កំពុងស្វែងរកទិន្នន័យ
រកឃើញ: 13.209
-
កម្មករផ្ទុះហិង្សាគប់ដុំថ្មចូលអាគាររោងចក្រនៅខេត្តតាកែវ
កិច្ចពិភាក្សារួមគ្នាមួយ រវាងមន្ត្រីពាក់ព័ន្ធ និងថៅកែរោងចក្រ នៅខេត្តតាកែវ បានធ្វើឡើងនៅព្រឹកថ្ងៃពុធនេះ បន្ទាប់ពីក្រុមកម្មករតវ៉ាឈានដល់ផ្ទុះហិង្សាគប់ដុំថ្មបណ្តាលឲ្យខូចខាតផ្នែកខ្លះនៃអាគាររោងចក្រនោះ។ ប្រធានសហជីពសេរីកកម្មករនៃព្រះរាជាណាចក្រកម្ពុជា លោក ជា មុនី ថ្លែងដោយខ្លីថា កម្មករជិត៧០០នាក់នៅរោងចក្រវិន មេនស៊ូ ស្ថិតនៅឃុំពពែល ស្រុកត្រាំកក់ ខេត្តតាកែវ បានគប់ដុំថ្មសំដៅរោងចក្ររបស់ខ្លួន ដោយខឹងថៅកែមិនចេញមកចរចា។ តែលោក ជា មុនី បន្តថា ពេលនេះលោកកំពុងជួបពិភាក្សា រកដំណោះស្រាយជាមួយភាគីពាក់ព័ន្ធ ៖ "វាមិនអីទេកញ្ចក់នេះ វាអាចជួសជលវិញឡើងបានទេ ឥឡូវប៉ុណ្ណឹងសិនបានហើយ ខ្ញុំកំពុងធ្វើការចរចាជាមួយសមត្ថកិច្ច ជាមួយអាជ្ញាធរដែនដីពាក់ព័ន្ធរោងចក្រនេះសិន" ។
-
តុលាការខ្មែរក្រហមស្តាប់សក្ខីកម្មអតីតមន្ត្រីឃោសនាការក្នុងរបបខ្មែរក្រហម
អង្គជំនុំជម្រះសាលាដំបូងនៃអង្គជំនុំជម្រះវិសាមញ្ញក្នុងតុលាការកម្ពុជា នៅព្រឹកថ្ងៃអង្គារនេះ ចាប់ផ្តើមស្តាប់សក្ខីកម្មអតីតមន្ត្រីឃោសនាការ ក្នុងរបបកម្ពុជាប្រជាធិបតេយ្យ លោក ព្រំ ស៊ូ ក្នុងក្របខណ្ឌនៃសំណុំរឿង០០២។
-
ក្រុមនិស្សិតសុំឲ្យលុបចោលអ្នករាយការណ៍ពិសេស អ.ស.ប
បេសកកម្មរបស់អ្នករាយការណ៍ពិសេសអង្គការសហប្រជាជាតិ ស្ដីពីស្ថានភាពសិទ្ធិមនុស្សនៅកម្ពុជា គឺលោក សុរិយា ស៊ូប៊ែឌី (Surya Subedi) នៅថ្ងៃអង្គារ ទី២១ ខែឧសភា នេះ ឈានចូលដល់ថ្ងៃទី២ហើយ។ថ្ងៃនេះបន្ទាប់ពីជួបពិភាក្សាការងារជាមួយ គ.ជ.ប នៅប៉ុន្មាននាទីមុននេះ លោកទើបតែបញ្ចប់ការធ្វើបទឧទ្ទេសនាមរបស់លោកក្នុងសិក្ខាសាលាសិទ្ធិមនុស្សមួយនៅសកលវិទ្យាល័យមេគង្គកម្ពុជា ក្រោមប្រធានបទ "ការប្រឈមទៅនឹងការផ្សះផ្សាជម្លោះផលប្រយោជន៍នៅក្នុងច្បាប់ស្ដីពីការវិនិយោគបរទេស"។
-
ប្រជាពលរដ្ឋ៣៥៤គ្រួសារមកពីស្រុកវាលវែងសុំទាមទារកម្មសិទ្ធិដីធ្លីនៅមុខវត្តបទុម
រាជធានីភ្នំពេញ ៖ ប្រជាពលរដ្ឋ៥២នាក់តំណាង៣៥៤គ្រួសារចំនួន៤ភូមិ នៅស្រុកវាលវែង ឃុំអូរតាសោម បានមកសុំធ្វើការតវ៉ានៅវេលាម៉ោង៨ និង៣០នាទីព្រឹក ថ្ងៃទី២១ ឧសភា ២០១៣ នេះ បានជិះរថយន្ត៣គ្រឿង ហើយលើកស្លាកគណបក្សប្រជាជន ដឹកនាំដោយលោកមេឃុំអូរតាសោម សំដៅមកដើមពោធិ៍មុខវត្តបទុមសុំឱ្យសម្តេចតេជោ ហ៊ុន សែន ជួយអន្តរាគមន៍ដើម្បីទាមទារប្រគល់កម្មសិទ្ធិដីធ្លីចំនួន៩២៧,៧ហិកតា ជូនដល់ពួកគាត់វិញ បន្ទាប់ពីអាជ្ញាធរឃុំមិនអនុញ្ញាតឱ្យវាស់វែងដោយសំអាងថា ជាដីព្រៃសហគមន៍ជុំវិញអាងទឹកវារីអគ្គិសនីអាតៃ ៕
-
អ្នកភូមិជាង១០០នាក់ បិទផ្លូវចូលសាលារាជធានីម្តងទៀត ដាក់សម្ពាធរកដំណោះស្រាយដីធ្លី
អ្នកភូមិជាង១០០នាក់ មកពី៦សហគមន៍ នៅព្រឹកថ្ងៃចន្ទនេះ បិទផ្លូវចេញចូលនៅរាជធានីភ្នំពេញ ដើម្បីដាក់សម្ពាធឲ្យស្ថាប័ននេះ អន្តរាគមន៍រកដោះស្រាយ បញ្ចប់ជម្លោះដីធ្លីជូនពួកគេ។ អ្នកភូមិទាំងនោះមកពីសហគមន៍បុរីកីឡា បឹងកក់ ថ្មគោល ៣៤៧ និងសហគមន៍មួយចំនួនទៀត។ ពួកគេអះអាងថា ការសម្រេចបិទផ្លូវនៅពេលនេះ ដើម្បីឲ្យអភិបាលរាជធានីភ្នំពេញ លោក ប៉ា សុជាតិវង្ស ដែលទើបឡើងកាន់តំណែងថ្មី ចាត់វិធានការឲ្យបានឆាប់ ដោះស្រាយជម្លោះដីធ្លីដែលអូសបន្លាយ ជូនពួកគេឲ្យបានមុនការបោះឆ្នោតជាតិ នៅថ្ងៃទី២៨ ខែកក្កដា ឆ្នាំ២០១៣នេះ ។
-
គណបក្សសង្គ្រោះជាតិដឹកនាំសកម្មជនជាងបីពាន់នាក់ តវ៉ាទាមទារធ្វើកំណែទម្រង់ គ.ជ.ប
ថ្នាក់ដឹកនាំគណបក្សសង្គ្រោះជាតិ ដឹកនាំសកម្មជន និងប្រជាពលរដ្ឋប្រមាណ បីទៅបួនពាន់នាក់ ប្រមូលផ្តុំនៅទីលានប្រជាធិបតេយ្យ ដើម្បីទាមទារឲ្យមានការកែទម្រង់គណៈកម្មាធិការជាតិរៀបចំការបោះឆ្នោត។ ការប្រមូលផ្តុំធ្វើឡើងនៅព្រឹកថ្ងៃចន្ទនេះ មានសកម្មជនគណបក្សសង្គ្រោះជាតិ និងប្រជាពលរដ្ឋនៅរាជធានីភ្នំពេញ និងមកពីបណ្តាខេត្តមួយចំនួនចូលរួម ដែលដឹកនាំដោយ លោកកឹម សុខា អនុប្រធានគណបក្សសង្គ្រោះជាតិ។
-
សាលាឧទ្ធរណ៍នឹងជម្រះករណីអ្នកស្រីយ៉ោម បុប្ផា នៅថ្ងៃ៥ខែមិថុនា
ភ្នំពេញ: សំណុំរឿងអ្នកស្រី យ៉ោម បុបា្ផ ដែលត្រូវសាលាដំបូងរាជធានីភ្នំពេញផ្ដន្ទាទោស ៣ឆ្នាំ ព្រោះ បានប្រើអំពើហិង្សាធ្ងន់ធ្ងរទៅលើអ្នករត់ ម៉ូតូឌុប២នាក់ កាលពីពេល កន្លងទៅ នឹងត្រូវសាលាឧទ្ធរណ៍លើកយកមកជំនុំជម្រះសាជាថ្មីនៅថ្ងៃទី៥ ខែមិថុនា ឆ្នាំ២០១៣ ខាងមុខនេះ ។ នៅមុនពេលសវនាការសាលា ឧទ្ធរណ៍នាពេលខាងមុខនេះ អ្នកស្រី យ៉ោម បុបា្ផ បានស្វះស្វែងអន្ដរាគមន៍ពី សំណាក់ស្ថាប័នតុលាការទាំងបីជាន់ថ្នាក់ ដើម្បីឱ្យបាននៅ ក្រៅឃុំបណ្ដោះ អាសន្ន ។ ប៉ុន្ដែជាការបរាជ័យ កាលពី ថ្ងៃទី២៨ ខែមីនា ឆ្នាំ២០១៣ តុលាការ កំពូលបានសម្រេចមិនអនុញ្ញាតឱ្យយ៉ោម បុបា្ផ បានស្ថិតនៅក្រៅឃុំនោះទេ។
-
មនុស្ស៣ក្រុមប្រមូលផ្ដុំគ្នាជួបលោក សុរិយា ស៊ូប៊ែឌី
នៅក្នុងការតវ៉ារបស់ក្រុមអ្នកម៉ូតូឌុប ជេរប្រមាថលោក សុរិយា ស៊ូប៊ែឌី ដោយប្រៀបប្រដូចលោក សុរិយា ស៊ូប៊ែឌី ទៅនឹងសត្វស្វា ហើយភ្ជាប់លោក អ៊ូ វីរៈ ទៅនឹងសត្វឆ្កែ។ ប្រធានក្រុមអ្នកម៉ូតូឌុប លោក ឯ សុភាស់ មានប្រសាសន៍នៅពេលព្រឹកថា មូលហេតុដែលនាំឱ្យមានការជេរប្រមាថដូច្នេះ គឺមកពីក្រុមរបស់លោកខឹងនឹងលោក សុរិយា ស៊ូប៊ែឌី និងលោក អ៊ូ វីរៈ ប្រធានមជ្ឈមណ្ឌលសិទ្ធិមនុស្សកម្ពុជា ថាមិនដែលស៊ើបអង្កេតករណីសមាជិករបស់គាត់ ឈ្មោះ វ៉ាត ថៃសេង និង ង៉ែត ចិត្ត ដែលអះអាងថា ត្រូវអ្នកស្រី យ៉ោម បុប្ផា វាយឱ្យរបួសទេ ហើយចាត់ទុកថា ករណីនេះ ពាក់ព័ន្ធនឹងរឿងដីធ្លី។ ពួកគាត់ចាត់ទុកថា ជារឿងព្រហ្មទណ្ឌ ហើយទាមទារឱ្យមានសំណងសម្រាប់សមាជិករបស់គាត់។ លោក ឯ សុភាស់ ថ្លែងថា លោករីករាយក្រោយជំនួបជាមួយលោក សុរិយា ស៊ូប៊ែឌី ហើយសម្រេចរំសាយក្រុមរបស់លោក។
-
ពលរដ្ឋស្រុកក្រគរ តវ៉ាការឃុំខ្លួនសកម្មជនដីធ្លីដ៏លេចធ្លោ លោក គុច វេង
ប្រជាពលរដ្ឋជាង៥០នាក់ នៅស្រុកក្រគរ ខេត្តពោធិ៍សាត់ ចាប់ពីព្រឹក រហូតដល់រសៀលថ្ងៃចន្ទនេះ បានមកប្រមូលផ្តុំគ្នាតវ៉ា នៅមុខតុលាការខេត្ត ដើម្បីទាមទារឲ្យតុលាការបង្ហាញភស្តុតាង ដែលនាំឲ្យមានការឃុំខ្លួនសកម្មជនដីធ្លី និងការពារសិទ្ធិមនុស្សមួយរូបរបស់ពួកគេ។ សកម្មជនដីធ្លី និងការពារសិទ្ធិមនុស្សដ៏លេចធ្លោ មកពីឃុំក្បាលត្រាច ស្រុកក្រគរ ខេត្តពោធិ៍សាត់ លោក គុច វេង ត្រូវបាននគរបាលស្រុកចាប់ខ្លួន និងបញ្ជូនមកតុលាការខេត្ត កាលពីថ្ងៃអាទិត្យម្សិលមិញ តាមដីកាតុលាការ ក្រោមការចោទប្រកាន់ពីបទឆបោក។ លោក គុច វ៉េង ត្រូវបានស្ត្រីម្នាក់ នៅឃុំអន្សាចំបក់ ស្រុកក្រគរ ប្តឹងពីបទឆបោក យកលុយរបស់ខ្លួនជាង ៤០០០ដុល្លារអាមេរិក ជាថ្នូរនឹងការរកការងារឲ្យប្តីរបស់គាត់។
-
អាជ្ញាធរខេត្តព្រះវិហារកំពុងស្វែងរកអ្នករងគ្រោះក្នុងហេតុការណ៍បាក់អណ្តូងរ៉ែ
រហូតដល់ល្ងាចថ្ងៃចន្ទនេះ អាជ្ញាធរខេត្តព្រះវិហារ និងរួមទាំងអ្នកភូមិនៃឃុំរម្យទមផងបាននាំគ្នាកាយដីបាក់ក្នុងអណ្តូងរ៉ែមួយ ដើម្បីស្វែងរកអ្នករងគ្រោះ។ អ្នកភូមិសង្ស័យថា ការបាក់ដីក្នុងអណ្តូងរ៉ែ កាលពីយប់ថ្ងៃអាទិត្យ អាចសម្លាប់មនុស្សដែលតែងតែចេញចូលជីកកកាយរករ៉ែមាសជារៀងរាល់ថ្ងៃ។ នាយប៉ុស្តិ៍ឃុំរម្យទម នៃស្រុករវៀង ខេត្តព្រះវិហារបានអះអាងថា គេនៅមិនទាន់ដឹងអំពីចំនួននៃអ្នករងគ្រោះនៅឡើយទេ ក្រៅពីព័ត៌មានដែលថា មានយុវជនម្នាក់នៅក្នុងមូលដ្ឋានបានបាត់ខ្លួន។
-
មនុស្សជាង៥ពាន់នាក់ធ្វើបាតុកម្មទាមទារប្ដូរ គ.ជ.ប
គណបក្សសង្គ្រោះជាតិ ធ្វើបាតុកម្មលើកទី២ នៅព្រឹកថ្ងៃទី២០ ខែឧសភា នេះ នាទីលានប្រជាធិបតេយ្យ រាជធានីភ្នំពេញ ដែលមានសមាជិកបក្សប្រឆាំងជាង ៥ពាន់នាក់ចូលរួម។ការធ្វើបាតុកម្មនេះឡើង គឺដើម្បីតវ៉ា ទាមទារឲ្យមានការកែទម្រង់សមាសភាពគណៈកម្មាធិការជាតិរៀបចំការបោះឆ្នោត (គ.ជ.ប) និងទាមទារឲ្យ គ.ជ.ប អនុវត្តតាមអនុសាសន៍សង្គមស៊ីវិល និងតំណាងពិសេសរបស់អង្គការសហប្រជាជាតិ លោក សុរិយា ស៊ូប៊ែឌី (Surya Subedi)។
-
ក្រុមម៉ូតូឌុបតវ៉ាដាក់ញត្តិនៅមុខការិយាល័យអ.ស.បរឿងអ្នកស្រី យ៉ោម បុប្ផា
ក្រុមម៉ូតូឌុបនិងរ៉ឺម៉កកង់បីប្រមាណ ១៥០នាក់ តវ៉ានៅមុខការិយាល័យឧត្ដមស្នងការអង្គការសហប្រជាជាតិ (អ.ស.ប) ទទួលបន្ទុកសិទ្ធិមនុស្សនៅកម្ពុជា នៅព្រឹកថ្ងៃ២០ ឧសភា ដើម្បីទាមទារឲ្យលោក សុរិយា ស៊ូប៊ែឌី (Surya Subedi) ទទួលញត្តិទាមទារសុំឲ្យចែកឲ្យដាច់ករណីអ្នកស្រី យ៉ោម បុប្ផា ជាមួយករណីដីធ្លីតំបន់បឹងកក់។ ការតវ៉ាដាក់ញត្តិនេះ ដោយសារពួកគេទាំងនោះព្រួយបារម្ភថា នឹងមានការដោះលែងអ្នកស្រី យ៉ោម បុប្ផា តាមរយៈការអន្តរាគមន៍ពីលោក សុរិយា ស៊ូប៊ែឌី នៅក្នុងដំណើរទស្សនកិច្ចរបស់លោកនៅកម្ពុជា នេះ។
-
ពលរដ្ឋនៅបន្ទាយមានជ័យបិទផ្លូវតវ៉ារឿងភ្លើងអគ្គិសនី
ពលរដ្ឋនៅឃុំបន្ទាយនាង ស្រុកមង្គលបុរី ខេត្តបន្ទាយមានជ័យ ជាច្រើនរយនាក់ បាននាំគ្នាបិទកំណាត់ផ្លូវជាតិលេខ៥ អស់រយៈជាងកន្លះម៉ោង ដើម្បីទាមទារឲ្យអាជ្ញាធរស្រុក និងខេត្តចុះអន្តរាគមន៍ជួយលើករណីឈ្មួញម៉ៅការភ្លើងអគ្គិសនី ដែលលួចកែច្នៃកុងទ័រធ្វើភ្លើងអគ្គិសនី ដើរលឿនខុសប្រក្រតី។ការលើកក្បួនតវ៉ារបស់ប្រជាពលរដ្ឋជាច្រើនភូមិ ក្នុងឃុំបន្ទាយនាង ស្រុកមង្គលបុរី នៅព្រឹកថ្ងៃទី១៨ ខែឧសភា បានរំសាយទៅវិញ លាយឡំទៅនឹងការខកចិត្ត ដោយសារតែក្រុមអាជ្ញាធរមូលដ្ឋានពុំបានផ្ដល់ចម្លើយច្បាស់លាស់ណាមួយ ឆ្លើយតបចំពោះសំណើទាមទារឲ្យមានការផ្លាស់ប្ដូរម្ចាស់ម៉ៅការភ្លើងអគ្គិសនីនៅក្នុងមូលដ្ឋានដែលជាការស្នើសុំរបស់អ្នកភូមិ។
-
ប៉ូលិសឃាត់ខ្លួនសមាជិកអង្គការ៥នាក់ពីបទឆបោក
សមាជិកអង្គការក្រៅរដ្ឋាភិបាលឈ្មោះ អង្គការសមាគមសុវណ្ណភូមិវង្សភ័ក្តបូរី ៥រូប ត្រូវបានអាជ្ញាធរប៉ូលិសចាប់ឃាត់ខ្លួនដោយសារអាជ្ញាធរឃុំអន្សាចំបក់ ក្នុងខេត្តពោធិ៍សាត់ ប្ដឹងពីបទឆបោកប្រជាពលរដ្ឋក្នុងឃុំនេះ។ តែប្រធានអង្គការនេះចាត់ទុកថា ការចាប់ខ្លួនសមាជិកអង្គការលោកជាបញ្ហានយោបាយ។
-
មន្ត្រីមូលដ្ឋាននៅរតនគិរីរងការប្ដឹងពីបទបណ្ដេញពលរដ្ឋចេញពីភូមិ
ខណៈពេលតុលាការខេត្តរតនគិរី កំពុងស៊ើបអង្កេតសំណុំរឿងចោទប្រកាន់មន្ត្រីអាជ្ញាធរថា បានលក់ដីព្រៃឈើជាង ៤០០ហិកតារ នៅស្រុកអូរយ៉ាដាវ។ ប្រជាពលរដ្ឋសហគមន៍ជាដើមបណ្ដឹងអះអាងថា មេភូមិបានប្រើប្រាស់អាជ្ញាធរប្រពៃណីប៉ុនប៉ងបណ្ដេញលោកចេញពីសហគមន៍ ដោយសារតែលោកមិនព្រមដកពាក្យបញ្ឈប់ប្ដឹងពីករណីនេះ។មន្ត្រីឃ្លាំមើលសិទ្ធិមនុស្សខេត្តរតនគិរី នៅថ្ងៃអាទិត្យ ទី១៩ ខែឧសភា ឆ្នាំ២០១៣ ឲ្យដឹងថា មន្ត្រីថ្នាក់មេភូមិ និងជំនួយការភូមិតេន ឃុំយ៉ាទុង កំពុងរងការប្ដឹងតាមផ្លូវតុលាការពីបទរើសអើង គំរាមកំហែងបណ្ដេញប្រជាពលរដ្ឋចេញពីភូមិ។
-
សង្គមស៊ីវិលទាមទារឲ្យតុលាការផ្ដន្ទាទោសលោក ឈូក បណ្ឌិត
តុលាការខេត្តស្វាយរៀង កំណត់យកថ្ងៃទី២១ ខែឧសភា ឆ្នាំ២០១៣ ជាថ្ងៃបើកសវនាការជាថ្មីក្នុងសំណុំរឿងលោក ឈូក បណ្ឌិត បាញ់ប្រហារលើកក្រុមកម្មកររោងចក្រកៅវ៉េ (Kaoway) ៣នាក់ឲ្យរងរបួសធ្ងន់ធ្ងរ បន្ទាប់ពីសាលាឧទ្ធរណ៍បានបង្វែរសំណុំរឿងនេះទៅតុលាការខេត្តស្វាយរៀង តាំងពីដើមខែមីនា។សហភាពការងារកម្ពុជា និងសហភាពសហជីពកម្ពុជា ដែលមានសម្ព័ន្ធសហជីព និងសមាគមចំនួន ១៤ មកពីវិស័យចំនួន ៩ មានសមាជិកជាង ១៥ម៉ឺននាក់ បានចេញសេចក្ដីថ្លែងការណ៍រួមមួយ នៅថ្ងៃទី១៨ ឧសភា ដើម្បីបង្ហាញពីការយកចិត្តទុកដាក់លើសំណុំរឿងរបស់លោក ឈូក បណ្ឌិត។ សង្គមស៊ីវិលជំរុញឲ្យតុលាការក្ដីប្រកបដោយតម្លាភាពនិងយុត្តិធម៌។
-
ដែនអភិរក្សជម្រកសត្វព្រៃស្នួលត្រូវគេកាប់រានដីធ្វើចម្ការស្ទើរទាំងស្រុង
សកម្មជនការពារព្រៃឈើ បាននិយាយថា ដែនអភិរក្សជម្រកសត្វព្រៃស្នួល ជាង ២ពាន់ហិកតារ ក្នុងខេត្តក្រចេះ ជិតរលាយទាំងស្រុងហើយ ព្រោះមានបទល្មើសព្រៃឈើ និងសកម្មភាពកាប់រានដីធ្វើចម្ការពីជនខិលខូចគ្មានការទប់ស្កាត់។ សកម្មជនការពារព្រៃឈើ ខេត្តក្រចេះ បានចោទថា មន្ត្រីមានសមត្ថកិច្ចមួយចំនួនថាទំនងជានៅពីក្រោយបទល្មើសកាប់រានដីព្រៃ ទើបគ្មានវិធានការទប់ស្កាត់។ ប៉ុន្តែការចោទប្រកាន់នេះ ត្រូវមន្ត្រីជំនាញបដិសេធ។ មន្ត្រីស៊ើបអង្កេតរបស់មជ្ឈមណ្ឌលសិទ្ធិមនុស្សកម្ពុជា លោក ឈឹម សាវុធ បានឲ្យដឹងនៅថ្ងៃសុក្រ ទី១៧ ខែឧសភា ថា ដែនជម្រកសត្វព្រៃស្នួល ដែលក្រសួងបរិស្ថានដាក់ឲ្យអភិរក្ស ត្រូវជនល្មើសកាប់ទន្ទ្រានយកដីធ្វើចម្ការ និងកាប់ព្រៃឈើស្ទើរអស់ទៅហើយ។
-
ក្រុមហ៊ុនផលិតស្បែកជើង វិងស្តារ ទទួលរ៉ាប់រងទាំងស្រុង លើគ្រួសារជនរងគ្រោះ
ភ្នំពេញ: តំណាងក្រុមហ៊ុនផលិតស្បែកជើង វិងស្តារ (Wing Star Shoes) នៅខេត្តកំពង់ស្ពឺ នៅព្រឹកថ្ងៃទី១៧ ខែឧសភា ឆ្នាំ២០១៣ បានធ្វើសន្និសីទកាសែត នៅសណ្ឋាគារភ្នំពេញ ដើម្បីបកស្រាយអំពីឧបទ្ទវហេតុដែលនាំឲ្យបាក់ធ្នើរផ្ទុកអីវ៉ាន់នៅក្នុងរោងចក្រ កាលពីវេលាម៉ោង៧និង៣០នាទីព្រឹក ថ្ងៃទី១៦ ខែឧសភា ឆ្នាំ២០១៣ បណ្តាលឲ្យកម្មករ កម្មការិនីចំនួនពីរនាក់ស្លាប់ និងទទួលរងរបួសចំនួន ១១នាក់។ ទាក់ទងនឹងករណីនេះ ក្រុមហ៊ុន បានអះអាងថា នឹងទទួលខុសត្រូវទាំងស្រុងជាមួយក្រុមគ្រួសារសព និងក្រុមគ្រួសារជនរងគ្រោះទាំងអស់។
-
ខុទ្ទកាល័យនាយករដ្ឋមន្ត្រីតម្រូវឲ្យពលរដ្ឋមកពីខេត្តព្រះវិហារកែតម្រូវញត្តិជាថ្មី
មន្ត្រីខុទ្ទកាល័យលោកនាយករដ្ឋមន្ត្រី ឲ្យប្រជាពលរដ្ឋជិត១០០នាក់ មកពីខេត្តព្រះវិហារ ដែលមានទំនាស់ដីធ្លី កែតម្រូវញត្តិរបស់ខ្លួន ខណៈប្រជាពលរដ្ឋទាំងនោះ បន្តប្រមូលគ្នានៅមុខវត្តបទុមវត្តី រហូតដល់ម៉ោងជាង៥ល្ងាចថ្ងៃព្រហស្បតិ៍នេះ ដើម្បីសុំអន្តរាគមន៏ជាថ្មីម្តងទៀត ចំពោះជម្លោះដីធ្លីជាមួយអតីតមន្ត្រីជាន់ខ្ពស់រដ្ឋាភិបាល។
-
អ្នកតំណាងរាស្ត្របក្សប្រឆាំងនឹងចុះស៊ើបអង្កេតករណីបំផ្លាញព្រៃនៅរតនគិរី
ប្រធានក្រុមអ្នកតំណាងរាស្ត្រ គណបក្សប្រឆាំង បានអះអាងថា លោកនឹងដឹកនាំមន្ត្រីបក្សទៅជួបអ្នកស្រុក នៅស្រុកអូយ៉ាដាវ និងស្រុកលំផាត់ នៅថ្ងៃទី២១ និង២២ ខែឧសភា ដើម្បីស្រាវជ្រាវ ករណីផលប៉ះពាលព្រៃឈើ ដោយការផ្ដល់ដីសម្បទានសេដ្ឋកិច្ច។ នៅក្នុងលិខិតរបស់អ្នកតំណាងរាស្ត្រ ស៊ុន ឆ័យ បានសរសេរថា លោកនឹងទទួលបានការដល់ព័ត៌មាន របស់អ្នកស្រុក អំពីផលប៉ះពាល់មកលើជីវភាពរបស់អ្នកស្រុក។ លិខិតបន្តថា មានក្រុមហ៊ុនវៀតណាមចំនួនពីរ គឺក្រុមហ៊ុន កៅស៊ូ(VRG) និងក្រុមហ៊ុន Hoang Ang Gia Lai (HAGL) ត្រូវអង្គការបរិស្ថាន Global Witness រកឃើញថា កំពុងតែធ្វើព្រៃនៅតំបន់នោះ រលាយទៅថ្ងៃខាងមុខ។
គាំទ្រដោយ
