កំពុងស្វែងរកទិន្នន័យ
រកឃើញ: 13.209
-
វិភាគ៖ ឧបសគ្គ និងឱកាសរបស់សម្តេចក្រុមព្រះ ដែលចង់យាងចូលឆាកនយោបាយឡើងវិញ
គណបក្សហ្វ៊ុនស៊ិនប៉ិច បានព្រមានថា នឹងដាក់ពាក្យបណ្តឹងសើរើឡើងវិញ ប្រឆាំងសម្តេចក្រុមព្រះនរោត្តម រណឫទ្ធិ ពីបទពុករលួយ និងលួចឧទ្ធម្ភាគចក្រ MI17 របស់គណបក្សកាលពីជាង១០ឆ្នាំមុន។ ការប្រកាសព័ត៌មាន នៅយប់ថ្ងៃទី១០ ខែមីនា ឆ្នាំ២០១៣នេះ ដែលព្រមានប្តឹងសម្តេចក្រុមព្រះ សើរើរឿងចាស់វិញនោះ កើតឡើងបន្ទាប់ពីអតីតនាយករដ្ឋមន្ត្រីរូបនេះ ចង់វិលត្រលប់ចូលឆាកនយោបាយវិញ ជាមួយគណបក្សជំទាស់ថ្មី គឺគណបក្សសង្គ្រោះជាតិ ដោយទទួលបានតួនាទីជាប្រធានកិត្តិយស។ អ្នកវិភាគព្រឹត្តិការណ៏សង្គម និងជាប្រធានមជ្ឈមណ្ឌលសិទ្ធិមនុស្សកម្ពុជា លោក អ៊ូ វីរៈ យល់ថា ប្រសិនបើសម្តេចក្រុមព្រះចូលជាមួយគណបក្សដទៃ អាចទាញការគាំទ្រពីពលរដ្ឋ ជាជាងការបង្កើតគណបក្សខ្លួនឯង ៖ "ចំពោះខ្ញុំគឺជារឿងមួយដ៏ធំ មែនទែន ព្រឹត្តិការនយោបាយដ៏ធំ ដែលខ្ញុំជឿជាក់ថា គណបក្សកាន់អំណាច មិនអនុញ្ញាតិ ហើយព្យាយាមរារំាងគ្រប់រូបភាពទំាងអស់ បើសិនមានការប្តឹងឡើងវិញ គឺរឿងលក់ឧត្តម្ភាសន៍ចក្រហ្នឹង គឺជាការសើររឿងចាស់មួយដែលបានបិទទំព័រ រួចទៅហើយ ហើយការសើរើសម្លុតសម្តេចក្រុមព្រះ កុំឲ្យធ្វើនយោបាយ ជាពិសេស នយោបាយគណបក្យប្រឆំាងទេ ជារឿងមួយដែលខ្ញុំអត់ភ្ញាក់ផ្អើល ប៉ុន្តែបើសិនមើលរឿងឧ្តម្ភាសន៍ចក្រ គឺកាលហ្នឹងធ្លាប់ប្តឹងថ្កោលទោស ហើយលើកលែងរួចទៅហើយ ករណីហ្នឹងមិនអាចប្តឹងម្តងទៀតបានទេ ប៉ុន្តែអាចប្តឹងករណីផ្សេង ប៉ុន្តែខ្ញុំមើលទៅបើសិនចង់ប្តឹង ករណីមួយហ្នឹង វាត្រូវតាមនីតិវិធីច្បាប់ទេ ប៉ុន្តែ អាចប្តឹងពីផ្សេងៗ ឬរឿងមួយក៏លើកឡើងរឿងផ្សេងៗទៀត នេះបើតាមខ្ញុំទាយ ទោះបីម៉េចក៏ដោយ គណបក្សកាន់អំណាច គាត់នឹងព្យាយាមលើកគ្រប់រូបភាព ដើម្បីរារំាងកុំឲ្យសម្តេចចូល"។
-
ប្រជាសហគមន៍បឹងកក់ ដាក់ឯកសារភស្តុតាងទៅក្រសួងការបរទេសសុំការអន្តរាគមន៍
ប្រជាជាសហគមន៍បឹងកក់ យកលិខិត ឯកសារភស្តុតាង ពាក់ព័ន្ធនឹងសិទ្ធិកាន់កាប់ដីធ្លីរបស់ពួកគាត់ ដាក់ជូនក្រសួងការបរទេសនៅម៉ោង ៩ព្រឹកនេះ ដើម្បីសុំរកដំណោះស្រាយ។ អ្នកយកព័ត៌មានរបស់សំឡេងប្រជាធិបតេយ្យ វីអូឌី លោក ញឹម សុខន ដែលចុះទៅយកព័ត៌មានផ្ទាល់បានឲ្យដឹងថា ប្រជាពលរដ្ឋហគមន៍បឹងចំនួន ៦៤គ្រួសារ ដែលមិនទាន់ទទួលប័ណ្ណកម្មសិទ្ធិដីធ្លីនោះ យកឯកសារពាក់ព័ន្ធ ផ្លូវច្បាប់ក្នុងចូលកាន់កាប់ដីរបស់ពួគាត់ ជូនរដ្ឋមន្ត្រីក្រសួងការបរទេសពិនិត្យ និងជួយរកដំណោះស្រាយឲ្យបានឆាប់។
-
ឪពុកចុងតាមរំលោភកូនស្រីអាយុ១៣ឆ្នាំលុះមរណាទោះម្ដាយរបស់នាងជម្លៀសកូនស្រីទៅលាក់ដល់ផ្ទះលោកមេឃុំ
ខេត្ដកំពង់ចាម ៖ ឪពុកចុងល្មោភកាម បានតាមរកកូនស្រីដើម្បីបំពេញតណ្ហា បន្ដទៀត បើទោះបីជាជាគេដឹងថា ម្ដាយ របស់នាងខំព្យាយាមយកកូនស្រីទៅលាក់នៅផ្ទះលោកមេឃុំហើយក៏ដោយ ព្រោះមិនអាចអត់ទ្រាំនឹងទង្វើរបស់ប្ដីបាន ម្ដាយរបស់នាងក៏បង្ខំចិត្ដប្ដឹងសមត្ថកិច្ចឱ្យចាប់ខ្លួនបុរសល្មោភកាមម្នាក់នេះ បញ្ជូនទៅតុលាការតែម្ដង ។
-
ទាហានថៃបាញ់ពលរដ្ឋខ្មែរម្នាក់ស្លាប់និងម្នាក់របួស
ប្រភពពីសមត្ថកិច្ច និងក្រុមមន្ត្រីទំនាក់ទំនងព្រំដែនកម្ពុជា-ថៃ នៅខេត្តឧត្តរមានជ័យ បានឱ្យដឹងថា ទាហានការពារព្រំដែនថៃ នៃខេត្តស៊ីសាកេត បានបាញ់រះបណ្ដាលឱ្យប្រជាពលរដ្ឋខ្មែរម្នាក់ស្លាប់ ម្នាក់រងរបួស និងចាប់ខ្លួន ៣នាក់ផ្សេងទៀត កាលពីពេលថ្មីៗ។ ការបាញ់រះ និងចាប់ខ្លួននោះ គឺនៅពេលដែលប្រជាពលរដ្ឋខ្មែរបាននាំគ្នាឆ្លងដែនទៅរកកាប់ឈើគ្រញូងដើម្បីយកមកលក់ឱ្យក្រុមឈ្មួញ។ អនុប្រធានក្រុមការងារទំនាក់ទំនងព្រំដែនកម្ពុជា-ថៃ ប្រចាំច្រកជាំសាង៉ាំ នៃស្រុកអន្លង់វែង ខេត្តឧត្តរមានជ័យ គឺលោក តូច រ៉ា។ លោកបានមានប្រសាសន៍កាលពីរសៀលថ្ងៃអាទិត្យ ទី១០ ខែមីនា ថា ទាហានថៃ នៃស្រុកឃុនហាន ខេត្តស៊ីសាកេត បានជូនដំណឹងមកលោកថា គេបានចាប់ខ្លួនស្រ្តីខ្មែរចំនួន ៣នាក់ កាលពីថ្ងៃទី៨ ខែមីនា កន្លងទៅ។ មន្ត្រីដដែលបានបញ្ជាក់ថា ស្ត្រីខ្មែរទាំង ៣នាក់នោះ ត្រូវទាហានថៃ ចាប់ខ្លួននៅត្រង់បន្ទាត់ព្រំដែននៃតំបន់ អូរ៥០ ទល់មុខគ្នានឹងស្រុកត្រពាំងប្រាសាទ របស់ខ្មែរ៖ «យើងទៅឆ្លងដែន ទៅស្ពាយឈើស្ពាយអីបាន ៣នាក់ស្រីៗ។ ឆ្លងដែនទៅហួសដល់គោលដៅរបស់គេគ្រប់គ្រង គេចាប់ឃាត់ ហើយគេមិនទាន់ឱ្យបញ្ជីឈ្មោះមកខ្ញុំទេ ខ្ញុំកំពុងតែសុំសួរទំនាក់ទំនងឱ្យគេឱ្យបញ្ជីឈ្មោះនៅភូមិណា ឃុំណា ៣នាក់ហ្នឹង»។
-
អ្នកទោសចោទមន្ត្រីពន្ធនាគារព្រៃសថាពុករលួយ
ស្ត្រីរស់នៅក្នុងមណ្ឌលអប់រំកែប្រែទី២ ឬពន្ធនាគារព្រៃស ឬហៅជាទូទៅថា ម២ នោះ បានចោទប្រកាន់មន្ត្រីឆ្មាំពន្ធនាគារថា បានប្រព្រឹត្តអំពើពុករលួយតាមរយៈជំរិតទារប្រាក់ពីអ្នកទោស ជាថ្នូរនៃការដោះដូរបន្ទប់ស្នាក់នៅសមរម្យ និងអនុញ្ញាតឲ្យបានចេញមកហាត់ប្រាណទៀងទាត់។ ស្ត្រីជាអ្នកទោសម្នាក់សុំមិនបញ្ចេញឈ្មោះឲ្យដឹងនៅថ្ងៃទី១០ ខែមីនា ថា គាត់ធ្លាប់ត្រូវមន្ត្រីពន្ធនាគារតម្រូវឲ្យបង់ប្រាក់ចំនួន ៥០ដុល្លារ ដើម្បីដូរទៅស្នាក់នៅបន្ទប់អាគារ «ក» ឬអាគារ អា «A»។ ប៉ុន្តែគាត់ស្នាក់នៅក្នុងអាគារនោះបានមិនដល់ ២ខែផង ស្រាប់តែមន្ត្រីពន្ធនាគារដោះដូរឲ្យគាត់មករស់នៅអាគារ «គ» ឬអាគារ សេ «C» ដោយសារតែគាត់មិនមានលុយសូកលុយទៅមន្ត្រីទាំងនោះទៀត៖ «ជួនកាលអ្នកខ្លះទិញកន្លែងគេគេង ហើយបានស្រួលបួលហើយដល់ពេលបង្ខំឲ្យគាត់ធ្វើការ គាត់ចាស់ គាត់ឈឺ អ៊ីចឹងគាត់អត់បានទៅធ្វើការ គេខឹងគេយកមកដាក់នៅអាគារសេនេះ គឺគេអត់ចាក់សោឲ្យចេញនោះទេ»។
-
សង្គមស៊ីវិលជំរុញឲ្យរដ្ឋាភិបាលបង្កើតច្បាប់ស្ដីពីសិទ្ធិទទួលបានព័ត៌មាន
ក្រុមសង្គមស៊ីវិលជាតិនិងអន្តរជាតិ ជំរុញឲ្យរដ្ឋាភិបាលកម្ពុជា ចាប់ផ្ដើមកសាងប្រទេសក្នុងទស្សនៈវិស័យវែងឆ្ងាយមួយប្រកបដោយភាពស្អាតស្អំ តម្លាភាព បំបាត់អំពើពុករលួយ និងលើកកម្រិតជីវភាពរបស់ប្រជាពលរដ្ឋ ដើម្បីអោយកម្ពុជារីកចំរើនដូចបណ្ដាឲ្យប្រទេសជឿនលឿននៅលើពិភពលោក។ គោលបំណងនេះអាចសម្រេចទៅបានលុះត្រាតែប្រទេសមួយនេះ បង្កើត និងអនុវត្តឲ្យបាននូវច្បាប់ស្ដីពីសិទ្ធិទទួលបានព័ត៌មាន។ អង្គការតម្លាភាពអន្តរជាតិ ឲ្យដឹងថា សិទ្ធិរបស់ប្រជាពលរដ្ឋក្នុងការទាមទារឲ្យរដ្ឋាភិបាលលាតត្រដាងព័ត៌មានចាំបាច់ត្រូវដឹងនានាជាសាធារណៈ គឺជាយន្តការមួយក្នុងការជំរុញឲ្យកម្ពុជា ធ្វើដំណើរឆ្ពោះទៅរកភាពជឿនលឿន និងការបំបាត់អំពើពុករលួយ។
-
HR ផ្តល់អនុសាសន៍ទៅរាជរដ្ឋាភិបាលលើកំណែទម្រង់ដីធ្លី
មជ្ឈមណ្ឌលសិទ្ធិមនុស្សកម្ពុជា(CCHR) ចេញរបាយការណ៍ជាសេចក្តីសន្និដ្ឋាន និងអនុសាសន៍មួយចំនួន លើកំណែទម្រង់ដីធ្លីរបស់រាជរដ្ឋាភិបាលកម្ពុជា ខណៈមជ្ឈមណ្ឌលមួយនេះ រកឃើញថា មានករណីជាច្រើន កើតឡើងក្នុងបរិបទដីសម្បទានសេដ្ឋកិច្ច ដោយមិនគោរពឲ្យបានពេញលេញក្របខណ្ឌច្បាប់។ កំណត់ត្រាសង្ខេបរបស់CCHR សម្រាប់ខែមីនា ឆ្នាំ២០១៣ ស្តីពីកំណែទម្រង់ដីធ្លី ឲ្យដឹងថា ការផ្អាកផ្តល់ដីសម្បទានសេដ្ឋកិច្ចបណ្តោះអាសន្នរបស់រដ្ឋាភិបាល កាលពីថ្ងៃទី១៧ ខែឧសភា ឆ្នាំ២០១២ ត្រូវតែប្រតិបត្តិឲ្យបានតឹងរឹង ដរាបណា រដ្ឋាភិបាល បង្ហាញពីតម្លាភាពនៃអញ្ញត្រកម្ម។ មជ្ឈមណ្ឌល ស្នើរដ្ឋាភិបាល ប្រកាន់ខ្ជាប់ចំពោះការកំណត់នៃទំហំផ្ទៃដី ១០០០០ហិកតា ដែលត្រូវបានផ្តល់ទៅឲ្យកម្មសិទ្ធិករណាម្នាក់ លើអត្ថប្រយោជន៍ផ្នែកពាណិជ្ជកម្ម និងការវាយតម្លៃពីផលប៉ះពាល់ដល់សង្គម និងផ្នែកបរិស្ថាន។
-
អ្នកភូមិត្រូវបានបណ្តេញចេញទោះបីជារងចាំបណ្តឹងឧទ្ធរណ៏
អ្នកភូមិចំនួន ២១គ្រួសារដែលត្រូវបានគេ ឈូសឆាយដីចម្ការ និងដីភូមិ រុះរើផ្ទះសម្បែងនៅចំណុចចំរាំង ក្នុងឃុំកែវផុស ស្រុកស្ទឹងហាវ ខេត្តព្រះសីហនុ ខណៈពេលដែលបណ្តឹងស្ថិតនៅឧទ្ធរណ៏ ហើយពុំទានមានចំណាត់ការក៏ដោយ កាលពីថ្ងៃអង្គារពួកគាត់ កំពុងគ្មានទីជម្រក គ្មានអាហារ និងដើរសុំសំចតលើដីអ្នកភូមិជិតខាងបណ្ដោះអាសន្ន។
-
ករណីរបស់លោកម៉ម សូណង់ដូ ប្រកាសនៅថ្ងៃ១៤មីនា, តំណាងមហាអយ្យការប្ដូរបទចោទប្រកាន់លើលោកម៉ម សូណង់ដូ ជាបទល្មើសព្រៃឈើវិញ
ភ្នំពេញ: សវនាការនៅតុលាការសាលាឧទ្ធរណ៍ លើករណី លោកម៉ម សូណង់ដូ បានបិទបញ្ចប់ បន្ទាប់ពីចំណាយពេលមួយថ្ងៃ និងមួយព្រឹក គិតចាប់តាំងព្រឹកថ្ងៃទី៥ ខែមីនា ឆ្នាំ២០១៣ រហូតដល់រសៀលថ្ងៃទី៦ ខែមីនា ឆ្នាំ២០១៣។ ចៅក្រមតុលាការសាលា ឧទ្ធរណ៍ លោកឃុន លាងម៉េង ប្រធាន ក្រុមប្រឹក្សាជំនុំជម្រះ បានសម្រេចថា សាលដីកាលើសំណុំរឿងក្ដីដ៏រសើប នោះនឹងត្រូវប្រកាសនៅព្រឹកម៉ោង៨ ថ្ងៃទី១៤ ខែមីនា ឆ្នាំ២០១៣។ សំណុំរឿងក្ដីនោះ ក៏ត្រូវបាន តំណាងមហាអយ្យការបានសម្រេចប្ដូរ បទចោទ ប្រកាន់លើលោកម៉មសូណង់ដូ ពីបទបង្កើតតំបន់អបគមន៍ប្រឆាំង រដ្ឋាភិបាល មកជាបទល្មើសព្រៃឈើវិញ។ ក៏ប៉ុន្ដែនៅតែជាបទចោទប្រកាន់ ដែលត្រូវផ្ដន្ទាទោសធ្ងន់ធ្ងរដដែល។ មុនពេលបញ្ចប់សវនាការ កាលពីរសៀលថ្ងៃទី៦ ខែមីនា ឆ្នាំ២០១៣ តំណាងមហាអយ្យការបាន សម្រេចប្ដូរបទចោទមួយចំនួនលើលោកម៉ម សូណង់ដូ ដូចជាបទចោទប្រកាន់ ពីរឿងកុបកម្ម និងញុះញង់ឱ្យប្រព្រឹត្ដបទ ឧក្រិដ្ឋ មកជាបទល្មើសព្រៃឈើ ដែលត្រូវផ្ដន្ទាទោសតាមមាត្រា៩៧ត្រង់ចំណុចទី៦ ដែលអាចប្រឈមនឹងការ ជាប់ពន្ធនាគារពី៥ឆ្នាំទៅ១០ឆ្នាំ។ រីឯបទចោទប្រកាន់ឧក្រិដ្ឋដទៃទៀត ដូចជាករណីរារាំងអ្នករាជការសាធារណៈ ជាដើមនោះ ត្រូវបានតំណាងមហាអយ្យការនៅរក្សាទុកការចោទប្រកាន់ លើលោកម៉ម សូណង់ដូ ដដែល។
-
នាំស្រីស្នេហ៍ទៅរួមភេទក្រោមកុដិលោក ២ថ្ងៃក្រោយប៉ូលិសចាប់ខ្លួន
ខេត្តកំពត ៖ យុវជនម្នាក់ឈ្មោះសៅ សុវណ្ណារ័ត្ន អាយុ១៨ឆ្នាំ នៅសង្កាត់អណ្តូងខ្មែរ ក្រុងកំពត ត្រូវបាននគរបាលឃាត់ខ្លួនកាលពីព្រឹកថ្ងៃទី៥ មីនា ២០១៣ បន្ទាប់ពីយុវជនរូបនេះ បានល្បួងក្មេងស្រីស្ថិតនៅវ័យជាអនីតិជនទៅរួមភេទនៅក្រោមកុដិវត្តជុំគ្រៀល ឃុំជុំគ្រៀល ស្រុកទឹកឈូ កាលពីវេលាម៉ោង១រំលងអធ្រាត្រឈានចូលថ្ងៃទី៣ មីនា ២០១៣ ។
-
អ្នកភូមិ២១គ្រួសារនៅខេត្តព្រះសីហនុគ្មានទីជម្រក
ក្រោយពីតុលាការសាលាដំបូងខេត្តព្រះសីហនុ សម្រេចអនុវត្តន៍សាលក្រមបណ្ដោះអាសន្នឈូសឆាយដីចម្ការ និងដីភូមិ រុះរើផ្ទះសម្បែងអ្នកភូមិនៅចំណុចចំរាំង ក្នុងឃុំកែវផុស ស្រុកស្ទឹងហាវ អ្នកភូមិចំនួន ២១គ្រួសារ កំពុងគ្មានទីជម្រក គ្មានអាហារ និងដើរសុំសំចតលើដីអ្នកភូមិជិតខាងបណ្ដោះអាសន្ន។ មកទល់ពេលនេះ មិនទាន់មានអង្គការសង្គមស៊ីវិល ឬអាជ្ញាធរមូលដ្ឋានណាចុះទៅផ្តល់ជំនួយឧបត្ថម្ភមនុស្សធម៌ដល់អ្នកភូមិទាំងនោះនៅឡើយទេ ខណៈដែលអ្នកភូមិភាគច្រើនកំពុងរស់នៅក្រោមដើមឈើ។ អ្នកភូមិ ២១គ្រួសារ កំពុងតែលតោលរកទីជម្រកមិនទាន់បាន នៅគ្រាដែលផ្ទះសម្បែង និងដីចម្ការរបស់ពួកគាត់ ដែលធ្លាប់បង្កបង្កើនផលជិត ៣០ឆ្នាំ ត្រូវបានឈូសបំផ្លាញចោលតាមអំណាចសាលក្រមបណ្ដោះអាសន្នរបស់តុលាការខេត្តព្រះសីហនុ។ តំណាងអ្នកភូមិ លោកស្រី ឃួន ស៊ីថា រៀបរាប់ថា ស្ត្រី និងកុមារតូចៗនៅក្នុងភូមិ បានដើរកាត់ព្រៃហាលសន្សើម កាលពីយប់ថ្ងៃទី៥ ខែមីនា ដើម្បីចាកចេញពីភូមិដែលធ្លាប់រស់នៅជាង ៣០ឆ្នាំ តាមការបង្ខំរបស់ក្រុមសមត្ថកិច្ចចម្រុះ។ ដោយគ្មានជម្រើស និងទីតាំងស្នាក់នៅ អ្នកភូមិសម្រេចធ្វើដំណើរទាំងថ្មើរជើងចម្ងាយ ៧គីឡូម៉ែត្រ សំដៅទៅសុំសំចតលើដីអ្នកភូមិផ្សេងទៀត ដែលមានព្រំដីជាប់គ្នានៅទីតាំងចាស់ បន្ទាប់ពីមានការអាណិតអាសូរដល់ពួកគាត់ដែលគ្មានទីជម្រក។ រីឯអីវ៉ែអីវ៉ាន់ដែលសេសសល់ពីការឈូសបំផ្លិចបំផ្លាញ រួមមានចានក្បាន កន្ទេលភួយ ត្រូវបានអ្នកភូមិជាបុរសដឹកជញ្ជូនតាមទូកនៅព្រឹកថ្ងៃបន្ទាប់។
-
សាលដីការឿងលោក ម៉ម សូណង់ដូ នឹងត្រូវប្រកាសថ្ងៃ១៤ មីនា
សាលាឧទ្ធរណ៍បានបញ្ចប់សវនាការជំនុំជម្រះក្ដីលោក ម៉ម សូណង់ដូ ហើយ នៅរសៀលថ្ងៃទី៦ ខែមីនា ដោយសម្រេចផ្លាស់ប្ដូរបទចោទលើលោក ម៉ម សូណង់ដូ ពីបទឧក្រិដ្ឋ មកជាបទមជ្ឈិមវិញ។ សាលដីការឿងនេះនឹងត្រូវប្រកាសនៅថ្ងៃទី១៤ ខែមីនា ខាងមុខ។ សាលាឧទ្ធរណ៍សម្រេចលើកពេលប្រកាសសាលដីកាលើសំណុំរឿងលោក ម៉ម សូណង់ដូ ទៅព្រឹកថ្ងៃទី១៤ ខែមីនា បន្ទាប់ពីបានបញ្ចប់ការដេញដោលលើអង្គហេតុអង្គច្បាប់ និងបានកំណត់បទចោទថ្មី។ អ្នកស៊ើបអង្កេតនៃជាន់ខ្ពស់នៃអង្គការសិទ្ធិមនុស្សលីកាដូ លោក អំ សំអាត មានប្រសាសន៍ថា មិនខុសពីសវនាករនៅសាលាដំបូងឡើយ លោកសង្កេតឃើញថា ពុំមានចំណុចដែលអាចចោទប្រកាន់លោក ម៉ម សូណង់ដូ ឡើយ។ លោករំពឹងថា ចៅក្រម និងពិចារណាលើកលែងការចោទលើលោក ម៉ម សូណង់ដូ។ ក្នុងសវនាការក្រុមប្រឹក្សាជំនុំជម្រះសាលាឧទ្ធរណ៍នៅថ្ងៃទី៦ ខែមីនា បានទទួលយកទៅពិចារណានូវឯកសារវិភាគផ្លូវច្បាប់ដែលបានស្នើឡើងដោយប្រធានមជ្ឈមណ្ឌលសិទ្ធិមនុស្សកម្ពុជា លោក អ៊ូ វីរៈ។ ឯកសារនោះបានលើកឡើងពីបទពិសោធន៍នៃការអនុវត្តច្បាប់នៅតាមបណ្ដាប្រទេសជាច្រើនក្នុងពិភពលោក ពាក់ព័ន្ធនឹងសេរីភាពនៃការបញ្ចេញមតិ និងការចោទប្រកាន់អ្នកសារព័ត៌មាន ដូចប្រធានវិទ្យុសំបុកឃ្មុំលោក ម៉ម សូណង់ដូ៕
-
លោកម៉ម សូណង់ដូ ត្រូវបានប្តូរ បទចោទប្រកាន់ ខណៈសាលដីកា នឹងប្រកាស ថ្ងៃទី១៤ ខែមីនា
ភ្នំពេញ ៖ នៅរសៀលថ្ងៃទី៦ ខែមីនា ឆ្នាំ២០១៣នេះ តំណាងមហាអយ្យការនៃសាលាឧទ្ធរណ៍ បានសម្រេចប្តូរបទចោទប្រកាន់ លើលោក ម៉ម សូណង់ដូ ពីបទឧក្រិដ្ឋ កុប្បកម្ម និងញុះញង់មកជាបទល្មើសព្រៃឈើវិញ តាមមាត្រា៩៧ ចំណុចទី៦ ដែលត្រូវជាប់ពន្ធនាគារ ពី៥-១០ឆ្នាំ។ លោក អ៊ូ វីរៈ ប្រធានមជ្ឈមណ្ឌលសិទ្ធិមនុស្សកម្ពុជា បានមានប្រសាសន៍ ប្រាប់មជ្ឈមណ្ឌលព័ត៌មាន ដើមអម្ពិល នៅល្ងាចថ្ងៃទី៦ ខែមីនា ឆ្នាំ ២០១៣ ថា ចៅក្រមសាលាឧទ្ធរណ៍ បានសម្រេចប្រកាសសាលដីកា លោក ម៉ម សូណង់ដូ នៅថ្ងៃទី១៤ ខែមីនា ឆ្នាំ២០១៣ ហើយតំណាងមហាអយ្យការ បាន សម្រេចប្តូរបទចោទប្រកាន់លើលោក ម៉ម សូណង់ដូ ប៉ុន្តែទោះបីជាយ៉ាងណាក៏ដោយ ក៏នៅតែជាជាបទចោទប្រកាន់កម្រិតធ្ងន់ដដែល។ លោកបានបញ្ជាក់ថា “ ការចោទប្រកាន់ ពីការបង្កើតតំបន់អប្បគមន៍ ត្រូវបានទម្លាក់ចោល គេបានប្តូរបទចោទប្រកាន់ មកជាបទល្មើសព្រៃឈើ និងបទព្រហ្មទណ្ឌ ត្រង់មាត្រាទី២៨ ពីបទរារាំងអាជ្ញាធរ”។ សាលាឧទ្ធរណ៍ កាលពីនៅព្រឹកថ្ងៃអង្គារ ទី៥ ខែមីនា ឆ្នាំ២០១៣ បានបើកសវនាការ ជំនុំជម្រះលើករណីលោក ម៉ម សូណង់ដូ រួមជាមួយនឹងអ្នកភូមិ ជាប់ចោទផ្សេងទៀត បណ្តឹងចោទប្រកាន់ពីបទ ញុះញង់ឲ្យមានការបង្កើត តំបន់អបគមន៍ ក្នុងភូមិប្រម៉ា ឃុំកំពង់ដំរី ស្រុកឆ្លូង ខេត្តក្រចេះ ៕
-
ពលរដ្ឋនៅកោះកុងប្រតិកម្មនឹងការរុះរើផ្ទះដោយគ្មានសំណង
ប្រជាពលរដ្ឋជាង ១០០គ្រួសារ រស់នៅក្រុងខេមរភូមិន្ទ ខេត្តកោះកុង បានប្រតិកម្មទៅនឹងមន្ត្រីខណ្ឌរដ្ឋបាលព្រៃឈើ ដែលបានដាក់កម្លាំងរុះរើលំនៅឋាន និងខ្ទមរបស់ពួកគេដោយគ្មានសំណង។ ការរុះរើបានធ្វើចំនួន ២ថ្ងៃជាប់គ្នា គឺចាប់តាំងពីថ្ងៃអង្គារ ទី៥ ដល់ថ្ងៃពុធ ទី៦ ខែមីនា។ ពលរដ្ឋរស់នៅភូមិ១ សង្កាត់ស្មាច់មានជ័យ ក្រុងខេមរភូមិន្ទ បានអះអាងថា មន្ត្រីខណ្ឌរដ្ឋបាលព្រៃឈើ ដែលដឹកនាំកម្លាំងចុះរុះរើផ្ទះរបស់អ្នកភូមិ បានប្រើអាវុធបាញ់គំរាមដើម្បីរុះរើផ្ទះរបស់ពួកគាត់អស់ចំនួនជាង ១០០ខ្នងទាំងតូចទាំងធំ។ ស្ត្រីអ្នកភូមិម្នាក់ គឺអ្នកស្រី សំ សេរី បានថ្លែងនៅថ្ងៃទី៦ មីនា ថា នាយរងខណ្ឌរដ្ឋបាលព្រៃឈើដងទង់ គឺលោក ប្រាក់ ប៊ុន្នី បានដឹកនាំកម្លាំងកងរាជអាវុធហត្ថ កម្លាំងសមត្ថកិច្ចស្រុក ប្រដាប់ដោយអាវុធបាញ់គំរាមពលរដ្ឋដែលបានរារាំងសុំមិនឲ្យរុះរើផ្ទះ ខ្ទម និងរោងរបស់អ្នកភូមិ ១៣០គ្រួសារនៅលើដីចំនួន ៣៦ហិកតារដែលបានកាប់ឆ្ការតាំងពីឆ្នាំ១៩៩៧ បន្តបន្ទាប់មក។ អ្នកស្រីបន្តថា ការរុះរើនេះ ដោយសំអាងថា ពលរដ្ឋមករស់នៅលើដីកសិកម្មរបស់រដ្ឋ។
-
ពលរដ្ឋជាង៣០០នាក់ ប្រមូលផ្តុំមុខសាលាឧទ្ធរណ៍ទាមទារដោះលែងលោកម៉ម សូណង់ដូ
ប្រជាពលរដ្ឋប្រមាណ៣០០នាក់ ប្រមូលផ្តុំគ្នានៅមុខតុលាការសាលាឧទ្ធរណ៍ នៅព្រឹកថ្ងៃអង្គារនេះ ដើម្បីទាមទារឲ្យដោះលែងលោកម៉ម សូណង់ដូ ដែលពួកគេជឿថា មិនមានកំហុស។ អ្នកយកព័ត៌មានរបស់សំឡេងប្រជាធិបតេយ្យVOD លោក ញឹម សុខន រាយការណ៍មកថា ចាប់ពីម៉ោងជាង៧ព្រឹកថ្ងៃនេះ ប្រជាពលរដ្ឋមកពីសហគមន៍មួយចំនួន នៅភ្នំពេញ និងបណ្តាខេត្តនានា ប្រមូលផ្តុំគ្នានៅមុខសាលាឧទ្ធរណ៍ ទាមទារឲ្យដោះលែងលោកម៉ម សូណង់ដូ ខណៈដែលតុលាការឧទ្ធរណ៍កំពុងបើកសវនាការ លើសំណុំរឿងលោក ម៉ម សូណង់ដូ ក្រោមបទចោទថាបង្កើតតំបន់អបគមន៍។ ក្នុងសកម្មភាពទាមទារនេះ ពលរដ្ឋមានពាក់បួកពណ៌ខៀវ រំលេចដោយអក្សរពណ៌ស សរសេរថា "ដោះលែងលោកម៉ម សូណង់ដូ" និងមានអ្នកខ្លះកាន់បដា ឬរូបថតលោកម៉ម សូណង់ដូ ផងដែរ។ ក្រៅពីប្រជាពលរដ្ឋដែលប្រមូលផ្តុំគ្នានៅសាលាឧទ្ធរណ៍នៅព្រឹកនេះ ក៏មានអ្នកអង្កេតការណ៍ជាតិ និងអន្តរជាតិជាច្រើនរូបទៀត កំពុងតាមដានចំពោះសវនាការនេះដែរ។ លោក ម៉ម សូណង់ដូ បច្ចុប្បន្នមានវ័យ៧១ឆ្នាំ ជានាយកវិទ្យុសំបុកឃ្មុំ និងជាប្រធានសមាគមអ្នកប្រជាធិបតេយ្យ ត្រូវបានសាលាដំបូងរាជធានីភ្នំពេញ កាត់ទោសកាលពីថ្ងៃទី០១ ខែតុលា ឆ្នាំ២០១២ ឲ្យជាប់ពន្ធនាគារ២០ឆ្នាំ ដោយចោទថា បង្កើតតំបន់អបគមន៍ នៅស្រុកឆ្លូង ខេត្តក្រចេះ៕
-
អ្នកភូមិឡពាងខេត្តកំពង់ឆ្នាំងចោទតុលាការថាលំអៀងទៅរកអ្នកមានប្រាក់
ទំនាស់ដីធ្លីដ៏រ៉ាំរ៉ៃមួយរវាងអ្នកភូមិឡពាង ជាមួយក្រុមហ៊ុនខេឌីស៊ី (KDC International) ដែលបានអូសបន្លាយអស់រយៈពេលជាង ១០ឆ្នាំមកហើយនោះ បានកម្រើកឡើងវិញ បន្ទាប់ពីសាលាដំបូងរាជធានីភ្នំពេញ បានចេញដីកាបង្គាប់ឲ្យអ្នកភូមិឡពាង ឲ្យចូលទៅឆ្លើយបំភ្លឺតាមបណ្ដឹងចោទប្រកាន់របស់តំណាងភាគីក្រុមហ៊ុន។ ប្រជាពលរដ្ឋបានចាត់ទុកបណ្ដឹងនេះថា ជាការប្រើប្រាស់ប្រព័ន្ធតុលាការពីសំណាក់អ្នកមានប្រាក់មានអំណាច បំភិតបំភ័យប្រជាពលរដ្ឋក្រីក្រ។ សាលាដំបូងរាជធានីភ្នំពេញ នៅថ្ងៃទី២១ ខែកុម្ភៈ បានចេញដីកាបង្គាប់ឲ្យអ្នកភូមិឡពាង ២នាក់ចូលឆ្លើយបំភ្លឺពីករណីដែលក្រុមហ៊ុនខេឌីស៊ី ប្ដឹងចោទពីបទធ្វើឲ្យខូចខាតដោយចេតនា ញុះញង់ឲ្យប្រព្រឹត្តបទល្មើស និងប្រើអំពើហិង្សាទៅលើអ្នកកាន់កាប់អចលនទ្រព្យដោយសុចរិត។ អ្នកភូមិឡពាង ឈ្មោះ ផេង រ៉ុម បានឲ្យដឹងនៅល្ងាចថ្ងៃទី៤ ខែមីនា ថា អ្នកភូមិឡពាង បានរងគ្រោះបាត់បង់ដីធ្លី ហើយឥឡូវកំពុងរងគ្រោះដោយប្រព័ន្ធតុលាការដែលលំអៀងទៅរកតែអ្នកមានប្រាក់ និងមានអំណាចទៀត។ លោកបន្តថា អ្នកភូមិមិនបានលក់ដីឲ្យក្រុមហ៊ុនខេឌីស៊ី ទេ តែក្រុមហ៊ុនបានធ្វើប្លង់ព័ទ្ធយកតែម្ដង។ លោកបានចាត់ទុកបណ្ដឹងនេះថា ជាការប្រើប្រាស់ប្រព័ន្ធតុលាការក្នុងបំណងបំភិតបំភ័យប្រជាពលរដ្ឋក្រីក្រ ពីសំណាក់អ្នកមានប្រាក់ និងមានអំណាច។
-
តុលាការខេត្តរតនគិរី រកឃើញភស្តុតាងដាក់បន្ទុកបន្ថែមករណីសម្លាប់អ្នកកាសែតវីរជនខ្មែរ
តុលាការខេត្តរតនគិរី រកឃើញភស្តុតាងដាក់បន្ទុកបន្ថែមលើជនសង្ស័យពីរនាក់ប្តីប្រពន្ធ ករណីឃាតកម្មលើអ្នកកាសែតវីរជនខ្មែរ លោក ហង្ស សេរីឧត្តម បន្ទាប់ពីបើកសវនាការសាកសួរសាក្សីពេញមួយថ្ងៃ កាលពីថ្ងៃចន្ទម្សិលមិញ។ លោក ហង្ស សេរីឧត្តម ត្រូវបានសម្លាប់កាលពី ខែកញ្ញា ឆ្នាំ២០១២ ដែលសាកសពត្រូវបានគេប្រទះឃើញសាកសពស្លាប់ក្នុងឃ្លុបក្រោយនៃរថយន្តរបស់លោក ដែលចតនៅក្នុងចម្ការស្វាយចន្ទីមួយ ក្នុងនៅភូមិសួយសា ឃុំចាអុង ស្រុកអូជុំ ខេត្តរតនគិរី។ អ្នកស៊ើបអង្កេតសមាគមអាដហុកប្រចាំខេត្តរតនគិរី លោក ឆាយ ធី ឲ្យដឹងនៅព្រឹកថ្ងៃអង្គារនេះថា អង្គជំនុំជម្រះ រកឃើញថា មានភស្តុតាងមួយចំនួន ដែលដាក់បន្ទុកលើជនសង្ស័យទាំងពីរនាក់ប្តីប្រពន្ធ បន្ទាប់ពីសាកសួរទៅកាន់មន្ត្រីមូលដ្ឋាន និងមន្ត្រីជំនាញផ្នែកកោសល្យវិច័យ ព្រមទាំងផ្នែកស្រាវជ្រាវរួចមក។ ភស្តុតាងដាក់បន្ទុកទាំងនោះរួមមាន ស្បែកជើង១គូរបស់ជនរងគ្រោះដែលនៅក្បែរផ្ទះជនសង្ស័យចម្ងាយ១៥ម៉ែត្រ ភួយមានក្លិនស្អុយត្រាំទឹក និងលេខទូរស័ព្ទជនសង្ស័យ ដែលបានហៅមកកាន់ជនរងគ្រោះ មុនពេលកើតហេតុ។ លោកបន្ថែមថា តុលាការខេត្តរតនគិរី បានសម្រេច កំណត់ពេលសវនាការសាកសួរជាថ្មីទៀត នៅថ្ងៃទី១ ខែមេសា ឆ្នាំ២០១៣។
-
ពលរដ្ឋចោទអធិការស្រុកមួយ ក្នុងខេត្ដកំពង់ធំ ថារារាំង និងគំរាមកំហែងពួកគេ
ប្រជាពលរដ្ឋរាប់រយនាក់ នៅភូមិឈូកស្ទឹង ឃុំឈូក ស្រុកប្រាសាទសំបូរ ខេត្ដកំពង់ធំ ប្រតិកម្មនឹងអធិការស្រុកនេះ ថាបានរារាំង និងគំរាមកំហែង មិនឲ្យពួកគេប្រារព្ធពិធីរាំលក់ផ្កា ដើម្បីរកប្រាក់ឧបត្ថម្ភសហគមន៍ ក្នុងពិធីបុណ្យភូមិ និងបុណ្យឡើងអ្នកតាប្រចាំឆ្នាំ។ ពលរដ្ឋនៅភូមិឈូកស្ទឹង ឃុំឈូក ស្រុកប្រាសាទសំបូរ លោក ហ៊ួន ធីធូរ៉ា ប្រាប់ VODនៅថ្ងៃអង្គារនេះថា កាលពីចុងសប្ដាហ៍មុន អធិការស្រុកប្រាសាទសំបូរ លោក យ៉េង សារ៉េន បានបញ្ជាអធិការរងស្រុក ឲ្យមកបញ្ឈប់ពិធីរាំលក់ផ្កាក្នុងពិធីបុណ្យភូមិ និងឡើងអ្នកតាប្រចាំឆ្នាំ ដើម្បីរកប្រាក់ទិញសម្ភារៈសម្រាប់ប្រើប្រាស់ក្នុងសហគមន៍របស់ពួកគេ។ លោកបន្ថែមថា សមត្ថកិច្ច លើកឡើងថា មិនមានច្បាប់អនុញ្ញាតតែលោកថា អ្នករៀបចំពិធីបុណ្យបានសុំច្បាប់ពីសមត្ថកិច្ច និងមេឃុំត្រឹមត្រូវ ប៉ុន្ដែត្រូវអធិការស្រុកនោះ និយាយថាមិនត្រឹមត្រូវតាមច្បាប់ ៖
-
អាជ្ញាធរខេត្តព្រះសីហនុចុះរុះរើផ្ទះអ្នកភូមិ
តុលាការសាលាដំបូងខេត្តព្រះសីហនុ សម្រេចអនុវត្តន៍សាលក្រមបណ្ដោះអាសន្ន ដើម្បីឈូសឆាយដីចម្ការ និងដីភូមិ រុះរើផ្ទះសម្បែងចំនួន ២១គ្រួសារ នៅចំណុចចំរាំង ក្នុងឃុំកែវផុស ស្រុកស្ទឹងហាវ នៅថ្ងៃទី៥ ខែមីនា។ ការចុះអនុវត្តន៍សាលក្រមនេះ ត្រូវមន្ត្រីអង្គការសិទ្ធិមនុស្សរិះគន់ថា ជាការបំពានច្បាប់ ខណៈសាលក្រមនោះមិនទាន់ចូលជាស្ថាពរនៅឡើយ ម្យ៉ាងបណ្ដឹងទំនាស់ដីធ្លីដ៏រ៉ាំរ៉ៃរវាងអ្នកភូមិជាមួយនាយកក្រុមហ៊ុនស្រាបៀលីអូ កំពុងស្ថិតក្នុងដៃសាលាឧទ្ធរណ៍នៅឡើយ។ ផ្ទះថ្ម និងផ្ទះឈើធំៗរួមទាំងដំណាំរបស់អ្នកភូមិ ២១គ្រួសារ ក្នុងចំណុចចំរាំង ក្នុងឃុំកែវផុស ស្រុកស្ទឹងហាវ ត្រូវរុះរើ និងដួលរាបដល់ដី នៅគ្រាដែលសមត្ថកិច្ចចម្រុះបានចុះអនុវត្តន៍រុះរើផ្ទះសម្បែងរបស់អ្នកភូមិ តាមសាលក្រមបណ្ដោះអាសន្នរបស់តុលាការខេត្ត ដើម្បីរឹបអូសយកដីទាំងនោះប្រគល់ឲ្យភាគីម្ខាងទៀតរបស់លោក ជៀម ផែន ជានាយកក្រុមហ៊ុនស្រាបៀលីអូ។ អ្នកភូមិជាង ៤០គ្រួសារ មានទំនាស់ដីធ្លីរ៉ាំរ៉ៃជាមួយនាយកក្រុមហ៊ុនស្រាបៀលីអូ តាំងពីឆ្នាំ២០០៥។ ករណីនេះ ត្រូវបានប្ដឹងផ្តល់ឡើងតុលាការ ហើយត្រូវតុលាការខេត្តព្រះសីហនុ សម្រេចឲ្យលោក ជៀម ផែន ជាអ្នកឈ្នះ កាលពីដើមឆ្នាំ២០១២ ប៉ុន្តែត្រូវអ្នកភូមិដាក់ពាក្យប្ដឹងទាស់ទៅសាលាឧទ្ធរណ៍។ អ្នកភូមិអះអាងថា ដីចម្ការ និងដីលំនៅឋានទំហំជិត ៤០០ហិកតាររបស់ពួកគាត់ ត្រូវបានកាន់កាប់តាំងពីបែកសម័យ ប៉ុល ពត ភ្លាមៗមកម្ល៉េះ។ មកទល់ពេលនេះ មានអ្នកភូមិចំនួន ២១គ្រួសារប៉ុណ្ណោះ ដែលនៅក្រាញននៀលរស់នៅតំបន់នោះ ក្រៅពីនេះ អ្នកភូមិខ្លះសម្រេចលក់ ឬរើចេញពីតំបន់ជម្លោះ ដោយភ័យខ្លាចការគំរាមកំហែងរបស់ក្រុមហ៊ុន។
-
កម្មកររោងចក្រនៅខេត្តកណ្តាលជាង១០០នាក់ ត្រូវបានបញ្ឈប់ពីការងារជាបន្តបន្ទាប់
កម្មកររោងចក្រនៅខេត្តកណ្តាលជាង១០០នាក់ ត្រូវបានបញ្ឈប់ពីការងារជាបន្តបន្ទាប់ បោះពុម្ព ដោយ ថុល ស្រីលក្ខណ៍ និង ស៊ុន ណារិន ថ្ងៃអង្គារ ទី05 មីនា ឆ្នាំ2013 ម៉ោង10:18 កម្មករជាង១០០នាក់ នៃរោងចក្រ Enternity Global Sporting នៅស្រុកអង្គស្នួល ខេត្តកណ្តាល ត្រូវបានថៅកែរោងចក្របញ្ឈប់ពីការងារ បន្ទាប់ពីពួកគេតវ៉ាទាមទារលក្ខខណ្ឌការងារ និងដំឡើងប្រាក់ថ្លៃបាយ។ លោក ធឿន ចេក ជាកម្មករ បានឲ្យដឹងVODដឹងនៅរសៀលថ្ងៃចន្ទ ទី០៤ ខែមីនាថា កម្មករជាង១០០នាក់ ដែលបានបន្តកូដកម្មនៅខាងមុខរហូតមកដល់ថ្ងៃចន្ទនេះ ត្រូវបានថៅកែរោងចក្រ បិទប្រកាសបញ្ឈប់ នៅខាងមុខរោងចក្រជាបន្តបន្ទាប់។ លោកថា ក្រៅពីនោះថៅកែរោងចក្រ បានឲ្យសមត្ថកិច្ចយាមដោយមានខែល នឹងដំបងរារាំងកម្មករមិនឲ្យចូលទៅធ្វើការ ៖ "បិទតាំងពីថ្ងៃដែលពួកខ្ញុំកូដកម្មបានមួយថ្ងៃ បញ្ឈប់ពួកខ្ញុំបីនាក់ហើយបន្តបន្ទុយគ្នា តាមប្រុសៗប៉ុន្មាននាក់ហ្នឹង ហើយឥឡូវគេបិទបន្តទៀតហើយ គេអត់ព្រមដោះស្រាយ គេសុទ្ធចិត្តយកប៉ូលិសមកកាង អត់ឲ្យដោះស្រាយជាមួយពួកខ្ញុំផងហ្នឹង"។
គាំទ្រដោយ
