-
កំណត់ត្រាសង្ខេប ការបំបែកកិច្ចដំណើរការនីតិវិធីនៃសំណុំរឿង ០០២ នៅអង្គជំនុំជម្រះវិសាមញ្ញក្នុងតុលាការកម្ពុជា ខែតុលា ឆ្នាំ២០១៣
- កាលបរិច្ឆេទចេញផ្សាយ: ១៤-តុលា-២០១៣
- ការចេញផ្សាយ: របាយការណ៍
ពិស្ដារ កំណត់ត្រាសង្ខេបនេះ មានគោលបំណងសង្ខេបការវិវឌ្ឍន៍នៅក្នុងការជំនុំជម្រះ ដែលរង់ចាំអស់រយៈពេលជាយូរលើអតីតមេដឹកនាំខ្មែរក្រហម គឺលោក នួន ជា និង លោក ខៀវ សំផន (សំណុំរឿង ០០២) នៅក្នុងអង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក)។ កំណត់ត្រាសង្ខេបនេះនឹងផ្តោតជាសំខាន់លើសេចក្តីសម្រេចនៃអង្គជំនុំជម្រះសាលាដំបូងរបស់ អ.វ.ត.ក ក្នុងការបំបែកសំណុំរឿង ០០២ ឱ្យទៅជាការជំនុំជម្រះតូចៗ ដែលមិនទាន់ដាច់សេ្រច (ការបំបែកកិច្ចដំណើរនីតិវិធី) ហើយនឹងកត់សម្គាល់នូវរបៀប ដែលតុលាការធ្វើឱ្យប៉ះពាល់ដល់ការវិវឌ្ឍន៍នៃការជំនុំជម្រះលើមេដឹកនាំខ្មែរក្រហម និងជាទូទៅការសម្រេចបាននូវយុត្តិធម៌ និងការផ្សះផ្សាជាតិនៅក្នុងព្រះរាជាណាចក្រកម្ពុជា (កម្ពុជា)។
ទាញយកអានបន្ត -
សៀវភៅមគ្គុទេសក៍ស្តីពីនីតិវិធីព្រហ្មទណ្ឌនៅតុលាការកម្ពុជា៖ នីតិវិធីមុនការជំនុំជម្រះ និងការជំនុំជម្រះ
- កាលបរិច្ឆេទចេញផ្សាយ: ២៦-សីហា-២០១៣
- ការចេញផ្សាយ: ផ្សេងៗ
ពិស្ដារ ”នីតិវិធីមុនការជំនុំជម្រះ និងការជំនុំជម្រះ៖ សៀវភៅមគ្គុទេសក៍ស្តីពីនីតិវិធីព្រហ្មទណ្ឌនៅតុលាការកម្ពុជា” ត្រូវបានរៀបចំឡើងសម្រាប់ធ្វើជាសេចក្តីណែនាំដល់អ្នកអនុវត្តច្បាប់ ដែលលើកឡើងយ៉ាងជាក់លាក់អំពីនីតិវិធីមុនការជំនុំជម្រះ និងការជំនុំជម្រះជាគន្លឹះ ព្រមទាំងដំណើរការនៃបណ្តឹងទៅតុលាការជាន់ខ្ពស់ជាមូលដ្ឋាននៅក្នុងតុលាការកម្ពុជា ដើម្បីផ្តល់ភាពងាយស្រួលក្នុងការស្វែងរក និងការយល់ដឹងសម្រាប់បុគ្គលទាំងឡាយ ដែលពុំបានទទួលការបណ្តុះបណ្តាលផ្នែកច្បាប់ជាផ្លូវការ។ ហេតុដូចនេះ សៀវភៅមគ្គុទេសក៍នេះមានទិសដៅសំខាន់ផ្តោតលើសាធារណជន និស្សិតច្បាប់ និងមេធាវីដែលទើបប្រកបវិជ្ជាជីវៈថ្មីៗ។
ទាញយកអានបន្ត -
កំណត់ត្រាសង្ខេបរបស់ ម.ស.ម.ក ស្តីពីការអនុវត្តន៍ការឃុំខ្លួនបណ្តោះអាសន្ននៅក្នុងតុលាការកម្ពុជា
- កាលបរិច្ឆេទចេញផ្សាយ: ១៤-កក្កដា-២០១៣
- ការចេញផ្សាយ: របាយការណ៍
ពិស្ដារ ខ្លឹមសារសង្ខេបនេះ ពិនិត្យមើលលើការអនុវត្តន៍វិធានការឃុំខ្លួនបណ្តោះអាសន្ននៅក្នុងតុលាការជាតិ នៅព្រះរាជាណាចក្រកម្ពុជា (“កម្ពុជា”) រិះរកជម្រើសផ្សេងក្រៅពីការឃុំខ្លួនបណ្តោះអាសន្ន និងផ្តល់អនុសាសន៍ដើម្បីធ្វើកំណែទម្រង់លើប្រព័ន្ធនៃការឃុំខ្លួនបណ្តោះ អាសន្ននាពេលបច្ចុប្បន្ននេះ។
ទាញយកអានបន្ត -
ការវិភាគផ្នែកច្បាប់ជុំវិញបទចោទប្រកាន់ និងការកាត់ទោសលើសកម្មជនដីធ្លីអ្នកស្រី យ៉ោម បុប្ផា (ករណីក្រហ្មទណ្ឌលេខ១៥៦០)
- កាលបរិច្ឆេទចេញផ្សាយ: ២-មិថុនា-២០១៣
- ការចេញផ្សាយ: របាយការណ៍
ពិស្ដារ កាលពីថ្ងៃទី២៧ ខែធ្នូ ឆ្នាំ២០១២ អ្នកស្រី យ៉ោម បុប្ផា ("ចុងចោទ") ដែលជាសកម្មជនដីធ្លីមកពីសហគមន៍បឹងកក់នៃទីក្រុងភ្នំពេញ ត្រូវបានរកឃើញពិរុទ្ធភាពពីបទ "ហឹង្សាដោយចេតនាមានស្ថានទម្ងន់ទោស" តាមមាត្រា២១៨ នៃក្រមព្រហ្មទណ្ឌឆ្នាំ២០០៩ ("ក្រមព្រហ្មទណ្ឌ") ហើយត្រូវបានកាត់ទោសឲ្យជាប់ពន្ធនាគារចំនួន៣ឆ្នាំ។
ទាញយកអានបន្ត -
អត្ថបទសង្ខេបនៃការវិភាគផ្លូវច្បាប់លើការចោទប្រកាន់ និងការផ្តន្ទាទោសលើអ្នកសារព័ត៌មាននិងសកម្មជនការពារសិទ្ធិមនុស្សគឺលោក ម៉ម សូណង់ដូ (សំណុំរឿងព្រហ្មទណ្ឌ លេខ២២០៧)
- កាលបរិច្ឆេទចេញផ្សាយ: ៣-មីនា-២០១៣
- ការចេញផ្សាយ: របាយការណ៍
ពិស្ដារ នៅថ្ងៃទី០១ ខែតុលា ឆ្នាំ២០១២ លោក ម៉ម សូណង់ដូ ("ជនជាប់ចោទ") ដែលជាម្ចាស់វិទ្យុសំបុកឃ្មុំ និងជាប្រធានអង្គការមិនមែនរដ្ឋាភិបាលដ៏ល្បី’’("អ.ម.រ") ដែលហៅថាសមាគមអ្នកប្រជាធិបតេយ្យត្រូវបានតុលាការរកឃើញពិរុទ្ធភាពពីបទចោទប្រកាន់ចំនួន៦ករណី ("បទចោទប្រកាន់")’’តាមក្រមព្រហ្មទណ្ឌឆ្នាំ២០០៩ ("ក្រមព្រហ្មទណ្ឌ") បន្ទាប់ពីសវនាការជំនុំជម្រះរយៈពេល៤ថ្ងៃនៅសាលាដំបូងរាជធានីភ្នំពេញ’’ចាប់ពីថ្ងៃទី១១ ដល់១៤ ខែកញ្ញាឆ្នាំ២០១២’’ជាសរុបហៅថា ("ការជំនុំជម្រះ")។
ទាញយកអានបន្ត -
កំណត់ត្រាសង្ខេបរបស់ ម.ស.ម.ក ស្តីពីកំណែទម្រង់ប្រព័ន្ធតុលាការ
- កាលបរិច្ឆេទចេញផ្សាយ: ១៨-កុម្ភៈ-២០១៣
- ការចេញផ្សាយ: របាយការណ៍
ពិស្ដារ កំណត់ត្រាសង្ខេបនេះគូសបញ្ជាក់ពីបច្ចុប្បន្នភាពនៃប្រព័ន្ធតុលាការក្នុងព្រះរាជាណាចក្រកម្ពុជា (កម្ពុជា) វិភាគលើចំណុចខ្វះខាតមួយចំនួនក្នុងការបំពេញមុខងាររបស់ប្រព័ន្ធយុត្តិធម៌’’និងតុលាការ ហើយនិងផ្តល់នូវអនុសាសន៍មួយចំនួនដើម្បីធ្វើកំណែទម្រង់ ដែលនឹងផ្តល់នូវអត្ថប្រយោជន៍ដ៏ធំធេងដល់ការបំពេញតួនាទីរបស់ប្រព័ន្ធយុត្តិធម៍ និងជួយសម្រួលឱ្យឯកភាពនៃប្រព័ន្ធតុលាការក្នុងប្រទេសកម្ពុជាបានកាន់តែប្រសើរឡើង។
ទាញយកអានបន្ត -
សិទ្ធិទទួលបានការជំនុំជម្រះដោយយុត្តិធម៌នៅកម្ពុជា៖ របាយការណ៍ប្រចាំឆមាសលើកទី៥
- កាលបរិច្ឆេទចេញផ្សាយ: ១៥-វិច្ឆិកា-២០១២
- ការចេញផ្សាយ: របាយការណ៍
ពិស្ដារ របាយការណ៍ប្រចាំឆមាសស្តីពីសិទិ្ធទទួលបានការជំនុំជម្រះដោយយុត្តិធម៌នៅកម្ពុជា (របាយការណ៍) គឺជាលទ្ធផលមួយនៃគម្រោងសង្កេតការណ៍សវនាការនៅកម្ពុជា (គម្រោង) ដែលអនុវត្តដោយ ម.ស.ម.ក។ របាយការណ៍នេះបង្ហាញ និងវិភាគនូវទិន្នន័យ ដែលប្រមូលបានពីការសង្កេតការណ៍សវនាការចំនួន ៤៦៣ ដែលរួមមានជនជាប់ចោទចំនួន៩១៥នាក់ នៅសាលាដំបូងរាជធានី (តុលាការរាជធានីភ្នំពេញ) សាលាដំបូងខេត្តបន្ទាយមានជ័យ (តុលាការខេត្តបន្ទាយមានជ័យ) សាលាដំបូងខេត្តរតនគិរី (តុលាការខេត្តរតនគិរី) និងសាលាដំបូងខេត្តកណ្តាល (តុលាការខេត្តកណ្តាល) ពីថ្ងៃទី០១ ខែកក្កដា ដល់ថ្ងៃទី៣១ ខែធ្នូ’’ឆ្នាំ២០១១ (អំឡុងពេលរបាយការណ៍ទី៥)។ នេះគឺជារបាយការណ៍ប្រចាំឆមាសលើកទី៥នៃគម្រោង។
ទាញយកអានបន្ត -
កំណត់ត្រាសង្ខេប៖ ទិដ្ឋភាពរួមនៃច្បាប់កម្ពុជាពាក់ព័ន្ធនឹងសេរីភាពបញ្ចេញមតិ និងការសង្ខេបករណីសិក្សាថ្មីៗដើម្បីបង្ហាញពីរបៀបអនុវត្តច្បាប់ និងការអនុវត្តន៍ទាំងបំពានក្នុងបង្ក្រាបសំឡេងជំទាស់
- កាលបរិច្ឆេទចេញផ្សាយ: ៣០-តុលា-២០១២
- ការចេញផ្សាយ: របាយការណ៍
ពិស្ដារ កំណត់ត្រាសង្ខេបនេះបង្ហាញពីសិទ្ធិសេរីភាពខាងការបញ្ចេញមតិ ដែលត្រូវបានការពារដោយច្បាប់កម្ពុជា ផ្តល់នូវទិដ្ឋភាពរួមនៃបទប្បញ្ញត្តិច្បាប់ ដែលកំពុងអនុវត្តពាក់ព័ន្ធនឹងបទបរិហារកេរ្តិ៍ ឬបទប្បញ្ញតិ្តច្បាប់ដែលមានឥទ្ធិពលមកលើសិទ្ធិសេរីភាពខាងការបញ្ចេញមតិក្នុងព្រះរាជាណាចក្រកម្ពុជា (កម្ពុជា) និងពិភាក្សាអំពីករណីសិក្សាថ្មីៗមួយចំនួន ដែលបទប្បញ្ញតិ្តទាំងនេះត្រូវបានប្រើប្រាស់ជាឧបករណ៍ ដើម្បីបំបិទមាត់អ្នករិះគន់រាជរដ្ឋាភិបាល (រដ្ឋាភិបាល) និងគោលនយោបាយរបស់ខ្លួន។
ទាញយកអានបន្ត -
សិទ្ធិទទួលបានការជំនុំជម្រះដោយយុត្តិធម៌នៅកម្ពុជា៖ របាយការណ៍ប្រចាំឆមាសលើកទី៤
- កាលបរិច្ឆេទចេញផ្សាយ: ១៥-សីហា-២០១២
- ការចេញផ្សាយ: របាយការណ៍
ពិស្ដារ របាយការណ៍ប្រចាំឆមាសស្តីពីសិទិ្ធទទួលបានការជំនុំជម្រះដោយយុត្តិធម៌នៅកម្ពុជានេះ (របាយការណ៍) គឺជាលទ្ធផលមួយនៃគម្រោងសង្កេតការណ៍សវនាការនៅកម្ពុជា (គម្រោង) ដែលអនុវត្តដោយ ម.ស.ម.ក។ របាយការណ៍នេះបង្ហាញ និងវិភាគនូវទិន្នន័យដែលប្រមូលបានពីការសង្កេតការណ៍សវនាការចំនួន៣៩៨ ដែលរួមមានជនជាប់ចោទចំនួន ៦៨៨ នៅសាលាដំបូងរាជធានីភ្នំពេញ (តុលាការរាជធានីភ្នំពេញ) និងសាលាដំបូងខេត្តកណ្តាល (តុលាការខេត្ត កណ្តាល) ពីថ្ងៃទី០១ ខែមករា ដល់ថ្ងៃទី៣០’’ខែមិថុនា ឆ្នាំ២០១១ (អំឡុងពេលរបាយការណ៍ទី៤)។ នេះគឺជារបាយការណ៍ប្រចាំឆមាសលើកទី៤នៃគម្រោង។
ទាញយកអានបន្ត -
កំណត់ត្រាសង្ខេបរបស់ ម.ស.ម.ក ស្តីពីករណីរបស់អ្នកការពារសិទ្ធិមនុស្សលោក ម៉ម សូណង់ដូ
- កាលបរិច្ឆេទចេញផ្សាយ: ២-សីហា-២០១២
- ការចេញផ្សាយ: របាយការណ៍
ពិស្ដារ កំណត់ត្រាសង្ខបនេះលើកឡើងអំពីទិដ្ឋភាពទូទៅនៃករណីរបស់លោក’’ម៉ម សូណង់ដូ ប្រធានស្ថានីយវិទ្យុសំបុកឃ្មុំ និងជាប្រធានសមាគមអ្នកប្រជាធិបតេយ្យ ដែលត្រូវបានប៉ូលីសមួយក្រុមប្រហែល២០នាក់ចាប់ខ្លួន កាលពីថ្ងៃទី១៥’’ខែកក្តដា ឆ្នំា២០១២ នៅផ្ទះរបស់គាត់ដោយផ្អែកលើបទចោទប្រកាន់ទាក់ទងទៅនឹងចលនាបង្កើតតំបន់អបគមន៍ក្នុងខេត្តក្រចេះ’’។
ទាញយកអានបន្ត -
សលាកប័ត្រព័ត៌មាន៖ អង្គជំនុំជម្រះវិសាមញ្ញក្នុងតុលាការកម្ពុជា
- កាលបរិច្ឆេទចេញផ្សាយ: ២៧-កក្កដា-២០១២
- ការចេញផ្សាយ: របាយការណ៍
ពិស្ដារ សលាកប័ត្រនេះពណ៌នាអំពីទិដ្ឋភាពទូទៅ នៃអ.វ.ត.ក លើក្របខណ្ឌច្បាប់ និងរឿងចម្រូងចម្រាសនាពេលថ្មីៗនេះដែលក្នុងនោះរួមមាន ការចោទប្រកាន់អំពីការជ្រៀតជ្រែកនយោបាយផងដែរ។ សលាកបត្រនេះក៏ផ្តល់នូវអនុសាសន៍ ដែលពិចារណាអំពីកេរ្តិ៍តំណែល ដែលស្ថាប័ននេះនឹងបន្សល់ទុកសម្រាប់តុលាការ និងនីតិរដ្ឋនៅប្រទេសកម្ពុជា។
ទាញយកអានបន្ត -
សលាកប័ត្រព័ត៌មាន៖ សាលាឧទ្ធរណ៍នៃប្រទេសកម្ពុជា
- កាលបរិច្ឆេទចេញផ្សាយ: ២៩-មិថុនា-២០១២
- ការចេញផ្សាយ: របាយការណ៍
ពិស្ដារ សាលាឧទ្ធរណ៍គឺជាតុលាការនៅកណ្តាលមួយ ដែលស្ថិតនៅរាជធានីភ្នំពេញ ត្រូវបានផ្តល់អំណាចដើម្បីជំនុំជម្រះរាល់បណ្តឹងឧទ្ធរណ៍ទាំងលើបញ្ហាអង្គច្បាប់ និង/ឬ អង្គហេតុលើសេចក្តីសម្រេចព្រហ្មទណ្ឌ និងរដ្ឋប្បវេណីទាំងអស់របស់គ្រប់សាលាដំបូងនៅទូទាំងព្រះរាជាណាចក្រកម្ពុជា (“កម្ពុជា”)។
ទាញយកអានបន្ត