កំពុងស្វែងរកទិន្នន័យ
រកឃើញ: 13.209
-
អ្នកភូមិប្រម៉ាចោទទាហានដណ្ដើមយកដីពួកគាត់
ប្រជាពលរដ្ឋរស់នៅឃុំកំពង់ដំរី ស្រុកឆ្លូង ខេត្តក្រចេះ អះអាងថា ក្រោយការបង្ក្រាបដោយកងយោធានៅភូមិប្រម៉ា មក មន្ត្រីយោធាមួយចំនួនដែលមានបេសកកម្មបោះទីតាំងនៅការពារតំបន់នោះ បានដណ្ដើមយកដីប្រជាពលរដ្ឋ ហើយជួលកម្មករចូលទៅដាំដំណាំលើដីយកជាកម្មសិទ្ធិផ្ទាល់ខ្លួន និងដាក់កងទាហានការពារគំរាមមិនឲ្យប្រជាពលរដ្ឋតវ៉ាឡើយ។ ប្រជាពលរដ្ឋរស់នៅតំបន់ស្រែអំប៉ោង ភូមិប្រម៉ា ៤គ្រួសារ នៅថ្ងៃពុធ ទី១ ខែឧសភា ឆ្នាំ២០១៣ អំពាវនាវសុំឲ្យប្រមុខរាជរដ្ឋាភិបាលស៊ើបអង្កេតសកម្មភាពកងទាហានដែលកំពុងបោះទីតាំងនៅតំបន់នោះ ប្រើប្រាស់អំណាចយោធារំលោភយកដីប្រជាពលរដ្ឋ។
-
កម្មករប្រមាណ១ម៉ឺននាក់ហែក្បួនដាក់ញត្តិនៅរដ្ឋសភា
ក្រុមកម្មករស្ទើរគ្រប់វិស័យនិងគ្រូបង្រៀន បានហែក្បួនពីទីលានប្រជាធិបតេយ្យយកញត្តិដែលមានចំនួន ១៣ចំណុច ដាក់ជូនទៅអ្នកតំណាងរាស្ត្រដោះស្រាយ ប្រសិនជាបានជាប់ឆ្នោតរដ្ឋាភិបាលថ្មីនៅអាណត្តិក្រោយ។ ប្រធានសម្ព័ន្ធសហជីពប្រជាធិបតេយ្យកម្មករកាត់ដេរកម្ពុជា លោក អាត់ ធន់ ដែលជាមេដឹកនាំសហជីពមួយរូបក្នុងចំណោមសហជីព និងសមាគមបានថ្លែងថា គោលបំណងធំនៅពេលនេះគឺស្នើសុំអ្វីដែលពាក់ព័ន្ធនឹងលក្ខខណ្ឌការងារប៉ុណ្ណោះ។ លោកថា ការទាមទារចម្បងពេលនេះ គឺការដំឡើងប្រាក់ខែកម្មករយ៉ាងហោចណាស់ ១៥០ដុល្លារ សម្រាប់មន្ត្រីរាជការដំឡើងប្រាក់ខែឲ្យបាន ១លាន ឬប្រហែល ២៥០ដុល្លារ។ លោកសង្ឃឹមថា ញត្តិនេះនឹងដល់ដៃអ្នកតំណាងរាស្ត្រយកទៅពិចារណាមិនបោះចោលនោះទេ។
-
សង្គមស៊ីវិលស្វែងរកអន្តរាគមន៍ដោះលែងឃាតកសិប្បនិមិត្តសម្លាប់លោក ជា វិជ្ជា
សង្គមស៊ីវិលជាង២០ បានអំពាវនាវទៅបណ្ដារោងចក្រដែលផលិតសម្លៀកបំពាក់ម៉ាកល្បីៗនៅប្រទេសកម្ពុជា អ្នកបញ្ជាទិញ និងប្រទេសទិញសម្លៀកបំពាក់ក្នុងពិភពលោក ឲ្យបដិសេធចំពោះសេចក្ដីសម្រេចរបស់តុលាការកម្ពុជា ក្នុងករណីដែលមិនសមហេតុសមផលចំនួន២ ទាក់ទងនឹងវិស័យឧស្សាហកម្មកាត់ដេរ។
-
កម្ពុជាត្រៀមប្រារព្ធទិវាសេរីភាពសារព័ត៌មានស្តីពីសុវត្ថិភាពនៃការបញ្ចេញមតិ
នៅថ្ងៃទី៣ឧសភា ក្នុងសប្តាហ៍នេះ អ្នកសារព័ត៌មានកម្ពុជានឹងជួបជុំគ្នាដើម្បីប្រារព្ធទិវាសេរីភាពសារព័ត៌មានពិភពលោក។ «សុវត្ថិភាពនៃការនិយាយស្តីនៅតាមប្រព័ន្ធផ្សព្វផ្សាយ» គឺជាប្រធានបទនៃទិវាសេរីភាពសារព័ត៌មានឆ្នាំនេះ។ ទិវានេះនឹងរៀបចំរួមគ្នាដោយការិយាល័យយូណេស្កូភ្នំពេញ ការិយាល័យឧត្តមស្នងការទទួលបន្ទុកសិទិ្ធមនុស្ស រួមសហការជាមួយមូលនិធិ Konrad Adenaur Stiftungប្រចំាប្រទេសកម្ពុជា វិទ្យាស្ថានសារគមនាគមន៍កម្ពុជា ក្លឹបអ្នកកាសែតកម្ពុជា និងដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍នៃសាកលវិទ្យាល័យភូមិន្ទភ្នំពេញ។
-
តុលាការបញ្ជាឲ្យស៊ើបអង្កេតបន្ថែមរឿងសម្លាប់អ្នកកាសែតនៅរតនគិរី
ក្រុមប្រឹក្សាជំនុំជម្រះសាលាដំបូងខេត្តរតនគិរី បានចេញសាលក្រមរបៀប ឬចាត់របៀបឲ្យស៊ើបអង្កេតបន្ថែមទៅលើសំណុំរឿងក្ដីចោទប្រកាន់មន្ត្រីកងរាជអាវុធហត្ថ លោក អ៊ាន ប៊ុនហេង ហៅ អេង និងអ្នកស្រី ស៊ឹម ស្រីវី ជាភរិយា ពីបទបានប្រព្រឹត្តអំពើឃាតកម្មគ្រោងទុកជាមុនទៅលើអ្នកសារព័ត៌មាន "វីរជនខ្មែរ"។ ប្រធានក្រុមប្រឹក្សាជំនុំជម្រះ លោក អ៊ី សុវណ្ណ នៅព្រឹកថ្ងៃអង្គារ ទី៣០ ខែមេសា ឆ្នាំ២០១៣ បានសម្រេចបីចំណុច គឺចាត់ឲ្យស៊ើបអង្កេតបន្ថែមទៅលើអង្គហេតុ ៨ចំណុច ដែលចៅក្រមស៊ើបសួរក្នុងរឿងក្ដីឃាតកម្មលើអ្នកសារព័ត៌មាននៅខេត្តរតនគិរី គឺលោក ឡុច ឡៅ មិនបានស៊ើបសួរបានសព្វគ្រប់។ ចាត់តាំងចៅក្រមស៊ើបសួរថ្មី គឺលោក សួស ឡា បច្ចុប្បន្នជាប្រធានតុលាការខេត្ត និងសម្រេចឃុំខ្លួនជនជាប់ចោទជាមន្ត្រីកងរាជអាវុធហត្ថខេត្តរតនគិរី លោក អ៊ាន ប៊ុនហេង ហៅ អេង និងភរិយាឈ្មោះ ស៊ឹម ស្រីវី ជាបណ្ដោះអាសន្នបន្តទៀត។
-
វិភាគ៖ សហជីពស្នើដំឡើងប្រាក់ឈ្នួលគោលកម្មករ និងបញ្ចុះតម្លៃសាំងអាចទៅរួចឬអត់?
សេចក្តីថ្លែងការណ៍រួម របស់តំណាងសហជីពកម្មករ សម្រាប់ថ្ងៃទី១ ឧសភា ឆ្នាំ២០១៣នេះ បានទាមទារឲ្យរាជរដ្ឋាភិបាលឲ្យបញ្ចុះតម្លៃប្រេងសាំង មកនៅត្រឹម ៣៥០០រៀល ក្នុងមួយលីត្រ និងស្នើឲ្យកំណត់ប្រាក់ឈ្នួលអប្បរមា សម្រាប់កម្មករគ្រប់វិស័យយ៉ាងតិច ១៥០ដុល្លារ។ អ្នកវិភាគបញ្ហាសង្គម លោក ឡៅ ម៉ុងហៃ យល់ឃើញថា សំណើររបស់សហជីពអាចទៅរួច ព្រោះលោកសង្កេតឃើញក្រុមហ៊ុនទាំងកាត់ដេរស្បែកជើង និងដេរសំលៀកបំពាក់ កើនឡើង ហើយតម្រូវការកម្មករក៏កើនឡើងដែរ ដូច្នេះពួកគេត្រូវការដំឡើងប្រាក់ឈ្នួលកម្មករឲ្យបានសមរម្យក្នុងកម្រិតមួយច្រើនជាងសព្វថ្ងៃ ៖ "ការនាំចេញនូវខោអាវ សំលៀកបំពាក់ហ្នឹង ស្បែកជើងអី គឺកាន់តែមានការចម្រើនលូតលាស់ទៅ ហើយក៏មានក្រុមហ៊ុនអីចេះតែបើកបន្តៗទៀតទៅ វាដូចជាអត់ថយចុះ ដូច្នេះខ្ញុំថាជាការត្រឹមត្រូវ ការទាមទារនេះ មូលដ្ឋានសមរម្យ"។
-
ក្រុមមន្ត្រីសិទ្ធិមនុស្សជំរុញកម្ពុជាឲ្យកែប្រែស្ថានភាពរំលោភសិទ្ធិមនុស្ស
វ៉ាស៊ីនតោន៖ ប៉ុន្មានថ្ងៃក្រោយពីក្រសួងការបរទេសស.រ.អា.បានដាក់ប្រទេសកម្ពុជាស្ថិតក្នុងប្រទេសដែលមានបញ្ហារំលោភបំពានសិទ្ធិមនុស្សធ្ងន់ធ្ងរនោះ ក្រុមមន្ត្រីសិទ្ធិមនុស្សជាតិនិងអន្តរជាតិមួយចំនួនបានព្រមានថា ការមិនព្រមកែទម្រង់បញ្ហារំលោភសិទ្ធិមនុស្សនឹងប៉ះពាល់ដល់មុខមាត់ប្រទេសកម្ពុជា។
-
ប្រជាសហគមន៍បុរីកីឡាប្រមាណ៥០នាក់បិទកំណាត់ផ្លូវលេខ២១១
ប្រជាសហគមន៍បុរីកីឡាប្រមាណ៥០នាក់ បាននាំគ្នាបិទកំណាត់ផ្លូវលេខ២១១ ស្ថិតនៅសង្កាត់វាលវង់ ខណ្ឌ៧មករា ជាថ្នូរទាមទារឲ្យក្រុមហ៊ុនផានអ៊ីម៉ិច ដោះស្រាយសង់អគារឲ្យពួកគាត់សម្រាប់រស់តាមការសន្យា។ ការបិទផ្លូវធ្វើឡើងនៅព្រឹកថ្ងៃអង្គារនេះ បន្ទាប់ពីពួកគេធ្វើសន្និសីទសារព័ត៌មានទាមទារជាថ្មីទៀត ឲ្យក្រុមហ៊ុនផានអ៊ីម៉ិច សាងសង់ផ្ទះឲ្យពួកគាត់តាមការសន្យា។ ការបិទផ្លូវនេះ មិនបង្ករ ឲ្យមានការកកស្ទះដល់អ្នកធ្វើដំណើរច្រើនទេ ហើយខណៈនេះនគរបាលកំពុងឃ្លាំមើលការតវ៉ាបិទផ្លូវ របស់ប្រជាសហគមន៍ តែមិនមានអំពើហិង្សាកើតឡើងទេ។
-
សហភាពការងារកម្ពុជា គ្រោងដឹកនាំក្បួនដង្ហែមន្ត្រីរាជការ និងកម្មករប្រមាណជិត ១ ម៉ឺននាក់នៅថ្ងៃទី១ ខែឧសភា
មន្ត្រីរាជការ និងកម្មករ ប្រមាណជិត១ម៉ឺននាក់ នឹងចូលរួមដើរដង្ហែក្បួនទ្រង់ទ្រាយធំមួយ ក្នុងឱកាសទិវាពលកម្មអន្តរជាតិ ១ឧសភា ខាងមុខ ដែលដឹកនាំដោយសហភាពការងារកម្ពុជា ដើម្បីទាមទារការធ្វើឲ្យប្រសើរទ្បើងនូវលក្ខខណ្ឌការងារមួយចំនួនពីគណបក្សដែលជាប់ឆ្នោតនៅអាណត្តិក្រោយ។
-
វិភាគ ៖ ចំណុចខ្លាំង និងចំណុចខ្សោយរបស់កម្ពុជា ដែលជាសមាជិកអាស៊ានជាង១៣ឆ្នាំនេះ
នៅថ្ងៃទី៣០ខែមេសាឆ្នាំ២០១៣នេះ ជាខួប១៤ឆ្នាំដែលកម្ពុជាបានក្លាយ ជាសមាជិកសមាគមប្រជាជាតិអាស៊ីអាគ្នេយ៍ ហៅកាត់ជាភាសាអង់គ្លេសថា អាស៊ាន (ASEAN) កាលពីឆ្នាំ១៩៩៩។ កម្ពុជា គឺជាសមាជិកកូនពៅ នៃសមាជិកទាំងអស់ចំនួន១០ប្រទេស។ អ្នកវិភាគព្រឹត្តិការណ៍សង្គមលោក អ៊ូ វីរៈ ព្យាករណ៍ថា កម្ពុជានឹងមិនទទួលបានផលភ្លាមៗ ពីការបង្កើតសហគមន៍សេដ្ឋកិច្ចអាស៊ាននៅ ឆ្នាំ២០១៥ទេ តែអាចច្រើនឆ្នាំក្រោយមកទើបបានប្រយោជន៏ពីសហគមន៏នេះ ៖
-
ទាក់ទងស្រឡាញ់គ្នាតាមទូរស័ព្ទរួចចាប់រំលោភនាងប្តឹងប៉ូលិស
ខេត្តឧត្តរមានជ័យ ៖ ស្ត្រីម្នាក់បានដាក់ពាក្យប្តឹងបុរសម្នាក់ដោយចោទប្រកាន់ថា បានចាប់នាងរំលោភសេពសន្ថវៈក្រោមដើមពោធិ៍ក្បែររបងវត្តក្នុងឃុំគោកមន ស្រុកបន្ទាយអំពិល កាលពីវេលាម៉ោង៧យប់ថ្ងៃទី២២ មេសា ២០១៣ ។យោងតាមស្ត្រីរងគ្រោះរៀបរាប់ថា មុនពេលកើតហេតុ ខណៈនាងកំពុងឈរនិយាយទូរស័ព្ទនៅក្រោមដើមពុទ្រាមុខផ្ទះលើចិញ្ចើមផ្លូវ ស្រាប់តែបុរសដែលនាងធ្លាប់មានទំនាក់ទំនងតាមទូរស័ព្ទ តែពុំទាន់បានស្គាល់មុខនោះបានយកអាវមកគ្របនាង រួចយកកាំបិតចុងស្រួចមកភ្ជង់គំរាមមិនឱ្យស្រែក បើហ៊ានស្រែកនឹងសម្លាប់ចោល ។ បន្ទាប់មកបុរសរូបនេះបានអូសនាងទៅក្បែរវត្តគោកមន ដល់ក្រោមដើមពោធិ៍ក៏ចាប់រំលោភសេពសន្ថវៈរហូតបានសម្រេច ។
-
ពលរដ្ឋមានបញ្ហាដីទាមទារមន្ត្រីបក្សកាន់អំណាចអនុវត្តតួនាទី
នៅថ្ងៃច័ន្ទ ដើមសប្ដាហ៍នេះ អ្នកភូមិមានវិបត្តិដីធ្លីដ៏រ៉ាំរ៉ៃបន្តជួបជុំគ្នាធ្វើបាតុកម្មរយៈពេលជាង ៥ម៉ោងជំរុញឲ្យមន្ត្រីបក្សកាន់អំណាចអនុវត្តតួនាទីរបស់ខ្លួន ដែលមានភារកិច្ចបម្រើប្រជាពលរដ្ឋ។ ខ្លឹមសារដែលពលរដ្ឋចង់បាន គឺទាមទារអាជ្ញាធរផ្ដល់ដីទំហំជាង ១២ហិកតារឲ្យអ្នកភូមិបឹងកក់ តាមអនុក្រឹត្យលេខ ១៨៣ របស់រាជរដ្ឋាភិបាល និងសាងសង់អគារឲ្យគ្រប់ចំនួន ១០ខ្នងឲ្យអ្នកភូមិបុរីកីឡា តាមការសន្យារបស់លោក កែប ជុតិមា។
-
ម.ស.ម.ក៖ សេរីភាពបញ្ចេញមតិលើបណ្តាញអ៊ីនធើណែតនៅកម្ពុជា កំពុងឈានទៅរកការគាបសង្កត់
មជ្ឈមណ្ឌលសិទិ្ធមនុស្សកម្ពុជា បង្ហាញពីទិដ្ឋភាពទូទៅនៃការប្រើប្រាស់ប្រព័ន្ធផ្សព្វផ្សាយបែបទំនើបនៅកម្ពុជា ដែលកំពុងឆ្ពោះទៅរងការគាបសង្កត់សេរីភាពបញ្ចេញមតិ លើបណ្តាញអ៊ីនធើណែត។ កំណត់ត្រាសង្ខេបចុះខែមេសា ឆ្នាំ២០១៣ របស់មជ្ឈមណ្ឌលសិទ្ធិមនុស្សកម្ពុជា ឲ្យដឹងថា ចំនួនអ្នកប្រើប្រាស់បណ្តាញអ៊ីនធើណែត ក្នុងប្រទេសកម្ពុជា បានកើនឡើងគួរឲ្យកត់សំគាល់ ក្នុងរយៈពេលប៉ុន្មានឆ្នាំចុងក្រោយនេះ ហើយចំនួនគេហទំព័រ និងប្លុកជាច្រើន ត្រូវបានបង្កើត សម្រាប់ចែករំលែកព័ត៌មាន និងដំណឹងនានាស្តីពី បញ្ហាសង្គមសំខាន់ៗ។
-
អង្គការអន្តរជាតិពីរ រិះគន់និទណ្ឌភាព ករណីសកម្មជនបរិស្ថាន លោក ឈុត វុទ្ធី
អង្គការអន្តរជាតិពីរ ដែលធ្វើការលើសិទ្ធិមនុស្ស ថ្កោលទោសយ៉ាងខ្លាំងលើនិទណ្ឌភាពនៅកម្ពុជា លើការសម្លាប់សកម្មជនបរិស្ថាន លោក ឈុត វុទ្ធី ខណៈរយៈពេលមួយឆ្នាំហើយ ភាពយុត្តិធម៌ មិនទាន់បានផ្តល់ឲ្យសកម្មជនរូបនេះ នៅឡើយទេ។ អង្គការទាំងពីរនេះ គឺសហព័ន្ធអន្តរជាតិការពារសិទ្ធិមនុស្ស (FIDH) និងអង្គការប្រឆាំងការធ្វើទារុណកម្មពិភពលោក (OMCT)។
-
មជ្ឈមណ្ឌលសិទ្ធិមនុស្សកម្ពុជា រំលឹកលោកស្រី យីងឡាក់ ជួយអន្តរាគមន៍ ករណីបាញ់សម្លាប់ ពលរដ្ឋ តាមព្រំដែន
មជ្ឈមណ្ឌលសិទ្ធិមនុស្សកម្ពុជា (ម.ស.ម.ក)បានសរសេរលិខិតផ្ញើជូនទៅលោកស្រីយីឡាក់ ស៊ីណាវ៉ាត្រា នាយករដ្ឋមន្ត្រីនៃប្រទេសថៃដើម្បីស្នើលោកស្រីពិនិត្យ និងអន្តរាគមន៍ករណីបាញ់សម្លាប់ជាបន្តបន្ទាប់របស់អជ្ញាធរថៃមកលើពលប្រជាពលរដ្ឋខ្មែរលើទឹកដីថៃ និងកង្វះការស៊ើបអង្កេត។ នៅក្នុងលិខិតចុះថ្ងៃទី២៤ ខែមេសាឆ្នាំ ២០១៣ បានបង្ហាញថា មជ្ឈមណ្ឌលសិទ្ធិមនុស្សកម្ពុជា ហៅកាត់ថា ម.ស.ម.ក CCHR បានសម្តែងនូវការព្រួបារម្ភយ៉ាងខ្លាំងចំពោះ ការបាញ់ប្រហារជាបន្តបន្ទាប់ លើជនស៊ីវិលកម្ពុជានៅក្នុងទឹកដីថៃ ដែលបានបណ្តាលឲ្យមាន ការស្លាប់បាត់បង់ជីវិត និង រងរបួសរាប់មិនអស់។ ការបាញ់ប្រហារលើជនស៊ីវិលកម្ពុជាដែលបណ្តាឲ្យស្លាប់ ឬប៉ះពាល់ ដល់រាយកាយដ៏ធ្ងន់ធ្ងរជាសកម្មភាពខុសច្បាប់ និងការរំលោភបំពានយ៉ាងធ្ងន់ធ្ងរដល់សិទ្ធិជន រងគ្រោះ។
-
មន្រ្តីពន្ធនាគារ ត្រពាំងថ្លុង វាយអ្នកទោសរបួស ជាង៦០ថ្នេរ ព្រោះរឿងផ្លែស្វាយ
កំពង់ចាមៈ មន្រ្តីពន្ធនាគារត្រពាំងថ្លុង ក្នុងខេត្តកំពង់ ចាមម្នាក់ ត្រូវបានគេរាយការណ៍ថា បានប្រើអំពើ ហិង្សាវាយដំលើអ្នកទោសយ៉ាងចាស់ដៃរងរបួសរហូត ដល់ទៅ ៦០ថ្នេរ ព្រោះខឹងអ្នកទោស យកផ្លែស្វាយ ដែលរើសបានចូលក្នុងពន្ធនាគារ។ ប្រភពពីអ្នកដែលបានឃើញហេតុការណ៍ផ្ទាល់នឹងភ្នែក បានទូរស័ព្ទមកកាន់មជ្ឈមណ្ឌលព័ត៌មានដើមអម្ពិលនា រសៀលថ្ងៃទី២៨ ខែមេសា ឆ្នាំ២០១៣ រៀបរាប់ថា រឿងហេតុអំពើហិង្សាលើអ្នកទោសខាងលើនេះ បានកើតឡើង នៅក្នុងពន្ធនាគារតែម្តង ពោលពីក្រុមអ្នកទោស ដែលជិតរួចទោសជាច្រើននាក់ ត្រឡប់មកពីបណ្តុះកូនកៅស៊ូនៅ ក្នុងចំការកៅស៊ូមួយកន្លែង ក្នុងខេត្តកំពង់ចាម។
-
បទវិភាគ៖ ខ្មែរនៅតែរងគ្រោះដោយសារឈើគ្រញូងឬយ៉ាងណា?
ជាច្រើនឆ្នាំមកហើយដែលពលរដ្ឋខ្មែរចំណាកស្រុកពីខេត្តផ្សេងៗ ទៅរស់នៅតំបន់ទល់ដែនខ្មែរ-ថៃ នៅតែចិញ្ចឹមចិត្តឆ្លងដែនខុសច្បាប់ ទៅស៊ីឈ្នួលកាប់ឈើគ្រញូងក្នុងទឹកដីថៃ ជាប់ព្រំដែនខ្មែរដដែល បើទោះបីជារបរនេះប្រឈមនឹងការស្លាប់រស់យ៉ាងណាក៏ដោយ។ នៅប៉ុន្មានខែមុននេះ នាយករដ្ឋមន្ត្រីខ្មែរក៏ធ្លាប់បានអំពាវនាវឲ្យពលរដ្ឋបញ្ឈប់សកម្មភាពរកស៊ីឆ្លងដែនខុសច្បាប់ ឬរកស៊ីប្ដូរជីវិតនឹងគ្រាប់កាំភ្លើងរបស់ថៃនេះ។ គ្រញូងជាឈើប្រណិតមួយប្រភេទដែលគេឲ្យតម្លៃស្ទើរតែស្មើនឹងមាស ឬក្រុមឈ្មួញគេឲ្យឈ្មោះថា "មាសខ្មៅ"។ បញ្ហាឈើគ្រញូងនេះនៅតែបន្តឆក់យកអាយុជីវិតពលរដ្ឋខ្មែរដែលផ្សងវាសនាតាមខ្សែបន្ទាត់ព្រំដែនថៃ ពីមួយថ្ងៃទៅមួយថ្ងៃឥតឈប់ឈរ។
-
ព្រឹត្តិការណ៍ប្រចាំសប្ដាហ៍នៅសាលាក្ដីខ្មែរក្រហម
ព្រឹត្តិការណ៍សំខាន់ៗទាក់ទងនឹងសាលាក្ដីខ្មែរក្រហមនៅក្នុងសប្ដាហ៍នេះ គឺអង្គជំនុំជម្រះសាលាដំបូងធ្វើសវនាការពិនិត្យភស្តុតាងលើសំណុំរឿង ០០២ ស្លាស់ ០១ (002/01) ជាបន្ត ដោយស្ដាប់សាក្សីដែលសុទ្ធតែជាអតីតអ្នកតស៊ូខ្មែរក្រហម ចាប់តាំងពីដើមទសវត្សឆ្នាំ១៩៧០ មក។ បន្ទាប់ពីការសម្រាកបុណ្យចូលឆ្នាំខ្មែរកាលពីសប្ដាហ៍មុន នៅព្រឹកថ្ងៃទី២២ ខែមេសា ដើមសប្ដាហ៍នេះ អង្គជំនុំជម្រះសាលាដំបូង បន្តធ្វើសវនាការស្ដាប់សាក្សីជាអតីតអ្នកតស៊ូខ្មែរក្រហម ឈ្មោះ ឈូក រីន ដែលជាអតីតសមាជិកបក្សកុម្មុយនិស្តកម្ពុជា និងជាអតីតមេបញ្ជាការកងទ័ពខ្មែរក្រហមមួយរូប នៅខេត្តកំពត តាំងពីដើមទសវត្សឆ្នាំ១៩៧០។
-
អ្នកភូមិនៅរតនគិរីចោទក្រុមហ៊ុនម៉ែនសារុនបន្តបំពានឈូសឆាយដី
ក្រុមសហគមន៍ជនជាតិដើមភាគតិចមួយក្រុមថ្មីទៀត អះអាងថា ក្រុមហ៊ុនសម្បទានសេដ្ឋកិច្ច ម៉ែន សារុន ឬក្រុមហ៊ុន ៧២ បានឈូសឆាយតំបន់ព្រៃការពាររបស់សហគមន៍។ អ្នកភូមិចោទប្រកាន់ថា ក្រុមហ៊ុននៅតែបំពានឈូសឆាយព្រៃ បើទោះជាសហគមន៍ និងមន្ត្រីមូលដ្ឋានភូមិឃុំ ស្នើសុំឲ្យក្រុមហ៊ុនផ្អាកការឈូសឆាយយ៉ាងណាក្ដី។ ក្រុមសហគមន៍អ្នកអភិរក្សព្រៃឈើភូមិតេន ឃុំយ៉ាទុង ស្រុកអូរយ៉ាដាវ ខេត្តរតនគិរី នៅថ្ងៃអាទិត្យ ទី២៨ ខែមេសា ឆ្នាំ២០១៣ អះអាងថា ព្រៃឈើដែលអ្នកភូមិការពារ និងអាស្រ័យផលតាមលក្ខណៈប្រពៃណីជនជាតិដើមភាគតិច ត្រូវក្រុមហ៊ុនសម្បទានសេដ្ឋកិច្ចឈ្មោះ គ្លបល ធិច រ៉ាម៉ាខ្មែរ អន្តរជាតិនិងមិត្តភាព ម៉ែន សារុន (Global Tech Sd., Bhd. Rama Khmer International and Men Sarun Friendship) ឈូសឆាយពង្រីកយកដី។
-
ខ្មែរ៧នាក់ស្លាប់ដោយសារទាហានថៃបាញ់
ប្រភពពីមន្ត្រីយោធាខ្មែរនៅតាមព្រំដែនខេត្តឧត្តរមានជ័យ បានអះអាងថា យ៉ាងហោចណាស់មានប្រជាពលរដ្ឋខ្មែរចំនួន ៧នាក់បានស្លាប់ ដោយសារទាហានថៃ នៃខេត្តស៊ីសាកេត បាញ់រះ កាលពីយប់ថ្ងៃទី២៥ ខែមេសា កន្លងទៅ។ ការបាញ់រះនោះ នៅពេលដែលប្រជាពលរដ្ឋខ្មែរប្រមាណ ៥០នាក់ បាននាំគ្នាឆ្លងកាត់ព្រំដែនម្ដុំចំណុចភូមិអូរស្វាយ នៃស្រុកត្រពាំងប្រាសាទ ខេត្តឧត្តរមានជ័យ ចូលជ្រៅទៅក្នុងទឹកដីថៃ ដើម្បីកាប់ឈើគ្រញូង។ មន្ត្រីយោធានៃការិយាល័យទី២ មួយរូប ប្រចាំខេត្តឧត្តរមានជ័យ ដែលសុំមិនបញ្ចេញឈ្មោះ បានមានប្រសាសន៍កាលពីរសៀលថ្ងៃអាទិត្យ ទី២៨ ខែមេសា ថា លោកទទួលបានព័ត៌មានថា ទាហានថៃ នៃស្រុកឃុនហាន ខេត្តស៊ីសាកេត នៅទល់មុខគ្នានឹងភូមិអូរស្វាយ ឃុំអូរស្វាយ ស្រុកត្រពាំងប្រាសាទ ខេត្តឧត្តរមានជ័យ របស់ខ្មែរ បានបាញ់រះកាលពីវេលាម៉ោងប្រមាណជា ១១យប់ថ្ងៃទី២៥ ខែមេសា។ ការបាញ់រះនោះបណ្ដាលឱ្យប្រជាពលរដ្ឋខ្មែរដែលឆ្លងដែនទៅកាប់ឈើគ្រញូងចំនួន ៧នាក់ស្លាប់៖ «យើងទទួលបានអត្តសញ្ញាណប្រជាពលរដ្ឋស្លាប់ហ្នឹង នៅខេត្តកំពង់ធំ ២នាក់ ខេត្តកំពត ម្នាក់ និងខេត្តកំពង់ស្ពឺ ម្នាក់ ហើយនៅ ៣នាក់ទៀត យើងមិនទាន់ដឹងថា នៅស្រុកណាខេត្តណា ព្រោះការសម្លាប់នោះគឺជម្រៅ ៧-៨គីឡូម៉ែត្រចូលក្នុងដីថៃ។ ចំណុចកន្លែងបាញ់នៅក្នុងភូមិសាស្ត្រស្ទឹងច័ន្ទ ខាងកើតស្ពាន ១០០»។
គាំទ្រដោយ
