កំពុងស្វែងរកទិន្នន័យ
រកឃើញ: 13.209
-
អ្នកវិភាគ៖ របងលំនៅឋានពលរដ្ឋអាចរក្សាព្រំដែនមិនឲ្យបរទេសឈ្លានពាន
អ្នកវិភាគបញ្ហាសង្គមឯករាជ្យ អះអាងថា រដ្ឋាភិបាលគួរធ្វើការអភិវឌ្ឍនៅតាមបន្ទាត់ព្រំដែនជាមួយប្រទេសជិតខាងឲ្យមានគ្រប់ហេដ្ឋារចនាសម្ព័ន្ធ និងលើកទឹកចិត្តឲ្យប្រជាពលរដ្ឋទៅរស់នៅ ឬសង់លំនៅឋានឲ្យបានច្រើន ដើម្បីទប់ស្កាត់ការលួចរំកិលបង្គោលព្រំដែនពីប្រទេសជិតខាង។ ការអះអាងនេះ កើតឡើងបន្ទាប់ពីមានពលរដ្ឋមួយចំនួន រស់នៅតាមព្រំដែនត្អូញត្អែរថា មានប្រទេសជិតខាងកម្ពុជា បានលួចរំកិលបង្គោលព្រំដែន ឬការបោះបង្គោលខណ្ឌសីមាព្រំដែន បានរំលោភចូលទឹកដីកម្ពុជា។ អ្នកវិភាគបញ្ហាសង្គម និងពលរដ្ឋអះអាងថា របងការពារព្រំដែនដែលរឹងមាំ គឺរបងដែលធ្វើឡើងពីមនុស្ស និងកន្លែងរស់នៅរបស់ពួកគេ។ លោក កែម ឡី អ្នកស្រាវជ្រាវឯករាជ្យផ្នែកអភិវឌ្ឍន៍សង្គម យល់ឃើញថា វិធានការការពារទឹកដីតាមព្រំដែនមិនឲ្យបរទេសរំលោភ ឬរំកិលព្រំដែនដែលមានប្រសិទ្ធភាព គឺរដ្ឋាភិបាលគប្បីជំរុញការអភិវឌ្ឍនៅតាមព្រំដែនឲ្យមានគ្រប់ ហេដ្ឋារចនាសម្ព័ន្ធ និងលើកទឹកចិត្តពលរដ្ឋឲ្យទៅរស់នៅ ឬសង់លំនៅឋានតាមព្រំដែនឲ្យបានច្រើន។ លោកថា ការអភិវឌ្ឍឲ្យមានប្រព័ន្ធទឹក ភ្លើង សាលារៀន ឬមន្ទីរពេទ្យតាមបន្ទាត់ព្រំដែន និងមានពលរដ្ឋរស់នៅច្រើន មានសេដ្ឋកិច្ចដំណើរការ គឺអាចទប់ស្កាត់ការលួចរំកិលព្រំដែនពីប្រទេសជិតខាង មានប្រសិទ្ធភាពជាងការបោះកំណត់បង្គោលថ្ម ដែលរដ្ឋាភិបាលកំពុងអនុវត្តសព្វថ្ងៃ។
-
សហរដ្ឋអាមេរិក បញ្ជាក់ជាថ្មីពីការប្តេជ្ញា ដើម្បីសិទ្ធិប្រជាពលរដ្ឋកម្ពុជា
សហរដ្ឋអាមេរិក បញ្ជាក់ជំហរបស់ខ្លួនជាថ្មីម្តងទៀត ទៅភាគីកម្ពុជាថា សហរដ្ឋអាមេរិកនៅតែប្តេជ្ញា ដើម្បីសិទ្ធិប្រជាពលរដ្ឋកម្ពុជា ដែលកំពុងត្រូវបានរិះគន់ពីសំណាក់សង្គមស៊ីវិលជាតិ និងសហគមន៍អន្តរជាតិ។ ការលើកឡើងជាថ្មីនេះ ធ្វើឡើងបន្ទាប់ពីឧបការីរដ្ឋមន្ត្រីក្រសួងការបរទេសសហរដ្ឋអាមេរិកទទួលបន្ទុកលទ្ធិប្រជាធិបតេយ្យ និងសិទ្ធិមនុស្ស លោក Michael Posner បានបំពេញទស្សនកិច្ចនៅកម្ពុជា និងបានជួបជាមួយរដ្ឋមន្រ្តីការបរទេសកម្ពុជា លោក ហោ ណាំហុង។ សេចក្តីប្រកាសព័ត៌មានរបស់ក្រសួងការបរទេសអាមេរិកចេញផ្សាយ នៅថ្ងៃអង្គារ ទី១៩ ខែកុម្ភៈ ឲ្យដឹងថា សហរដ្ឋអាមេរិក លើកឡើងជាថ្មីម្តងទៀតថា សហរដ្ឋអាមេរិក ប្តេជ្ញាដើម្បីសិទ្ធិប្រជាជនកម្ពុជា ដែលឆ្លុះបញ្ចាំងពីគោលដៅ និងបំណងប្រាថ្នារបស់សហរដ្ឋអាមេរិក។
-
ពលរដ្ឋខេត្តពោធិ៍សាត់តវ៉ាចំពោះការបង់ពន្ធដី
បន្ទាប់ធ្វើលិខិតសំណូមពរទៅសាលាខេត្ត តែពុំទទួលបានលទ្ធផល ប្រជាពលរដ្ឋក្នុងភូមិចំនួន៣ នៃក្រុងពោធិ៍សាត់ បានលើកគ្នាមកតវ៉ាចំពោះមន្ទីររៀបចំដែនដីនគរូបនីយកម្ម សំណង់ និងសុរិយោដី ខេត្តពោធិ៍សាត់ ដែលបានតម្រូវឲ្យគាត់បង់ពន្ធដីនៅពេលគាត់បំបែកប្លង់ដី ដើម្បីបែងចែកឲ្យកូនក្នុងគ្រួសារ។ ប្រជាពលរដ្ឋជាង ៥០គ្រួសារ ដែលរស់នៅក្នុងសង្កាត់ផ្ទះព្រៃ ក្រុងពោធិ៍សាត់ នៅព្រឹកថ្ងៃទី១៩ កុម្ភៈ បានលើកគ្នាមកមន្ទីររៀបចំដែនដី នគរូបនីយកម្ម សំណង់ និងសុរិយោដីខេត្ត ព្រមានថា បើនៅតែទាមទារឲ្យពួកគាត់បង់លុយក្នុងការកាត់ឈ្មោះប្លង់ដីទៀត នោះ ពួកគាត់ប្រហែលមិនបោះឆ្នោតគាំទ្រគណបក្សប្រជាជនទៀតទេ។ បុរសអ្នកភូមិឈ្មោះ ញ៉ែម រ៉េន នៅភូមិអូរស្ដៅ សង្កាត់ផ្ទះព្រៃ ក្រុងពោធិ៍សាត់ បានឲ្យដឹងថា មូលហេតុដែលគាត់សម្រេចចិត្តបំបែកដីគាត់ជាប្លង់តូចៗ ចែកឲ្យកូននោះ ដោយមន្ត្រីសុរិយោដីដែលចុះទៅផ្សព្វផ្សាយពីការធ្វើប្លង់ដីជា ប្រព័ន្ធនោះ បានប្រាប់គាត់ និងអ្នកភូមិថា ការបំបែកប្លង់នេះពុំមានបង់ពន្ធដារអ្វីទេ ទើបអ្នកភូមិនាំគ្នាបំបែកប្លង់ដីគ្រប់ៗគ្នា ស្រាប់តែឥឡូវ គេបែរជាតម្រូវឲ្យបង់ពន្ធទៅវិញ។ គាត់បន្តថា អ្នកភូមិសុទ្ធតែក្រីក្រ តើមានលុយឯណាយកទៅបង់ បើមួយប្លង់រាប់រយដុល្លារឯណោះ៖ «បើ លក់ ខ្ញុំអត់តវ៉ាទេ ព្រោះលក់បានលុយយកលុយនេះទៅបង់ពន្ធ។ ចុះនេះ ចែកឲ្យកូនបានលុយពីណាយកមកបង់ពន្ធ។ ពេលមន្ត្រីចុះទៅធ្វើ ប្រាប់ថាអត់ជាប់ពន្ធ ស្រាប់តែឥឡូវឲ្យបង់ពន្ធ។ បើលិខិតដែលរដ្ឋចេញឲ្យពីមុននោះស្របច្បាប់ ហើយខ្ញុំមិនចាំបាច់បំបែកឲ្យកូនក៏បាន»។
-
កម្មករយ៉ុងវ៉ាទទួលបានសំណងចំនួន៥ចំណុចពីរដ្ឋាភិបាល ពេលបិទក្រុមហ៊ុន
កម្មករជាង ៧០០០នាក់ នៅរោងចក្រយ៉ុងវ៉ានៅក្រុងតាខ្មៅ ខេត្តកណ្តាល កំពុងបើកប្រាក់អត្ថប្រយោជន៍ផ្សេងៗ ពីរាជរដ្ឋាភិបាលកម្ពុជា ដោយសារក្រុមហ៊ុននេះបិទទ្វារឈប់ដំណើរការ។ មន្រ្តីគោលនយោបាយ និងច្បាប់ នៃសហជីព ស៊ីខៅឌូ លោក អ៊ុំ វិសាល មានប្រសាសន៍នៅព្រឹកថ្ងៃពុធនេះថា កម្មករជាង៧០០០នាក់ នៅរោងចក្រយ៉ុងវ៉ា កំពុងបើកប្រាក់អត្ថប្រយោជន៍ចំនួន៥ចំណុច បន្ទាប់ពីរដ្ឋាភិបាលបានបញ្ចេញលុយឲ្យខ្ចី ជាង៨លានដុល្លារ ដើម្បីបើកឲ្យកម្មករទាំងនេះ ៖ " បើទោះជាយ៉ាងណា មានកម្មករមួយចំនួនតវ៉ាថា មានការបាត់ប្រាក់អត្ថប្រយោជន៍របស់ខ្លួន តែមន្រ្តីសហជីពអះអាងថា នឹងស៊ើបអង្កេតករណីនេះ។ ប្រធានសហជីពកម្មករប្រចាំរោងចក្រយ៉ុងវ៉ា១ អ្នកស្រី គ្រី រំដួល មានប្រសាសន៍ដែរថា ចាប់តាំងពីល្ងាចម្សិលមិញ មកដល់ថ្ងៃនេះ ក្រសួងការងារបើកប្រាក់សំណងចំនួន ៥ចំណុច ដល់រោងចក្រយ៉ុងវ៉ា២ តែយ៉ុងវ៉ា១មិនទាន់បានបើកនៅឡើយទេ។ អ្នកស្រីបន្តថា កម្មកររោងចក្រយ៉ុងវ៉ាទទួលបានប្រាក់អតីតភាពច្រើន ដោយសារពួកគេធ្វើការចាប់ពី១ឆ្នាំ ដល់១៥ឆ្នាំ ៖ "
-
អង្គការសិទ្ធិមនុស្សទាមទារឲ្យរដ្ឋាភិបាលធ្វើកំណែទម្រង់ប្រព័ន្ធតុលាការ
បន្ថែមពីលើបញ្ហានេះ ប្រធានមជ្ឈមណ្ឌលសិទ្ធិមនុស្សកម្ពុជា លោក អ៊ូ វីរៈ មានប្រសាសន៍ថា កញ្ចប់ថវិកាជាតិដែលផ្ដល់ទៅឲ្យប្រព័ន្ធតុលាការនៅមានកម្រិតនៅឡើយនោះ ជាដើមហេតុមួយនាំឲ្យមន្ត្រីតុលាការមួយចំនួនបានប្រើប្រាស់ស្ថាប័នតុលាការស្វែងរកលាភសក្ការៈ និងប្រព្រឹត្តអំពើពុករលួយរបស់ខ្លួន។
-
មជ្ឈមណ្ឌលសិទ្ឋិមនុស្សកម្ពុជាបង្កើតសកម្មភាពគំាទ្រលោកម៉ម សូណង់ដូទាល់តែមានថ្ងៃដោះលែង
មកដល់ថ្ងៃអង្គារទី១៩កុម្ភៈឆ្នាំ២០១៣ នេះ លោកម៉ម សូណង់ដូ បានជាប់ពន្ធនាគារ ចំនួន២២១ថ្ងៃមកហើយ។ ចំនួនថ្ងៃជាប់ឃុំរបស់ប្រធានវិទ្យុសំបុកឃ្មុំរូបនេះ មិនបាច់រាប់ម្រាមដៃក៏ដឹងដែរ ប្រសិនបើគេធ្វើដំណើរឆ្លងកាត់ទីស្នាក់ការមជ្ឈមណ្ឌលសិទ្ឋិមនុស្សរបស់លោកអ៊ូ វីរៈ ។ នៅទីនោះមានដាក់ផ្ទំាងប៉ាណូមួយឈ្មោះថា ប្រតិទិនយុត្តិធម៌។ ប្រតិទិនយុត្តិធម៌ បង្ហាញពីចំនួនថ្ងៃដែលលោក ម៉ម សូណង់ដូ ជាប់ឃុំ។ ប្រតិទិនយុត្តិធម៌ ជាសកម្មភាពមួយក្នុងចំណោមសកម្មភាពមួយចំនួនទៀត រៀបចំឡើងដោយអង្គការសិទ្ធិមនុស្ស ដើម្បីឲ្យមានការចងចំាករណីលោកម៉ម សូណង់ដូ និងទាមទារដល់អាជ្ញាធរឲ្យដោះលែងគាត់ឲ្យមានសេរីភាពឡើងវិញ។ មជ្ឈមណ្ឌលសិទ្ធិមនុស្សកម្ពុជាអះអាងថា ខ្លួននឹងបន្តសកម្មភាពដើម្បីគំាទ្រ លោកម៉ម សូណង់ដូ រហូតទាល់តែមានការដោះលែង សកម្មជនសិទ្ឋិមនុស្សរូបនេះ នៅក្រៅឃុំ។
-
រដ្ឋាភិបាលធានាសងប្រាក់ទាំងអស់ដល់កម្មកររោងចក្រយុងវ៉ា
បន្ទាប់ពីកម្មកររោងចក្រយុងវ៉ា (Yung Wah) ជាង ៧ពាន់នាក់ បានតវ៉ាអស់រយៈពេលមួយខែ ទាមទារប្រាក់សំណងពីថៅកែរោងចក្របរទេសរត់ចោលពួកគេរួចមក នៅថ្ងៃ១៩ កុម្ភៈ នេះ តំណាងរដ្ឋាភិបាលបានចេញមុខប្រកាសសន្យាថា រដ្ឋាភិបាលនឹងសងប្រាក់ទាំងអស់ដល់កម្មករជំនួសថៅកែរោងចក្រ។ មន្ត្រីរដ្ឋាភិបាល រួមទាំងមន្ត្រីសហជីពកម្មករបានអះអាងថា លោកនាយករដ្ឋមន្ត្រី ហ៊ុន សែន បានបញ្ជាឲ្យក្រសួងការងារ សងប្រាក់អតីតភាពការងារកម្មកររោងចក្រ យុងវ៉ា ដែលបានធ្វើកូដកម្មតវ៉ាកន្លងមក។ រោងចក្រ យុងវ៉ា ស្ថិតនៅក្នុងខេត្តកណ្ដាល មានកម្មករជាង ៧ពាន់នាក់ ហើយបានធ្វើកូដកម្មទាមទារប្រាក់សំណងនេះប្រហែលមួយខែមកហើយ បន្ទាប់ពីថៅកែរោងចក្រនេះលួចរត់ចោលរោងចក្រកាលពីដើមឆ្នាំ២០១៣ នេះមក។ លោក ធុល នាង ប្រធានមន្ទីរការងារខេត្តកណ្ដាល មានប្រសាសន៍ថ្ងៃទី១៩ កុម្ភៈ ថា ក្រុមមន្ត្រីរបស់លោកកំពុងធ្វើការស្រាវជ្រាវ កត់ត្រាឯកសារអតីតភាពការងារកម្មករ យុងវ៉ា ដើម្បីធ្វើជាឯកសារយោងបើកប្រាក់សំណងដល់កម្មករ។
-
ថៃរឹតបន្តឹងមិនឲ្យពលរដ្ឋខ្មែរធ្វើផ្ទះនៅតាមខ្សែបន្ទាត់ច្រកជាំសាង៉ាំ
ទាហានយាមការពារព្រំដែនរបស់ថៃ នៅចំណុចច្រកជាំសាង៉ាំ ស្ថិតក្នុងស្រុកអន្លង់វែង ខេត្តឧត្តរមានជ័យ បានហាមប្រាមប្រជាពលរដ្ឋខ្មែរមិនឲ្យសង់ផ្ទះ និងតូបលក់ដូរឥវ៉ាន់នៅក្បែរច្រកទ្វារព្រំដែន ក្នុងទឹកដីរបស់ខ្មែរនោះទេ។ គេមិនបានដឹងអំពីមូលហេតុនៃការហាមប្រាមនោះឡើយ។ ប្រជាពលរដ្ឋខ្មែរដែលរស់នៅតាមខ្សែបន្ទាត់ព្រំដែនច្រកជាំសាង៉ាំ មិនសប្បាយចិត្ត ដោយពួកគេមិនអាចធ្វើសំណង់ផ្សេងៗក្នុងទឹកដីខ្មែរដែលឋិតនៅក្បែរព្រំដែនថៃបាន។ លោកស្រី ហ៊ុប វណ្ណា មានប្រសាសន៍កាលពីថ្ងៃទី១៧ កុម្ភៈ ថា ពលរដ្ឋខ្មែរដែលរស់នៅជាប់ខ្សែបន្ទាត់ព្រំដែនកម្ពុជា-ថៃ ក្នុងស្រុកអន្លង់វែង ខេត្តឧត្តរមានជ័យ ជាប់នឹងខេត្តស៊ីសាកេត ប្រទេសថៃ ជួបផលលំបាកក្នុងសាងសង់លំនៅឋាន ឬទីជម្រកសម្រាប់ប្រកបការងារប្រចាំថ្ងៃ ព្រោះតែត្រូវយោធាឈុតខ្មៅថៃ ហាមឃាត់ សូម្បីក្នុងទឹកដីរបស់ខ្មែរហើយក៏ដោយ។
-
ឯកអគ្គរាជទូតអង់គ្លេសស្វែងយល់បញ្ហាទំនាស់ដីធ្លីនៅខេត្តប៉ែកឦសាន
មន្ត្រីស្ថានទូតប្រទេសអង់គ្លេស ប្រចាំប្រទេសកម្ពុជា មកបំពេញទស្សនកិច្ចផ្លូវការលើកដំបូងនៅខេត្តរតនគិរី ដើម្បីស្វែងយល់ពីជីវភាពរស់នៅ និងបញ្ហានានារបស់ប្រជាពលរដ្ឋ រួមទាំងជួបពិភាក្សាជាមួយអាជ្ញាធរមូលដ្ឋាន។ ដំណើរទស្សនកិច្ចនេះមានគោលបំណងស្វែងយល់ពីបញ្ហាប្រឈមទាក់ទិនដីធ្លី និងដំណោះស្រាយនៅក្នុងខេត្តប៉ែកឦសាន។ មន្ត្រីតំណាងអង្គការសង្គមស៊ីវិលមួយចំនួននៅខេត្តរតនគិរី បានលើកយកបញ្ហាទំនាស់ដីធ្លី បញ្ហាចុះបញ្ជីដីធ្លីសហគមន៍ជនជាតិដើមជាកម្មសិទ្ធិសមូហភាព និងផលប៉ះពាល់ស្ដីពីការកសាងទំនប់វារីអគ្គិសនីសេសានក្រោម២ នៅខេត្តស្ទឹងត្រែង ជម្រាបជូនលោកឯកអគ្គរាជទូតអង់គ្លេស ប្រចាំប្រទេសកម្ពុជា ដើម្បីឲ្យជួយស្វែងរកដំណោះស្រាយ។
-
ពលរដ្ឋនៅខេត្តមណ្ឌលគិរីតវ៉ាសុំឲ្យបញ្ចុះតម្លៃអគ្គិសនី
ប្រជាពលរដ្ឋនៅខេត្តមណ្ឌលគិរី បានតវ៉ាសុំឲ្យបញ្ចុះថ្លៃអគ្គិសនីពី ១.៥០០រៀល មក ៦៥០រៀលក្នុងមួយគីឡូវ៉ាត់ម៉ោង។ កន្លងមក ប្រទេសជប៉ុន បានផ្តល់ជំនួយឥតសំណងសាងសង់វារីអគ្គិសនីខ្នាតតូចចំនួនពីរ សម្រាប់ផលិតថាមពលអគ្គិសនីប្រើប្រាស់ក្នុងទីរួមខេត្ត កាលពីឆ្នាំ២០០៨។ ហូតមកទល់នឹងឆ្នាំ២០១១ អាជ្ញាធរពាក់ព័ន្ធបានទិញថាមពលអគ្គិសនីបន្ថែមទៀតពីប្រទេសវៀតណាម មកបំពេញការប្រើប្រាស់ឲ្យបានគ្រប់គ្រាន់ ក៏ប៉ុន្តែប្រជាពលរដ្ឋត្អូញត្អែរថាតម្លៃលក់ថាមពលអគ្គិសនីមានតម្លៃថ្លៃ។ មន្ត្រីអាជ្ញាធរខេត្តមណ្ឌលគិរី បានជូនដំណឹងអ្នកស្រុកមកតវ៉ាចំពោះតម្លៃអគ្គិសនីថា មូលហេតុដែលបណ្ដាលឲ្យថ្លៃអគ្គិសនីខ្ពស់ មកពីម៉ាស៊ីនផលិតនោះប្រើប្រេង មិនមែនប្រើអគ្គិសនីដែលផលិតបានពីវារីអគ្គិសនីទាំងស្រុងនោះទេ។
-
ពលរដ្ឋនៅពោធិ៍សាត់៣០០នាក់រកអន្តរាគមន៍ដោះលែងមនុស្ស៣០នាក់
បន្ទាប់ពីមានការចាប់ខ្លួនជនសង្ស័យនេសាទខុសច្បាប់ ៣០នាក់បញ្ជូនទៅតុលាការ ប្រជាពលរដ្ឋដែលរស់នៅឯភូមិបណ្ដែតទឹក ក្នុងឃុំកំពង់លួង ខេត្តពោធិ៍សាត់ ប្រមាណ ៣០០នាក់ បានលើកគ្នាមកកាន់សាលាឃុំធ្វើការតវ៉ា។
-
សាលាឧទ្ធរណ៏បើសវនាការករណី លោក ម៉ម សូណង់ដូ
លោក ម៉ម សូណង់ដូ នាយកស្ថានីយ៍វិទ្យុសំបុកឃ្មុំ និង ជាប្រធានសមាគមអ្នកប្រជាធិបតេយ្យម្នាក់ ត្រូវបានសាលាដំបូងរាជធានីភ្នំពេញសម្រេចផ្តន្ទាទោសលោក អោយជាប់ពន្ធនាគាររយៈពេល ២០ ឆ្នាំ ដោយចោទពីបទពាក់ព័ន្ធនឹងការបង្កើតតំបន់អបគមន៍នៅខេត្តក្រចេះនៅខែ តុលា ឆ្នាំ២០១២។ បើយោងតាមលោកចៅក្រមសាលាឧទ្ធរណ៏ ឃុន លាងមេង កាលពីម្សិលម៉ិញនេះ មានប្រសាសន៏ថា សាលាឧទ្ធរណ៏គ្រោងនឹងបើសវនាការនៅថ្ងែទី ៥ ខែ មិនា ឆ្នាំ២០១៣ខាងមុខន។
-
ម្មករនៅក្រុងបាវិតនឹងត្រឡប់ធ្វើការងារវិញនៅថ្ងៃអង្គារ
ខេត្តស្វាយរៀង៖ បើយោងតាមអគ្គនាយកក្រសួងការងារ និង វិជ្ជាជីវៈ បានអោយដឹងថា កម្មករដែលបានធ្វើបាតុកម្ម នៅរោងចក្រនៅតំបន់សេដ្ឋកិច្ចក្រុងបាវិត នឹងត្រឡប់ចូលធ្វើការងារវិញ នៅថ្ងៃអង្គារនេះ ។
អានបន្ត -
កម្មករនៅតែបន្តរបាតុកម្ម ខណៈពេលការចរចារត្រូវបានពន្យាពេលទៅសប្តាហ៏ក្រោយ
ក្រុមកម្មកររោងចក្រ Manhattan ដែលស្ថិតនៅក្នុងតំបន់សេដ្ឋកិច្ចពេសេស ក្រុងបាវិត នៅតែបន្តរបាតុកម្មរហូតមកដល់ថ្ងៃចន្ទ័នេះ ដោយសារតែដំណោះស្រាយលើបញ្ហាដែលកម្មករសុំអោយតំឡើងប្រាក់ខែ នោះត្រូវបានពន្យាពេលដោយក្រុមហ៊ុនពីរលើកទៅហើយ។ ការជួបគ្នាចរចា ដើម្បីរកដំណោះស្រាយដែលមានការចូលរួមពីប្រធានសហជីព ថៅកែរោងចក្រ និង ក្រសួងការងារ និង វិជ្ជាជីវៈ នឹងត្រូវធ្វើឡើងនៅនៅថ្ងៃអង្គារ សប្តាហ៏ក្រោយ។
អានបន្ត -
សមត្ថកិច្ច គំរាមចាប់ខ្លួនប្រជាសហគមន៍ ដែលកំពុងតវ៉ា សុំដោះលែងសកម្មជនដីធ្លី
កម្លាំងសមត្ថកិច្ចរាជធានីភ្នំពេញ ព្រមានចាប់ប្រជាសហគមន៍ ដែលមានជម្លោះដីធ្លីនៅរសៀលថ្ងៃចន្ទនេះ ខណៈពួកគេកំពុងតែប្រមូលផ្តុំស្រែក រកអន្តរាគមន៍ពីលោកនាយករដ្ឋមន្រ្តី ហ៊ុន សែន ដោះលែងសកម្មជនដីធ្លី អ្នកស្រី យ៉ោម បុប្ផា។ ប្រជាសហគមន៍ ដែលមានជម្លោះដីធ្លី គឺសហគមន៍បឹងកក់ អតីតបុរីកីឡា ថ្មគោលជិត ១០០នាក់ បានបន្តដំណើរទៅផ្ទះលោកនាយករដ្ឋមន្រ្តី ហ៊ុន សែន នៅរសៀលថ្ងៃចន្ទនេះ ដើម្បីសុំអន្តរាគមន៍ដោះលែងអ្នកស្រី យ៉ោម បុប្ផា បន្ទាប់ពីពួកគេបានទៅក្រសួងយុត្តិធម៌ ដើម្បីសុំអន្តរាគមន៍ តែមិនទាន់មានមន្រ្តីណាមួយចេញមកដោះស្រាយ។
-
អង្គការ៤គ្រោងធ្វើសិក្ខាសាលាស្ដីអំពីហិរញ្ញវត្ថុនយោបាយ
មជ្ឈមណ្ឌលសិទ្ធិមនុស្សកម្ពុជា បានចេញផ្សាយកំណត់ត្រាសង្ខេបរបស់ខ្លួនកាលពីសប្ដាហ៍មុន ស្ដីពីកំណែទម្រង់នយោបាយ និងប្រព័ន្ធបោះឆ្នោតសម្រាប់កម្ពុជា។ នៅក្នុងកំណត់ត្រានេះ ក៏បានសរសេរអំពីគម្លាតខុសគ្នារវាងគណបក្សកាន់អំណាច និងគណបក្សដទៃទៀតក្នុងការប្រើប្រាស់ថវិកានៅពេលឃោសនាបោះឆ្នោត គឺគណបក្សប្រជាជនកម្ពុជា បានចំណាយលុយច្រើនលើសលុបនៅក្នុងពេលយុទ្ធនាការបោះឆ្នោត។
-
ក្រសួងមហាផ្ទៃប្រតិកម្មចំពោះការផ្សាយព័ត៌មានទាហានតំបន់ព្រះវិហារខ្វះទឹក
ទោះជាយ៉ាងណាក្តី ប្រធានមជ្ឈមណ្ឌលសិទ្ធិមនុស្សកម្ពុជា លោក អ៊ូ វីរៈ យល់ឃើញថា ការផ្សាយព័ត៌មានរបស់វិទ្យុអាស៊ីសេរី ពីការខ្វះខាតទឹកប្រើប្រាស់របស់កងកម្លាំងការពារព្រំដែននេះ ជាការដាស់តឿនឲ្យមន្ត្រីថ្នាក់ខ្ពស់បានដឹងពីចំណុចអសកម្មទាំងឡាយដែលកើតមាន ដើម្បីរកដំណោះស្រាយ។ លោកបន្តថា បើរាជរដ្ឋាភិបាលចង់ពន្យល់បន្ថែមទៀតពីរឿងទ័ពខ្វះខាតទឹកនាំឲ្យប៉ះពាល់សន្តិសុខជាតិនោះ អាចចេញសេចក្តីប្រកាសពន្យល់ណែនាំជាលាយលក្ខណ៍អក្សរបាន តែអ្វីដែលសំខាន់ គឺដោះស្រាយបញ្ហាទឹកជូនកងកម្លាំងជាមុនសិន។ លោក អ៊ូ វីរៈ បញ្ជាក់ថា ការហាមប្រាមមិនឲ្យផ្សព្វផ្សាយព័ត៌មានទៅវិញទេ ដែលបង្កឲ្យមានផលប៉ះពាល់យ៉ាងខ្លាំងដល់សង្គមជាតិទាំងមូល៖ «បានន័យថា បើសិនជាទ័ពយើងអត់មានទឹកមានអីមែន ឬមួយមានបញ្ហាមួយចំនួនគាត់ចង់លើកឡើង ត្រូវបានគេរារាំងទៅវិញ វាប៉ះពាល់ច្រើនណាស់ ប៉ះពាល់អ្នកសារព័ត៌មានផង ប៉ះពាល់ការការពារជាតិផង ប៉ះពាល់ប្រទេសយើងក្នុងការលើកតម្កើងរកបញ្ហាដើម្បីដោះស្រាយបញ្ហាជូនប្រជាពលរដ្ឋផង»។
-
អង្គការសិទ្ធិមនុស្សវិភាគលើគុណវិបត្តិក្នុងការបោះឆ្នោតនៅកម្ពុជា
មជ្ឈមណ្ឌលសិទ្ធិមនុស្សកម្ពុជា និយាយថាយុទ្ធនាការបោះឆ្នោតនៅកម្ពុជាច្រើនផ្តោតលើគណបក្សជាជាងគោលនយោបាយ។ នៅថ្ងៃទី ១៥ ខែកុម្ភៈនេះ មជ្ឈមណ្ឌលសិទ្ធិមនុស្សកម្ពុជាបានចេញនូវកំណត់ត្រាមួយស្តីពីកំណែ ទម្រង់នយោបាដោយបានធ្វើការវិភាគទៅលើភាពខ្វះចន្លោះនៃដំណើរការ បោះឆ្នោត និងផ្តល់នូវអនុសាសន៍មួយចំនួនសម្រាប់ធ្វើកំណែទម្រង់នានា ដែលអាចផ្តល់នូវអត្ថប្រយោជន៍យ៉ាងសំខាន់ដល់លទ្ធិប្រជាធិបតេយ្យ ក្នុងប្រទេសកម្ពុជា។
-
គ្រួសារជនរងគ្រោះ៖ យុវជនម្នាក់ស្លាប់ ដោយសារពេទ្យមិនយកចិត្តទុក
អ្នកចងក្រងឯកសារនៃមជ្ឈមណ្ឌលសិទ្ធិមនុស្សកម្ពុជា លោក ឌុច ពិសិទ្ធ មានប្រសាសន៍ថា នេះជាការធ្វេសប្រហែសរបស់ក្រុមគ្រូពេទ្យដែលមិនបានព្យាបាលអ្នកជំងឺតាមកាតព្វកិច្ចរបស់ខ្លួន។ លោកបន្តថា ករណីនេះគ្រួសារជនរងគ្រោះអាចប្តឹងក្រុមគ្រូពេទ្យនោះ ពីរឿងទ្វេសប្រហែសទុកឲ្យអ្នកជំងឺស្លាប់៖ "" គួរបញ្ជាក់ថា ជនរងគ្រោះ ឈ្មោះ លេង សិទ្ធិ អាយុ១៨ឆ្នាំ ភេទប្រុស រស់នៅឃុំរាប ស្រុកពារំាង ខេត្តព្រៃវែង ត្រូវពស់ចឹកកាលពីព្រឹកទី១៤ ខែកុម្ភៈ ៕
-
អាដហុកអះអាងថារដ្ឋាភិបាលបន្តចេញអនុក្រឹត្យបម្រុងដីឲ្យអ្នកវិនិយោគទុន
ស្របពេលគ្នានោះ មជ្ឈមណ្ឌលសិទ្ធិមនុស្សកម្ពុជា (CCHR) ក៏បានចេញរបាយការណ៍ស្រដៀងគ្នាពីការស្រាវជ្រាវស្ដីពីការផ្តល់ដីសម្បទានសេដ្ឋកិច្ចក្រោយបទបញ្ជា០០៤ ចូលជាធរមាននៅថ្ងៃទី៧ ខែឧសភា ឆ្នាំ២០១២។ ក្នុងរបាយការណ៍របស់មជ្ឈមណ្ឌលនេះ រកឃើញថា រដ្ឋាភិបាលបានប្រគល់ដីសម្បទានសេដ្ឋកិច្ចសរុបចំនួន ៣០កន្លែង ដែលស្មើនឹង ១៩២.២១៣,៣៩ហិកតារ។ តួលេខរកឃើញនេះមានភាពខុសគ្នាខ្លះនៃតួលេខដែលអង្គការអាដហុក រកឃើញ។
គាំទ្រដោយ
