កំពុងស្វែងរកទិន្នន័យ
រកឃើញ: 13.209
-
មន្ត្រីសិទ្ធិមនុស្សអន្តរជាតិថាលោក ហ៊ុន សែន គួរកុំបង្វែរបញ្ហាពុករលួយទៅអ្នកដទៃ
នាយកប្រតិបត្តិទទួលបន្ទុកផ្នែកអាស៊ី នៃអង្គការឃ្លាំមើលសិទ្ធិមនុស្សអន្តរជាតិ យូមែន រ៉ៃត៍ វ៉ច្ឆ (Human Rights Watch) លោក ប្រេដ អាដាម (Brad Adams) និយាយថា ការដែលលោកនាយករដ្ឋមន្ត្រី ហ៊ុន សែន ព្យាយាមបង្វែរការចាប់អារម្មណ៍អំពីបញ្ហាពុករលួយនៅកម្ពុជា ទៅចោទប្រកាន់អំពើពុករលួយមាននៅក្នុងស្ថាប័នអន្តរជាតិធំៗនោះ វាមិនបានជួយកាត់បន្ថយកំហឹងរបស់ពលរដ្ឋកម្ពុជា ចំពោះអំពើពុករលួយនៅកម្ពុជា ឡើយ។
-
អង្គការ សមាគមយុវជនចំនួន ៧ គាំទ្រសំណើកំណត់អាណត្តិនាយករដ្ឋមន្ត្រី
នៅព្រឹកថ្ងៃសុក្រនេះ អង្គការ សមាគមយុវជនចំនួន ៧ដែលជាសមាជិកគណៈកម្មាធិការយុវជនដើម្បីឯកភាព និងអភិវឌ្ឍន៍បានធ្វើសន្និសីទកាសែតមួយស្តីពី “ ការគាំទ្រឲ្យមានការកំណត់អាណត្តិនាយករដ្ឋមន្ត្រី"។ ក្រោយសន្និសីទ សមាគមទាំងនេះ បានចេញសេចក្តីថ្លែងការណ៍រួមប្រកាសគាំទ្រយ៉ាងពេញទំហឹងចំពោះការកំណត់អាណត្តិត្រឹមតែពីរអាណត្តិ។
-
អង្គការសមាគមយុវជនស្នើបក្សក្នុងសភាទាំងពីរកំណត់អាណត្តិនាយករដ្ឋមន្ត្រី
គណៈកម្មការយុវជនដើម្បីឯកភាព និងអភិវឌ្ឍ ប្រកាសជាសាធារណៈគាំទ្រការទាមទារឲ្យសភាអាណត្តិទី៥ ដែលមានសំឡេងមកពីបក្សប្រជាជនកម្ពុជា និងបក្សសង្គ្រោះជាតិ ដើម្បីកំណត់អាណត្តិនាយករដ្ឋមន្ត្រីត្រឹម ២អាណត្តិ ឬ១០ឆ្នាំ។ ការប្រកាសរបស់ក្រុមបណ្ដាញយុវជននេះធ្វើនៅក្នុងសន្និសីទសារពត៌មាន ដែលរៀបចំដោយអង្គការសមាគមយុវជនចំនួន ៧ នៅការិយាល័យអង្គការសមាគមយុវជនខ្មែរ (KYA) រាជធានីភ្នំពេញ នៅព្រឹកថ្ងៃទី ៥ កញ្ញាដោយមានយុវជនចូលរួមប្រមាណ ៥០នាក់ មកពីសកលវិទ្យាល័យនានា ក្នុងរាជធានីភ្នំពេញ។
-
អ្នកបុរីកីឡាទាមទារឲ្យក្រុមហ៊ុនផានអ៊ីម៉ិចពន្លឿនកសាងអាគារតាមសន្យា
អ្នកបុរីកីឡា និងអ្នកភូមិបឹងកក់ប្រមាណ ៣០នាក់ តវ៉ានៅមុខសាលារាជធានីភ្នំពេញ នៅព្រឹកថ្ងៃទី ៥ កញ្ញា ទាមទាររកដំណោះស្រាយ ដែលសាលារាជធានីធ្លាប់សន្យាជាមួយពួកគាត់។ ដំណោះស្រាយដែលពួកគាត់ចង់បាន គឺតម្រូវអោយក្រុមហ៊ុន ផានអ៊ីម៉ិច ពន្លឿនការសាងសង់អាគារ ទី៩ និងទី១០ តាមសន្យារបស់ខ្លួន។ ស្របគ្នានេះពួកគេក៏ទាមទារឲ្យសាលាក្រុងអនុញ្ញាតឲ្យអ្នកបុរីកីឡា អាចចូលរួមប្រជុំដោះស្រាយជម្លោះនេះ ជាមួយសាលាក្រុង និងសង្គមស៊ីវិល។
-
សាលានៅខេត្តស្ទឹងត្រែងអត់មានគ្រូបង្រៀន ខណៈការបោះឆ្នោតជាប់បក្សប្រឆាំង
នេះជាការព្រួយបារម្ភរបស់ជនជាតិដើមភាគតិចនៅខេត្តស្ទឹងត្រែង ដែលនិយមនិយាយភាសាឡាវ។ ពួកគេបារម្ភខ្លាចបាត់បង់ទំនៀមទំលាប់ ប្រពៃណីដូនតា ដោយសាតែថ្នាលបណ្តុះចំណេះដឹងក្មេងជំនាន់ក្រោយនៅតំបន់នោះ បច្ចុប្បន្នកំពុងធ្លាក់ចុះយ៉ាងគំហុក។ នៅពេលអ្នកយកព័ត៌មានVOD ចុះទៅដល់មូលដ្ឋាននោះ តំណាងសហគមន៍ លោក ហ្វុត ឃឿន ឲ្យដឹងថា យុវជនជាជនជាតិដើមភាគតិច នៅតំបន់នោះជាង៩០% បានបោះបង់ការសិក្សាត្រឹមថ្នាក់ទី៥ ឬទី៦ ដោយសារតែជីវភាពក្រីក្រ និងគ្មានសាលារៀន។ លោកបន្តថា «គាត់និយាយបានមែន ប៉ុន្តែការចេះដឹងតិច។ សម្រាប់វប្បធម៌គាត់អត់ចេះតែម្តង»។
-
សង្គមស៊ីវិលអំពាវនាវឲ្យពិចារណាឡើងវិញលើការកម្ទេចចោលអគារប៊ូលឌីង
ក្រុមអង្គការមិនមែនរដ្ឋាភិបាលអំពាវនាវឲ្យពិចារណាឡើងវិញលើការកម្ទេចចោលអគារប៊ូលឌីង(អគារស) និងការផ្លាស់ទីលំនៅរបស់ក្រុមគ្រួសារដែលរងផលប៉ះពាល់។ ការអំពាវនាវនេះធ្វើឡើងតាមរយៈសេចក្ដីប្រកាសព័ត៌មានរបស់អង្គការសង្គមស៊ីវិល៨រួមគ្នា កាលពីថ្ងៃទី៣ខែកញ្ញា ដោយក្រុមអង្គការសង្គមស៊ីវិលក៏បានជំរុញឲ្យសាលារាជធានីភ្នំពេញពិចារណាលើការជួសជុលអគារនេះជាជម្រើសអាទិភាព ជាជាងវាយកម្ទេចចោល ។
-
ការចរចារវាងអ្នកមានជម្លោះដីធ្លីខេត្តកំពង់ឆ្នាំងជាមួយអភិបាលខេត្តមិនទទួលលទ្ធផល
ការចរចារបស់អ្នកមានជម្លោះដីធ្លីក្នុងភូមិឡពាង និងភូមិផ្សេងទៀតក្នុងឃុំតាជេស ស្រុកកំពង់ត្រឡាច ខេត្តកំពង់ឆ្នាំងជាមួយអភិបាលខេត្តមិនទទួលបានលទ្ធផល ដោយសារដំណោះស្រាយដែលអភិបាលខេត្តផ្ដល់ឲ្យមិនស្របជាមួយការទាមទាររបស់ប្រជាពលរដ្ឋ។ តំណាងប្រជាពលរដ្ឋមកពីភូមិបឹងកក់លោក សៀង ហេង បានប្រាប់VODថា នៅព្រឹកថ្ងៃព្រហស្បតិ៍នេះ តំណាងអ្នកភូមិ៥នាក់បានចូលទៅចរចាជាមួយអភិបាលខេត្តកំពង់ឆ្នាំង លោក ឈួរ ច័ន្ទឌឿន នៅសាលាខេត្តកំពង់ឆ្នាំងដើម្បីដោះស្រាយបញ្ហាជម្លោះដីធ្លីរវាងក្រុមហ៊ុន KCD
-
សាលារាជធានីកំណត់ចំនួនអ្នកចូលរួមវេទិការៀបចំដោយសហគមន៍ខ្មែរកម្ពុជាក្រោម
សាលារាជធានីភ្នំពេញអនុញ្ញាតឲ្យសហគមន៍ខ្មែរកម្ពុជាក្រោមរៀបចំវេទិកាសាធារណៈនៅទីលានប្រជាធិបតេយ្យ នៅថ្ងៃទី០៦ខែកញ្ញា តែកំណត់ចំនួនអ្នកចូលរួមមិនឲ្យលើសពី២០០នាក់។ ការសម្រេចនេះធ្វើឡើងបន្ទាប់ពីការពិភាក្សារវាងមន្ត្រីសាលារាជធានីភ្នំពេញជាមួយប្រធានសហគមន៍ខ្មែរកម្ពុជាក្រោម លោក ថាច់ សេដ្ឋា។
-
លោកហ៊ុន សែនបញ្ជាឲ្យអាជ្ញាធរមូលដ្ឋានដោះស្រាយវិបត្តិដីធ្លី តែមានការរីកចម្រើនតិចតួចបំផុត
ក្រុមមន្រ្តីសិទ្ធិមនុស្ស ដែលធ្វើការលើបញ្ហាដីធ្លីនិងប្រជាពលរដ្ឋដែលរងគ្រោះដោយសារទំនាស់សង្គមនេះកត់សម្គាល់ឃើញការរីកចម្រើនតិចតួចក្រោយពីលោកនាយករដ្ឋមន្ត្រីហ៊ុន សែនដាក់បញ្ជាដល់មន្ត្រីរដ្ឋាភិបាល និងមន្ត្រីមូលដ្ឋានឲ្យដោះស្រាយវិបត្តិដីធ្លីនៅទូទាំងប្រទេស។ ផ្ទុយទៅវិញបទបញ្ជានោះបានលើកទឹកចិត្តឲ្យក្រុមប្រជាពលរដ្ឋអ្នករងគ្រោះដោយសារទំនាស់ដីធ្លីងើបឡើងតវ៉ាបន្ថែមទៀត។
-
សង្គមស៊ីវិលស្នើបក្សជាប់ឆ្នោតទាំងពីរ ធ្វើវិសោធនកម្មច្បាប់ខ្លះដើម្បីធានាសិទ្ធិស្ត្រី
ក្រុមអង្គការសង្គមស៊ីវិលធ្វើការលើកកម្ពស់ស្ត្រី ក្នុងវិស័យនយោបាយ នៅថ្ងៃពុធនេះ ស្នើគណបក្សជាប់ឆ្នោតទាំងពីរ ធ្វើវិសោធនកម្មរដ្ឋធម្មនុញ្ញ និងច្បាប់បោះឆ្នោត ដើម្បីឲ្យស្ត្រីចូលរួមកាន់តែច្រើនក្នុងទិសដៅអភិវឌ្ឍន៍ប្រទេសជាតិរួមគ្នាជាមួយបុរស។ ការស្នើនេះធ្វើឡើងនៅក្នុងសន្និសីទសារព័ត៌មានស្តីពី ការស្នើវិសោធនកម្មរដ្ឋធម្មនុញ្ញ និងច្បាប់បោះឆ្នោត ដើម្បីឲ្យស្ត្រីចូលរួមកាន់តែច្រើនឲ្យមានសមភាព រវាងស្ត្រី និងស្របតាមរដ្ឋធម្មនុញ្ញនៃព្រះរាជាណាច្រកម្ពុជា នាព្រឹកថ្ងៃទី២៧ ខែសីហា នៅអង្គការសីលការ។
-
អង្គការតម្លាភាព ស្នើរដ្ឋាភិបាលបញ្ចូលសង្គមស៊ីវិលក្នុងដំណើរការធ្វើសេចក្តីព្រាងច្បាប់សិទ្ធិទទួលព័ត៌មាន
អង្គការតម្លភាពកម្ពុជា បើកយុទ្ធនាការប្រមូលញត្តិតាមប្រព័ន្ធអ៊ិនធើណេត ដើម្បីដាក់ជូនរដ្ឋាភិបាលកម្ពុជា និងរដ្ឋសភា ពន្លឿនការអនុម័តច្បាប់ស្តីពី សិទ្ធិទទួលបានព័ត៌មាន កាន់តែឆាប់ និងគ្រប់ជ្រុងជ្រោយ ហើយបញ្ចូលសមាសភាពក្រុមសង្គមស៊ីវិល ទៅក្នុងដំណើរការធ្វើសេចក្តីព្រាងនោះ។
-
អតីតអ្នកបើកបររថយន្តក្រុមហ៊ុនសូរិយានឹងធ្វើកូដកម្មបណ្តើរ ចរចាបណ្តើរនៅថ្ងៃស្អែក
អតីតអ្នកបើករថយន្តក្រុមហ៊ុនភ្នំពេញសូរិយាដឹកអ្នកដំណើរអះអាងថា នៅថ្ងៃស្អែកនេះពួកគេនឹងធ្វើការចរចាបណ្ដើរ ធ្វើកូដកម្មបណ្ដើរដើម្បីទាមទារឲ្យក្រុមហ៊ុនផ្តល់ដំណោះស្រាយសមស្រប ក្រោយពីការចរចា៤ដងមិនបានលទ្ធផល។
-
ចំណាត់ការរបស់តុលាការកម្ពុជាចំពោះអ្នកនយោបាយខ្មែរ និងជើងកាងជនជាតិវៀតណាម
មន្ត្រីសង្គមស៊ីវិលយល់ឃើញថា រូបភាពខុសគ្នាដែលតុលាការធ្វើទៅអ្នកនយោបាយ និងទៅលើជើងកាងជនជាតិវៀតណាម ដែលកាប់ពលរដ្ឋខ្មែរឲ្យរបួស គឺគ្មានអ្វីយឲ្យភ្ញាក់ផ្អើលទេ។ ការលើកឡើងបែបនេះ ក្រោយពេលមានព័ត៌មានថា ក្នុងការសាកសួរអ្នកទោសក្មេងទំនើងជាជនជាតិវៀតណាម៧នាក់ ដែលកាប់ពលរដ្ឋខ្មែរឲ្យរងរបួស សាលាដំបូងរាជធានីភ្នំពេញដាក់ខ្នោះដៃពួកគេតែម្នាក់ម្ខាង ហើយមិនបានបញ្ជូនពួកគេទៅពន្ធនាគារព្រៃសនោះទេ ប៉ុន្តែកាលពីពាក់កណ្ដាលខែកក្កដាកន្លងទៅ តុលាការបានដាក់ខ្នោះដៃតំណាងរាស្ត្ររបស់គណបក្សសង្គ្រោះជាតិទាំងពីរព័ទ្ធទៅក្រោយ និងបញ្ជូនពួកគេទៅពន្ធនាគារព្រៃសផង។
-
នារីរងគ្រោះ៣នាក់ពីការជួញដូរ ក្រោមរូបភាពរៀបអាពាហ៍ពិពាហ៍ទៅប្រទេសចិន វិលត្រឡប់មកកម្ពុជាវិញ
នារីរងគ្រោះដោយអំពើជួញដូរទៅប្រទេសចិន ក្រោមរូបភាពរៀបអាពាហ៍ពិពាហ៍ បានវិលត្រឡប់មកកម្ពុជាវិញ ក្រោយពីត្រូវបានមេខ្យល់បោកបញ្ឆោតថាទៅធ្វើការកាត់ដេរ និងរៀបការជាមួយបុរសចិន។ យោងតាមព័ត៌មានដែលសមាគមសិទ្ធិមនុស្សអាដហុក សរសេរលើទំព័រហ្វេសប៊ុករបស់ខ្លួន នារសៀលថ្ងៃពុធនេះបញ្ជាក់ថា នារីរងគ្រោះដោយអំពើជួញដូរក្រោមរូបភាពរៀបអាពាហ៍ពិពាហ៍ជាមួយបុរសជនជាតិចិនចំនួន៣នាក់ឈ្មោះ វ.កញ ឈ្មោះ ផ.ចណ និងឈ្មោះ ល.ហហ បានវិលត្រឡប់មកដល់ប្រទេសកម្ពុជាវិញកាលពីថ្ងៃទី២៣ និង២៨ ខែសីហា ឆ្នាំ២០១៤។
-
ក្រុមហ៊ុនបញ្ឈប់ការងារអ្នកបើករថយន្តក្រុង ដែលទាមទារឡើងប្រាក់ខែ
ជាច្រើនសប្តាហ៍មកហើយ អតីតអ្នកបើកបររថយន្តក្រុងនៃក្រុមហ៊ុនសូរិយាភ្នំពេញដឹកជញ្ជូនអ្នកដំណើរជាង១០នាក់បានធ្វើការតវ៉ាប្រឆាំងនឹងការបណ្តេញពួកគេចេញពីការងារ។ ក្រុមប្រឹក្សាអាជ្ញាកណ្តាលបានសម្រេចឲ្យក្រុមហ៊ុនទទួលយកពួកគេចូលធ្វើការងារវិញ ក៏ប៉ុន្តែក្រុមហ៊ុននៅតែមិនបានអនុវត្តតាមសេចក្តីសម្រេចនេះទេ។
-
យន្តការសភាលើដោះស្រាយបញ្ហាដីធ្លីនឹងជោគជ័យបើប្រកាន់ច្បាប់ជាគោលនិងហ៊ានជាសាច់ស្អុយ
ក្រោយសភាដែលមានសមាសភាពពីរគណបក្សបានបង្កើតឡើងរួចរាល់ គណៈកម្មការសិទ្ធមនុស្សដែលជាគណៈកម្មការទី១របស់សភាដែលមានគណបក្សប្រឆាំងជាប្រធាន និងសមាសភាពគណបក្សកាន់អំណាចនោះ បានចាប់ដៃគ្នាប្រយុទ្ធនឹងជំងឺវិវាទដីធ្លីនៅកម្ពុជា។ ប៉ុន្តែទាក់ទងនឹងយុទ្ធនាការដីធ្លីនេះ សង្គមស៊ីវិល បានមើលឃើញថាមានបញ្ហាប្រឈមជាច្រើនដែលទាំងរដ្ឋាភិបាល និងសភាត្រូវជំនះឱ្យបាន។ យ៉ាងណាក៏ដោយសង្គមស៊ីវិលបានស្នើឱ្យបក្សធំៗទាំងពីរត្រូវកុំប្រើប្រាស់យុទ្ធសាស្ត្រប៉ែងជើងគ្នាយកប្រជាប្រិយភាពរៀងៗខ្លួន។
-
អាជ្ញាធរបំបែក អតីតអ្នកបឹងកក់ដែលប្រមូលផ្ដុំនៅរដ្ឋសភាដើម្បីសាកសួរពីលទ្ធផលនៃការដាក់ញត្តិរបស់ខ្លួន
ក្រុមសមត្ថកិច្ចចម្រុះប្រមាណ១០០នាក់ បំបែកក្រុមអតីតអ្នកបឹងកក់ដែលប្រមូលផ្ដុំគ្នាក្បែររដ្ឋសភាដើម្បីសាកសួរពីលទ្ធផលនៃការដាក់ញត្តិរបស់ខ្លួន ដែលបានដាក់ជូនដើម្បីទាមទាររកសំណងបន្ថែម។ នៅព្រឹកថ្ងៃពុធនេះ អតីតអ្នកបឹងកក់ដែលចាកចេញជួបប្រមូលផ្ដុំគ្នា គោលបំណងដើម្បីសាកសួរពីលទ្ធផលនៃការដាក់ញ្ញត្តិកាលពីពេលកន្លងទៅ តែត្រូវក្រុមសមត្ថកិច្ចចម្រុះបំបែក ដោយចាប់សែងពួកគាត់ទៅ ទម្លាក់នៅសួនមុខសណ្ឋាគារណាហ្គា។
-
ប្រជាពលរដ្ឋជម្លោះដីធ្លីខេត្តក្រចេះជាង៣០០គ្រួសារ ទទួលប័ណ្ណកម្មសិទ្ធិដីធ្លី
រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ នៅព្រឹកថ្ងៃពុធនេះ ប្រគល់ប័ណ្ណកម្មសិទ្ធិដីធ្លីជាផ្លូវការជូនប្រជាពលរដ្ឋដែលមានជម្លោះដីធ្លីជាង៣០០គ្រួសារ មកពីស្រុកស្នួល ខេត្តក្រចេះ ដើម្បីបញ្ចប់ជម្លោះនាពេលកន្លងមក។
-
ការរំលោភផ្លូវភេទលើកុមារ ពីសំណាក់ទេសចរបរទេស នៅតែជាបញ្ហាសម្រាប់កម្ពុជា
រដ្ឋាភិបាល និងសង្គមស៊ីវិល ព្រួយបារម្ភពីការរំលោភបំពានផ្លូវភេទលើកុមារ ក្នុងវិស័យទេសចរណ៍នៅកម្ពុជា ដោយសារពួកគេមិនសូវទទួលបានការអប់រំពីបញ្ហានេះ។ អនុរដ្ឋលេខាធិការក្រសួងទេសចរណ៍ លោកស្រី ហ៊ុន ដានី នៅថ្ងៃពុធ ទី២៧ សីហា នេះមានប្រសាសន៍ថា ការរំលោភផ្លូវភេទលើកុមារនៅតែជាបញ្ហាគួរឲ្យព្រួយបារម្ភសម្រាប់កម្ពុជា ដោយសារប្រជាពលរដ្ឋខ្មែរមិនសូវយល់ដឹងពីបញ្ហានេះ។ លោកស្រីមានប្រសាសន៍បែបនេះ ខណៈលោកស្រីចូលរួម សិក្ខាសាលា ដើម្បីបណ្តុះបណ្តាលគ្រូបង្គោល សម្រាប់គណៈកម្មការសុវត្ថិភាពកុមារ ក្នុងវិស័យទេសចរណ៍។ លោកស្រីថា ក្រសួងបានសហការជាមួយ ដៃគូពាក់ព័ន្ធ ដើម្បីទប់ស្កាត់បញ្ហានេះ តែមិនទាន់មានប្រសិទ្ធភាពល្អប្រសើរនៅឡើយ។
-
កម្មកររោងចក្រស៊ីងហ្វាងនឹងចូលធ្វើការវិញបណ្តោះអាសន្ននៅថ្ងៃស្អែកនេះ
កម្មករ កម្មការិនី រោងចក្រ ស៊ីង ហ្វាង នៅភូមិត្រពាំងថ្លឹង សង្កាត់ចោមចៅ ខណ្ឌពោធិ៍សែនជ័យ សម្រេចចូលធ្វើការវិញមួយរយៈ បន្ទាប់ពីសាលាដំបូងរាជធានីភ្នំពេញ ចេញដីការក្សាការពារ ដោយបង្គាប់ឲ្យកម្មករចូលធ្វើការ ៤៨ម៉ោងកាលពីថ្ងៃទី២៩ខែសីហា។
គាំទ្រដោយ
