០គ្រួសារ
អាជ្ញាធរខេត្តបន្ទាយមានជ័យ សន្យាដោះស្រាយបញ្ហាដីធ្លី ជូនយោធិនពិការ ជាង២០០គ្រួសារ ឲ្យបានឆាប់។ ការសន្យានេះធ្វើឡើងនៅរសៀលថ្ងៃទី១៤ ខែ កញ្ញា នៅក្នុងវត្តស្ទឹងមានជ័យ រាជធានីភ្នំពេញ។ វត្តនេះជាកន្លែងដែល អតីតយោធិនទាំងនោះ កំពុងស្នាក់នៅបណ្ដោះអាសន្ន ដើម្បីបំពេញ បេសកកម្មទាមទារ ដីធ្លីដែលលោកហ៊ុន សែន ធ្លាប់សន្យាថាផ្ដល់ឲ្យពួកគាត់។ អភិបាលរងខេត្តបន្ទាយមានជ័យ លោក ឱម ចន្ថា បានធ្វើដំណើរតាំងពីខេត្តបន្ទាយមានជ័យ មកជួបពលរដ្ឋនៅវត្តស្ទឹងមានជ័យ ដើម្បីដោះស្រាយបញ្ហាដីធ្លី។ អភិបាលរងខេត្តរូបនេះបានទទួលកិច្ចការពារ ពីកម្លាំងសន្តិសុខខណ្ឌមានជ័យជាច្រើននាក់។ លោកយកមីប្រាំកេសធំចែកជូនពលរដ្ឋ ហើយស្នើឲ្យតំណាងពលរដ្ឋចូលជួបលោក នៅក្នុងកុដិព្រះចៅអធិការវត្តស្ទឹងមានជ័យដោយ ប្រជុំបិទទ្វារ។ ប៉ុន្តែដោយពលរដ្ឋមិនព្រម ទើបលោកអភិបាល ព្រមចុះពីលើកុដិចៅអធិការ មកជជែកជាមួយតំណាងអ្នកតវ៉ា ខាងក្រោមកុដិ លោកគ្រូសង្គ្រាជវិញ។
-
អ្នកមានជម្លោះដីធ្លីស្រុកគាស់ក្រឡ ខេត្តបាត់តំបងស្វែងរកអន្តរាគមន៍ជាថ្មីនៅភ្នំពេញ
អ្នកមានជម្លោះដីធ្លីនៅឃុំព្រះផុស ស្រុកគាស់ក្រឡ ខេត្តបាត់តំបង នៅថ្ងៃអាទិត្យនេះ ឡើងមករាជធានីភ្នំពេញជាថ្មីទៀត ដើម្បីស្វែងរកអន្តរាគមន៍ពីមន្ត្រីពាក់ព័ន្ធ ឲ្យជួយពន្លឿនដោះស្រាយជម្លោះដីធ្លីរបស់ពួកគាត់ជាមួយឧកញ៉ាបីរូបដែលអូសបន្លាយតាំងពីឆ្នាំ២០០៧មក។ អ្នកស្រី ចាន់ ថឿ ដែលអះអាងជាតំណាងប្រជាពលរដ្ឋ ប្រាប់ VODថា ពួកគាត់អ្នកមានជម្លោះដីធ្លីប្រមាណជា៣០នាក់ ឡើងមករាជធានីភ្នំពេញជាថ្មីទៀតនៅថ្ងៃអាទិត្យនេះ ដើម្បីស្វែងរកអន្តរាគមន៍ពីភាគីពាក់ព័ន្ធ និងសង្គមស៊ីវិលផងដែរ។ អ្នកស្រី បន្តថា តាមគម្រោងពួកគាត់នឹងឡើងមកទាំងអស់គ្នា ប៉ុន្តែដោយសារមានការរារាំងពីអាជ្ញាធរ ទើបពួកគាត់ឡើងមកម្តងបន្តិចៗ នៅថ្ងៃបន្តបន្ទាប់គ្នា។
-
អាជ្ញាធរខេត្តបន្ទាយមានជ័យបរាជ័យចង់ចរចាដោះស្រាយជម្លោះដីធ្លីដោយសម្ងាត់
អាជ្ញាធរខេត្តបន្ទាយមានជ័យនៅថ្ងៃអាទិត្យនេះ ស្នើជួបចរចាដោយសម្ងាត់ជាមួយប្រជាពលរដ្ឋមកពីខេត្តនេះ ដែលបច្ចុប្បន្នកំពុងស្នាក់នៅក្នុងវត្តស្ទឹងមានជ័យ ក្នុងរាជធានីភ្នំពេញ ត្រូវពលរដ្ឋបដិសេធ។ ប្រជាពលរដ្ឋដែលមានជម្លោះមកពីខេត្តបន្ទាយមានជ័យជាង១០០នាក់ បានមកស្នាក់នៅក្នុងវត្តស្ទឹងមានជ័យ ក្នុងរាជធានីភ្នំពេញដើម្បីស្វែងរកដំណោះលើបញ្ហាដីរបស់ពួកគាត់។
-
សហគមន៍បុរីកីឡាហាមក្រុមហ៊ុនផានអ៊ីម៉ិចសង់សំណង់លើដីបុរីកីឡា
អ្នកភូមិបុរីកីឡាធ្វើសន្និសីទហាម ក្រុមហ៊ុនផានអ៊ីម៉ិច(Phan-Imex) សង់សំណង់លើដីបុរីកីឡាបន្តទៀត ដោយអះអាងថា ដីបុរីកីឡាជាដីអ្នកភូមិបឹងកក់ ដែលកំពុងមានទំនាស់ជាមួយក្រុមហ៊ុនផានអ៊ីម៉ិច ដែលនៅមិនទាន់ដោះស្រាយចប់នៅឡើយ។ តំណាងអ្នកភូមិបុរីកីឡា អ្នកស្រី ស ស៊ន បញ្ជាក់ថា សន្និសីទកាសែតនេះធ្វើនៅព្រឹកថ្ងៃទី ១៤ ខែកញ្ញា ក្នុងបរិវេណបុរីកីឡាតែម្ដង ដើម្បីជំរុញឲ្យអាជ្ញាធររាជធានីភ្នំពេញ ដោះស្រាយជម្រកឲ្យពួកគាត់ជាបន្ទាន់ ព្រោះពេលនេះជារដូវវស្សាភ្លៀងធ្លាក់ បណ្ដាលឲ្យគំនរសំរាមដែលគេគរក្បែរកន្លែងជុំរុំតង់ដែលពួកគាត់ស្នាក់នៅ សព្វថ្ងៃរលួយស្អុយ ប៉ះពាល់ដល់សុខភាព។
-
ព្រះសង្ឃវត្តចាស់អំពាវនាវរកជំនួយសម្រាប់ពលរដ្ឋមានជម្លោះដីធ្លីស្នាក់នៅក្នុងវត្តកំពុងមានជំងឺ
ព្រះសង្ឃគង់នៅវត្តចាស់ស្ថិតនៅក្នុងសង្កាត់ជ្រោយចង្វារ ខណ្ឌជ្រោយចង្វាររាជធានីភ្នំពេញ អំពាវនាវដល់សប្បុរសជន ក៏ដូចជាស្ថាប័នពាក់ព័ន្ធឲ្យជួយដល់ពលរដ្ឋតវ៉ាករណីជម្លោះដីធ្លីស្នាក់នៅក្នុងវត្តនេះ ប្រមាណ៣០នាក់កំពុងមានជំងឺរាគរួសនិងផ្តាសាយ។ តេជគុណ ណុប វន្នី មានថេរដីកាថា ប្រជាពលរដ្ឋមកពីខេត្តប៉ៃលិនប្រមាណ៣០នាក់ ស្នាក់នៅក្នុងវត្តចាស់ដើម្បីសុំកិច្ចអន្តរាគមន៍ករណីជម្លោះដីធ្លីកំពុងមានជំងឺបន្តបន្ទាប់ដោយមិនដឹងមូលហេតុគឺអ្នកខ្លះរាគរួស គ្រុនក្តៅ និងផ្តាសាយជាដើម។ ព្រះតេជគុណបន្តថា រហូតដល់ថ្ងៃអាទិត្យពលរដ្ឋក្មេងចាស់ជាង១០នាក់ ជំងឺកំពុងធ្វើទុក្ខ ខណៈពលរដ្ឋមួយចំនួនទៀតមិនទាន់ជាសះស្បើយនៅឡើយ។
គាំទ្រដោយ
