កំពុងស្វែងរកទិន្នន័យ
រកឃើញ: 13.209
-
បណ្ដាញសហគមន៍ព្រៃឡង់អំពាវនាវឲ្យរដ្ឋាភិបាលសហការក្នុងការការពារព្រៃឡង់
បណ្ដាញសហគមន៍ព្រៃឡង់ ដែលមានព្រំប្រទល់ជាប់ខេត្តចំនួនបួន មានកំពង់ធំ ក្រចេះ ស្ទឹងត្រែង និងព្រះវិហារ បានធ្វើសន្និសីទកាសែតជាថ្មីម្តងទៅនៅថ្ងៃទី២២ ខែមករា ដោយអំពាវនាវសុំឲ្យរាជរដ្ឋាភិបាល ធ្វើការកែប្រែខ្លះលើសេចក្តីព្រាងអនុក្រឹត្យនៃការបង្កើតតំបន់ព្រៃការពារ និងអភិរក្សជីវចម្រុះព្រៃឡង់ កាលពីឆ្នាំ២០១១ និងពន្លឿនការអនុម័តលើសេចក្តីព្រាងច្បាប់នោះឲ្យបានឆាប់។
-
រំលឹកខួប៩ឆ្នាំនៃការស្លាប់របស់ លោក ជា វិជ្ជា
កាលពីថ្ងៃទី ២២ ខែ មករា ឆ្នាំ២០១៣ ក្រុមអ្នកកាន់ទុក្ខជាច្រើនបាននាំគ្នាប្រារព្ធពិធីបុណ្យរំលឹកខួប ៩ ឆ្នាំ ក្រោយពេលដែលលោក ជា វិជ្ជា បានទទួលមរណៈភាព ។ លោក ជា មុនី ដែលជាប្អូនប្រុស លោកជា វិជ្ជា បានបកស្រាយស្រាយកណ្តាលចំណោមមនុស្សជាច្រើនថា លោកនឹងដកពាក្យបណ្តឹងករណីឃាតកម្មនេះ ដោយសារអស់ជំនឿចិត្តលើស្ថាប័នតុលាការដែលខ្វះសមត្ថភាពស្វែងរកឃាតកពិតប្រាកដ ដែលបានសម្លាប់បងប្រុសលោក។
អានបន្ត -
ព្រះសង្ឃពីរអង្គ ត្រូវប៉ូលិស ប៉ុស្តិ៍កំបូល សួរនាំរឿង ប្រោសព្រំទឹក ដល់កម្មកររោងចក្រ ភ្នំពេញ៖
ព្រះសង្ឃពីរអង្គ និមន្តមកពីវត្តភូមិថ្មី ត្រូវបានប៉ូលិសប៉ុស្តិ៍កំបូល សួរនាំរឿងទៅប្រោះព្រំ ទឹកដល់កម្មកររោងចក្រ យ៉ាកជិនស្ថិតនៅ សង្កាត់កំបូលខណ្ឌពោធិសែនជ័យ កាលពីថ្ងៃទី២១មករាឆ្នាំ២០១៣។
-
ក្រុមឃ្លាំមើលសុំឲ្យលោក ហ៊ុន សែន លែងអ្នកទោស៤នាក់ នៅថ្ងៃថ្វាយព្រះភ្លើងព្រះបរមសព
ក្រុមប្រឹក្សាឃ្លាំមើលកម្ពុជា សុំឲ្យលោកនាយករដ្ឋមន្ត្រី ហ៊ុន សែន លើកចោលការចោទប្រកាន់ និងដោះលែងលោក សម រង្ស៊ី លោក ម៉ម សូណង់ដូ លោក មឿង សុន និងអ្នកស្រី យ៉ោម បុប្ផា នៅថ្ងៃថ្វាយព្រះភ្លើងព្រះបរមសព ព្រះមហាវីរក្សត្រខ្មែរ។ នៅក្នុងលិខិតរបស់តំណាងក្រុមប្រឹក្សាឃ្លាំមើលកម្ពុជា ដែលជាប្រធានសមាគមគ្រូបង្រៀនកម្ពុជាឯករាជ្យ លោក រ៉ុង ឈុន គោរពជូនលោកនាយករដ្ឋមន្ត្រី ហ៊ុន សែន នៅថ្ងៃចន្ទនេះ បានសរសេរថា នៅជាងមួយសប្ដាហ៍ប៉ុណ្ណោះដល់ថ្ងៃដង្ហែព្រះបរមសព ព្រះបរមរតនកោដ្ឋ និងថ្ងៃថ្វាយព្រះភ្លើងព្រះបរមសព ព្រះករុណា ព្រះបាទសម្ដេច នរោត្តម សីហនុ នៃព្រះមហាវីរក្សត្រខ្មែរ ព្រះវររាជ្យបិតាឯករាជ្យ បូរណភាពទឹកដី និងឯកភាពជាតិខ្មែរ ហើយថ្ងៃនោះ គឺជាថ្ងៃប្រវត្តិសាស្ត្រខ្មែរដែលមិនធ្លាប់មាន ពីព្រោះប្រជារាស្ត្រខ្មែររាប់លាននាក់ និងចូលរួមដង្ហែព្រះបរមសព និងគោរពវិញ្ញាណក្ខន្ធព្រះអង្គ។
-
រដ្ឋាភិបាល ថៅកែរោងចក្រ និងសហជីព ជួបគ្នា និយាយពីការតម្លើងប្រាក់ខែកម្មករ
កិច្ចប្រជុំស្តីពីប្រាក់ឈ្នួលអប្បបរមា សម្រាប់កម្មកររោងចក្រកាត់ដេរ សម្លៀកបំពាក់ និងផលិតស្បែកជើង បានធ្វើឡើង កាលពីព្រឹកថ្ងៃចន្ទ ទី២១មករានេះ។ កិច្ចប្រជុំ ដែលដឹកនាំដោយរដ្ឋមន្ត្រីក្រសួងសង្គមកិច្ច និងក្រសួងការងារ ដោយមានការចូលរួមពីតំណាងភាគីថៅកែរោងចក្រ និងភាគីសហជីពតំណាងកម្មករ ព្រមទាំងអង្គការពលកម្មអន្តរជាតិ ILO បានព្រមព្រៀងថា សហជីពកម្មករ ត្រូវជួបប្រជុំគ្នា ស្វែងរកការឯកភាពរួម លើការទាមទារតម្លើងប្រាក់ខែកម្មករ មុននឹងកិច្ចប្រជុំសម្រេចចុងក្រោយលើការតម្លើងប្រាក់ខែកម្មករ នៅថ្ងៃទី២៦ ខែកុម្ភៈ។
-
កម្មករនៅខេត្តកណ្តាលជាង ៣០ នាក់ដួលសន្លប់
កម្មការិនីនៅរោងចក្រដេរបាល់ និងស្រោមដៃ ឈ្មោះ គ្លូប៊ល (Global) ស្ថិតនៅភូមិដំណាក់អំពិល ឃុំដំណាក់អំពិល ស្រុកអង្គស្នួល ខេត្តកណ្តាល ជាង ៣០ នាក់បានដួលសន្លប់ជាបន្តបន្ទាប់ដោយពុំដឹងមូលហេតុ នៅថ្ងៃទី ១៧ ខែ មករា ឆ្នាំ ២០១៣។
-
លោក ជា មុនី បានពន្យាពេលធ្វើបាតុកម្មថ្ងៃទី ២៧ ខែមករា ឆ្នាំ២០១៣
លោក ជា មុនី ប្រធានសម្ពន្ធ័សហជីពសេរីកម្មករកម្ពុជា បានធ្វើការពន្យាពេលការធ្វើកូដកម្មដែលគ្រោងនឹងប្រារព្ធឡើងនៅថ្ងៃទី ២៧ ខែ មករានេះ។ បើយោងតាមលិខិតដែលដាក់ជូនសាលារាជធានីភ្នំពេញលោក កែប ជុតិមា ថា សហជីព នឹងពន្យាពេលធ្វើកូដកម្មអហិង្សា ដែលធ្វើឡើងដោយកម្មកររោងចក្រស្បែកជើងប្រហែលជា ១,០០០ នាក់ នៅទីលានប្រជាធិបតេយ្យ ដោយសារតែកុំអោយប៉ះពាល់ដល់ព្រះរាជពិធីថ្វាយព្រះភ្លើងដល់ព្រះបរមសព ព្រះបរមរតនកោដ្ឋ ព្រះបាទនរោត្តម សីហនុ នៅថ្ងៃទី ១ ខែ កុម្ភៈ ខាងមុខនេះ។
អានបន្ត -
ក្រុមអ្នកដែលមានជម្លោះដីធ្លីស្នើសុំការអន្តរាគមន៏ពីគណបក្សប្រជាជន
ប្រជាពលរដ្ឋអ្នកភូមិបឹងកក់ដែលគេបណ្តេញចេញ ប្រហែលជា១០០ នាក់បានធ្វើការតវ៉ានៅខាងមុខស្នាក់ការកណ្តាលគណបក្សប្រជាជន សុំអោយមាកការអន្តរគមន៏លើបញ្ហាដីធ្លីរបស់ពួកគាត់ និងធ្វើការដោះលែងសកម្មជនសហគមន៏ដែលបានជាប់ពន្ធនាគារអោយមានសេរីភាពវិញ។
-
លោក ខៀវ សំផន ត្រូវបានបញ្ជូនទៅកាន់មន្ទីពេទ្យ
មេខ្មែរក្រហម លោក ខៀវ សំផន ត្រូវបានគេបញ្ជូនទៅកាន់មន្ទីពេទ្យមិត្តភាពខ្មែរ សូវៀត កាលពីម្សិលម៉ិញនេះ ដោយសារអការៈទន់ខ្សោយ និង ពិបាកដកដង្ហើមខ្លាំង ត្រឹមតែ ៤ ថ្ងៃប៉ុណ្ណោះ បន្ទាប់ពីលោក នួន ជា ត្រូវបានសំរាកព្យាបាលជង្ងឺរលាកទងសួត។
-
CCHR ជំរុញអ្នកនយោបាយអោយមានភាពចាស់ទុំមុនការបោះឆ្នោត។
មជ្ឈមណ្ឌលសិទ្ធិមនុស្សកម្ពុជា អំពាវនាងអោយអ្នកនយោបាយទាំងអស់ មានភាពចាស់ទុំផ្នែកនយោបាយ ដើម្បីជម្រុញអោយនាវាកម្ពុជាឆ្ពោះទៅរកលិទ្ធិប្រជាធិបតេយ្យ ខណៈមានសកម្មជនតស៊ូនតិមួយចំនួនត្រូវបានចាប់ខ្លួនមុនការបោះឆ្នោត។
អានបន្ត -
ផ្ទន្ទាទោសជនជាតិបារាំងអោយជាប់ពន្ធនាគាររយៈពេល ១៤ ខែពីបទសេពកាមជាមួយកុមារ
កាលពីម្សិលម៉ិញ សាលាដំបូងខេត្តកណ្តាលចេញសាលក្រមសម្រេចផ្តន្ទាទោសបុរសជនជាតិបារាំងម្នាក់ ដែលបានសេពកាមជាមួយកុមារា អាយុ 13 ឆ្នាំ អោយជាប់ពន្ធនាគាររយៈពេល ១៤ ខែ។
-
ប្រជាពលរដ្ឋនាំគ្នាតវ៉ានៅខាងមុខសាលាដំបូងខេត្តកំពង់ស្ពឺ
ប្រជាពលរដ្ឋប្រមាណជា ៤០០នាក់ មកពីសហគមន៏ដីធ្លីបាននាំគ្នាមកតវ៉ានៅខាងមុខសាលាដំបូង ខេត្តកំពង់ស្ពឺ ដើម្បីចាំមើលការកាត់ក្តីលើអ្នកដំណាងរបស់ពួកគេក្នុងជម្លោះដីធ្លីដរ៉ាំរៃមួយដែលមាន រយៈពេលជាង ៥ ឆ្នាំហើយជាមួយនឹងអ្នកមានអំណាចដែលបានរំលោភយកដីពួកគាត់។
-
មន្រ្តីសិទ្ធិមនុស្សបើកយុទ្ធនាការស្វែងរកការគាំទ្រឲ្យដោះលែង លោក ម៉ម សូណង់ដូ
មជ្ឈមណ្ឌលសិទ្ធិមនុស្សកម្ពុជា នៅថ្ងៃអង្គារនេះ បានបើកយុទ្ធនាការរកការគំាំទ្រពីសាធារណជន ជំរុញឲ្យរដ្ឋាភិបាលដោះលែងប្រធានវិទ្យុសំបុកឃ្មុំ លោក ម៉ម សូណង់ដូ ពីពន្ធនាគារ។ យុទ្ធនាការនេះ បានធ្វើឡើងស្របពេលដែលលោក ម៉ម សូណង់ដូ បានឃុំក្នុងពន្ធនាគារអស់រយៈពេល ១៨៦ថ្ងៃ ក្នុងចំណោមទោស ២០ឆ្នាំ ដែលតុលាការកាត់ទោស ពីបទបង្កើតចលនាអបគមន៍នៅខេត្តក្រចេះ។
-
មជ្ឈមណ្ឌលសិទ្ធិមនុស្សកម្ពុជា ផ្តើមយុទ្ធនាការ "ប្រតិទិនយុត្តិធម៌ សម្រាប់លោក ម៉ម សូណង់ដូ"
មជ្ឈមណ្ឌលសិទ្ធិមនុស្សកម្ពុជា របស់លោក អ៊ូ វីរៈ នៅព្រឹកថ្ងៃទី១៥ ខែមករា ឆ្នាំ២០១៣ បានធ្វើសន្និសីទកាសែតប្រកាសបើកសម្ពោធយុទ្ធនាការ "ប្រតិទិនយុត្តិធម៌ លោក ម៉ម សូណង់ដូ"។ ក្នុងនោះកម្មវិធីនោះក៏មានការប្រកួតរចនាប័ណ្ណប៉ុស្តាល់ សម្រាប់ឧទ្ទិសជាពិសេសដល់លោក ម៉ម សូណង់ដូ នាយកវិទ្យុសំបុកឃ្មុំ និងជាប្រធានសមាគមអ្នកប្រជាធិបតេយ្យ ដែលកំពុងជាប់ពន្ធនាគារផងដែរ។
អានបន្ត -
កម្មកររបស់ក្រុមហ៊ុន Wal- Mart នៅតែបន្តរធ្វើបាតុកម្ម
បើយោងតាមកម្មកររោងចក្រ និង សហជីព បាននិយាយថា កម្មករប្រហែលជា 80នាក់ បានបន្តរធ្វើបាតុកម្មតវ៉ាទាមទារអោយម្ចាស់ក្រុមហ៊ុន ផ្គត់ផ្គង់ខោអាវទ្រនាប់ទៅសហរដ្ឋអាមេរិច ឈ្មោះថា Wal-Mart ស្ថិតនៅខណ្ឌ័មានជ័យ រាជាធានីភ្នំពេញអោយបើកប្រាក់ខែអោយពួកគាត់។
-
ចំនួនប្រជាជនខ្មែរធ្វើចំណាកស្រុករកការងារធ្វើនៅតែមានកំរិតខ្ពស់
បើយោងតាមរបាយការណ៏របស់អង្គការអន្តោប្រវេសន៏អន្តរជាតិ(IOM) បានអោយដឹងថា បុរស ស្រី និងកុមារជាច្រើននៅតែបន្តរធ្វើចំណាកស្រុកដើម្បីស្វែងរកការងារធ្វើនៅតាមបណ្តារប្រទេសជិតខាងកម្ពុជា ហើយការងារដែលគេធ្វើនៅឯបរទេសនោះគឺមានដូចជា កម្មករតាមទូកនេសាទ ស្រ្តីមេផ្ទះ ដែលការងារលំបាកខ្លាំងណាស់ និង ប្រឈមមុខនឹងការរំលោភសិទ្ធិមនុស្សទៀតផង។
-
បញ្ហាប្រឈមរបស់អ្នកការពារសិទ្ធិមនុស្សនិងសេរីភាពបញ្ចេញមតិ
មជ្ឈមណ្ឌលសិទ្ធិមនុស្សកម្ពុជា ផ្សព្វផ្សាយគោលនយោបាយសង្ខេបស្ដីពីអ្នកការពារសិទ្ធិមនុស្ស និងសេរីភាពបញ្ចេញមតិនៅកម្ពុជា។ មន្ត្រីសម្របសម្រួលគម្រោងសេរីភាពបញ្ចេញមតិ កញ្ញា សន រ៉ាមណា នៅថ្ងៃទី១៣ មករា មានប្រសាសន៍ថា គោលនយោបាយសង្ខេបស្ដីពីអ្នកការពារសិទ្ធិមនុស្ស និងសេរីភាពបញ្ចេញមតិ ចងក្រងឡើងសម្រាប់ឲ្យរាជរដ្ឋាភិបាល និងសាធារណៈជនយកមកសិក្សាស្វែងយល់ ព្រមទាំងរិះរកវិធីដោះស្រាយបញ្ហា។
-
ក្រុមអ្នករត់ម៉ូតូឌុបលើកគ្នាទៅតវ៉ានៅមជ្ឈមណ្ឌលសិទ្ធិមនុស្សកម្ពុជាជាលើកទី២
សមាគមអ្នករត់ម៉ូតូឌុបនៅកម្ពុជាប្រមាណជាង ១០០នាក់ កាលពីព្រឹកថ្ងៃទី១០ ខែមករានេះ បានលើកគ្នាមកតវ៉ានៅមុខមជ្ឈមណ្ឌលសិទ្ធិមនុស្សកម្ពុជាជាលើកទី២ ដើម្បីទាមទារឲ្យលោកអ៊ូ វីរៈ ប្រធានមជ្ឈមណ្ឌលនេះ កែតម្រូវនូវសម្តីរបស់ខ្លួន ដែលលោកបាននិយាយនៅលើសារព័ត៌មាននានាជាពិសេសនៅក្នុងការសែតភ្នំពេញប៉ុស្តិ៍ចំពោះករណីរបស់អ្នកស្រីយ៉ោម បុប្ផា។
-
ករណីវិវាទការងារនៃបណ្តារឧស្សាហកម្មកាត់ដេរ និង ស្បែកជើងបានកើនឡើងជាងឆ្នាំមុន
បើយោងតាមរបាយការណ៏របស់ក្រុមប្រឹក្សាអាជ្ញាកណ្តាល វិវាទការងារក្នុងឧស្សាហកម្មកាត់ដេរ និង ផលិតស្បែកជើងឆ្នាំ២០១២នេះ មានទៅដល់ ២៣០ករណីបើធៀបទៅនឹងកម្មករប្រមាណជា ៩៨,០០០នាក់ វាជាទូលេខដែលខ្ពល់ជាងកាលពីឆ្នាំ ២០១១ ដែលមានតែ ១៦១ ករណីប៉ុណ្ណោះ។
-
ក្រុមអ្នករត់ម៉ូតូកង់បី និង ម៉ូតូឌុបស្នើរអោយ NGO បកស្រាយបំភ្លឺ
ក្រុមម៉ូតូកង់បី និង ម៉ូតូឌុមប្រមាណជា ១០០ នាក់បានមកធ្វើការតវ៉ានៅក្រៅអង្គការ សិទ្ធិមនុស្សក្នុងស្រុកមួយ ទាមទារអោយប្រធានអង្គការ ធ្វើការបកស្រាយបំភ្លឺទាក់ទងរឿង ការកាត់ទោសលោកស្រី យ៉ោម បុប្ភា ដែលជាអ្នកភូមិបឹងកក់ដែលចោទពីបទហឹង្សានោះឡើងវិញ។
គាំទ្រដោយ
