កំពុងស្វែងរកទិន្នន័យ
រកឃើញ: 13.209
-
នាយករដ្ឋមន្ត្រីគាំទ្រការធ្វើបាតុកម្មប្រឆាំងនឹងលោក កឹម សុខា
មេដឹកនាំជាន់ខ្ពស់គណបក្សប្រជាជនកម្ពុជា បានប្រកាសជាសាធារណៈថា ប្រជាពលរដ្ឋកម្ពុជា នឹងធ្វើបាតុកម្មប្រឆាំងនឹងលោក កឹម សុខា ជាអនុប្រធានគណបក្សសង្គ្រោះជាតិ ប្រឆាំងនឹងសម្ដីរបស់លោកដែលថា កម្ពុជា គ្មានរបបខ្មែរក្រហម និងគ្មានការសម្លាប់នៅគុកទួលស្លែង នោះ។ លោកនាយករដ្ឋមន្ត្រី បានប្រកាសព្រមានមេដឹកនាំគណបក្សសង្គ្រោះជាតិ មួយរូបមិនចំឈ្មោះថា ឲ្យធ្វើការសុំទោសប្រជាពលរដ្ឋជាបន្ទាន់ ដែលថា កម្ពុជា គ្មានការកាប់សម្លាប់នៅគុកទួលស្លែង នោះ បើមិនដូច្នោះទេ ប្រជាពលរដ្ឋនឹងធ្វើបាតុកម្មប្រឆាំងបុគ្គលមេបក្សប្រឆាំងនោះនៅពេលខាងមុខ។
-
ណៃគី៖ រោងចក្រសាប្រ៊ីណាត្រូវផ្អាកដំណើរការដើម្បីសុវត្ថិភាពកម្មករ
ក្រុមហ៊ុនសំលៀកបំពាក់កីឡា ណៃគី (Nike) ប្រកាសថា រោងចក្រសាប្រ៊ីណា (Sabrina) នៅខេត្តកំពង់ស្ពឺ ជារោងចក្រស៊ីឈ្នួលផលិតសំលៀកបំពាក់កីឡារបស់ក្រុមហ៊ុនណៃគី បានផ្អាកដំណើរការ ដើម្បីការពារសុវត្ថិភាពកម្មករ ដោយសារតែកម្មករមានគម្រោងធ្វើការតវ៉ាជាបន្តទៀត។សេចក្ដីថ្លែងការណ៍របស់ក្រុមហ៊ុនណៃគី ដែលទើបតែចេញផ្សាយជាសាធារណៈនៅថ្ងៃទី៣០ ខែឧសភា បង្ហាញថា ក្រុមហ៊ុនណៃគី កំពុងមានកង្វល់ខ្លាំងចំពោះការប្រព្រឹត្តទៅលើកម្មករនៅខាងក្រៅរោងចក្រដែលជាប់កិច្ចសន្យានៅកម្ពុជា ដែលផលិតឲ្យក្រុមហ៊ុនណៃគី។
-
មន្ទីរការងារខេត្តកំពង់ស្ពឺ ហៅកម្មកររោងចក្រសាប្រ៊ីណា ចូលជួបចរចារកដំណោះស្រាយ
មន្ទីរការងារខេត្តកំពង់ស្ពឺ នៅព្រឹកថ្ងៃពុធនេះ បានចេញមុខហៅកម្មកររោងចក្រសាប្រ៊ីណា ដែលកំពុងតវ៉ានៅមុខរោងចក្រ ចូលជួបចរចា ដើម្បីរកដំណោះស្រាយ។ ប្រធានសហជីពសេរីកម្មករ ប្រចាំរោងចក្រសាប្រ៊ីណា លោក ស៊ុន វណ្ណនី ប្រាប់VODថា កម្មករប្រមាណជា៣ពាន់នាក់ បានចេញមុខតវ៉ា នៅព្រឹកថ្ងៃពុធនេះ ចាប់តាំងពីម៉ោង៧ព្រឹក។ ក្រោយពីការតវ៉ាបានមួយសន្ទុះ មន្ត្រីមន្ទីរការងារ បានហៅកម្មករ ទៅមន្ទីរការងារខេត្ត ដើម្បីចរចារកដំណោះស្រាយ។ លោកបន្តថា កម្មករយល់ព្រមចំពោះការស្នើ របស់មន្ត្រីមន្ទីរការងារ។
-
អ្នកភូមិ១២គ្រួសារនៅខេត្តកោះកុង អំពាវនាវរកយុត្តិធម៌រឿងជម្លោះដីធ្លី
ពលរដ្ឋ១២គ្រួសារនៅស្រុកស្រែអំបិល ខេត្តកោះកុង អំពាវនាវឲ្យតុលាការរកយុត្តិធម៌ជូនពួកគេ រឿងជម្លោះដីធ្លីជាមួយក្រុមហ៊ុនដាំអំពៅ របស់លោក ហេង ហ៊ុយ ដើម្បីទប់ស្កាត់ការបណ្តេញចេញពីលំនៅឋាន។ អ្នកស្រី ផាវ ញ៉ឺង ដែលអះអាងថា តំណាងអ្នកភូមិ នៅភូមិព្រែកជីក ឃុំជីខក្រោម ស្រុកស្រែអំបិល ខេត្តកោះកុង បានឲ្យដឹងថា ពលរដ្ឋជិត៧០នាក់ បានប្រមូលផ្តុំគ្នានៅមុខសាលាដំបូងខេត្តកោះកុង នាព្រឹកថ្ងៃពុធ ទី២៩ ខែឧសភានេះ សុំឲ្យតុលាការផ្តល់យុត្តិធម៌ជូនពួកគេជាង ១២គ្រួសារ ដែលកំពុងប្រឈមនឹងការបណ្តេញចេញ ដោយសារក្រុមហ៊ុន របស់លោក ហេង ហ៊ុយ យកដីនៅតំបន់នោះដាំអំពៅ ៖ "ខ្ញុំប្រើប្រាស់ដីអាស្រ័យផល គោរពតាមច្បាប់ភូមិបាល ពួកយើងមិនដែលប្រើអំពើហិង្សា ទៅលើជនណាប្លន់ដីគេនោះទេ មានតែគេយកដីយើងអ្នកក្រីក្រ អញ្ចឹងលោកចៅក្រមរកយុត្ដិធម៌ឲ្យពួកយើង រកឲ្យពួកយើងដូចលោកមានប្រសាសន៍អំបាញ់មិញ អញ្ចឹងមានដំណោះស្រាយឲ្យពួកយើង ឲ្យពួកយើងមានយុត្ដិធម៌ដូចប្រជាពលរដ្ឋដទៃទៀតដែរ" ។
-
ពលរដ្ឋមានជម្លោះដីធ្លី ចេញមុខតវ៉ានៅមុខសាលារាជធានីភ្នំពេញ
ប្រជាសហគមន៍ ជិត១០០នាក់ ដែលជាអតីតអ្នកបឹងកក់ បុរីកីឡា និងថ្មគោល នៅព្រឹកថ្ងៃពុធនេះ ប្រមូលផ្តុំគ្នា នៅមុខសាលារាជធានីភ្នំពេញ ដើម្បីជំរុញឲ្យមន្ត្រីស្ថាប័ននេះ ជួយពន្លឿនដំណោះស្រាយជូនពួកគេ។ ពួកគេបានលើកបដា ស្រែកទៅសាលាក្រុង និងគ្រោងដើរដង្ហែរទៅទីស្តីការគណៈរដ្ឋមន្ត្រី។ អ្នកចូលរួមតវ៉ា ឲ្យដឹងថា ពួកគេនឹងស្នាក់នៅមុខសាលាក្រុងនៅថ្ងៃនេះ ប្រសិនបើមិនមានដំណោះស្រាយជូនពួកគេ។ ក្នុងការតវ៉ា មិនទាន់មានការយាមកាមពីសមត្ថកិច្ចសាលារាជធានីភ្នំពេញ តឹងរ៉ឹងនៅឡើយទេ។
-
ការតវ៉ាសុំឲ្យក្រុមបាល់ទាត់អង់គ្លេសផ្ដាច់ទំនាក់ទំនងជាមួយក្រុមហ៊ុនវៀតណាម
បន្ទាប់ពីរបាយការណ៍របស់អង្គការឃ្លាំមើលពិភពលោក ចេញផ្សាយនៅខែឧសភា នេះថា ក្រុមហ៊ុនវៀតណាម ហ្វាង អាន់ យ៉ាឡាយ វិនិយោគដាំដំណាំកៅស៊ូនៅប្រទេសកម្ពុជា បានបំពានច្បាប់ រំលោភសិទ្ធិមនុស្ស និងកាប់បំផ្លាញព្រៃឈើនៅកម្ពុជា រួចមក មានប្រជាពលរដ្ឋជាច្រើនលើសកលលោក បានតវ៉ាសុំឲ្យក្រុមបាល់ទាត់របស់អង់គ្លេស គឺក្រុម អាស៊ើណល ផ្ដាច់ការទាក់ទងជាមួយក្រុមហ៊ុនវៀតណាម មួយនេះ។ ដើម្បីចូលរួមតវ៉ា សូមចូលទៅកាន់គេហទំព័រ www.change.org ក្រុមអ្នកតវ៉ាអះអាងថា ក្លឹបបាល់ទាត់អាស៊ើណល (Arsenal FC) របស់អង់គ្លេស និងក្រុមហ៊ុនវៀតណាម ហ្វាង អាន់ យ៉ាឡាយ បានសហការគ្នាឧបត្ថម្ភកម្មវិធីបណ្ដុះបណ្ដាលហ្វឹកហ្វឺនបាល់ទាត់មួយដល់កុមារវៀតណាម នៅប្រទេសវៀតណាម ហើយសុំឲ្យក្លឹបអាស៊ើណល ឈប់សហការជាមួយក្រុមហ៊ុន ហ្វាង អាន់ យ៉ាឡាយ (Hoang Anh Gia Lai= HAGL) ដើម្បីដាក់ទណ្ឌកម្មចំពោះទង្វើអាក្រក់របស់ក្រុមហ៊ុនវៀតណាម មួយនេះ។
-
សហរដ្ឋអាមេរិក ប្តេជ្ញាការពារសិទ្ធិអ្នកស្រលាញ់ភេទដូចគ្នានៅកម្ពុជា
មន្ត្រីជាន់ខ្ពស់របស់អាមេរិក ប្តេជ្ញាថា សហរដ្ឋអាមេរិក នឹងធ្វើការជាមួយរដ្ឋាភិបាលកម្ពុជា សង្គមស៊ីវិល និងសាធារណជន ដើម្បីលើកកម្ពុជាសិទ្ធិអ្នកស្រលាញ់ភេទដូចគ្នានៅកម្ពុជា ដែលគេស្គាល់ថា (LGBT)។ អគ្គរដ្ឋទូតអាមេរិកប្រចាំកម្ពុជា លោក William Todd សរសរនៅលើប្លករបស់ខ្លួន ចេញផ្សាយនៅថ្ងៃទី២៦ខែឧសភាថា សហរដ្ឋអាមេរិក នឹងបន្តប្រយុទ្ធប្រឆាំងការពារសិទ្ធិមនុស្សនៃពលរដ្ឋទាំងអស់ ដែលក្នុងនោះ មានអ្នកស្រលាញ់ភេទដូចគ្នា(LGBT)ផងដែរ។ លោកបន្ថែមថា សហរដ្ឋអាមេរិក នឹងបង្កើនការយល់ដឹងពីសិទ្ធិរបស់អ្នកស្រលាញ់ភេទដូចគ្នា ដែលជាផ្នែកមួយសំខាន់នៃការកសាងការយោគយល់គ្នា។
-
បក្សសង្គ្រោះជាតិចោទបក្សកាន់អំណាចថារំខានការជួបជុំសមាជិក
គណបក្សសង្គ្រោះជាតិបានចោទគណបក្សកាន់អំណាចថា ព្យាយាមរំខានការជួបជុំសមាជិកគណបក្សសង្គ្រោះជាតិស្ទើរគ្រប់កន្លែងក្នុងខេត្តពោធិ៍សាត់។ តែមន្ត្រីគណបក្សកាន់អំណាចបានបដិសេធ ហើយចាត់ទុកថា ការចោទប្រកាន់នេះគឺគ្រាន់តែចង់ឲ្យអ្នកស្ដាប់បានឮពីឈ្មោះគណបក្សនេះតែប៉ុណ្ណោះ។ការចោទប្រកាន់នេះ បានកើតឡើងនៅពេលដែលលោក អ៊ូ ច័ន្ទឫទ្ធិ តំណាងរាស្ត្រមណ្ឌលខេត្តកណ្ដាល គណបក្សសិទ្ធិមនុស្ស និងបច្ចុប្បន្នជាប្រធានគណៈកម្មការវិន័យគណបក្សសង្គ្រោះជាតិ បានចុះមកជួបជាមួយប្រជាពលរដ្ឋខេត្តពោធិ៍សាត់ ក្នុងវេទិកាសាធារណៈមួយ នៅឃុំស្យា ស្រុកកណ្ដៀង។
-
លោក កឹម សុខា បដិសេធការចោទរបស់លោក ហ៊ុន សែន
គណបក្សសង្គ្រោះជាតិថ្កោលទោស និងច្រានចោលចំពោះការចោទប្រកាន់បំផ្លើសការពិតមកលើថ្នាក់ដឹកនាំគណបក្សរបស់ខ្លួល ផ្ដើមដោយគណបក្សប្រជាជនកម្ពុជា។ ប្រតិកម្មនេះកើតឡើងបន្ទាប់ពីប៉ុន្មានថ្ងៃមកនេះ លោកនាយករដ្ឋមន្ត្រី ហ៊ុន សែន និងមន្ត្រីក្រោមឱវាទបានវាយប្រហារធ្ងន់ៗ ចំពោះបុគ្គលដែលនិយាយថា កម្ពុជាមិនមានរបបខ្មែរក្រហម ឬគ្មានការសម្លាប់មនុស្ស។
-
មនុស្សមួយក្រុមដុតលំនៅពលរដ្ឋនិងទីស្នាក់ការសហគមន៍នៅបន្ទាយមាន
ប្រជាពលរដ្ឋមួយក្រុមមានគ្នាជិត ២០០នាក់ បានដុតលំនៅឋានរបស់អ្នកភូមិពីរខ្នង និងទីស្នាក់ការសហគមន៍មួយខ្នងកាលពីរសៀលថ្ងៃ២៨ ឧសភា នៅភូមិថ្នល់បទ ឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ។ លោកស្រី ញឹក សុធា ជាតំណាងប្រជាពលរដ្ឋជាង ២០០គ្រួសារ ឲ្យដឹងកាលពីរសៀលថ្ងៃទី២៨ ខែឧសភា ថា ក្រុមមនុស្សជិត ២០០នាក់ ត្រូវបានគេជួលមកពីក្រុងប៉ោយប៉ែត ដើម្បីដុតបំផ្លាញលំនៅឋានរបស់ប្រជាពលរដ្ឋនៅលើដីដែលធ្លាប់មានទំនាស់ទំហំជាង ១ពាន់ហិកតារ។
-
គ្រួសារអ្នករងគ្រោះនៅរោងចក្រសាប្រ៊ីណារៀបចំប្ដឹងសមត្ថកិច្ចខេត្តកំពង់ស្ពឺ
សហជីពការពារកម្មកររោងចក្រកាត់ដេរ សាប្រ៊ីណា (Sabrina) និងគ្រួសារកម្មកររងគ្រោះរលូតកូនក្រោយការបង្ក្រាបរបស់សមត្ថកិច្ចខេត្តកំពង់ស្ពឺ មកលើកូដកម្មរបស់កម្មករ កំពុងរៀបចំដាក់ពាក្យប្ដឹង សមត្ថកិច្ចខេត្តកំពង់ស្ពឺ ទៅតុលាការ។ ការរៀបចំពាក្យបណ្ដឹងនេះ បានធ្វើឡើងក្រោយពីសមត្ថកិច្ចខេត្តកំពង់ស្ពឺ បង្ក្រាបទៅលើក្រុមកម្មកររោងចក្រកាត់ដេរ សាប្រ៊ីណា កាលពីព្រឹកថ្ងៃ២៧ ខែឧសភា ឆ្នាំ២០១៣ បណ្ដាលឲ្យកម្មការិនី ២រូប រងគ្រោះរលូតកូនក្នុងផ្ទៃ និងកម្មករជាង ២០នាក់ទៀតរងរបួស។
-
ទាហានថៃ បន្ដបាញ់ពលរដ្ឋខ្មែរ ស្លាប់ និងរងរបួស
ឧត្ដរមានជ័យ ៖ ប្រជាពលរដ្ឋខ្មែរជា ច្រើននាក់ បាន និងកំពុងស្ថិតក្រោមការ បាញ់ប្រហារពីកម្លាំងសមត្ថកិច្ច របស់ ប្រទេសថៃ នៅជាប់ព្រំដែន បណ្ដាលឱ្យ ស្លាប់ និងរងរបួសជាបន្ដបន្ទាប់ បើទោះបី ថ្នាក់ដឹកនាំនៃប្រទេសទាំងពីរ ក៏ដូចជា អាជ្ញាធរខេត្ដជាប់ព្រំដែន តែងតែជួប ពិភាក្សាគ្នា ទប់ស្កាត់មិនឱ្យមានការបាញ់ ប្រហារខាងលើនេះក៏ដោយ ។
-
សាលាឧទ្ធរណ៍បើកសវនាការជំនុំជម្រះ អ្នកស្រី យ៉ោម បុប្ផា និងស្វាមី នៅដើមខែក្រោយ
សាលាឧទ្ធរណ៍ គ្រោងបើកសវនាការ លើបណ្តឹងទាស់របស់ជនជាប់ចោទ ជាសកម្មជនដីធ្លីនៅតំបន់បឹងកក់ អ្នកស្រី យ៉ោម បុប្ផា និងស្វាមី នៅដើមខែក្រោយនេះ រឿងប្រើហិង្សាវាយបុរសពីរនាក់ ឲ្យរងរបួសកាលពីចុងឆ្នាំ២០១២។ មេធាវីនៅអង្គការលីកាដូ ដែលការពារក្តីឲ្យ អ្នកស្រី យ៉ោម បុប្ផា លោក ហម ស៊ុនរិទ្ធិ ឲ្យដឹងនៅថ្ងៃចន្ទ ទី២៧ ខែឧសភានេះថា អ្នកស្រី យ៉ោម បុប្ផា ដែលកំពុងឃុំខ្លួននៅពន្ធនាគារPJ រាជធានីភ្នំពេញ នឹងឡើងសវនាការសាលាឧទ្ធរណ៍នៅរសៀល ថ្ងៃទី៥ ខែមិថុនា ខាងមុខ។
-
នាយករដ្ឋមន្ត្រីនឹងស្នើច្បាប់ប្រឆាំងអ្នកនយោបាយ ករណីរបបខ្មែរក្រហម
ប្រមុខរាជដ្ឋាភិបាលកម្ពុជា លោកហ៊ុន សែន បានប្រកាសថា លោកនឹងស្នើច្បាប់ទៅសភា ដើម្បីដាក់ទោសទណ្ឌទៅលើអ្នកនយោបាយណា ដែលនិយាយថា ការស្លាប់ពលរដ្ឋ នៅក្នុងរបបខ្មែរក្រហម ថាជាសិប្បនិម្មិត ដោយចាត់ទុកថាជាការប្រមាថជន រងគ្រោះ។ លោកនាយករដ្ឋមន្ត្រី បានថ្លែងដូចនេះខណៈលោកបានចូលរួមក្នុងពិធីសម្ភោធកុដិ នៅវត្តលង្កា រាជធានីភ្នំពេញ នៅព្រឹកថ្ងៃច័ន្ទទី២៧ ខែឧសភានេះ។
-
កម្មករ២នាក់សន្លប់និងប្រមាណ២០នាក់រងរបួសក្នុងពេលតវ៉ា
កម្មកររោងចក្រកាត់ដេរ សាប្រ៊ីណា (Sabrina) នៅស្រុកសំរោងទង ខេត្តកំពង់ស្ពឺ ប្រមាណ ២០នាក់រងរបួស និង ២នាក់សន្លប់ ដោយសារប៉ះទង្គិចជាមួយក្រុមសមត្ថកិច្ច ខណៈពួកគេប្រមាណ ៤ពាន់នាក់ ធ្វើកូដកម្មបិទផ្លូវជាតិលេខ៤ នៅព្រឹកថ្ងៃ២៧ ឧសភា ដើម្បីទាមទារលក្ខខណ្ឌការងារ ៩ចំណុច។អគ្គលេខាធិការរងសហជីពសេរីកម្មករនៃព្រះរាជាណាចក្រកម្ពុជា លោក ថន ថុល ឲ្យដឹងថា ពេលដែលកម្មករធ្វើកូដកម្មនោះ ស្រាប់តែកម្លាំងប៉េអឹមបានចាប់យកមេក្រូរបស់ក្រុមកម្មករ រហូតមានការប្រទាញប្រទង់គ្នាខ្លះ ដោយប៉េអឹមយកដំបងឆក់ទៅលើកម្មករ រហូតធ្វើឲ្យកម្មករប្រមាណ ២០នាក់រងរបួស ហើយដួលសន្លប់ ២នាក់។ រីឯកម្មករក៏បានយកដុំថ្មគប់ទៅលើក្រុមប៉េអឹមវិញដែរ តែមិនដឹងថា មានប៉េអឹមរបួសប៉ុន្មាននាក់ទេ។ លោកបន្តថា កម្មកររបួសខ្លះត្រូវបញ្ជូនទៅមន្ទីរពេទ្យ ហើយខ្លះដែលរបួសស្រាលមិនបានបញ្ជូនទៅទេ។
-
ពលរដ្ឋ ១០៧នាក់ ក្នុងខេត្តក្រចេះបោះតង់លើដីជម្លោះដើម្បីរារាំងក្រុមហ៊ុនឆូសឆាយដី
ប្រជាពលរដ្ឋ១០៧នាក់ ក្នុងស្រុកសំបូរ ខេត្តក្រចេះ ដែលមានជម្លោះដីធ្លីជាមួយក្រុមហ៊ុនកូរ៉េមួយ សម្រេចបោះតង់លើដីជម្លោះ ដើម្បីរង់ចាំដំណោះស្រាយ ដោយអះអាងថា ពួកគេមិនទុកចិត្តអាជ្ញាធរក្នុងតំបន់។ លោក ណាំ ណាក់ ដែលអះអាងថាជាជនរងគ្រោះក្នុងទំនាស់ដីធ្លីនេះ បានឲ្យដឹងបន្ទាប់ពីជួបចរចាជាមួយតំណាងក្រុមហ៊ុន ស៊ីត្រាយអ៊ុបទិច រួចមកថា ក្រុមហ៊ុនយល់ព្រមជួបពលរដ្ឋ និងចូលដោះស្រាយបញ្ហាដីនេះ ជាមួយនឹងអាជ្ញាធរស្រុក និងខេត្ត នៅថ្ងៃស្អែកនេះ។
-
ព្រៃស្រោងជាង៧០ហិកតារត្រូវគេកាប់រាននៅរតនគិរី
ព្រៃស្រោង និងជាព្រៃឈើដែលអាជ្ញាធរពាក់ព័ន្ធទទួលស្គាល់ទុកជាព្រៃសហគមន៍អភិរក្ស និងការពារជាង ៧០ហិកតារ ថ្មីទៀត ត្រូវបានគេកាប់រានអស់។ ក្រុមសហគមន៍អ្នកការពារព្រៃនោះ អះអាងថា បានរាយការណ៍ និងប្ដឹងក្រុមសមត្ថកិច្ចអាជ្ញាធរពាក់ព័ន្ធច្រើនលើក ឲ្យជួយទប់ស្កាត់ ប៉ុន្តែមិនឃើញបានលទ្ធផលអ្វីឡើយ។ ប្រជាពលរដ្ឋសហគមន៍ជនជាតិដើមភាគតិចទំពួន ភូមិស៊ូ ឃុំស៊ឺង ស្រុកបរកែវ ខេត្តរតនគិរី នៅថ្ងៃអាទិត្យ ទី២៦ ខែឧសភា ឆ្នាំ២០១៣ អំពាវនាវឲ្យអាជ្ញាធរខេត្តចាត់វិធានការជាបន្ទាន់ ទៅលើមនុស្ស ៦នាក់ ដែលជាប់ពាក់ព័ន្ធកាប់រានព្រៃឈើសហគមន៍ការពារ ដើម្បីយកដីជាកម្មសិទ្ធិខុសច្បាប់។ សេចក្តីអំពាវនាវនេះ ធ្វើឡើងបន្ទាប់ពីតំណាងសហគមន៍ធ្វើដំណើរមកការិយាល័យសមាគមការពារសិទ្ធិមនុស្សអាដហុក (ADHOC) ខេត្តរតនគិរី កាលពីថ្ងៃសុក្រ ទី២៤ ខែឧសភា សុំឲ្យមន្ត្រីសមាគមជួយអន្តរាគមន៍ពាក្យប្ដឹងអ្នកភូមិ ទៅស្ថាប័នអយ្យការស៊ើបអង្កេតរកអ្នកបំផ្លាញព្រៃឈើនេះ មកផ្ដន្ទាទោសតាមផ្លូវច្បាប់។
-
កម្មករបង្ហាញម៉ូតសម្លៀកបំពាក់ដើម្បីទាមទារប្រាក់ខែគោល១៦០ដុល្លារ
កម្មករប្រមាណ៣០០នាក់បង្ហាញម៉ូតសម្លៀកបំពាក់ ជំរុញឲ្យស្ថាប័នពាក់ព័ន្ធជួយដោះស្រាយឲ្យពួកគាត់ ទទួលបានប្រាក់ខែគោលឲ្យបានដល់១៦០ដុល្លាេ ដើម្បីអាចរស់នៅបានក្នុងជីវភាពសមរម្យស្របតាមតម្លៃទំនិញនៅលើទីផ្សារ។
-
អាជ្ញាធរបានប្រើប្រាស់ឡានទឹក៣គ្រឿងបាញ់រំសាយអ្នកភូមិបឹងកក់ តវ៉ាបិទផ្លូវមុខសាលារាជធានីភ្នំពេញ
រាជធានីភ្នំពេញ៖ បន្ទាប់ពីមានការបិទផ្លូវមុខសាលារាជធានីភ្នំពេញពីសំណាក់ក្រុមអ្នកភូមិបឹងកក់ នៅវេលាម៉ោង១០និង១០នាទីព្រឹកថ្ងៃដដែល អាជ្ញាធរមានសមត្ថកិច្ចបានប្រើប្រាស់ឡានទឹក៣គ្រឿងបាញ់រំសាយ ហើយមកដល់ពេលនេះចរាចរណ៍មុខសាលារាជធានីភ្នំពេញដំណើរការធម្មតាវិញហើយ ។
-
អ្នកវិភាគ៖ លោកនាយករដ្ឋមន្ត្រីគួរតែបង្ហាញភស្តុតាង ប្រសិនបើចលនាផ្តូលរំលំ ជ្រកក្រោមគណបក្សប្រឆាំង
អ្នកវិភាគព្រឹត្តិការណ៍សង្គម លោក អ៊ូ វីរៈ ប្រាប់ VOD តាមទូរស័ព្ទថា ប្រសិនបើលោកនាយករដ្ឋមន្ត្រីរកឃើញថា សមាជិកនៃចលនាផ្តួលរំលំរដ្ឋាភិបាល ជ្រកក្រោមគណបក្សសមរង្ស៊ីនោះ លោកនាយករដ្ឋមន្ត្រី គួរតែបង្ហាញភស្តុតាង ព្រោះថាការផ្តូលរំលំរាជរដ្ឋាភិបាល ដោយការប្រើកម្លាំងប្រដាប់អាវុធ នោះជាអំពើខុសច្បាប់ ៖ “ខ្ញុំមិនទាន់ដឹង មិនទាន់ឃើញភស្តុតាងអ្វីជាក់លាក់ទេ អ៊ីចឹងយើងរងចាំមើលសិន ប្រសិនជាមានភស្តុតាងជាក់លាក់ ដែលបង្ហាញក្រុមមានឆន្ទៈក្នុងការប្រើហិង្សា ដើម្បីធ្វើឲ្យមានភាពបោះបោរ អាហ្នឹងគឺខ្ញុំគាំទ្រឲ្យមានការអនុវត្តតាមផ្លូវច្បាប់ត្រឹមត្រូវ នៅក្នុងគណបក្សប្រឆាំងក៏ដោយ នៅក្នុងគណបក្សកាន់អំនាចក៏ដោយ នៅក្នុងកន្លែងណាក៏ដោយ គួរតែធ្វើតាមត្រឹមត្រូវ នេះវាអាស្រ័យទៅលើភស្តុតាង”។
គាំទ្រដោយ
