កំពុងស្វែងរកទិន្នន័យ
រកឃើញ: 13.209
-
អ្នកវិភាគ៖ យុវជនខ្មែរនឹងមានឱកាសតិចតួចក្នុងការឈរឈ្មោះក្នុងការបោះឆ្នោតជាតិខាងមុខ
នៅក្នុង«កម្មវិធីសិទ្ធិពលរដ្ឋនិងការបោះឆ្នោត» ប្រចាំខែរបស់ហេឡូវីអូអេ កាលពីថ្ងៃទី០១ ខែមេសា នេះ លោកអ៊ូ វីរៈប្រធានមជ្ឈមណ្ឌលសិទ្ធិមនុស្សកម្ពុជានឹងពិភាក្សាលើ«ឱកាសសម្រាប់យុវជនក្នុងការឈរឈ្មោះបោះឆ្នោតនៅកម្ពុជា»។ លោកនិយាយថា ទោះបីយុវជនខ្មែរដែលអាចចូលរួមការបោះឆ្នោតមានចំនួនកាន់តែច្រើនក្តី ក៏ឱកាសនៃការចូលរួមឈរឈ្មោះនៅមានកម្រិត។
-
តុលាការខេត្តព្រះសីហនុសម្រេចដោះលែងអតីតមហាសេដ្ឋីរុស្ស៊ី
តុលាការខេត្តព្រះសីហនុ សម្រេចដោះលែងអតីតមហាសេដ្ឋីជនជាតិរុស្ស៊ី លោក ស៊ើហ្គេយ ប៉ូលុនស្គី (Sergei Polonsky) អោយនៅក្រៅឃុំ។ អនុប្រធានពន្ធនាគារខេត្តព្រះសីហនុ លោក តាន់ ណារ៉េត មានប្រសាសន៍យ៉ាងខ្លីថា លោកពុំដឹងច្បាស់ពីមូលហេតុដែលនាំអោយមានការដោះលែងនោះទេ ប៉ុន្តែលោកបានទទួលដីកាពីតុលាការអោយដោះលែងមហាសេដ្ឋីជនជាតិរុស្ស៊ី លោក ស៊ើហ្គេយ ប៉ូលុនស្គី អោយនៅក្រៅឃុំ នៅព្រឹកថ្ងៃពុធ ទី៣ ខែមេសា។
-
សហជីព៦៤ចុះកិច្ចព្រមព្រៀងជាមួយសមាគមរោងចក្រកាត់ដេរ
សហព័ន្ធសហជីពចំនួន ៦៤ បានចុះអនុស្សរណៈយោគយល់គ្នា (MOU) ជាលើកដំបូងជាមួយសមាគមរោងចក្រកាត់ដេរនៅកម្ពុជា (GMAC) នៅថ្ងៃទី៣ ខែមេសា។ កិច្ចព្រមព្រៀងនោះធ្វើឡើងដើម្បីកាត់បន្ថយសន្ទុះកូដកម្ម បាតុកម្មក្នុងវិស័យកាត់ដេរ ប៉ុន្តែការចុះអនុស្សរណៈនោះត្រូវបានសហជីពមួយចំនួនរិះគន់ថា ធ្វើឲ្យតែបានៗ និងគ្មានអត្ថប្រយោជន៍អ្វីសម្រាប់កម្មករនោះទេ។ ក្រុមប្រឹក្សាភិបាលសហជីពជាតិកម្ពុជា ដែលមានសមាជិកសហព័ន្ធសហជីពចំនួន ៦៤ ក្នុងចំណោមសហព័ន្ធសហជីពសរុបចំនួន ៧៨ នៅកម្ពុជា បានយល់ព្រមធ្វើការរួមគ្នាជាមួយសមាគមរោងចក្រកាត់ដេរ។ ការចងសម្ព័ន្ធនឹងគ្នានេះ គឺដើម្បីរក្សាបរិយាកាសវិនិយោគលើវិស័យកាត់ដេរឲ្យប្រសើរឡើងវិញ។
-
សភាបដិសេធសេចក្ដីស្នើច្បាប់ដំឡើងប្រាក់ខែរបស់បក្សប្រឆាំង
សេចក្ដីស្នើច្បាប់របស់គណបក្សប្រឆាំង សម រង្ស៊ី ដែលសុំឲ្យរដ្ឋសភាដំឡើងប្រាក់ខែដល់មន្ត្រីរាជការស៊ីវិលយ៉ាងតិច ១លានរៀល និងប្រាក់ឈ្នួលកម្មករនិយោជិតអប្បបរមាយ៉ាងទាបបំផុត ១៥០ដុល្លារ ក្នុង១ខែនោះ ត្រូវបានគណៈកម្មការនៃរដ្ឋសភាច្រានចោល។ បញ្ហានេះ ត្រូវបានអ្នកតំណាងរាស្ត្រគណបក្ស សម រង្ស៊ី ចាត់ទុកថា រដ្ឋាភិបាលកំពុងរើសអើងនយោបាយរបស់គណបក្សប្រឆាំង និងហាក់ដើរបញ្ច្រាសទិសគោលនយោបាយដែលប្រកាន់យកគោលការណ៍សេដ្ឋកិច្ចទីផ្សារសេរីទៅវិញ។
-
សាលាដំបូងខេត្តបើកសវនាការរឿងក្តីបញ្ហាដីធ្លី អ្នកភូមិវាលធំលើកគ្នាទៅច្រើន តុលាការលើកពេល
ខេត្តកំពត ៖ ជនជាប់ចោទ៤នាក់ដែលជាប់ចោទពីបទបំផុស និងញុះញង់ប្រជាពលរដ្ឋឱ្យចាប់ដីយ៉ាងអនាធិបតេយ្យនៅតំបន់៣១៧ ព្រំប្រទល់កំពត-កំពង់ស្ពឺ ត្រូវបានឃាត់ខ្លួនតាមដីការបស់តុលាការកាលពីអំឡុងខែកក្កដា ឆ្នាំ២០១២ ។ នៅថ្ងៃទី១ មេសា ២០១៣ នេះ ជនជាប់ចោទទាំងនេះត្រូវបានអនុរក្សពន្ធនាគារនាំខ្លួនមកកាន់សាលាដំបូងខេត្ត ដើម្បីបើកសវនាការកាត់ទោសតាមការកំណត់របស់តុលាការ ប៉ុន្តែត្រូវបានលើកពេលភ្លាមដោយចៃដន្យ ព្រោះអ្នកស្រុកលើកគ្នាមកច្រើនពេក ។
-
បុរសម្នាក់ចូលរំលោភក្រោយគេបដិសេធថាឧបករណ៍មិនដំណើរការ
ខេត្ដបាត់ដំបង ៖ បុរសម្នាក់ក្នុងចំណោមបក្ខពួក៤នាក់ដែលរំលោភបូកលើស្ដ្រី មេម៉ាយម្នាក់មានកូន៣នាក់នៅលើគំនរដំឡូងមីត្រូវស្ដ្រីរងគ្រោះប្ដឹងទារសំណង ១ពាន់ដុល្លារហើយត្រូវកម្លាំងនគរបាល ព្រហ្មទណ្ឌកម្រិតធ្ងន់កសាងសំណុំរឿង បញ្ជូនទៅតុលាការនារសៀលថ្ងៃទី១ ខែ មេសា ឆ្នាំ២០១៣ ចាត់ការតាមនីតិវិធី។ ហេតុការណ៍ឃាត់ខ្លួនជនសង្ស័យខាង លើនេះបានប្រព្រឹត្ដទៅកាលពីវេលាម៉ោង ៩ និង១៥នាទីយប់ថ្ងៃទី៣០ ខែមីនា ឆ្នាំ២០១៣ នៅចំណុចគំនរដំឡូងមី ក្នុង ភូមិអូរស្វាយ(ចម្លងរមាំងលើ) ឃុំអូរ សំរិល ស្រុកសំឡូត ។
-
គ្រួសារទ័ព១៨គ្រួសារ នៅពោធិ៍សាត់ ប្រឈមការបណ្តេញចេញ រកជំនួយផ្នែកច្បាប់ពីអាដហុក
គ្រួសារទ័ព ១៨គ្រួសារ នៅស្រុកវាលវែង ខេត្តពោធិ៍សាត់ រកអន្តរាគមន៍ផ្នែកច្បាប់ពីសមាគមការពារសិទ្ធិមនុស្សអាដហុក ដើម្បីបានសិទ្ធិកាន់កាប់ដី ដែលពួកគេ អះអាងថា ធ្លាប់អាស្រ័យផលជាង១០ឆ្នាំមកហើយ ដោយបារម្ភពីការបណ្តេញចេញ ។ ក្រុមគ្រួសាកងទ័ពទាំងនោះ មកពីភូមិសង្គមថ្មី ឃុំថ្មដា ស្រុកវាលវែង ខេត្តពោធិសាត់។ ពួកគេអះអាងប្រាប់អ្នកសារព័ត៌មាននៅការិយាល័យសមាគមអាដហុកនៅរាជធានីភ្នំពេញ នាថ្ងៃទី២ខែមេសានេះថា ពួកគេបានមករស់នៅទីនោះ តាំងពីឆ្នាំ២០០០មក ដោយមានការទទួលស្គាល់ពីអាជ្ញាធរមូលដ្ឋាន។
-
ប្រជាសហគមន៍បឹងកក់ម្នាក់ នឹងចូលបំភ្លឺ តាមដីកាកោះហៅរបស់សាលាដំបូង
សាលាដំបូងរាជធានីភ្នំពេញ បានចេញដីកាកោះហៅសកម្មជនតំណាងបឹងកក់ម្នាក់ ឲ្យចូលបំភ្លឺនៅចុងខែមេសា ឆ្នាំ២០១៣នេះ ជាដើមបណ្តឹងលើករណីប្រើអំពើហិង្សាទៅវិញទៅមក។ សេចក្តីប្រកាសរបស់សាលាដំបូងរាជធានីភ្នំពេញ ដែលVODទទួលបានឲ្យដឹងថា ចៅក្រមស៊ើបសួរ លោក ជា សុខហៀង បានចេញដីកាបង្គាប់ឲ្យ លោក ស៊ូ សុផល ចូលបំភ្លឺ នៅថ្ងៃទី២៤ ខែមេសា ពីបទប្រើអំពើហិង្សាទៅវិញទៅមក។
-
មន្ត្រីសិទ្ធិមនុស្ស៖ អាជ្ញាធរបិទសេរីភាពបញ្ចេញមតិអ្នកភូមិអណ្ដូង
មន្ត្រីអង្គការសង្គមស៊ីវិល បានចាត់ទុកការគំរាមកំហែងរបស់អាជ្ញាធរ និងប្រធានសហគមន៍មកលើ ពលរដ្ឋនៅក្នុងសហគមន៍អណ្ដូង ជាយរាជធានីភ្នំពេញ ថាជាការបំភិតបំភ័យប្រជាពលរដ្ឋ និងបំបិទសិទ្ធិសេរីភាពបញ្ចេញមតិនៅកម្ពុជា។ ការលើកឡើងដូច្នេះ បន្ទាប់ពីពលរដ្ឋក្នុងសហគមន៍អណ្ដូង ២នាក់ បានជូនបុគ្គលិកមជ្ឈមណ្ឌលសិទ្ធិមនុស្សកម្ពុជា ជួបសម្ភាសពលរដ្ឋ កាលពីថ្ងៃទី២៥ មីនា ដើម្បីធ្វើរបាយការណ៍អំពីស្ថានភាពបណ្ដេញចេញនៅកម្ពុជា ហើយពលរដ្ឋក្នុងសហគមន៍នោះ បានរងការគំរាមកំហែងដោយសំដី និងប៉ុនប៉ងវាយដំពីប្រធានសហគមន៍។
-
សិទ្ធិពលរដ្ឋនិងការបោះឆ្នោត៖ ឱកាសសម្រាប់យុវជនក្នុងការឈរឈ្មោះតំណាងរាស្រ្តនៅកម្ពុជា
លោក អ៊ូ វីរៈ ប្រធានមជ្ឈមណ្ឌលសិទ្ធិមនុស្សកម្ពុជា និយាយថា ទោះបីយុវជនខ្មែរដែលអាចចូលរួមការបោះឆ្នោតមានចំនួនកាន់តែច្រើនក្តី ក៏ឱកាសនៃការចូលរួមឈរឈ្មោះនៅមានកម្រិត។ (ម៉ែន គឹមសេង, ហេឡូវីអូអេ, ០១ មេសា ២០១៣)
-
សហជីពហៅបទបញ្ជារដ្ឋាភិបាលថាជាការហាមបញ្ចេញមតិតវ៉ា
បទបញ្ជាដែលចុះហត្ថលេខាដោយលោកនាយករដ្ឋមន្ត្រី ហ៊ុន សែន មាន ៧ចំណុច មានខ្លឹមសារជារួម ដើម្បីអន្តរាគមន៍ បង្ការ ទប់ស្កាត់ ដោះស្រាយ និងតម្រង់ទិសការអនុវត្តសិទ្ធិធ្វើកូដកម្មឲ្យស្របតាមច្បាប់ការងារ និងការអនុវត្តសិទ្ធិធ្វើបាតុកម្មដោយសន្តិវិធី។
-
ស្រឡាញ់នាងដកចិត្តមិនរួច ពេលដឹងថាប្តីនាងមិននៅ លួចចូលផ្ទះគំរាមប៉ងរំលោភ
ខេត្តតាកែវ ៖ ប្រជាពលរដ្ឋ រួមជាមួយមេភូមិ បានឆោឡោប្តឹងប៉ូលិសរដ្ឋបាលឃុំឱ្យចាប់ខ្លួនបុរសម្នាក់ភ្លាមៗ ដោយចោទប្រកាន់ពីបទប៉ុនប៉ងចាប់ស្ត្រីម្នាក់រំលោភសេពសន្ថវៈមិនបានសម្រេច ខណៈប្តីនាងមិននៅ ហើយស្ត្រីរងគ្រោះកំពុងតែដេកលង់លក់នៅក្នុងមុងជាមួយកូនៗ ដោយជនសង្ស័យលបចូលទៅធ្វើសកម្មភាពយកកណ្តៀវច្រូតស្រូវទៅគំរាម ក្នុងបំណងចាប់រំលោភ ។ ប៉ុន្តែត្រូវស្ត្រីរងគ្រោះរើបម្រាស់ រួចក៏ស្រែកឆោឡោ បណ្តាលឱ្យភ្ញាក់ទាំងកូនយំពេញផ្ទះផ្អើលដល់ប្រជាពលរដ្ឋរស់នៅជិតខាង និងបានប្តឹងទៅប៉ូលិសឱ្យចាប់ខ្លួនបានភ្លាមៗ កាលពីវេលាម៉ោង៨ និង៣០នាទីយប់ ថ្ងៃទី២៧ មីនា ស្ថិតក្នុងផ្ទះស្ត្រីរងគ្រោះ នៅភូមិត្រើយទន្លាប់ ឃុំព្រះបាទជាន់ជុំ ស្រុកគិរីវង់។
-
តំណាងអ្នកភូមិ៤នាក់មានទំនាស់ដីនៅឧត្តរមានជ័យរត់គេចខ្លួន
ក្រុមហ៊ុនទុមរីង រ៉ាប់ប៊ឺ (Tum Ring Rubber) និងដាតា រ៉ាប់ប៊ឺ (Data Rubber) ដែលទទួលបានដីសម្បទានសេដ្ឋកិច្ចជាង ១ម៉ឺន ៥ពាន់ហិកតារ ដាំកៅស៊ូនៅតំបន់ភូមិអូរតាម៉េង នៃស្រុកអន្លង់វែង ខេត្តឧត្តរមានជ័យ បានចោទប្រកាន់ថា មានមេខ្យល់ខ្លះបានញុះញង់ឱ្យប្រជាពលរដ្ឋចូលទៅសង់ខ្ទមរស់នៅក្នុងដីចម្ការ ធ្វើឱ្យប៉ះពាល់ដំណាំកៅស៊ូរបស់គេផងដែរ។ ក្រុមហ៊ុនកំពុងប្ដឹងបញ្ហានេះទៅអាជ្ញាធរថ្នាក់ស្រុក ខេត្ត ដើម្បីឱ្យជួយដោះស្រាយ។ បញ្ហានេះដែរ អ្នកភូមិបានអះអាងថា កម្លាំងកងរាជអាវុធហត្ថមួយចំនួន បានព្យាយាមនាំពួកគេទៅសាកសួរពាក់ព័ន្ធនឹងរឿងទំនាស់ដីធ្លីជាមួយក្រុមហ៊ុននោះ។
-
ខួបទី១៦នៃការគប់គ្រាប់បែកមុខអតីតអគាររដ្ឋសភា
គណបក្សសង្គ្រោះជាតិ ដែលកើតឡើងដោយការរួបរួមគ្នារវាងគណបក្ស សម រង្ស៊ី និងគណបក្ស សិទ្ធិមនុស្ស ធ្វើពិធីរំលឹកខួបលើកទី១៦ នៃការគប់គ្រាប់បែកមុខអតីតអគាររដ្ឋសភា ព្រឹកថ្ងៃទី៣០ ខែមីនា ដោយមានការចូលរួមពីជនរងគ្រោះ និងសមាជិកគណបក្សនេះសរុបចំនួនប្រមាណ ៣០០នាក់។ ប្រធានមជ្ឈមណ្ឌលសិទ្ធិមនុស្សកម្ពុជា លោក អ៊ូ វីរៈ មានប្រសាសន៍ថា រយៈពេល ១៦ឆ្នាំមកនេះ គឺបង្ហាញថា មន្ត្រីមានសមត្ថកិច្ចពុំមានឆន្ទៈពិតប្រាកដក្នុងការស្វែងរកយុត្តិធម៌សម្រាប់ជនរងគ្រោះទេ។
-
ម.ស.ម.ក ច្រានចោលការចោទប្រកាន់របស់អាជ្ញាធរភូមិអណ្តូងលើអ្នកភូមិក្នុងសហគមន៍
មជ្ឈមណ្ឌលសិទ្ធិមនុស្សកម្ពុជា ច្រានចោលការលើកឡើងរបស់អាជ្ញាធរភូមិអណ្តូង ពាក់ព័ន្ធនឹងការចោទប្រកាន់អ្នកភូមិក្នុងសហគមន៍នេះថា ជាមេប៉ះបោរ និងមិនស្តាប់បង្គាប់មេដឹកនាំសហគមន៍។
-
ពលរដ្ឋកំពង់ស្ពឺចោទក្រុមហ៊ុនមួយថាឈូសបំផ្លាញផ្ទះនិងដំណាំ
ក្រុមប្រជាពលរដ្ឋរស់នៅក្នុងឃុំចំនួនពីរ ក្នុងស្រុកភ្នំស្រួច ខេត្តកំពង់ស្ពឺ ជាង ៣០០គ្រួសារ បានប្រតិកម្មចំពោះក្រុមហ៊ុនមួយឈ្មោះ សុវណ្ណ និវត្តន៍ ថាបានប្រើគ្រឿងចក្រឈូសបំផ្លាញផ្ទះ និងដំណាំរបស់ពួកគាត់។ ប៉ុន្តែក្រុមហ៊ុនបានចោទវិញថា អ្នកភូមិធ្វើស្រែចម្ការរំលោភលើដីដែលក្រុមហ៊ុនមានអាជ្ញាប័ណ្ណត្រឹមត្រូវ។ ចំណែកអ្នកភូមិ បានឲ្យដឹងថា អ្នកវាស់ដីដែលអះអាងជាក្រុមនិស្សិតរបស់លោកនាយករដ្ឋមន្ត្រី ហ៊ុន សែន បានចុះមកវាស់វែងដីទំនាស់ចំនួន ៣ថ្ងៃជាប់គ្នាជាមួយភាគីក្រុមហ៊ុន តែពុំមានអាជ្ញាធរ និងមន្ត្រីស្ថាប័នពាក់ព័ន្ធចូលរួមឡើយ បញ្ហានេះបានធ្វើឲ្យពួកគាត់មានក្ដីបារម្ភខ្លាចមានការក្លែងបន្លំ។ តំណាងពលរដ្ឋក្នុងឃុំតាំងសំរោង និងឃុំក្រាំងដីវាយ ស្រុកភ្នំស្រួច នៅថ្ងៃទី៣០ មីនា បានប្រតិកម្មចំពោះក្រុមហ៊ុន សុវណ្ណ និវត្តន៍ ថាបានធ្វើសកម្មភាពដុតផ្ទះរបស់អ្នកភូមិ និងឈូសបំផ្លាញដំណាំរបស់ពួកគាត់ ដោយដាក់កម្លាំងទាហានយាមល្បាតប្រដាប់ដោយអាវុធ មិនឲ្យអ្នកភូមិចូលទៅជិតឡើយ។
-
សង្គមស៊ីវិលរិះគន់ការគំរាមរបស់រដ្ឋាភិបាលលើវិទ្យុអាស៊ីសេរី
ន្ត្រីជាន់ខ្ពស់របស់រដ្ឋាភិបាលមកពីស្ថាប័នបីផ្សេងគ្នា ធ្វើសន្និសីទកាសែតរួមគ្នា ដើម្បីច្រានចោលការផ្សាយព័ត៌មានរបស់វិទ្យុអាស៊ីសេរី នៅថ្ងៃទី២៧ មីនា ដែលផ្សាយពី "ពលរដ្ឋតាមព្រំដែនចោទទាហានថៃថារំលោភយកទឹកដីខ្មែរ"។ ប្រធានមជ្ឈមណ្ឌលសិទ្ធិមនុស្សកម្ពុជា (CCHR) និងជាអ្នកវិភាគស្ថានការណ៍នយោបាយ លោក អ៊ូ វីរៈ មានប្រសាសន៍ថា ការហាមប្រាមរបស់រដ្ឋាភិបាលនេះ ប៉ះពាល់យ៉ាងធ្ងន់ធ្ងរដល់ការបំពេញការងាររបស់សារព័ត៌មានឯករាជ្យ។ លោកបន្តថា រាជរដ្ឋាភិបាលនៅតែមានភាពរឹតត្បិតសេរីភាពសារព័ត៌មាន និងបញ្ចេញមតិ ហើយព្យាយាមបំបិទមាត់អ្នកដែលហ៊ាននិយាយពីចំណុចអសកម្មទាំងឡាយរបស់រដ្ឋាភិបាល។
-
នាយករដ្ឋមន្ត្រីបញ្ជាឲ្យទប់ស្កាត់ជម្លោះ ក្នុងវិស័យកាត់ដេរ
នាយករដ្ឋមន្ត្រី បញ្ជាឲ្យមន្ត្រីក្រោមឱវាទ រិះរកគ្រប់មធ្យោបាយ ដោះស្រាយវិវាទ ក្នុងពីវិស័យកាត់ដេរ ទប់ស្កាត់ការផ្ទុះបាតុកម្ម កូដកម្មគ្រប់រូបភាព ដើម្បីរក្សាសណ្តាប់ធ្លាប់សន្តិសុខសង្គម ខណៈការបោះឆ្នោតជិតមកដល់។ បទបញ្ជារបស់នាយករដ្ឋមន្ត្រីដែល VOD ទទួលបាននៅថ្ងៃព្រហស្បតិ៍ ទី២៨ ខែមិនានេះឲ្យដឹងថា មន្ត្រីរាជរដ្ឋាភិបាលពាក់ព័ន្ធគ្រប់ក្រសួង រួមទាំងកម្លាំងសមត្ថកិច្ចគ្រប់ប្រភេទ និយោជក សហជីព និងកម្មក រួមទាំងអង្គការដៃគូមួយចំនួនទៀត ត្រូវសហការគ្នាដោះស្រាយវិវាទដែលកើតឡើង ប្រកបដោយការយោគយល់ ចៀសវាងផ្ទុះកូដកម្មបាតុកម្ម នាំឲ្យប៉ះពាល់ទ្យសម្បត្តិសាធារណៈនិងខូចសណ្តាប់ធ្នាប់ សន្តិសុខនិងណ្តាប់ធ្នាប់សង្គម។
-
អ្នកស្រីទេព វន្នី ទទួលបានពានរង្វាន់មួយទៀតមានឈ្មោះថាមេអំបៅមាស
សកម្មជនដីធ្លីនៅសហគមន៍បឹងកក់ រាជធានីភ្នំពេញ អ្នកស្រីទេព វន្នី បានទទួលពានរង្វាន់មួយថ្មីទៀត ពីអង្គការមួយនៅអឺរ៉ុប លើការតស៊ូមតិតាមរយៈអហិង្សា ក្នុងការទាមទារសិទ្ធិដីធ្លីនៅកម្ពុជា ហើយពានរង្វាន់នេះ មានឈ្មោះថា មេអំបៅមាស។ ពានរង្វាន់នេះ បានធ្វើឡើង បន្ទាប់ពីការដាក់បញ្ចាំងខ្សែភាពយន្តឯកសាររបស់អ្នកស្រី ដែលមានចំណងជើងថា សូម្បីតែសត្វបក្សាបក្សី ក៏ត្រូវការសម្បុកវាដែរ។ ខ្សែភាពយន្តនេះ ត្រូវបានដាក់បញ្ចាំងនៅឯមហោស្របអន្តរជាតិមួយ នៅក្រុងឡាអេប្រទេសហូឡង់។
-
ឪពុកមាអប្រិយវង្វេងកាមា ចាប់រំលោភក្មួយស្រី11ឆ្នាំ ដែលនាងដេកក្បែរប្រពន្ធ
ខេត្តកំពង់ឆ្នាំង ៖ បុរសល្មោភកាមម្នាក់ត្រូវបានប៉ូលិសព្រហ្មទណ្ឌកម្រិតធ្ងន់នៃស្នងការដ្ឋាននគរបាលខេត្តធ្វើការឃាត់ខ្លួន កាលពីថ្ងៃទី២៧ មីនា ក្នុងបទចោទប្រកាន់ ចាប់រំលោភក្មួយស្រី អាយុ១១ឆ្នាំ កាលពីវេលាម៉ោង៣ទៀបភ្លឺថ្ងៃទី២៥ មីនា នៅផ្ទះបងប្អូនក្នុងក្រុងកំពង់ឆ្នាំង ។
គាំទ្រដោយ
