កំពុងស្វែងរកទិន្នន័យ
រកឃើញ: 13.209
-
ពឹងឱ្យឌុបទៅទិញថ្នាំដូចហៅទៅឱ្យរំលោភក្នុងព្រៃដំឡូង
ខេត្ដក្រចេះ ៖ កម្លាំងនគរបាល ស្រុកព្រែកប្រសព្វបានឃាត់ខ្លួនបុរស ចំណាស់ម្នាក់ កាលពីព្រឹកថ្ងៃទី២៣ ខែ មីនា ដោយបុរសចំណាស់រូបនេះ បានធ្វើសកម្មភាពចាប់រំលោភសេព សន្ថវៈទៅលើនារីរងគ្រោះអាយុ១៩ឆ្នាំ ម្នាក់រហូតបានសម្រេចនៅក្នុងព្រៃ ចម្ការដំឡូង ខាងក្រោយឃុំចំបក់ ស្រុកព្រែកប្រសព្វ ខេត្ដក្រចេះ ។ នគរបាលស្រុកព្រែកប្រសព្វបានឱ្យ ដឹងថា ជនសង្ស័យដែលធ្វើសកម្មភាព ចាប់រំលោភសេពសន្ថវៈទៅលើនារីរង គ្រោះបានសម្រេចនោះ ឈ្មោះ ប្រាក់ តាងវ៉ាង អាយុ៥២ឆ្នាំ មានស្រុកកំណើត នៅឃុំខ្ពបតាងួន ស្រុកស្ទឹងត្រង់ ខេត្ដ កំពង់ចាម និងបានមកស្នាក់នៅធ្វើចម្ការ នៅចំណុចស្ទឹងធំ ក្នុងឃុំចំបក់ ស្រុក ព្រែកប្រសព្វ។ រីឯនារីរងគ្រោះអាយុ១៩ ឆ្នាំ មានទីលំនៅចំណុចខាងលើ ។
-
ស្ថានភាពសិទ្ធិបញ្ចេញមតិនិងទទួលព័ត៌មានរបស់ពលរដ្ឋខ្មែរកម្ពុជាក្រោម
សិទ្ធិសេរីភាពបញ្ចេញមតិ និងសិទ្ធិទទួលបានព័ត៌មានគ្រប់គ្រាន់របស់ប្រជាពលរដ្ឋខ្មែរកម្ពុជាក្រោមនៅកម្ពុជា និងនៅប្រទេសវៀតណាម ជាប្រធានបទពិភាក្សាមួយដ៏សំខាន់ ដែលគេបានលើកពិភាក្សានៅក្នុងសិក្ខាសាលាមួយនៅព្រឹកថ្ងៃទី២៥ មីនា ដែលបញ្ហារំលោភសិទ្ធិមនុស្សនេះ ប្រជាពលរដ្ឋខ្មែរកម្ពុជាក្រោមកំពុងតែប្រឈមនៅលើទឹកដីកំណើតរបស់ខ្លួន។
-
អង្គការលើកលែងទោសអន្តរជាតិ បើកយុទ្ធនាការដោះលែងអ្នកស្រី យ៉ោម បុប្ផា
សកម្មជនដីធ្លីនៅតំបន់បឹងកក់ អ្នកស្រី ទេព វន្នី ឲ្យដឹងថា អង្គការលើកលែងទោសអន្តរជាតិ បានបើកយុទ្ធនាការ អំពាវនាវឲ្យដោះលែងអ្នកស្រី យ៉ោម បុប្ផា ដែលកំពុងជាប់ពន្ធនាគារព្រៃស។ អ្នកស្រី យ៉ោម បុប្ផា ត្រូវសាលាដំបូងរាជធានីភ្នំពេញ ផ្តន្ទាទោសដាក់ពន្ធានាគារ៣ឆ្នាំ និងពិន័យជាប្រាក់សរុប៦០លានរៀល ចោទពីបទបង្កហិង្សាដោយចេតនា លើបុរសអ្នករត់ម៉ូតូឌុបពីរនាក់ កាលចុងឆ្នាំ២០១២។ ប៉ុន្តែសាលក្រមផ្តន្ទាទោសនេះ ត្រូវសង្គមស៊ីវិលជាតិ និងអន្តរជាតិ រិះគន់ថា មិនយុត្តិធម៌ និងអំពាវនាវឲ្យមានការដោះលែង។
-
នាយករដ្ឋមន្ត្រីថាបក្សប្រជាជនរក្សាស្ថិរភាពនយោបាយ
ប្រធានមជ្ឈមណ្ឌលសិទ្ធិមនុស្សកម្ពុជា (CCHR) លោក អ៊ូ វីរៈ បានថ្លែងថា បើសិនជាគណបក្សប្រជាជនកម្ពុជា ចាញ់ឆ្នោត ហើយសុខចិត្តផ្ទេរតំណែងតាមច្បាប់នោះ ប្រទេសកម្ពុជា នឹងមានស្ថិរភាពយូរអង្វែង៖ «មូលហេតុដោយសារប្រទេសដែលគាត់លើកឡើងហ្នឹង គឺជាប្រទេសមួយដែលអ្នកដែលកាន់អំណាចហ្នឹង គាត់ក្រាញពេក មនុស្សឈឺចាប់ គាត់ចង់ដូរ គាត់ឈឺចាប់មិនដឹងធ្វើម៉េច។ ហើយវាខុសគ្នានឹងប្រទេសកម្ពុជា ព្រោះប្រទេសកម្ពុជា មានការបោះឆ្នោតទៀងទាត់។ ខ្ញុំមើលទៅការវិភាគហ្នឹង វាអត់ត្រឹមត្រូវទេ លោក ហ៊ុន សែន គួរតែលើកពីប្រទេសដែលគេបោះឆ្នោតទៀងទាត់ ហើយគេដូរនាយករដ្ឋមន្ត្រីទៀងទាត់ ដូចជា ប្រទេសអូស្ត្រាលី ប្រទេសអាមេរិក ប្រទេសដែលជឿនលឿនក្នុងពិភពលោកច្រើន សុទ្ធតែជាប្រទេសប្រជាធិបតេយ្យ។ ប្រទេសដែលលោកលើកឡើងទាំងអស់ហ្នឹង គឺសុទ្ធតែប្រទេសផ្ដាច់ការ»។
-
លោក ហោ ណាំហុង៖ ការបោះឆ្នោតដោយសេរីនិងយុត្តិធម៌
រដ្ឋមន្ត្រីក្រសួងការបរទេសកម្ពុជា និងជាឧបនាយករដ្ឋមន្ត្រី លោក ហោ ណាំហុង នៅថ្ងៃទី២៦ ខែមីនា បានធានាអះអាងចំពោះមុខឯកអគ្គរដ្ឋទូតប្រទេសអូស្ត្រាលី ថា ការបោះឆ្នោតនៅកម្ពុជា នឹងប្រព្រឹត្តទៅដោយសេរី និងយុត្តិធម៌ បើទោះបីជាលោក សម រង្ស៊ី មិនមានវត្តមានក៏ដោយ។ លោក ហោ ណាំហុង បានមានប្រសាសន៍ប្រាប់អ្នកស្រី ភិននី រីឆាត (Penny Richards) ឯកអគ្គរដ្ឋទូតប្រទេសអូស្ត្រាលី ដែលចប់អាណត្តិការងារនៅកម្ពុជា ថា គ្មានហេតុផលណាមួយដែលថាការបោះឆ្នោតសកលនៅខែកក្កដា ខាងមុខនេះ គ្មានភាពសេរី និងយុត្តិធម៌នោះទេ បើទោះបីជាគ្មានការចូលរួមរបស់លោក សម រង្ស៊ី ពីព្រោះសំណុំរឿងរបស់លោក សម រង្ស៊ី នៅតុលាការកន្លងមក ជារឿងបុគ្គល និងជាសំណុំរឿងព្រហ្មទណ្ឌ ដែលមិនមែនជារឿងនយោបាយទេ។
-
បទយការណ៍៖ ទស្សនៈនិស្សិត និងជនបរទេស លើបញ្ហាសិទ្ធិមនុស្សនៅកម្ពុជា
សម្រាប់ ប្រធានមជ្ឈមណ្ឌលសិទ្ធិមនុស្សកម្ពុជា លោក អ៊ូ វីរៈ មានប្រសាសន៍ថា ការយល់ដឹងរបស់ពលរដ្ឋ ជាពិសេសយុវជនកម្ពុជា ពាក់ព័ន្ធនឹងសិទ្ធិមនុស្សនៅកម្ពុជា គឺនៅមានកម្រិតនៅឡើយ។ តែលោកសង្កេតឃើញថា ថ្មីៗនេះ យុវជនជាច្រើនបានចាប់ផ្តើមផ្តោតអារម្មណ៍ខ្លាំង និងចែករំលែកចំពោះព័ត៌មានដែលពួកគេ ទទួលបាននៅលើបណ្តាញទំនាក់ទំនងសង្គម និងប្រព័ន្ធអ៊ីនធើណែត។ លោកថា នេះគឺជាសញ្ញាណមួយនៃការចូលរួម លើកកម្ពស់សិទ្ធិមនុស្សនៅកម្ពុជា តែទោះជាយ៉ាងណាក៏ដោយ ការបំពានសិទ្ធិលើសិទ្ធិមនុស្សនៅកម្ពុជា នៅតែបន្តមាននៅពេលបច្ចុប្បន្ននេះ៖ ""
-
សហជីពនៅសៀមរាប ធ្វើកូដកម្ម ទាមទារឲ្យថៅកែសណ្ឋាគារ ទទួលយកបុគ្គលិកចូលធ្វើការវិញ
ក្រុមសហព័ន្ធសហជីពវិស័យទេសចរ និងសេវាកម្មកម្ពុជា ក្នុងខេត្តសៀមរាបជាង១០នាក់ នៅព្រឹកថ្ងៃអង្គារនេះ បន្ដធ្វើកូដកម្ម ទាមទារឲ្យថៅកែសណ្ឋាគារ ទទួលយកបុគ្គលិកចូលធ្វើការវិញ និងឲ្យបង់ប្រាក់រលឹកជូនកម្មករ ទៅតាមសេចក្ដីបង្គាប់ក្រុមប្រឹក្សាអាជ្ញាធរកណ្ដាល។ កូដកម្មនេះ ត្រូវបានធ្វើឡើង ចាប់ពីថ្ងៃទី៦ ខែមីនាឆ្នាំ២០១៣ រហូតដល់ថ្ងៃអង្គារនេះ នៅខាងមុខសណ្ឋាគារ អង្គរវីឡា រីសត ស្ថិតនៅភូមិទ្រាំង សង្កាត់ស្លក្រាម ក្រុងសៀមរាប បន្ទាប់ពីថៅកែរូបនោះ បញ្ឈប់ពួកគេអស់ពេលពីរឆ្នាំ ដោយពុំមានដំណោះស្រាយ។ ក្រុមសហជីព បានស្រែកនិងចាក់សំឡេងសូត្រធម៌ទៅកាន់អ្នកគ្រប់គ្រងសណ្ឋាគារនោះ តាមឧគ្ឃោសនស័ព្ទ ដើម្បីឲ្យនិយោជកចូលខ្លួនមកដោះស្រាយ និងគោរពច្បាប់ការងារ តាមធម៌ព្រះពុទ្ធ៖ ""
-
អតីតអ្នកបុរីកីឡាជាង១០០គ្រួសារ ដែលប្រឆាំងក្រុមហ៊ុនរឿងបណ្តេញចេញ បារម្ភពីការធ្វើឃាត
អ្នកភូមិជាង១០០គ្រួសារ នៅអតីតសហគមន៍បុរីកីឡា ខណ្ឌ៧មករា រាជធានីភ្នំពេញ អំពាវនាវឲ្យអាជ្ញាធរជួយការពារសុវត្ថិភាពពួកគេ ដោយចោទថា សន្តិសុខក្រុមផានអ៊ីម៉ិច គំរាមធ្វើឃាត ខណៈពួកគេមួយចំនួន មកបោះតង់នៅលើអតីតសហគមន៍ ដើម្បីទារសំណងពីក្រុមហ៊ុនផានអ៊ីម៉ិច រឿងបណ្តេញ។
-
សហព័ន្ធខ្មែរកម្ពុជាក្រោម៖ អាជ្ញាធរវៀតណាម នឹងដោះលែងពលរដ្ឋខ្មែរកម្ពុជាពីរនាក់
អាជ្ញាធរវៀតណាម គ្រោងដោះលែងពលរដ្ឋខ្មែរកម្ពុជាក្រោមពីរនាក់ ដែលសមត្ថកិច្ចបានឃាត់ខ្លួន កាលពីថ្ងៃអាទិត្យម្សិលមិញនេះ បន្ទាប់ពីរកឃើញថា ពួកគេមិនមានកំហុសអ្វីធ្ងន់ធ្ងរ ដូចការចោទប្រកាន់ ពាក់ព័ន្ធនឹងការដឹកនាំសកម្មភាពបះបោរខុសច្បាប់។ ប្រធានសាខាសហព័ន្ធខ្មែរកម្ពុជាក្រោមប្រចាំកម្ពុជា លោក តាំង សារៈ ឲ្យដឹងតាមរយៈព័ត៌មាន ដែលទទួលបានពីសហព័ន្ធខ្មែរកម្ពុជាក្រោមពិភពលោកថា អាជ្ញាធរវៀតណាមគ្រោងនឹងដោះលែងពលរដ្ឋខ្មែរកម្ពុជាក្រោមពីរនាក់នោះវិញ នៅថ្ងៃចន្ទនេះ បន្ទាប់ពីសមត្ថកិច្ច បានសាកសួរ ហើយរកឃើញថា ពួកគេមិនមានកំហុសអ្វីធ្ងន់ធ្ងរទេ ៖ "ការសន្និដ្ឋានរបស់អាជ្ញាធរគេ គឺថាមិនមានកំហុសអីធ្ងន់ធ្ងរទេ អញ្ចឹងប្រហែលជាថ្ងៃនេះគេនឹងដោះលែង អញ្ចឹងយើងខ្ញុំរងចាំព័ត៌មានថា តើគេដោះលែងថ្ងៃហ្នឹងមែន ឬមួយក៏យ៉ាងណា"។
-
ពលរដ្ឋប្រមាណ ៧០នាក់ប្រមូលផ្តុំមុខសាលាខេត្តកំពង់ចាម ស្នើសុំដោះស្រាយជម្លោះដីធ្លី
ប្រជាពលរដ្ឋមានជម្លោះដីធ្លីនៅស្រុកមេមត់ ខេត្តកំពង់ចាម ប្រមាណ ៧០នាក់ ប្រមូលផ្តុំគ្នានៅមុខសាលាខេត្ត ដើម្បីស្នើសុំកិច្ចអន្តរាគមន៍ ជួយដោះស្រាយជម្លោះដីធ្លី របស់ពួកគាត់ជាមួយក្រុមហ៊ុនដាំកៅស៊ូ។ ពលរដ្ឋម្នាក់ក្នុងចំណោមប្រជាពលរដ្ឋប្រមាណ ៧០នាក់ លោក សូត្រ សូវណ្ណវុទ្ធី បានឲ្យដឹងថា រូបលោក និងប្រជាពលរដ្ឋដែលប្រមូលផ្តុំគ្នានៅព្រឹកថ្ងៃចន្ទនេះ ដើម្បីដាក់លិខិត និងស្នើដោយផ្ទាល់ឲ្យអភិបាលខត្ត និងមន្ត្រីពាក់ព័ន្ធជួយដោះស្រាយជម្លោះដីធ្លីរបស់ពួកគាត់ ជាមួយក្រុមហ៊ុនដាំកៅស៊ូមួយ។
-
ក្រុមយោធា រងការចោទថា បាញ់គំរាមនិងប្រើហិង្សា លើពលរដ្ឋក្នុងទំនាស់ដីធ្លីនៅសៀមរាប
ក្រុមយោធាវរៈសេនាតូចអន្ដរាគមន៍លេខ២៥៤ នៃកងពលតូចអន្ដរាគមន៍លេខ៥ រងការចោទថា បាញ់គំរាម និងប្រើហិង្សាលើតំណាងពលរដ្ឋ ក្នុងករណីទំនាស់ដីធ្លីមួយ នៅភូមិត្រពាំងក្រសាំង ឃុំស្រែណូយ ស្រុកវ៉ារិន ខេត្ដសៀមរាប ។តំណាង ប្រជាពលរដ្ឋ៩៥គ្រួសារ នៅឃុំស្រែណូយ ស្រុកវ៉ារិន លោក ភួង សូរិយា ប្រាប់VOD នៅព្រឹកថ្ងៃចន្ទនេះថា កាលពីចុងសប្ដាហ៍មុន ក្រុមកងទ័ពចំនួន៩នាក់ នៅវរៈសេនាតូចអន្ដរាគមន៍លេខ២៥៤ ប្រដាប់ដោយអាវុធគ្រប់ដៃ បានប្រើហិង្សា និងបាញ់គំរាមសម្លាប់មកលើរូបលោក និងពលរដ្ឋម្នាក់ទៀត ចំនួន៨គ្រាប់ និងចាប់យកសម្ភារៈធ្វើចម្ការពួកគេ រារាំងមិនឲ្យដាំដំណាំ។
-
ញ៉ាមរំលោភស្ត្រីមានសតិមិនល្អទៅម្តងទៀតជាប់ដៃប៉ូលិស
ខេត្តកំពង់ឆ្នាំង ៖ បុរសម្នាក់ត្រូវបានប៉ូលិសការិយាល័យព្រហ្មទណ្ឌកម្រិតធ្ងន់នៃស្នងការដ្ឋាននគរបាលខេត្តធ្វើការចាប់ខ្លួន កាលពីវេលាម៉ោង១២និង៣០នាទីថ្ងៃត្រង់ថ្ងៃទី២២ មីនា នៅលំនៅឋានរបស់ខ្លួន បន្ទាប់ពីបុរសរូបនោះញ៉ាមប៉ងទៅចាប់ស្ត្រីមានសតិមិនល្អមា្នក់រំលោភម្តងទៀត តែត្រូវក្រុមគ្រួសារគេទៅទាន់ ។ ហេតុការណ៍ប៉ងរំលោភលើកទីពីរមិនបានសម្រេចនេះកើតឡើងកាលពីវេលាម៉ោង១០និង១៥នាទីយប់ថ្ងៃទី២១ មីនា នៅក្នុងខ្ទម ឃុំតាំងក្រសាំង ស្រុកទឹកផុស ។
-
តុលាការខេត្តរតនគិរី កោះហៅជនជាតិដើមភាគតិច ករណីប្តឹងក្រុមហ៊ុនមួយ ឲ្យសងជំងឺចិត្ត ១ម៉ឺនដុល្លារ
តំណាងជនជាតិដើមភាគតិចចារ៉ាយ៥នាក់ ក្នុងខេត្តរតនគិរី ត្រូវបានព្រះរាជអាជ្ញាខេត្ត នៅព្រឹកថ្ងៃចន្ទ កោះហៅឲ្យចូលបំភ្លឺក្នុងនាមជាដើមបណ្តឹង ក្នុងរឿងទាមទារឲ្យក្រុមហ៊ុនមួយ បង់ថ្លៃជំងឺចិត្តជូនពួកគាត់មួយម៉ឺនដុល្លារ។ ប្រជាពលរដ្ឋឲ្យដឹងថា ក្រុមហ៊ុនសម្បទានដីសេដ្ឋកិច្ចមួយ ឈ្មោះ ជា ច័ន្ទរិទ្ធ បានឈូសឆាយដីព្រៃរបស់សហគមន៍ ក្នុងភូមិឡែ ឃុំលំជ័រ ស្រុកអូយ៉ាដាវ ខេត្តរតនគីរី អស់៣០ហិកតា កាលពីឆ្នាំ២០១២។
-
លោក ហ៊ុន សែន ព្រមានការបង្កកគម្រោងមួយចំនួន ប្រសិនបើគណបក្សប្រជាជន ចាញ់ឆ្នោត
លោកនាយករដ្ឋមន្ត្រី ហ៊ុន សែន ថ្លែងនៅថ្ងៃចន្ទនេះ លាយឡំនឹងសារព្រមានទៅម្ចាស់ឆ្នោតថា គម្រោងមួយចំនួន អាចនឹងត្រូវបញ្ឈប់ ប្រសិនបើគណបក្សប្រជាជនកម្ពុជា មិនត្រូវបានគាំទ្រ ដើម្បីដឹកនាំប្រទេស ចាប់ពីឆ្នាំ២០១៣ ដល់ឆ្នាំ២០១៨។ លោកនាយករដ្ឋមន្ត្រីថ្លែងបែបនេះ ខណៈការបោះឆ្នោតជាសាកល នឹងចូលមកដល់នៅថ្ងៃទី២៨ ខែកក្កដា ឆ្នាំ២០១៣ និងខណៈលោកកំពុងចេញមុខជាញឹកញាប់ ដើម្បីសម្ពោធការដ្ឋានស្ពាន ផ្លូវថ្នល់ និងគម្រោងមួយចំនួនទៀត ដែលសម្រេចបានមុនការបោះឆ្នោត។ លោកនាយករដ្ឋមន្ត្រី យកពេលវេលានេះ និយាយពីការឃោសនាបោះឆ្នោត។
-
ជនរងគ្រោះនៃរបបខ្មែរក្រហមបន្តទាមទារយុត្តិធម៌ក្រោយមរណភាពរបស់លោក អៀង សារី
ដើមបណ្តឹងរដ្ឋប្បវេណីសំណុំរឿង ០០២ ចំនួន១៥០ នាក់ នៃសាលាក្តីខ្មែរក្រហម ដែលគាំទ្រដោយអង្គការសហប្រជាជាតិ នៅថ្ងៃចន្ទនេះ នៅតែទាមទារយុត្តិធម៌សម្រាប់ពលរដ្ឋកម្ពុជានិងពិភពលោក បន្ទាប់ពីមរណភាពរបស់អតីតមេដឹកនាំខ្មែរក្រហម លោក អៀង សារី។ សេចក្តីថ្លែងការណ៍របស់ដើមបណ្តឹងរដ្ឋប្បវេណី ដែល Radio Australia ទទួល បានឱ្យដឹងថា រហូតដល់ពេលនេះដើមបណ្តឹងរដ្ឋប្បវេណីនៅតែចង់បានយុត្តិធម៌ ចង់ដឹងការពិតដែលកើតមាន ក្នុងរបបខ្មែរក្រហម និងទន្ទឹងរង់ចាំលទ្ធផលនៃការកាត់ក្តី។
-
ក្រុមហ៊ុនភាពីម៉ិចរងការចោទថារំលោភយកដីពលរដ្ឋនៅពោធិ៍សាត់
ជម្លោះដីធ្លីរវាងក្រុមហ៊ុនសម្បទានដីសេដ្ឋកិច្ចភាពីម៉ិច នៅតែបន្តកើតមានមិនចេះចប់ បើទោះបីជាប្រមុខរាជរដ្ឋាភិបាលបានចេញបទបញ្ជាលេខ០១ ក្នុងបំណងដោះស្រាយបញ្ហាជម្លោះដីធ្លីនេះ ព្រមទាំងបានបញ្ជូនក្រុមនិស្សិតស្ម័គ្រចិត្តឲ្យចុះមកជួយវាស់វែងក៏ដោយ។ អង្គការសង្គមស៊ីវិលនានាក្នុងខេត្តពោធិ៍សាត់ បានចាត់ទុកទំនាស់នេះថា បានកើតឡើងដោយសារតែក្រុមហ៊ុនសម្បទានដីសេដ្ឋកិច្ចភាពីម៉ិច មិនគោរពបទបញ្ជារបស់លោកនាយករដ្ឋមន្ត្រី។ ប្រជាពលរដ្ឋ ១០គ្រួសារ នៅចំណុចដំណាក់ព្រីង ស្ថិតក្នុងភូមិក្រឡាញ់ ឃុំក្បាលត្រាច បានប្រតិកម្មតវ៉ាចំពោះមេការជនជាតិចិន នៅការដ្ឋានលេខ៧.១ ថាបានប្រើអំណាចរំលោភយកដីធ្លីពួកគាត់។
-
វៀតណាមចាប់ខ្មែរក្រោម២នាក់
ខ្មែរកម្ពុជាក្រោមពីរនាក់ ត្រូវបានអាជ្ញាធរវៀតណាម ចាប់ខ្លួននៅថ្ងៃព្រឹកថ្ងៃទី២៤ មីនា ដោយសារពួកគេចូលរួមប្រឆាំងនឹងការប្រកាសដកព្រះចៅអធិការស្ដីទីវត្តព្រៃជាប់ នៅខែត្រឃ្លាំង។ ការប៉ុនប៉ងចាប់ផ្សឹកព្រះចៅអធិការវត្តនេះ មិនមែនជាលើកទី១ទេដែលអាជ្ញាធរវៀតណាម សហការនឹងសមាគមព្រះសង្ឃស្នេហាជាតិខ្មែរកម្ពុជាក្រោម ដើម្បីចង់ចាប់ផ្សឹកព្រះចៅអធិការវត្តនោះ។ សហព័ន្ធខ្មែរកម្ពុជាក្រោមស្វែងរកអន្តរាគមន៍ពីអង្គការសិទ្ធិមនុស្សអន្តរជាតិ និងអង្គការសហប្រជាជាតិទទួលបន្ទុកផ្នែកសិទ្ធិមនុស្ស ដើម្បីសុំឲ្យអន្តរាគមន៍រដ្ឋាភិបាលវៀតណាម បញ្ឈប់ការយាយីលើព្រះសង្ឃ និងប្រជាពលរដ្ឋខ្មែរកម្ពុជាក្រោមនៅប្រទេសវៀតណាម។
-
ឃុំខ្លួនប្រធានអង្គការកុមារកំព្រាសង្ស័យប៉ះពាល់កេរ្តិ៍ភេទកុមារ
ក្រុមអង្គការសិទ្ធិមនុស្សក្រៅរដ្ឋាភិបាលមួយចំនួនក្នុងខេត្តសៀមរាប បានសហការជាមួយសមត្ថកិច្ច ដើម្បីស៊ើបអង្កេតទៅលើប្រធានអង្គការកុមារកំព្រាម្នាក់ ដោយសង្ស័យថា ប្រធានអង្គការនោះអាចមានជាប់ពាក់ព័ន្ធនឹងការប៉ះពាល់កេរ្តិ៍ភេទកុមារ។ ការស៊ើបអង្កេតនោះ បានធ្វើឡើងបន្ទាប់ពីមានជនបរទេសមួយចំនួនដែលជាម្ចាស់មូលនិធិឧបត្ថម្ភអង្គការនោះ បានទម្លាយចេញនូវអាថ៌កំបាំងឱ្យដឹង។ ប៉ូលិសការិយាល័យប្រឆាំងការជួញដូរមនុស្ស និងការពារអនីតិជនខេត្តសៀមរាប បានចាប់ខ្លួនបុរសម្នាក់ជាប្រធានអង្គការកុមារកំព្រា និងកសាងសំណុំរឿងបញ្ជូនទៅកាន់តុលាការខេត្ត កាលពីថ្ងៃសៅរ៍ ទី២៣ ខែមីនា។
-
អង្គការ៣បង្ហាញពីភាពមិនប្រក្រតីនៃដំណើរការចុះឈ្មោះបោះឆ្នោត
អង្គការបីបានធ្វើសវនកម្មនៃដំណើរការចុះឈ្មោះបោះឆ្នោតឆ្នាំ២០១២ ហើយបានរកឃើញថា មានភាពមិនប្រក្រតីច្រើន បើប្រៀបធៀបនឹងឆ្នាំ២០០៨ ក្នុងនោះមានការលុបឈ្មោះអ្នកបោះឆ្នោតមិនត្រឹមត្រូវ ឬនៅក្នុងបញ្ជីនោះមានឈ្មោះអ្នកបោះឆ្នោត តែបែរអ្នកភូមិស្រុកនោះមិនស្គាល់មុខទៅវិញ។ ក្រៅពីនេះមានបញ្ហាមិនប្រក្រតីជាច្រើនទៀត ដែលនាំឲ្យប៉ះពាល់ដល់លទ្ធផលនៃការបោះឆ្នោតជាតិពេលខាងមុខ។
-
សមាគមអ្នកប្រជាធិបតេយ្យ ធ្វើសមាជ នៅថ្ងៃទី២៣មីនានេះ
បន្ចាប់ពីប្រធានខ្លួនចេញពីពន្ធនាគារ សមាគមអ្នកប្រជាធិបតេយ្យដែលមានលោក ម៉ម សូណង់ដូ ជាប្រធាន នឹងធ្វើសមាជ ដើម្បើរៀបចំកែសម្រូលរចនាសម្ព័ន្ធដឹកនាំរបស់ខ្លួន នាថ្ងៃទី២៣ ខែមីនា ខាងមុខ នៅទីស្នាក់ការវិទ្យុសំបុកឃ្មុំ ក្នុងខណ្ឌមានជ័យ។ អ្នកស្រី ហួន ផាណារី អគ្គលេខាធិការរងសមាគមអ្នកប្រជាធិបតេយ្យ បានបញ្ជាក់ឲ្យដឹងថា សមាជនាពេលខាងមុខ គឺដើម្បីជ្រើសរើសតំណាងតាមខេត្ត តាមភូមិមួយចំនួន ដោយសារតំណាងថ្នាក់មូលដ្ឋានមួយចំនួនបានលាលែង និងដើរចេញនាអំឡុងពេលដែលលោក ម៉ម សូណង់ដូ ជាប់ក្នុងពន្ធនាគារ។ សមាគមអ្នកប្រជាធិបតេយ្យ ដែលមានអាយុកាលបីឆ្នាំមកហើយដែរ។ អ្នកស្រី បញ្ជាក់ថា “សមាជ នៅថ្ងៃទី២៣ ខែមីនា ចាប់ផ្តើមរៀបចំសមាគមឡើងវិញ រៀបចំរចនាសម្ព័ន្ធ និងរើសសមាជិកគណៈកម្មាការអចិន្ត្រៃយ៍ ហើយនិងតំណាងខេត្ត អនុខេត្តមួយចំនួនដែលបានលាលែង”។ សូមរម្លឹកថា សមាគមអ្នកប្រជាធិតេយ្យត្រូវបានបង្កើតឡើងកាលពីឆ្នាំ២០១០ ហើយត្រូវបានក្រសួងមហាផ្ទៃ ទទួលស្គាល់ ឲ្យចុះបញ្ជី នៅក្រសួងមហាផ្ទៃកាលពីថ្ងៃទី៧ ខែកក្កដា ឆ្នាំ២០១០៕
គាំទ្រដោយ
