កំពុងស្វែងរកទិន្នន័យ
រកឃើញ: 13.209
-
មជ្ឈមណ្ឌលសិទ្ធិមនុស្សកម្ពុជា ទទួលបានពានរង្វាន់ថ្មី
មជ្ឈមណ្ឌលសិទ្ធិមនុស្សកម្ពុជា (ម.ស.ម.ក) នៅថ្ងៃទី៩មេសានេះ បានសេចក្ដីថ្លែងការណ៍របស់ខ្លួន ជាមួយភាពរីករាយទទួលបានពានរង្វាន់ បណ្តាញទំនាក់ទំនង សម្រាប់ការផ្លាស់ប្តូរ សង្គមប្រចាំឆ្នាំ២០១៣។ យោងតាមសេចក្តីថ្លែងការណ៍របស់ ម.ស.ម.ក បានឲ្យដឹងថា ពានរង្វាន់មួយនេះត្រូវបានផ្ដល់ដោយមជ្ឈមណ្ឌលទំនាក់ទំនងនិងការផ្លាស់ប្ដូរសង្គមក្នុងសាលាវិជ្ជា ជីវៈសារព័ត៌មាន និងទំនាក់ទំនងនៃសាកលវិទ្យាល័យឃ្វីនលែន ទីក្រុងប្រ៊ីសបេននៃប្រទេសអូស្ត្រាលី។
-
ពលរដ្ឋស្នើអាជ្ញាធរទប់ស្កាត់សកម្មភាពកាប់ឈើអនាធិបតេយ្យនៅរតនគិរី
បន្ទាប់ពីរាជរដ្ឋាភិបាលផ្តល់ដីសម្បទានសេដ្ឋកិច្ចនៅក្នុងតំបន់អភិរក្សដែនជម្រកសត្វព្រៃ និងក្នុងតំបន់សួនឧទ្យានជាតិមួយចំនួនមក មានសេចក្តីរាយការណ៍ថា នៅឯតំបន់ដែនជម្រកសត្វព្រៃស្រុកលំផាត់ ខេត្តរតនគិរី ឈើមូលរាប់ម៉ឺនដើម ត្រូវបានគេកាប់ ហើយអារច្រៀកភ្លាមៗនាំចេញពីព្រៃ ដោយគ្មានការទប់ស្កាត់។
-
កូនកំលោះជិតដល់ថ្ងៃរៀបការចាប់ក្មេងស្រីអាយុ១៣ឆ្នាំទៅឃ្វាលគោរំលោភសេពសន្ថវៈ
ខេត្តកំពង់ចាម ៖ កូនកំលោះដែលគ្រោងនឹងចូលរោងការក្នុងពេលខាងមុខឆាប់ៗឈ្មោះឃន ពិសី អាយុ២៣ឆ្នាំ រស់នៅភូមិជាចជើង ឃុំជាច ស្រុកកំចាយមារ ខេត្តព្រៃវែង ត្រូវបានកម្លាំងនគរបាលប៉ុស្តិ៍រដ្ឋបាលឃុំដូនតីធ្វើការចាប់ខ្លួន កាលពីវេលាម៉ោងប្រហែលជា៣រសៀលថ្ងៃទី៨ មេសា ២០១៣ ។ ដោយសារតែបានចាប់ក្មេងស្រីអាយុ១៣ឆ្នាំ រស់នៅឃុំដូនតី ស្រុកពញាក្រែក រំលោភសេពសន្ថវៈ រហូតដល់បានសម្រេច ខណៈពេលដែលក្មេងស្រីរងគ្រោះទៅដឹកគោនៅវាលស្រែខាងក្រោយភូមិ ។
-
ចូលចាប់អោបផ្តួលនាងលើគ្រែក្នុងបន្ទប់នាងរើរួចប្តឹងប៉ូលិសចាប់ខ្លួន
ខេត្តកណ្តាល ៖ បុរសម្នាក់បានត្រូវប៉ូលិសស្រុកស្អាង ចាប់ខ្លួនកាលពីថ្ងៃទី៩ មេសា ២០១៣ និងកសាងសំណុំរឿងបញ្ជូនមកកាន់ស្នងការដ្ឋាននគរបាលខេត្តកាលពីព្រឹកថ្ងៃទី១០ មេសា ដើម្បីចាត់ការបន្តតាមផ្លូវច្បាប់ បន្ទាប់ពីបុរសនោះបានធ្វើសកម្មភាពចូលក្នុងបន្ទប់ផ្ទះជួលរបស់កម្មការិនីម្នាក់ ហើយចាប់អោបនាងផ្តួលលើគ្រែប៉ុនប៉ងរំលោភ ប៉ុន្តែត្រូវនាងស្រែកឆោឡោក៏ខកខានវិញ ។ ហេតុការណ៍ប៉ុនប៉ងរំលោភនេះកើតឡើងកាលពីវេលាម៉ោង៨យប់ថ្ងៃទី៧ មេសា ២០១៣ នៅក្នុងបន្ទប់ផ្ទះជួល ស្ថិតក្នុងឃុំសិត្បូ ស្រុកស្អាង។
-
គណបក្សប្រឆាំង គ្រោងធ្វើបាតុកម្ម នៅថ្ងៃទី២៤មេសា ជំរុញឲ្យ គ.ជ.ប ប្រកាន់ជំហរឯករាជ្យ
គណបក្សសង្គ្រោះជាតិ ដែលកើតឡើងពីគណបក្សសមរង្ស៊ី និងគណបក្សសិទ្ធិមនុស្ស គ្រោងនឹងធ្វើបាតុកម្ម នៅថ្ងៃទី២៤ខែមេសា ខាងមុខ ដើម្បីដាក់សម្ពាធឲ្យគណៈកម្មាធិការជាតិរៀបចំការបោះឆ្នោត(គ.ជ.ប) ប្រកាន់ជំហរឯករាជ្យ។ ការធ្វើបាតុកម្មនេះ ធ្វើឡើងបន្ទាប់ពីគណបក្សប្រឆាំងមួយនេះ យល់ឃើញថា គ.ជ.ប មិនស្ថិតនៅជំហរឯករាជ្យ និងមានទំនោរទៅរកគណបក្សកាន់អំណាច គឺគណបក្សប្រជាជនកម្ពុជា។
-
ប្រជាសហគមន៍ភូមិអណ្តូងរងការបង្ខំឲ្យរុះរើផ្ទះ
ប្រជាពលរដ្ឋនៅភូមិអណ្តូង៤ សង្កាត់គោករកា ខណ្ឌពោធិ៍សែនជ័យ រាជធានីភ្នំពេញ រងការបង្ខំឲ្យផ្តិចមេដៃពីអង្គការមួយឈ្មោះ People for Care and Learning ឲ្យរុះរើលំនៅឋាន។ តាមការជូនដំណឹងរបស់មជ្ឈមណ្ឌលសិទ្ធិមនុស្សកម្ពុជា បានឲ្យដឹងថា អង្គការឈ្មោះ People for Care and Learning ដែលហៅកាត់ PCL បានបង្ខំឲ្យប្រជាពលរដ្ឋផ្តិចមេដៃ ឬ ចុះហត្ថលេខា រើផ្ទះចេញ ដើម្បីសាងសង់ឲ្យថ្មីតែប្រជាពលរដ្ឋមិនព្រម។ អ្នកសម្របសម្រួលគម្រោងកំណែរទម្រង់ដីធ្លី លោក វណ្ណ សុផាត បានឲ្យដឹងថា នៅថ្ងៃទី០៨ និងទី០៩ ខែមេសានេះ អង្គការ People for Care and Learning កំពុងបានបង្ខំឲ្យប្រជាពលរដ្ឋផ្តិតឬ ចុះហត្ថលេខារុះរើផ្ទះ។
-
ក្រុមសកម្មជនកម្ពុជាស្នើឲ្យសហភាពអឺរ៉ុប និងឥណ្ឌាផ្អាកកិច្ចព្រមព្រៀងស្តីពីឱសថ
ក្រុមសកម្មជន ដែលជាបណ្តាញសហគមន៍ស្ត្រី និងភេទទី៣ មកពី១៣ស្ថាប័នផ្សេងគ្នា ស្នើឲ្យសហភាពអឺរ៉ុបនិងស្ថានទូតឥណ្ឌាប្រចាំកម្ពុជា ផ្អាកកិច្ចព្រមព្រៀងពាណិជ្ជកម្មសេរីស្តីពីឱសថមូលដ្ឋាន ដែលនឹងអនុវត្តនៅពេលខាងមុខ។ តាមញត្តិតវ៉ា ដាក់ជូនសហភាពអឺរ៉ុបជិតផ្ទះលោកនាយករដ្ឋមន្ត្រី ហ៊ុន សែន នាព្រឹកថ្ងៃអង្គារ ទី០៩ ខែមេសានេះ បង្ហាញថា ក្រុមសកម្មជនប្រមាណជា៨០នាក់នោះ គឺពួកគេមកពីសកម្មជនបរិស្ថាន អ្នករកស៊ីផ្លូវភេទ ស្ត្រីផ្ទុកមេរោគអេដស៍ ក្រុមភេទទី៣ ស្ត្រីបម្រើសេវាកំសាន្ត និងកម្មករ។
-
មជ្ឈមណ្ឌលសិទ្ធិមនុស្សឈ្នះពានរង្វាន់ការផ្លាស់ប្ដូរសង្គមពីអូស្ត្រាលី
មជ្ឈមណ្ឌលសិទ្ធិមនុស្សកម្ពុជា ឈ្នះពានរង្វាន់ផ្នែកគេហទំព័រ ឬវែបសាយ (Website )ពីសកលវិទ្យាល័យឃ្វីនលែន (University of Queensland) ប្រទេសអូស្ត្រាលី ស្ដីពីបណ្ដាញទំនាក់ទំនងការផ្លាស់ប្ដូរសង្គមប្រចាំឆ្នាំ២០១៣។
-
គេហទំព័រ អំពីសិទ្ធិមនុស្ស កម្ពុជារបស់ CCHRទទួល បានពានរង្វាន់ ពីប្រទេស អូស្រ្តាលី
ភ្នំពេញ៖ គេហទំព័រអំពី សិទ្ធិមនុស្សកម្ពុជា របស់មជ្ឈមណ្ឌល សិទ្ធិមនុស្សកម្ពុជា (CCHR) ទទួលបានពានរង្វាន់ បណ្តាញទំនាក់ទំនង សម្រាប់ការផ្លាស់ប្តូរ សង្គមប្រចាំឆ្នាំ២០១៣ របស់មជ្ឈមណ្ឌលនិង ការផ្លាស់ប្តូរសង្គម ក្នុងសាលាវិជ្ជាជីវៈ សារព័ត៌មាន ព្រមទាំងទំនាក់ទំនងនៃ សាកលវិទ្យាល័យឃ្វីនលែន នៅទីក្រុងប្រ៊ីសបេន ប្រទេសអូស្រ្តាលី។
-
ពលករជាង៣០នាក់ធ្វើការនៅថៃសុំឲ្យជួយនាំពួកគាត់មកស្រុកវិញ
ពលករស្របច្បាប់ជាង ៣០នាក់ ដែលចេញទៅធ្វើការនៅប្រទេសថៃ តាមរយៈក្រុមហ៊ុននាំពលករឈ្មោះ ទូច ម៉ាណាក់ មេនផៅវ័រ សឹបផ្លាយ (TOUCH MANAK MANPOWER SUPPLY Co., Ltd.) បានចោទថា ក្រុមហ៊ុននោះលក់ពួកគាត់ជាទាសករដំឡើងឆាកតន្ត្រីនៅស្រុកមួយនៃប្រទេសថៃ។ តំណាងពលករឈ្មោះ សឹម ពិសិទ្ធ ថ្លែងប្រាប់ពីប្រទេសថៃ កាលពីថ្ងៃទី៩ ខែមេសា ថា ពួកគាត់ជាពលករស្របច្បាប់ ដែលមានកាន់លិខិតឆ្លងដែនត្រឹមត្រូវទៅធ្វើការនៅប្រទេសថៃ កាលពីថ្ងៃទី៤ ខែមីនា ឆ្នាំ២០១៣ តាមរយៈក្រុមហ៊ុននាំពលករឈ្មោះ ទូច ម៉ាណាក់ មេនផៅវ័រ សឹបផ្លាយ។
-
ធនាគារពិភពលោកសន្យារកដំណោះស្រាយជម្លោះដីធ្លីតំបន់បឹងកក់
តំណាងអ្នកភូមិតំបន់បឹងកក់ អ្នកស្រី ទេព វន្នី និងមន្ត្រីអង្គការសង្គមស៊ីវិល បានបញ្ចប់យុទ្ធនាការស្វែងរកដំណោះស្រាយជម្លោះដីធ្លីនៅតំបន់បឹងកក់ នៅសហរដ្ឋអាមេរិក នៅដើមសប្ដាហ៍នេះ។ ក្នុងយុទ្ធនាការនោះ សកម្មជនដីធ្លីទាំងនោះបានជួបមន្ត្រីក្រសួងការបរទេស សហរដ្ឋអាមេរិក និងមន្ត្រីធនាគារពិភពលោក ស្នើសុំអន្តរាគមន៍ដោះស្រាយជម្លោះដី និងដោះលែងសកម្មជនដីធ្លីពីពន្ធនាគារ។
-
ក្រុមគ្រួសារអតីតមេប៉ុស្តិ៍បរថ្មីរងការគំរាមប្ដឹងដាក់គុក
ក្រុមគ្រួសារអតីតមន្ត្រីប៉ូលិសមេប៉ុស្តិ៍បរថ្មី ដែលត្រូវបានស្នងការនគរបាលខេត្តប៉ៃលិន បញ្ចប់ពីតួនាទី និងបន្តដាក់ឲ្យស្ថិតក្រោមការឃ្លាំមើលយ៉ាងតឹងរ៉ឹង និយាយថា ពួកគាត់ត្រូវរងការគំរាមកំហែងដាក់ពន្ធនាគារ ប្រឆាំងនឹងការដែលក្រុមគ្រួសារនេះនៅតែបន្តធ្វើកសិកម្មលើដីដែលត្រូវបាននគរបាលការពារព្រំដែនលេខ៨២១ ចាត់ទុកថាជាតំបន់ស។
-
សកម្មជនការពារព្រៃឈើខេត្តក្រចេះ២នាក់រងការគំរាមសម្លាប់
តំណាងសកម្មជនការពារព្រៃឈើ ២នាក់ នៅស្រុកស្នួល ខេត្តក្រចេះ រងការគំរាមកំហែងពីឈ្មួញព្រៃឈើ។ មន្ត្រីសិទ្ធិមនុស្សឲ្យដឹងថា ការគំរាមនេះ បន្ទាប់ពីតំណាងទាំងពីរបានដឹកនាំប្រជាសហគមន៍ចូលព្រៃចាប់បានសម្ភារៈបទល្មើសព្រៃឈើ និងដុតបំផ្លាញឈើប្រណិតជនល្មើសជាច្រើនម៉ែត្រគូបរួចមក។ តំណាងសហគមន៍ការពារព្រៃឈើឃុំឃ្សឹម ស្រុកស្នួល លោកស្រី មុំ សុគីម និងលោក សន ស៊ីយាន កំពុងភ័យខ្លាច និងមកលាក់ខ្លួននៅទីក្រុងភ្នំពេញ គេចពីការគំរាមសម្លាប់ដោយឈ្មួញព្រៃឈើខេត្តក្រចេះ តាមរយៈការបោះពាក្យសម្ដី និងគំរាមតាមទូរស័ព្ទ។
-
អ្នកភូមិនៅមណ្ឌលគិរីចោទក្រុមហ៊ុនសម្បទានថាឈូសរំលោភយកដី
ប្រជាពលរដ្ឋ ៣៧គ្រួសារ រស់នៅភូមិឆ្នែង ឃុំស្រែខ្ទុំ ស្រុកកែវសីមា ខេត្តមណ្ឌលគិរី ចោទប្រកាន់ក្រុមហ៊ុនសម្បទានសុវណ្ណរាជសី ថាបានឈូសឆាយផលដំណាំ និងរំលោភយកដីអ្នកភូមិផ្ទុយទៅនឹងគោលនយោបាយចេញប័ណ្ណកម្មសិទ្ធិជូនប្រជាពលរដ្ឋអ្នកកាន់កាប់ដីជាក់ស្ដែងនៅក្នុងបរិវេណដីក្រុមហ៊ុនសម្បទានសេដ្ឋកិច្ច។
-
ប្រុសប្រកែកខាងស្រីប្រកាន់ ជាប់ចោទរំលោភអ្នកមេម៉ាយ ចាប់ខ្លួននៅស្រុកកោះអណ្តែត
ខេត្តតាកែវ ៖ ជនសង្ស័យម្នាក់ បានត្រូវប៉ូលិសស្រុកកោះអណ្តែតឃាត់ខ្លួនតាមពាក្យបណ្តឹងរបស់សាច់ញាតិស្ត្រីមេម៉ាយម្នាក់ដោយចោទប្រកាន់ពីបទធ្វើសកម្មភាពចាប់រំលោភខណៈដែលស្ត្រីរងគ្រោះនៅតែម្នាក់ឯង តែសកម្មភាពនេះត្រូវបងប្អូនស្ត្រីរងគ្រោះទាន់ក៏មានការឆោឡោឡើង ហើយប្តឹងប៉ូលិសឱ្យចាប់ខ្លួន ។ ការចាប់ខ្លួនបានធ្វើឡើងកាលពីថ្ងៃទី៦ មេសា វេលាម៉ោង៧និង៤០នាទីព្រឹក នៅឃុំក្រពុំឈូក ស្រុកកោះអណ្តែត ។
-
សហគមន៍ចោទក្រុមហ៊ុន ទ្រី ភាព កាប់ឈើនៅព្រះវិហារ
បណ្ដាញសហគមន៍ការពារព្រៃឡង់ មានគម្រោងនឹងប្រមូលផ្ដុំគ្នាធ្វើយុទ្ធនាការដើរល្បាតការពារព្រៃឈើជាថ្មីទៀត ចាប់ពីតំបន់ឃុំរៀបរយ នៃស្រុករវៀង ខេត្តព្រះវិហារ រហូតទៅដល់ព្រៃឡង់ ក្នុងភូមិសាស្ត្រស្រុកសណ្ដាន់ ខេត្តកំពង់ធំ។ សហគមន៍ការពារព្រៃឈើខេត្តព្រះវិហារ បានចោទប្រកាន់ថា ក្រុមហ៊ុនមួយរបស់លោកឧកញ៉ា ទ្រី ភាព កំពុងតែកាប់ឈើយ៉ាងខ្លាំងនៅក្នុងតំបន់ពួកគេរស់នៅដែលគួរឱ្យព្រួយបារម្ភដល់ការវិនាសហិនហោចព្រៃឈើក្នុងពេលឆាប់ៗ។ តំណាងសហគមន៍ព្រៃឈើ ស្រុករវៀង នៃខេត្តព្រះវិហារ គឺលោក ស្វាយ ភឿន។ លោកបានមានប្រសាសន៍កាលពីរសៀលថ្ងៃអាទិត្យ ទី៧ ខែមេសា ថា ក្រុមហ៊ុនឧកញ៉ា ទ្រី ភាព បានទទួលដីសម្បទានសេដ្ឋកិច្ចមួយចំនួននៅតំបន់ដែនជម្រកសត្វព្រៃបឹងពែរ ក៏ប៉ុន្តែក្រុមហ៊ុននេះបែរជាទៅកាប់ឈើប្រណីតៗ ពីព្រៃនៃភូមិបឹងកន ក្នុងឃុំរៀបរយ ស្រុករវៀង ដែលនៅក្រៅតំបន់ដីសម្បទានសេដ្ឋកិច្ចរបស់ខ្លួនទៅវិញ។
-
ទាហានសៀមបាញ់ពលរដ្ឋខ្មែរចូលកាប់ឈើគ្រញូងរបួស១ ចាប់ខ្លួន២ រត់រួច១០នាក់
ខេត្តបាត់ដំបង ៖ ប្រភពព័ត៌មានពីស្រុកសំឡូតបានរាយការណ៍ថា ប្រជាពលរដ្ឋខ្មែរចំនួន១៣នាក់ ត្រូវទាហានឈុតខ្មៅសៀមដេញបាញ់ កាលពីជិតពាក់កណ្ដាលអធ្រាត្រថ្ងៃទី៥ មេសា ២០១៣ គ្រាដែលពួកគេនាំគ្នាលួចចូលទៅកាប់ឈើគ្រញូងក្នុងទឹកដីនៃប្រទេសសៀមដោយខុសច្បាប់។
-
អង្គភាពប្រឆាំងអំពើពុករលួយឃាត់ខ្លួនមន្ត្រីខេត្តពោធិ៍សាត់៣រូប
អង្គភាពប្រឆាំងអំពើពុករលួយរបស់រាជរដ្ឋាភិបាល បានឃាត់ខ្លួនមន្ត្រី ៣រូប នៃមន្ទីរសង្គមកិច្ច និងអតីតយុទ្ធជនខេត្តពោធិ៍សាត់ បញ្ជូនទៅសាលាដំបូងខេត្ត។ បន្ទាប់ពីធ្វើការសាកសួរបឋម មន្ត្រី ២រូបនៃមន្ទីរសង្គមកិច្ចខេត្តពោធិ៍សាត់ ត្រូវបានសាលាដំបូងខេត្តពោធិ៍សាត់ សម្រេចឃុំខ្លួនបណ្ដោះអាសន្ន និងមួយរូបទៀតត្រូវបានសម្រេចឲ្យរួចពីការឃុំខ្លួន បន្ទាប់ពីអង្គភាពប្រឆាំងអំពើពុករលួយរបស់រាជរដ្ឋាភិបាលបានចាប់ខ្លួន និងបញ្ជូនមកឲ្យតុលាការសម្រេច។ ព្រះរាជអាជ្ញាអមសាលាដំបូងខេត្តពោធិ៍សាត់ លោក តន់ សីហតេជៈ បានឲ្យដឹងនៅរសៀលថ្ងៃទី៧ ខែមេសា ថា តាមការស៊ើបសួរបឋម តំណាងអយ្យការសាលាដំបូងខេត្តសម្រេចចោទប្រកាន់មន្ត្រីនៃមន្ទីរសង្គមកិច្ចខេត្តពោធិ៍សាត់ ២រូប និងសម្រេចមិនចោទប្រកាន់មន្ត្រីមួយរូប ដោយសាររកមិនឃើញកំហុស៖ «បានចោទប្រកាន់ និងធ្វើការឃុំខ្លួនរួចហើយ។ ៣នាក់ តែយើងចោទប្រកាន់តែ ២នាក់ទេ ម្នាក់ទៀតយើងសម្រេចមិនចោទប្រកាន់ទេ...»។
-
យោធិនចូលនិវត្តន៍នៅកំពតទាមទារឲ្យអាជ្ញាធរផ្ដល់ដី
យោធិនចូលនិវត្តន៍ជិត ១០០គ្រួសារដែលកំពុងរស់នៅលើដីនៃកងពលតូចអន្តរាគមន៍លេខ ១១ ក្នុងឃុំជ្រេស ស្រុកជុំគីរី ខេត្តកំពត អំពាវនាវឲ្យអាជ្ញាធរពាក់ព័ន្ធ និងលោកនាយករដ្ឋមន្ត្រីឲ្យចាត់វិធានការផ្ដល់ដីធ្លីដល់ពួកគាត់ឲ្យដូចការសន្យាកាលពីឆ្នាំ២០០៩ គឺនៅពេលពួកគាត់ដល់អាយុចូលនិវត្តន៍។ ក្រុមយោធិនចូលនិវត្តន៍ស្នើឲ្យអាជ្ញាធរ ជាពិសេសលោកនាយករដ្ឋមន្ត្រី ហ៊ុន សែន ឲ្យអន្តរាគមន៍ផ្ដល់ដីដល់ពួកគាត់ឲ្យបានមុនការបោះឆ្នោតជ្រើសរើសតំណាងរាស្ត្រចូលមកដល់ ដោយសំអាងថា ពួកគេអាចប្រឈមនឹងគ្មានដីធ្លី ប្រសិនបើការបោះឆ្នោតអាណត្តិថ្មីនេះបញ្ចប់។
-
ពលរដ្ឋនៅក្រចេះចោទអាជ្ញាធរឈូសឆាយដីអ្នកភូមិ
ប្រជាពលរដ្ឋរស់នៅខេត្តក្រចេះ ចោទប្រកាន់មន្ត្រីអាជ្ញាធរខេត្តថា បានយកគ្រឿងចក្រទៅឈូសឆាយលើដីចម្ការអ្នកភូមិ ដើម្បីពង្រីកយកដីសម្រាប់ប្រគល់ឲ្យក្រុមយោធិនពិការ ក៏ប៉ុន្តែមន្ត្រីអាជ្ញាធរស្រុកអះអាងថា ការឈូសឆាយនោះមិនប៉ះពាល់ដីស្រែចម្ការអ្នកភូមិដូចការចោទនោះឡើយ។ ខ្មែរ | ព័ត៌មានថ្មីៗ | ដីធ្លី ពលរដ្ឋនៅក្រចេះចោទអាជ្ញាធរឈូសឆាយដីអ្នកភូមិ ប្រជាពលរដ្ឋរស់នៅខេត្តក្រចេះ ចោទប្រកាន់មន្ត្រីអាជ្ញាធរខេត្តថា បានយកគ្រឿងចក្រទៅឈូសឆាយលើដីចម្ការអ្នកភូមិ ដើម្បីពង្រីកយកដីសម្រាប់ប្រគល់ឲ្យក្រុមយោធិនពិការ ក៏ប៉ុន្តែមន្ត្រីអាជ្ញាធរស្រុកអះអាងថា ការឈូសឆាយនោះមិនប៉ះពាល់ដីស្រែចម្ការអ្នកភូមិដូចការចោទនោះឡើយ។ ដោយ រដ្ឋា វីសាល 2013-04-04 អ៊ីម៉ែល មតិ ចែករំលែក បោះពុម្ព បោះពុម្ព ចែករំលែក មតិ អ៊ីម៉ែល ស្ដាប់ ឬ ទាញយកសំឡេង ស្តាប់សំឡេង ថតសំឡេង ប្រជាពលរដ្ឋរស់នៅភូមសំបួរ ឃុំស្វាយជ្រះ ស្រុកស្នួល ខេត្តក្រចេះ ប្រមាណ ៣០ ទៅ ៤០នាក់ បាននាំគ្នាទៅរារាំងគ្រឿងចក្រពីរគ្រឿងរបស់អាជ្ញាធរខេត្ត ដែលកំពុងឈូសឆាយទៅលើដីចម្ការអ្នកភូមិ នៅព្រឹកថ្ងៃព្រហស្បតិ៍ ទី៤ ខែមេសា ឆ្នាំ២០១៣។ មិនមានអំពើហិង្សាអ្វីកើតឡើងនោះទេ ដោយសារអ្នកបញ្ជាគ្រឿងចក្របានយល់ព្រមបញ្ឈប់ការឈូសឆាយភ្លាមៗវិញ នៅពេលអ្នកតវ៉ាបានស្រែកគំរាមឲ្យគ្រឿងចក្របញ្ឈប់ការឈូសឆាយ ហើយក៏មិនមានក្រុមសមត្ថកិច្ចណាមកការពារសន្តិសុខ និងឃ្លាំមើលការតវ៉ានេះដែរ។
គាំទ្រដោយ
