កំពុងស្វែងរកទិន្នន័យ
រកឃើញ: 13.209
-
វិភាគ៖ ហេតុផលអ្វីនៅពីក្រោយនៃបរាជ័យរបស់រដ្ឋាភិបាល និងតុលាការ ក្នុងការបញ្ចប់និទណ្ឌភាពលើឃាតកម្មអ្នកសារព័ត៌មាន?
មជ្ឈមណ្ឌលកម្ពុជាដើម្បីប្រព័ន្ធផ្សព្វផ្សាយឯករាជ្យ(CCIM) អង្គការលីកាដូ(LICADHO) មជ្ឈមណ្ឌលអប់រំច្បាប់សម្រាប់សហគមន៍(CLEC) និងមជ្ឈមណ្ឌលសិទ្ធិមនុស្សកម្ពុជា(CCHR) កាលពីថ្ងៃទី២១ ខែវិច្ឆិកា ឆ្នាំ២០១៣ រៀបចំពិធីជួបជុំមួយ នៅខាងមុខរបងពហុកីទ្បាដ្ឋានជាតិអូទ្បាំពិក ដើម្បីទាមទារឲ្យរាជរដ្ឋាភិបាលបញ្ចប់និទណ្ឌភាពលើឃាតកម្មអ្នកសារ ព័ត៌មាន។
-
អាជ្ញាធរមិនអនុញ្ញាតឲ្យអង្គការ៤ជួបជុំនៅពហុកីទ្បាដ្ឋានជាតិ ទាមទារបញ្ចប់និទណ្ឌភាពលើឃាតកម្មអ្នកសារព័ត៌មាន
ការមិនអនុញ្ញាតនេះធ្វើទ្បើង តាមរយៈលិខិតចុះហត្ថលេខា នៅថ្ងៃទី២០ ខែវិច្ឆិកា ដោយអភិបាលរងសាលារាជធានី លោក ឃួន ស្រេង ផ្ញើជូនតំណាងមជ្ឈមណ្ឌលកម្ពុជាដើម្បីប្រព័ន្ធផ្សព្វផ្សាយឯករាជ្យ (CCIM) អង្គការលីកាដូ មជ្ឈមណ្ឌលអប់រំច្បាប់សម្រាប់សហគមន៍(CLEC) និងមជ្ឈមណ្ឌលសិទ្ធិមនុស្សកម្ពុជា(CCHR)។លិខិតបញ្ជាក់ថា ការស្នើសុំទីតាំងនេះធ្វើឲ្យប៉ះពាល់សន្តិសុខសុវត្ថិភាព និងសណ្តាប់ធ្នាប់សាធារណៈ ពិសេសការកកស្ទះចរាចរណ៍។
-
មជ្ឈមណ្ឌលសិទ្ធិមនុស្សកម្ពុជា អំពាវនាវឲ្យរដ្ឋាភិបាល ចាត់វិធានការចាំបាច់ ដើម្បីបញ្ចប់ និទណ្ឌភាព
មជ្ឈមណ្ឌល សិទ្ធិមនុស្សកម្ពុជា (ម.ស.ម.ក ) (CCHR) បានចេញសេចក្តីអំពាវនាវមួយ ឲ្យរដ្ឋាភិបាល ចាត់វិធានការចាំបាច់បំផុត ដើម្បីបញ្ចប់វប្បធម៌និទណ្ឌភាព នៅកម្ពុជា ដែលជាមូលហេតុរាំងស្ទះ និងប៉ះពាល់យ៉ាង ធ្ងន់ធ្ងរ ដល់ការរីកលូតលាស់ លិទ្ធិប្រជាធិបតេយ្យ និងសិទ្ធមនុស្សនៅកម្ពុជា។
-
សង្គមស៊ីវិល៖ ដល់ពេលដែលតុលាការត្រូវដោះលែងអ្នកទោសមនសិកា យ៉ោម បុប្ផា
សង្គមស៊ីវិល លើកឡើងថា ដល់ពេលដែលតុលាការត្រូវដោះលែងសកម្មជនដីធ្លីនៅតំបន់បឹងកក់ អ្នកស្រី យ៉ោម បុប្ផា ដែលជាប់ចោទពីបទផ្តួចផ្តើមឲ្យមានហិង្សា វាយអ្នករត់ម៉ូតូឌុបពីរនាក់ឲ្យរងរបួសនោះ ឲ្យមានសេរីភាពឡើងវិញហើយ។ ប្រធានមជ្ឈមណ្ឌលសិទ្ធិមនុស្សកម្ពុជា លោក អ៊ូ វីរៈ មានប្រសាសន៍ថា តុលាការកំពូលទំនងជាដោះលែង អ្នកស្រី យ៉ោម បុប្ផា ក្រោមរូបភាពជាការកាត់តម្រឹមទោស ឬបង្វែរសំណុំរឿងនេះឲ្យឧទ្ធរណ៍ស៊ើបអង្កេតឡើងវិញ។
-
សង្គមស៊ីវិល៖ ការបំបែកក្រសួងតែមួយទៅជាពីរមិនអាចបង្កើនប្រសិទ្ធភាពការងារជាងមុនទេ
ប្រធានមជ្ឈមណ្ឌលសិទ្ធិមនុស្សកម្ពុជា លោក អ៊ូ វីរៈ មានប្រសាសន៍ថា កម្ពុជាមានក្រសួងច្រើន ហើយបើតាមការសង្កេតឃើញរបស់លោកកន្លងមកភាគច្រើន មន្ត្រីមានអំណាចនៅកម្ពុជា គឺបានកាន់មុខងារ ឬក្រសួងពីរបីតែឯង។ លោកបន្តថា បញ្ហានេះហើយដែលនាំឲ្យការគ្រប់គ្រងគ្មានប្រសិទ្ធភាព ធ្វើឲ្យប៉ះពាល់ថវិកាជាតិ ៖ "ជារឿងមួយវា បំផ្លាញថវិកាជាតិផង វាបង្កការរាំងស្ទះផង ព្រោះអីអ្នកផ្សេងក៏អត់មានឱកាសធ្វើការដែរ ដោយសារតែគាត់ដាក់ឈ្មោះគាត់ជាប្រធានអញ្ចឹងណាស់ ហើយគាត់អត់ធ្វើអីសោះ ហើយអ្នកផ្សេងនៅរងអត់មានអីធ្វើ ហើយវាជារឿងមួយវាបំផ្លាញជាតិយើង"។
-
CNRP និងNGOs៖ ការបង្ក្រាប និងចាប់ខ្លួនព្រះសង្ឃនៅវត្តស្ទឹងមានជ័យជារឿងគំនុំនយោបាយ
គណបក្សសង្គ្រោះជាតិ អះអាងនៅថ្ងៃព្រហស្បតិ៍នេះថា ព្រឹត្តិការណ៍បង្ក្រាបដោយហិង្សាទៅលើកម្មកររោងចក្រ SL នៅចំណុចវត្តស្ទឹងមានជ័យ ដោយចាប់វាយដំយុវជន និងព្រះសង្ឃផងនោះ ថាជារូបភាពប្រមាថដល់ព្រះពុទ្ធសាសនា និងគំនុំរឿងនយោបាយ។
-
CCHRថ្កោលទោសចំពោះការប្រើគ្រាប់ពិតរបស់សមត្ថកិច្ចដែលបណ្តាលឲ្យពលរដ្ឋម្នាក់ស្លាប់នៅស្ទឹងមានជ័យ
មជ្ឈមណ្ឌលសិទ្ធិមនុស្សកម្ពុជា(CCHR) ថ្កោលទោសយ៉ាងខ្លាំងចំពោះអំពើហិង្សា របស់សមត្ថកិច្ចដែលបានប្រើប្រាស់គ្រាប់រំសេវ បណ្តាលឲ្យពលរដ្ឋម្នាក់បាត់បង់ជីវិត និងជាច្រើននាក់ទៀតរងរបួស អំទ្បុងការប៉ះទង្គិចមួយរវាងកម្លាំងសមត្ថកិច្ច និងកម្មកររោងចក្រSL កាលពីថ្ងៃអង្គារម្សិលមិញ នៅចំណុចស្ពានស្ទឹងមានជ័យ រាជធានីភ្នំពេញ។
អានបន្ត -
អ្នកលេងហ្វេសប៊ុក រិះគន់វិធានការរបស់កម្លាំងសមត្ថកិច្ចក្នុងហេតុការណ៍ហិង្សាជាមួយរោងចក្រSL
អ្នកលេងហ្វេសប៊ុកភាគច្រើន ចាប់ផ្តើមរិះគន់ខ្លាំងៗលើសកម្មភាពរបស់កម្លាំងសមត្ថកិច្ចក្នុងការ ប៉ះទង្គិចជាមួយក្រុមកម្មកររោងចក្រSL នៅក្បែរស្ពានស្ទឹងមានជ័យ កាលពីព្រឹកថ្ងៃអង្គារ ដែលបណ្តាលឲ្យស្ត្រីម្នាក់ស្លាប់ និងជាច្រើនអ្នករងរបួស។
-
សភាបើកសម័យប្រជុំលើកទី១ នៃនីតិកាលថ្មីដោយគ្មានវត្តមានបក្សសង្គ្រោះជាតិ
រដ្ឋសភា នៅថ្ងៃអង្គារនេះ បើកកិច្ចប្រជុំលើកទី១ នៃនីតិកាលថ្មី ដោយពុំមានវត្តមានសមាជិកតំណាងមកពីគណបក្សសង្គ្រោះជាតិនោះទេ បើទោះជាមានរបៀបវារៈសំខាន់ៗមួយចំនួនទាក់ទងផលប្រយោជន៍ក៏ដោយ។
-
កម្មកររោងចក្រ វាយកម្ទេច និងដុតរថយន្តប៉ូលិសមួយគ្រឿង
កម្មករ រោងចក្រSL នៅព្រឹកម៉ោងជាង៩និង២០នាទីនេះ បានប៉ះទង្គិចជាមួយកម្លាំងសមត្ថកិច្ចនៅក្បែរស្ទឹងមានជ័យ រហូតឈានដល់ការវាយកម្ទេច និងដុតចោលរថយន្តរបស់ប៉ូលិសមួយគ្រឿង។
-
សង្គមស៊ីវិលថ្កោលទោសសមត្ថកិច្ចបាញ់កាំភ្លើងបង្ក្រាបបាតុករ
ពាក់ព័ន្ធទៅនឹងព្រឹត្តិការណ៍នេះដែរ មជ្ឈមណ្ឌលសិទ្ធិកម្ពុជា មជ្ឈមណ្ឌលអប់រំច្បាប់សម្រាប់សហគមន៍ អង្គការលីកាដូ (Licadho) និងសម្ព័ន្ធសហជីពប្រជាធិបតេយ្យកម្មករកាត់ដេរកម្ពុជា ក៏បានចេញសេចក្ដីថ្លែងការណ៍រិះគន់ស្រដៀងគ្នានេះដែរ។ សេចក្ដីថ្លែងការណ៍ទាំងនេះ មានខ្លឹមសារថ្កោលទោសចំពោះអាជ្ញាធររដ្ឋាភិបាល កងកម្លាំងប្រដាប់អាវុធដែលបានប្រើអំពើហិង្សាមកលើកម្មករ ស្នើសុំឲ្យដោះស្រាយបញ្ហារបស់កម្មករ ដោយសន្តិវិធី និងទាមទាររកយុត្តិធម៌ ដល់ពលរដ្ឋដែលបានស្លាប់ និងរបួសដោយគ្រាប់កាំភ្លើងក្នុងហេតុការណ៍បាញ់រះនោះ៕
-
វិភាគ៖ តើក្រោយការបកស្រាយសាលដីការបស់តុលាការ ICJ អាចបញ្ចប់ជម្លោះតំបន់ព្រះវិហារបានទេ?
តុលាការយុត្តិធម៌អន្តរជាតិ ICJ នៅទីក្រុងឡាអេ ប្រទេសហូឡង់ បកស្រាយឡើងវិញនៅថ្ងៃចន្ទនេះ ចំពោះសាលដីកា ឆ្នាំ១៩៦២ ដែលកាត់ក្តីឲ្យកម្ពុជាឈ្នះ និងបានប្រគល់ប្រាសាទព្រះវិហារ ដែលកងទ័ពថៃបានដណ្តើមកាន់កាប់ច្រើនឆ្នាំមកនោះ មកកម្ពុជាវិញ។ អ្នកវិភាគព្រឹត្តិការណ៍សង្គម លោក អ៊ូ វីរៈ បានវិភាគថា នៅពេលដែលកម្ពុជាឈ្នះក្តីលើការបកស្រាយសាលដីកាម្តងទៀតនេះ នឹងមានការតានតឹងផ្នែកយោធារយៈពេលពី៥ទៅ១០ឆ្នាំទៀត ដោយសារថៃមិនទាន់សុខចិត្ត។
-
តុលាការICJ សម្រេចថា កម្ពុជា ឈ្នះក្តី ហើយមានអធិបតេយ្យលើដីជុំវិញប្រាសាទព្រះវិហារ
តុលាការយុត្តិធម៌អន្តរជាតិទី ក្រុងឡាអេ(ICJ) នៅរសៀលថ្ងៃចន្ទនេះ សម្រេចថា ប្រទេសកម្ពុជាឈ្នះក្តីលើប្រាសាទព្រះវិហារ គឺមានសិទ្ធិគ្រប់គ្រងដីនៅក្បែរប្រាសាទ ដែលកំពុងមានជម្លោះជាមួយប្រទេសថៃ។ ការសម្រេចនេះ ធ្វើឡើងនៅក្នុងសេចក្តីបកស្រាយមួយ ដែលអានដោយប្រធានតុលាការយុត្តិធម៌អន្តរជាតិ លោកចៅក្រម Peter Tomka ក្នុងរយៈពេលមួយម៉ោង ចាប់ពីម៉ោង៤ ដល់ម៉ោង៥រសៀល។
-
សកម្មជនដីធ្លីនាំគ្នាប្រមូលផ្ដុំ ខណៈតុលាការ កោះហៅតំណាងចូលបំភ្លឺ
ប្រជាពលរដ្ឋដែលមានទំនាស់ដីធ្លីជាង២០នាក់ ក្នុងចំណោម ៦៥គ្រួសារ នៅស្រុកគូលេន ខេត្ដព្រះវិហារ បានប្រមូលផ្តុំគ្នានៅខាងមុខតុលាការខេត្ដ ដោយបារម្ភខ្លាចតុលាការឃុំខ្លួន តំណាងរបស់ពួកគេ បីនាក់ដែលត្រូវបានកោះហៅ សាកសួរ នៅព្រឹកថ្ងៃព្រហស្បតិ៍នេះ។
-
ជាង១០០ថ្ងៃនៃការជាប់គាំងនយោបាយបង្ហាញភាពចាស់ទុំខាងនយោបាយនៅកម្ពុជា
លោកអ៊ូ វីរៈ នាយកមជ្ឈមណ្ឌលសិទ្ធិមនុស្សកម្ពុជាបានបញ្ជាក់នៅក្នុងកម្មវិធីហេឡូវីអូអេប្រចាំខែកាលពីថ្ងៃច័ន្ទថា៖ «បាតុកម្មនេះបានធ្វើឡើងដោយសន្តិវិធីដែលជាសញ្ញាល្អសម្រាប់លទ្ធិ ប្រជាធិបតេយ្យ ប៉ុន្តែការធ្វើទាំងអស់នេះនៅក្នុងទីក្រុងភ្នំពេញ ប្រជាជនមានការភ័យខ្លាចផងមានទឹកចិត្តក្នុងការចូលរួមផងហើយយើង ឃើញថាបាតុកម្មមួយចំនួនឈានទៅដល់ការដាក់ប៉ារ៉ាស់សឹងតែបិទកណ្តាល ក្រុង បេះដូងនៃទីក្រុងភ្នំពេញ ហើយកន្លែងខ្លះប៉ះពាល់ដល់សេដ្ឋកិច្ចអ្នករកស៊ីខ្លាំងទន្ទឹមគ្នានេះ ដែរការប្រើប្រាស់នូវប្រដាប់អាវុធដ៏លើសលុបជាពិសេសការប្រើប្រាស់ នូវកម្លាំងប៉េអឹមក្នុងរូបភាពខ្លាំង រួមទាំងការនាំរទេះតង់មកក្រុងគឺជាការប៉ះពាល់ដល់ការវិនិយោគទុន របស់អន្តរជាតិ»។
-
CNRP៖ ការបង្កើតទូរទស្សន៍តាមអនឡាញ ដើម្បីផ្សាយព័ត៌មានបម្រើប្រយោជន៍សង្គម
គណបក្សសង្គ្រោះជាតិ អះអាងថា ការដែលខ្លួនបានបង្កើតទូរទស្សន៍តាមអនឡាញនោះ ក្នុងគោលបំណងបម្រើប្រយោជន៍ប្រជាពលរដ្ឋ និងសង្គមទាំងមូល ដើម្បីធ្វើយ៉ាងណាឲ្យការផ្តល់ព័ត៌មាន មានតម្លាភាព។ មជ្ឈមណ្ឌលសិទ្ធិមនុស្សកម្ពុជា បានស្នើទៅរដ្ឋាភិបាលកម្ពុជាអាណត្តិថ្មី ឲ្យបង្កើតប្រព័ន្ធផ្សព្វផ្សាយជាតិមួយដែលឯករាជ្យ ដើម្បីធានាថា ពលរដ្ឋទទួលបានព័ត៌មានពិត និងធានាឲ្យការបោះឆ្នោតប្រព្រឹត្តទៅដោយសេរី និងយុត្តិធម៌៕
-
CCHR រិះគន់សាលាឧទ្ធរណ៍ដែលមិនបានប្តូរបទចោទលើលោក ឈូក បណ្ឌិត
មជ្ឈមណ្ឌលសិទ្ធិមនុស្សកម្ពុជា(CCHR) កាលពីថ្ងៃចន្ទម្សិលមិញ រិះគន់សេចក្តីសម្រេចរបស់សាលាឧទ្ធរណ៍ដែលតម្កល់សាលក្រមសាលាដំបូងខេត្តស្វាយរៀងករណីលោក ឈូក បណ្ឌិត ដោយមិនបានផ្លាស់ប្តូរបទចោទឲ្យរឹតតែស៊ីសង្វាក់ទៅនឹងស្ថានភាព នៃបទល្មើសដែលជនជាប់ចោទបានប្រព្រឹត្ត។
-
វិភាគ៖ ហេតុអ្វី CNRP ចង់បានតំណែងអភិបាលខេត្ត-រាជធានីដែលខ្លួនឈ្នះឆ្នោត?
គណបក្សសង្គ្រោះជាតិ ដែលទទួលបាន៥៥អាសនៈ ក្នុងចំណោម១២៣ តាមការប្រកាសលទ្ធផលជាផ្លូវការរបស់ គ.ជ.ប នោះ គឺមានខេត្ត-រាជធានីចំនួន៤ គណបក្សនេះទទួលជ័យជម្នះ ដែលជាមណ្ឌលមានអ្នកបោះឆ្នោតច្រើនជាងគេ។ អ្នកវិភាគព្រឹត្តិការណ៍សង្គម លោក អ៊ូ វីរៈ មានប្រសាសន៍ថា អ្វីដែលគណបក្សសង្គ្រោះជាតិលើកឡើងនោះ ជាការចែងចែកអំណាច។ ប៉ុន្តែត្រូវស្នើឲ្យមានការអនុម័តច្បាប់មួយកំណត់ថា តំណែងអភិបាលខេត្ត-រាជធានីត្រូវតែងតាំងតាមរយៈប្រជាពលរដ្ឋជា អ្នកបោះឆ្នោត
-
ចោទថារំលោភ តែជនសង្ស័យថា ជាប្ដីប្រពន្ធ ម្ដាយខាងស្រីប្ដឹងឲ្យនគរបាលចាប់ខ្លួន
ខេត្តបន្ទាយមានជ័យ ៖ បុរសម្នាក់ត្រូវបាននគរបាលចាប់ឃាត់ខ្លួនពីភូមិក្បាលកោះ សង្កាត់ប៉ោយប៉ែត ក្រុងប៉ោយប៉ែត កាលពីវេលាម៉ោង ៩ និង ៣០នាទី យប់ថ្ងៃទី០៣ វិច្ឆិកា ២០១៣ តាមពាក្យបណ្ដឹងរបស់ស្ត្រីជាម្ដាយក្មេងស្រីម្នាក់ ដោយចោទថា រំលោភកូនរបស់គាត់។ ជនសង្ស័យឈ្មោះ វ៉ាន់ ពេជ្រ អាយុ ២៩ឆ្នាំ មានទីលំនៅភូមិប្រជាធម្ម សង្កាត់ផ្សារកណ្ដាល ក្រុងប៉ោយប៉ែត។
-
ប្រជាសហគមន៍មានជម្លោះដីធ្លីទាមទារជាថ្មីទៀតឲ្យតុលាការកំពូលដោះលែងអ្នកស្រី យ៉ោម បុប្ផា
ដើម្បីសុំអន្តរាគមន៍ជួយរកយុត្តិធម៌ជូនអ្នកស្រី យ៉ោម បុប្ផា។ មន្ត្រីសហគមន៍អ៊ឺរ៉ុបបានចេញមកស្វាគមន៍ហើយអះអាងថា នឹងចូលរួមឃ្លាំមើលនៅថ្ងៃសវនាការ។នៅថ្ងៃនេះដែរ មជ្ឈមណ្ឌលសិទ្ធិមនុស្សកម្ពុជា ចេញសេចក្តីថ្លែងការណ៍ ដោយអំពាវនាវឲ្យសាធារណជន ចុះហត្ថលេខាលើញត្តិទាមទារឲ្យតុលាការកំពូលផ្តល់យុត្តិធម៌ដល់ អ្នកស្រី យ៉ោម បុប្ផា។ អ្នកសម្របសម្រួលគម្រោងអ្នកការពារសិទ្ធិមនុស្ស កញ្ញា ឆាយ ឈុនី ឲ្យដឹងថា ការអំពាវនាវឲ្យសាធារណជន ចុះហត្ថលេខាដើម្បីពន្លឿនទៅតុលាការជំនុំជម្រះក្តីអ្នកស្រី យ៉ោម បុប្ឆា ឲ្យមានភាពយុត្តិធម៌ និងបញ្ចប់និទណ្ឌភាពនៅកម្ពុជា។
គាំទ្រដោយ
